You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
6 7. august <strong>2019</strong> STUDVEST<br />
Leigetakargui<br />
Er du fersk leigetakar eller berre usikker på rettane dine? Studvest gjev deg svar på det du lurer på.<br />
Artikkel først publisert i 2017.<br />
Tekst: MARI-LOUISE ULDBÆK STEPHAN<br />
Foto: EMIL W. BREISTEIN<br />
1) Gjeld ein munnleg avtale?<br />
Ein munnleg avtale er like bindande som ein<br />
skriftleg, men det beste er å ha ein skriftleg. Då er<br />
det mogleg å bevise kva som er avtalt.<br />
2) Kor høg husleige kan utleigaren krevje?<br />
Det finnast ingen makspris for leilegheiter<br />
i Bergen, men ein bør ikkje betale meir enn<br />
marknads pris.<br />
3) Kor stort depositum kan utleigaren krevje?<br />
Utleigar kan krevje maksimalt tilsvarande seks<br />
månaders leie, men mellom ein og tre månader er<br />
meir vanleg. Utleigar skal betale for oppretting av<br />
eigen depositumskonto.<br />
4) Har utleigaren lov til å krevje<br />
tillegg for kabel-tv, offentlege avgifter,<br />
vaktmeister eller trappevask?<br />
Nei, utleigar har ikkje lov til å krevje tillegg for<br />
dette. Det einaste det er lov å ta betalt for, i tillegg<br />
til husleiga, er utgifter til straum, brensel, vatn<br />
og avløp om desse vert betalt etter målt forbruk.<br />
Dette må avtalast ved inngåing av leigeforholdet.<br />
Det kan likevel ligge oppgåver i kontrakta, som til<br />
dømes trappevask eller vårreingjering.<br />
5) Kva skal eg som leigetakar vedlikehalde?<br />
Du skal undersøkje røykvarslar og brannsløkkingsutstyr,<br />
samt bytte batteri i røykvarslarane.<br />
Du skal også vedlikehalde dørlåsar, kraner, vannklosett,<br />
elektriske kontakter og brytarar, varmt–<br />
vatnsbehaldarar, laust inventar og utstyr. Med<br />
laust inventar og utstyr meinast til dømes alle møblar<br />
som tilhøyrer utleigar, kjøleskap og vaskemaskin.<br />
Vedlikehald av alt anna enn dette er det utleigar<br />
som har ansvaret for.<br />
6) Kan kjærasten min flytte inn hos meg?<br />
Utleigar kan ikkje nekte leigar å ta inn nær familie<br />
(ektefelle, partner, sambuar, barn, barnebarn, fosterbarn,<br />
adoptivbarn, foreldre eller besteforeldre) i<br />
husstanden, men å ta inn andre personar krev godkjenning<br />
frå utleigar. Vener eller sysken av leigar<br />
må til dømes verte godkjent av utleigar. Utleigar<br />
kan berre nekte å godkjenne inn flyttinga om han<br />
har ein sakleg grunn, og den saklege grunnen er<br />
knytt til personen som skal flytte inn eller om husrommet<br />
klart vert overbefolka.<br />
7) Er det lov til å framleige bustaden?<br />
Ja, men utleigar skal formelt godkjenne den<br />
eller dei ein framleiger til. Utleigar kan berre nekte<br />
å godkjenne leige forholdet om han har ein sakleg<br />
grunn og den saklege grunnen er knytte til<br />
personen som skal flytte inn.<br />
8) Kan utleigaren<br />
når som helst låse seg inn hos meg?<br />
Nei. Utleigar kan inspisere bustaden om han har<br />
ein sakleg grunn, men då må han varsle skriftleg<br />
først.<br />
9) Kva bør eg gjere<br />
om eg oppdagar mugg i leilegheita?<br />
Det beste er om ein kan unngå det før<br />
dette oppstår. Mange studentar brukar ikkje<br />
fasilitetane i leilegheita. Bruk opptrekksvifte. Luft<br />
godt. Oppdagar ein mugg, har ein plikt til å varsle.<br />
Dette vert best gjort gjennom ein skriftleg reklamasjon.<br />
Då pliktar utleigar å utbetre dette.<br />
10) Kan utleigar sett opp<br />
husleiga meir enn konsumprisindeksen?<br />
Det er ikkje lovleg å krevje ein større auke enn<br />
konsumprisindeksen, med mindre du har leigd<br />
lenger enn to år og seks månader. I praksis betyr<br />
det at om du betalte 5000 kroner i juni i fjor,<br />
kan husleiga for juni <strong>2019</strong> ikkje aukast til meir<br />
enn 5127,6 kroner. Dette tilsvarar ei prisstigning<br />
på 2,6 prosent. Konsumprisindeksen og<br />
kalkulator for utrekning av ny leige finn du på<br />
Statistisk sentralbyrå sine internettsider: www.<br />
ssb.no<br />
Kjelder: Kommunal- og regionaldepartementet,<br />
Stig Høisæther i Leieboerforeningen, Geir<br />
Grannes i BergenStudenten og Petter Ryst i<br />
Husleietvistutvalget.