Visit Nordfjord - Reiseguide 2018 NO

#nordfjordsmak
#kultur
#gardsbesøk
#historie
#fyr
#kyrkjer
#lokalmat
#altieinfjord
Smak på Nordfjord året rundt
Naturleg tilgong på råvarer av første klasse og
nordfjordingen sitt nære forhold til lange og
gode måltid av første klasse, forklarer bakgrunnen
for dei velsmakande rettane du får
servert i regionen vår.
Om hausten fråtsar vi i frukt. Dessertane på
buffetane er garantert med Nordfjordplommer,
epler og anna frukt. Vi kan også by på flytande
eple, bringebær eller rabarbara på flaske, anten
i form av saft eller most.
Hjorten trivs godt i Nordfjord, og for å halde
bestanden på eit passe nivå og sørge for godt
kjøt i grytene reiser jegerane til skogs. Vi
serverer hjortegryter frå hemmelege oppskrifter,
og på festkveldar kjem fileten på bordet. Dyra
beitar i fjellet og i skogen - på lyng, busker og
lauv, og gjev Nordfjordhjorten den berømte
smaken.
Sommaropne kyrkjer
Gamle Gimmestad kyrkje, Sandane. Bygd i 1692 og står som eit
godt døme på kyrkjebygg frå tida etter reformasjonen. Ei av svært
frå raudmåla kyrkjer i Norge. Nedst eldste trekyrkje i Nordfjord og
kyrka er omtrent uendra frå opprinninga. Under renovering.
Loen Kyrkje. Bygd i 1837, men på same staden stod det ei
kyrkje i 1360. Ved kyrkja står ein 1000 år gamal steinkross i
keltisk tradisjon. Dette er eit av dei eldste kristne minnesmerka i
landet. Ope heile sommaren.
Olden gamle kyrkje, den einaste krosskyrkja i Nordfjord, bygd i
1759. Utgravingar under golvet viser at det har stått ei stavkyrkje
på same staden, og det vart m.a. funne myntar frå 1200-åra.
Den gamle stavkyrkja vart nedriva i 1746, og det vart bygd ei
tømmerkyrkje. Denne vart øydelagd under ein kraftig storm i
1757.
Nedstryn kyrkje, Stryn er ei langkirke fra 1859. Byggverket er i tre
og kyrkja har 400 sitjeplassar. Kyrkje er teikna av Ludolph Rolfsen
basert på typeteikningar av Hans Ditlev Franciscus von Linstow.
Utvik kyrkje, Stryn. Langkyrkje frå 1840. Byggverket er i tømmer
og kyrkja har 350 sitjeplassar.
Eid kyrkje er den største kyrkja i Nordfjord med plass til 750
sitje plassar. Den er kjend som den rosemåla kyrkja i Nordfjord.
Kunstmålaren og treskjeraren Lars T. Kinsarvik omskapte i 1915
kyrkjerommet til eit sjeldan storslått prydverk med eit sterkt
nasjonalromantisk preg. Altertavla frå 1892 er måla av Cecilie Dahl.
Hornindal kyrkje, Langkyrkje frå 1856. Byggverket er i tre og
kyrkja har 400 sitjeplassar. Arkitekt for kyrkja var kaptein
Ludolph Rolfsen frå Stryn, som nytta typeteikningar utført av
Hans Ditlev Franciscus von Linstow. Altertavla er frå 1932 og er
utført av Dagfin Werenskiold.
Selje kyrkje. Langkyrkje frå 1866 og var då ei av dei største
landskyrkjene i Bjørgvin bispedøme. Byggverket er i tre og
kyrkja har 500 sitjeplassar. Særmerkt orgel. Arkitekt for kyrkja
var Frederik Hannibal Stockfleth.
For info om alle kyrkjene i Nordfjord, nordfjord.no
Sommaropne kyrkjer www.kirkesok.no
Fest med sau
Om hausten skal sauene heim frå fjellet, i den
såkalla sauesankinga. Då endar reisa for nokre,
som fårikål med – ja nettopp får og kål. Vi saltar
og tørkar spekekjøt og pinnekjøt til juleborda.
Lammekotelettane fresar i panna, og vips så er
det festkveld med lammecarré eller heilsteikte
lammelår.
Kor mange Nordfjordlam som går med til
pinnekjøtet i julebordsesongen er ikkje godt å
seie, men det er mange. Det er også ein
tradisjon med saudehaudfestar her, med gode
historier, allsong og konkurranse om augekontakt
med det som ligg på fatet.
Svin på menyen
Svinekjøt har også lange tradisjonar i Nordfjord.
Kva med braisert svinekotelett med mandelpotetstappe
og lokale grønsaker ein sommarkveld?
Svineribba er snart like populær på Vestlandet
som på Austlandet, og hodesylte og rull er faste
innslag på julebuffetane.
Søte og salte supper
Supper av lokale råvarer, varme som kalde, og
av og til som dessert. Prøv ei kraftig potetsuppe,
gulrot og ingefærsuppe, kald pære og bringebærsuppe
med vaniljerømme eller rett og slett
jordbærsuppe med rabarbra.
Goder frå havet
Smaken av Nordfjord handlar kanskje mest av alt
om fisk. Frå fjorden, innsjøane, i elvane og det
rike havet. Vi har gode råvarer og kreative kokkar
presenterer fisken på imponerande vis.
Den legendariske Hornindalsrøya frå Nord-
Europas djupaste innsjø blir eksklusiv rakfisk,
velsmakande røykt røye eller sprøsteikt på
panne med det rette tilbehøret.
Krabbesesongen startar i august, og tilgangen på
fersk krabbe er eventyrleg. Nordfjordingane
elskar krabbefestar med også reker, sjøkreps og
hummar på bordet. Lutefisk er eit kapittel for
seg, ein av dei to produsentane i landet kjem
faktisk frå Nordfjord, Per Stave frå Selje. Og
visste du at 85% av makrellen i Stabburet sin
populære «Makrell i tomat» vert tatt i land i
Selje?
17