Kommunereforma Haram

INFORMASJON 

Kommunereforma 

TA VALET! 

HARAM SOM 

EIGEN KOMMUNE? 

DEN NYE KOMMUNEN 

HARAM SANDØY? 

REGIONKOMMUNEN 

ÅLESUND?

GENERELT OM KOMMUNEREFORM 

KVIFOR EI KOMMUNEREFORM? 

I 2014 fekk alle kommunane i landet i oppdrag frå Regjering 

og Storting å starte prosessen med å avklare om det er 

aktuelt å slå seg saman med nabokommunar. Ei klar statleg 

føring er å skape betre samsvar mellom kommunegrenser 

og naturlege arbeids-, buog serviceregionar (ABSregionar), 

der folk ferdast i det daglege mellom bustad-, 

arbeid-, service- og fritidsaktivitetar. 

Målet med kommunereforma er større, meir robuste 

kommunar med auka makt og myndigheit. Stortinget har 

bede kommunane greie ut korleis ein best kan utøve 

mynde, ivareta demokratiet, levere tenester og drive god 

samfunnsutvikling innafor avgrensa økonomiske rammer i 

framtida. 

Haram kommunestyre skal gjere lokalt vedtak om eventuell 

samanslåing innan 1. juli 2016. Deretter skal Fylkesmannen 

kome med tilråding om framtidig kommunestruktur overfor 

departementet. Stortinget skal gjere endeleg vedtak 

våren 2017 med iverksetting frå neste kommunestyreperiode 

(2020). 

KVA ER EIN INTENSJONSAVTALE? 

Ein intensjonsavtale er resultatet av forhandlingar mellom 

kommunane som saman ønskjer å bygge ein ny kommune. 

Avtalen er ikkje juridisk bindande, men den syner kva for 

prinsipp ein ønskjer å leggje til grunn for arbeidet fram mot 

ein ny kommune 

KVA ALTERNATIV HAR HARAM KOMMUNE? 

Etter endt forhandling har Haram kommunestyre kome 

fram til 3 alternativ: 

1. HARAM HELD FRAM SOM EIGEN KOMMUNE 

2. HARAM OG SANDØY 

3. REGIONKOMMUNE ÅLESUND 

Det er desse alternativa ein no skal velje mellom. 

KORLEIS HAR EIN ARBEIDD? 

Kommunestyret har sett ned eit forhandlingsutval som har 

delteke i forhandlingar med nabokommunane. Utvalet har 

vore leia av ordføraren. Det er innhenta synspunkt og råd 

frå aktuelle utval og instansar i kommunen; næringsliv, 

ungdomsråd, tilsette og tillitsvalde i kommunen, og 

gjennom folkemøte. 

FOLKEMØTE 

26. april 

Brattvåg, Ingebrigt Davik-huset kl. 18.00 

27. april 

Vatne, Eidet kulturhall kl. 18.00 

02. mai 

Haramsøy, samfunnshuset kl. 18.00 

09. mai 

Søvik, Søvik skule kl. 18.00 

2 | Haram Kommune

REGIONKOMMUNEN ÅLESUND 


Kommunane Giske, Haram, Hareid, Sandøy, Skodje, Stordal, 

Sula, Sykkylven, Ørskog og Ålesund har signert ein 

intensjons avtale om å etablere ein ny kommune. Dersom 

alle kommunane blir med vil regionkommunen få om lag 

94 051 innbyggjarar. 

Kommunen skal heite Ålesund. Ålesund skal vere kommunesenter 

med sentrale rådhusfunksjonar knytt til ordførar og 

rådmann. Dei andre kommunesentra skal ha funksjonar 

knytt til kommunedelen og/ eller spesialiserte funksjonar 

for heile den nye kommunen. Det skal lagast nytt kommunevåpen. 

Nynorsk skal vere hovudmålform. 

VISJON OG MÅL 

Regionkommunen skal arbeide for å bli ein kommune med 

nasjonal slagkraft, utvikle ein attraktiv region og bygge på 

lokal identitet. 

Det skal etablerast ein heilt ny og framtidsretta kommune, 

med utgangspunkt i den einskilde kommune sine styrker 

og særpreg. Regionkommunen vil dekke eit naturleg buog 

arbeidsmarknadsområde for innbyggjarane sine, og 

vere i stand til å møte dei store utfordringane i samfunnet. 

Regionkommunen skal ivareta noverande og meir spesialiserte 

oppgåver i framtida, samt ha ansvar for dei tenestene 

som no er organisert gjennom interkommunale samarbeid. 

Regionkommunen Ålesund vil arbeide for: 

• At regionen skal bli ein attraktiv kvardagsregion (buog 

arbeidsmarknadsregion) for innbyggjarane i framtida. 

• Å vere sterkare motvekt mot sentralisering til dei store 

landsdelssentra som Oslo, Bergen og Trondheim. 

• Å prioritere samferdselsprosjekt som medverkar til å 

binde saman regionkommunen. 

• At næringsklynger skal vidareutviklast, og at næringslivet 

kan vekse og utvikle seg. 

• Å styrke forskingsog utdanningsinstitusjonane som 

NTNU og Campusmiljøet på Nørve, samt utvikle samarbeidet 

mellom utdanning og næringsliv. 

• At Ålesund sjukehus skal vere det største sjukehuset i 

fylket og utviklast vidare. 

• Å vere føregangskommune innan digitalisering og 

teknologibaserte tenester. 

• At gevinstane som blir realisert gjennom stordriftsfordelar 

skal gå til å styrke tenestene og realisere måla 

for regionkommune Ålesund. 

SAMFUNNSUTVIKLING OG SAMFERDSEL 

Regionkommunen skal sikre ei samordna planlegging og ha 

ein strategi for å utvikle både by og omland. Det skal 

satsast på lokalsamfunna sine kvalitetar og leggast til rette 

for medverknad. Det skal etablerast samarbeid mellom 

offentleg sektor, næringsliv, frivilleg sektor og forskingsog 

utdanningsinstitusjonar. Kommunen vil byggje opp 

under næringsutvikling, verdiskaping og innovasjon. 

Mangfaldet i kulturlivet skal ivaretakast og vidareutviklast. 

Folkehelsearbeid og arbeid med miljøutfordringar vil få 

høg prioritet. 

Regionkommunen vil arbeide for gode kollektivløysingar 

og samferdselsprosjekt som kan styrke buog arbeidsmarknaden. 

Det skal arbeidast for samferdselsprosjekt og 

fjordkryssingar som bind saman byen og omlandet. 

Hamnsundsambandet og Nordøyvegen er ein del av dette. 

Også Borgundfjordkryssing, HaFast og Storfjordsambandet 

(uprioritert rekkefølgje). Møreaksen og utvikling av Ålesund 

Lufthamn Vigra er viktige satsingar for å betre kommunikasjonen 

til/frå regionen. 

TENESTEUTØVING 

Kommunale tenester og arbeidsplassar skal vere nær 

brukarane, og samtidig vere del av eit større og meir robust 

fagmiljø. Barnehage, SFO, skule, kulturskule, eldreomsorg, 

legesenter, bibliotek, servicetorg, symjebasseng og andre 

basistenester vil i hovudsak vere plassert som i dag. 



Ansvaret for spesialiserte fagmiljø som ikkje er stadbundne 

skal fordelast mellom dei tidligare kommunesentra for å 

samle fagmiljøa. Samtidig vil alle kommunedelsentra få 

viktige kompetansearbeidsplassar og eit ansvar for å 

forvalte desse for heile kommunen. Organiseringa av 

kommunen skal gi gevinstar gjennom å arbeide effektivt, 

og med utstrakt bruk av teknologiske løysingar. 

POLITISK STYRING OG DEMOKRATI 

Den politiske organiseringa skal sikre heilskapleg perspektiv 

og lokal medverknad. Kommunestyret skal ha inntil 

77 medlemmer (dersom alle 10 kommunane blir med). For å 

styrke nærdemokratiet, vil regionkommunen ha politisk 

valde kommunedelsutval. Kommunedelsutvala følgjer dei 

gamle kommunegrensene, med unntak av Ålesund, som 

kan ha fleire utval. 

Kommunedelsutvala skal ha delegert mynde og budsjettansvar 

på avgrensa område. Utvala kan sjølv ta initiativ til 

saker og vere rådgivande organ for dei øvste politiske 

organa. Kommunedelane kan sjølve etablere ulike ordningar 

for dialog med innbyggjarane. Den nye kommunen skal 

ha særleg fokus på digitale plattformer, og løysingar for 

e-demokrati. 

ØKONOMI 

Det er eit mål at økonomien i regionkommunen Ålesund 

skal vere i balanse og vere solid i eit langsiktig perspektiv. 

Prinsippet som blir lagt til grunn er at alle kommunar går 

inn i den nye kommunen som dei er, og legg i potten det 

dei har av verdiar. Alt frå hausten 2016 skal kommunane 

starte ein felles økonomiplanprosess med tanke på den 

nye kommunen. Investeringsprosjekt som er innarbeidd og 

finansierte i økonomiplanane for 2017–2020 i dei tidligare 

kommunane, skal prioriterast i regionkommunen sine 

budsjett- og økonomiplanar. Det vil vere opp til kommunestyret 

i den nye kommunen om det skal vere eigedomsskatt. 

Ei overgangsordning kan etablerast i ein avgrensa 

periode. 

Les heile intensjonsavtalen på www.haram.kommune.no 

Regionkommune Ålesund 

Kommunenamn: Ålesund kommune 

Kommunesenter/Rådhus: Ålesund 

Befolkning 2015: 94 051 

Areal: 1 390 km 2 


DEN NYE KOMMUNEN HARAM – SANDØY 

DEN NYE KOMMUNEN HARAM – SANDØY 

Nordøyvegen er ein føresetnad for å etablere den nye 

kommunen. Kommunen vil få 10470 innbyggjarar, 1270 frå 

Sandøy og 9200 frå Haram. Brattvåg skal vere kommunesenter 

og Steinshamn skal utviklast som ein attraktiv 

tettstad. Kommunen skal heite Haram, og den skal nytte 

Sandøy sitt noverande kommunevåpen. 

tettare tenestesamarbeid på øyane vil ha særskilt fokus. 

Den nye kommunen vil framleis vere avhengig av dei 

fleste interkommunale samarbeidsordningane kommunane 

deltar i i dag. Dersom kommunane rundt Ålesund dannar 

ei ny kommune utan Haram og Sandøy, vil dette bli ei 

utfordring. 

MÅL 

Kommunen skal sikre innbyggjarane gode tenester, under 

eit godt fungerande lokaldemokrati. Kommunen skal 

arbeide for samfunnsutvikling som tek heile kommunen 

i bruk, og nytte mulegheitene som ligg i ei tettare integrering 

med ein større buog arbeidsregion også for øyane. 

POLITISK STYRING 

Kommunestyret skal ha 29 medlemmer og formannskapet 

7. Kommunen skal ivareta etablerte og utvikle nye partnarskapsordningar 

og samarbeid med næringsliv og frivillige. 

Kommunen skal involvere folk til medverknad i demokratiske 

prosessar. 

SAMFUNNSUTVIKLING 

Kommunen skal vere ein tydeleg samfunnsutviklar og utnytte 

kommunens strategiske posisjon på kysten for å utvikle 

næringsliv og arbeidsplassar. Ungdom skal vere ei 

særleg satsing med desentraliserte tilbod, og Brattvåg skal 

utviklast som studiestad og attraktiv møte- og aktivitetsplass 

for ungdom. 

SAMFERDSEL OG INFRASTRUKTUR 

Kommunen vil arbeide for å få realisert samferdsels prosjekt 

som Hamnsundsambandet og vidare sørover Borgundfjordtunnelen. 

Det skal arbeidast for gode kollektiv- og 

kommunikasjonsløysingar internt og for å nå ein større buog 

arbeidsmarknadsregion. Det er viktig med ei sterk rute 

32 mot Aukra. Breibandutbygging og digitale løysingar skal 

prioriterast. 

TENESTEUTØVING 

Større fagmiljø gir mindre sårbare tenester, og dette vil 

særleg gi gevinst for Sandøy sin del. Basistenester som 

skule, barnehage og helse- og omsorg vil ta utgangspunkt 

i dagens ordningar, men må tilpassast den nye kommune 

sin framtidige økonomi og demografiske utvikling. Eit 

ØKONOMI 

Økonomiplan med investeringsplan frå 2017 til 2020 vert 

lagt til grunn. Kommunane legg i potten det dei har av 

verdiar. Det skal vere opp til den nye kommunen om det 

skal vere eigedomsskatt. Avsette fondsmidlar til Nordøyvegen 

inklusive RDA-midlar skal forvaltast i samråd med 

næringslivet etter gjeldande ordning. 

Les heile intensjonsavtalen på www.haram.kommune.no 

Haram og Sandøy 

Kommunenamn: Haram kommune 

Kommunesenter/Rådhus: Brattvåg 


Areal: 276 km 2 


HARAM HELD FRAM SOM EIGEN KOMMUNE 

HARAM SOM EIGEN KOMMUNE 

Haram kommune er del av buog arbeidsmarknaden i 

Ålesundsregionen, og ein del av dei maritime og marine 

næringsklyngene på Sunnmøre. Dei fleste arbeidsplassane i 

kommunen er i dei maritime næringane. 

Kommunen har hatt positiv folketalsutvikling dei siste 10 

åra, særleg i dei mest tettbygde og sentrale områda på 

fastlandet. Mange er tilflyttarar frå utlandet. 

Haram kommune vil framleis kunne tilby basistenester som 

barnehage, SFO, grunnskule, kultur, helse- og omsorgstilbod 

og tekniske tenester. Innanfor dei ulike tenesteområda 

har kommunen bra kompetanse og tilstrekkeleg 

kapasitet i dag. Kommunen har interkommunalt tenestesamarbeid 

om legevakt, IKT, brann og renovasjonsordningar, 

og samarbeider med nabokommunane på ei 

rekke andre område både formelt og uformelt. 

Kommunen har varierte kultur- og fritidstilbod. Det er 

etablert gode samarbeidsrelasjonar mellom kommunen, 

frivillige og næringsliv. 

Når det gjeld økonomi har kommunen høg lånegjeld som 

følgje av store investeringar, og fleire investeringar er 

planlagt dei næraste åra. Kommunen har eit investeringsfond 

som har gitt avkastning over tid, og som har bidratt til 

å oppretthalde driftsøkonomien. Kommunen har ikkje eigedomsskatt 

i dag, men det kan ikkje garanterast at det vil 

vere slik i framtida. 

UTFORDRINGAR MED HARAM SOM EIGEN KOMMUNE 

Sjølv om kommunen veks i folketal, er veksten lågare enn i 

dei næraste nabokommunane til Ålesund. Kommunen har 

ei utfordring med lågare fødselstal og eit høgare tal eldre. 

Konkurransen om arbeidskrafta blir stor i framtida. Trenden 

er at nye arbeidstakarar ønskjer større og robuste fagmiljø. 

Haramssamfunnet er sårbart som følgje av svingningar i 

det globale næringslivet. 

Kommunane har større og meir komplekse oppgåver enn 

for berre få år sidan, og kommunen blir framleis avhengig 

av interkommunalt samarbeid på omfattande og spesialiserte 

teneste i framtida. Det er også behov for meir heilheitleg 

areal- og samfunnsplanlegging over kommunegrensene. 

Kommunane kan ikkje vente større inntekter frå staten i 

framtida. Det er stilt krav til omstilling og effektiv ressursbruk. 

Økonomisk går ein glipp av overføringar frå staten 

ved å stå åleine. Det skal innførast nytt inntektssystem for 

kommunane frå 2017, og det er knytt stor usikkerheit til 

verknadane av dette. Det er lagt opp til at kommunar som 

går saman skal få behalde dei statlege overføringane som 

no i 15–20 år, og får støtte til reformarbeidet. 

Som eigen kommune vil det framleis vere nærleik mellom 

dei styrande og dei som blir styrt. Det er eit godt politisk 

klima på tvers av dei politiske partia, og det er god 

geografisk representasjon i kommunestyret. 


Haram aleine 

Kommunenamn: Haram kommune 

Kommunesenter/Rådhus: Brattvåg 


Areal: 256 km 2 


VIKTIG INFORMASJON OM FOLKERØYSTINGA: 

7. april: Kommunestyret godkjente intensjonsavtalane 

for Haram-Sandøy alternativet og Regionkommune 

Ålesund som grunnlag for innbyggjarhøyringa 

i Haram. Kommunestyret har vedteke at 

det skal gjennomførast ei rådgjevande folkerøysting 

før kommunestyret gjer endeleg vedtak. 

FOLKEMØTE 

26. april Brattvåg, Ingebrigt Davik-huset kl. 18.00–20.00 

27. april Vatne, Eidet kulturhall kl. 18.00–20.00 

02. mai Haramsøy, samfunnshuset kl. 18.00–20.00 

09. mai Søvik, Søvik skule kl. 18.00–20.00 

FOLKERØYSTING 

19. mai Du kan røyste på Fjørtoft skule, Haramsøy skule, 

Lespøy skule, Ingebrigt Davik-huset i Brattvåg, 

Eidet Kulturhall og på Søvik skule. Vallokala er 

opne frå kl. 12.00–20.00 med unntak av Fjørtoft 

som har ope frå kl. 15.00–20.00. 

Du kan førehandsrøyste frå måndag 25. april til og med 

fredag 13. mai på kommunehuset i Brattvåg, servicetorget. 

Frå kl. 08.00–16.00 alle kvardagar. Siste veka 9. mai til og 

med 13. mai frå kl. 08.00–18.00 med unntak av torsdag 12. 

mai som har røystetid til kl. 20.00. 

Det vil også bli høve til å røyste på følgjande institusjonar: 

Haram kvileheim, måndag 9 mai kl. 15.00–17.30. 

Haram omsorgssenter, tysdag 10. mai kl. 11.00–13.00. 

Vatne sjukeheim, onsdag 11. mai kl. 10.00–12.00. 

Alle som ønskjer kan møte opp å røyste! 

Alle som fyller 16 år i 2016 eller er eldre kan røyste. 

I tillegg vil det bli lagt opp til førehandsrøysting på ungdomsskulane 

i kommunen og Haram vidaregåande skule. 

Dag og tid er kunngjort på kommunen si heimeside. 

Dersom du pga sjukdom e.l vil at nokon skal kome heim til 

deg kan du ta kontakt med servicetorget tlf. 70 20 75 00, 

eller sende ein e-post til postmottak@haram.kommune.no 

Frist: onsdag 11. mai. 

Dersom du er folkeregistrert i Haram, men er busett i eller 

oppheld deg i ein annan kommune eller utanlands, kan du 

røyste via brevpost. Korleis slik brevrøysting skal skje kan 

du lese på kommunen si heimeside www. haram.kommune. 

no under folkerøysting. 

Du får ikkje tilsendt valkort i posten. Hugs å ta med 

legitimasjon når du skal røyste! 

VED FOLKERØYSTINGA KAN DU PRIORITERE FØLGJANDE 

ALTERNATIV: 

BEST = 1 MIDDELS = 2 DÅRLEGAST = 3 

• Haram held fram som eigen kommune 

• Haram slår seg saman med Sandøy under føresetnad av 

at Nordøyvegen vert bygt 

• Haram slår seg saman med inntil 9 andre kommunar 

(Giske, Hareid, Sandøy, Skodje, Stordal, Sula, Sykkylven, 

Ørskog, Ålesund) i Regionkommune Ålesund 

160431-04 Grafisk design og produksjon: www.hatlehols.no Foto: Karl-Helge Skytterholm, Hilde Ellingseter, Haram Kommune 

RETTLEIING 

• Setlar utan tal tel som blank røyst/veit ikkje 

• Setlar med fleire like tal vert forkasta 

Prioriter alternativa under 

Best = 1 Middels = 2 Dårlegast = 3 

BRETT HER – DENNE SIDA INN 

FOLKERØYSTING 

KOMMUNEREFORM 2016 

I HARAM KOMMUNE 

Brett røystesetelen med denne sida inn før levering. 

Haram held fram som eigen kommune 

Haram slår seg saman med Sandøy 

under føresetnad av at Nordøyvegen vert bygt 

Haram slår seg saman med inntil 9 andre kommunar 

(Giske, Hareid, Sandøy, Skodje, Stordal, Sula, 

Sykkylven, Ørskog, Ålesund) i Regionkommune 

Ålesund 

160414-04 Røystesetlar.indd 2 21.04.16 06:54 

HARAM KOMMUNE 

Storgata 19, 6270 Brattvåg | Telefon: 70 20 75 00 

postmottak@haram.kommune.no | www.haram.kommune.no 

FOLKEMØTE 

26. april 

Brattvåg, Ingebrigt Davik-huset kl. 18.00 

27. april 

Vatne, Eidet kulturhall kl. 18.00 

02. mai 

Haramsøy, samfunnshuset kl. 18.00 

09. mai 

Søvik, Søvik skule kl. 18.00

Kommunereforma Haram

You also want an ePaper? Increase the reach of your titles

Delete template?

Save as template?