Circular Abril 2013 - Club Peña Trevinca Montañeiros de Galicia

CLUB PEÑA TREVINCA Nº 89 4
Abril 2013
AUTOS GONZALEZ S.L.
CIF - B32012486
C. /Arenal Nº 58 - 60 1º A - 36201 - VIGO
(España)
Tf.: (0034)986 441 222
Fax : (0034)986 222 011
Tf. Atencion al Cliente 24H : (0034)620 777 577
e-mail : autocares@autosgonzalez.com
web : www.autosgonzalez.es
VINDEIRAS ACTIVIDADES
MES DIAS LUGAR ACTIVIDADE ORGANIZA
A
B
R IL
M AIO
6, 7; 13, 14 Peña Ubiña Curso de Alpinismo. Corredores FGM - EGAM
14 Pontedeume Fragas do Eume Vocalía de Sendeirismo
14 Carnota Monte Louro Infantil/Xuvenil
13, 14 Galiñeiro Curso de Autorrescate en Rocha FGM - EGAM
20 Local Social I Xornadas Medioambientais Infantil/Xuvenil
27, 28 Covelo XLVIII Marcha e Campamento Galego de Montaña Peña Trevinca - FGM
28 A Guarda II Xornadas Medioambientais Infantil/Xuvenil
4 Budiño Curso de Escalada en Fendas FGM - EGAM
5 Barrantes Barrantes-Castrove-Armenteira Vocalía de Sendeirismo
5 Serra do Suido Bidueiros (O Suido) - Barciademera Infantil/Xuvenil
11, 12 Galiñeiro Curso de Montañismo Orientación FGM - EGAM
17, 18 e 19 Asturias Ruta Naviega e moito máis Infantil/Xuvenil
17, 18 e 19 Reinosa Derradeira etapa da Transcantábrica
Vocalías de Sendeirismo e
Montaña
25, 26; 1, 2 Xuño Galiñeiro Curso de Escalada (Nivel 1) FGM - EGAM
CLUB PEÑA TREVINCA - Montañeiros de Galicia
• R/ Brasil, 46 Entreplanta • 36204 Vigo (Pontevedra)
• Teléfono: 986 42 05 51 • Fax: 986 42 05 57 • Móbil actividades: 660 69 35 35
• Horario do Club: Martes a Venres: De 19,30 h. a 21,30 h.
• Web: www.trevinca.es • Correo-e: info@trevinca.es
• Conta de ingresos: NovaGaliciaBanco nº 2080 5046 29 3040018773
Edita: Club Peña Trevinca - Montañeiros de Galicia. Maquetación: Ricardo Moratinos García.
Normalización lingüística: Lucía Cerdeira Botana. Edición web: Manuel Riveiro Parcero.
Club Peña Trevinca non comparte, necesariamente, as opinións dos seus colaboradores.
C.I.F.: G-36.630.192 - Depósito legal: VG-353-2005 . Imprime: Devalocor, S.L.
CIRCULAR ABRIL 2013 SEGUNDA ETAPA Nº:89
XLVIII Campamento e Marcha Galega de Montaña
27 e 28 de Abril
Praia de Maceira
Ponte de Fofe
Este ano comprometémonos a organizar esta
actividade da Federación Galega de Montañismo,
e coma sempre, esperamos que os nosos
socios respondan a este chamamento co interese
que nós pomos niso, para iso presentámosvos uns
atractivos percorridos que pasamos a presentar
dunha forma superficial.
Esta actividade vai ser no cámping da praia fluvial
de Maceira (Covelo), onde gozaremos de
todas as comodidades dunha zona de acampada.
O sábado día 27, sairemos de Vigo a primeira
hora da tarde, para montar as tendas de campaña
e ter unha recepción cos federados inscritos para
este campamento.
O domingo 28 madrugaremos un pouco para iniciar
a marcha. Sairemos desde o cámping en dirección
a Fofe, polo sendeiro dos carranos. Desde
Fofe ascendemos o pico Coto Agudo o Pena
Partida, de 900 metros, na serra do Suído. Desde
aquí, volvemos outra vez a Fofe, para regresar ao
cámping, visitando no percorrido o destacable serradoiro
hidraúlico dos Carranos. No traxecto, disfrutaremos
dos bosques de ribeira do nacemento
do río Tea e da estilizada Ponte Romana de Fofe,
probablemente de época medieval. Finalizará o
noso percorrido na praia fluvial de Maceira.
Despois do percorrido, tócanos recuperar enerxías antes da entrega de agasallos a todos os participantes.
A lista ábrese o mércores 17 de abril e péchase o xoves 25.
Pouco máis temos que vos dicir, só animarvos a participar e lembrarvos que para participar é condición
indispensable estar federado.

CLUB PEÑA TREVINCA Nº 89 2 Abril 2013
CLUB PEÑA TREVINCA Nº 89 3
Abril 2013
INFANTIL / XUVENIL
Muros - Carnota
14 de abril
Sairemos en autobús ás 08:30 h. desde a Praza de España, para percorrer unha preciosa ruta pola costa, desde Muros
ata o famoso e impoñente hórreo de Carnota, pasando por Monte Louro, Lagoa de Xalfas, Punta de Lens, Praia
de Lariño, Punta Insua, Lira, etc. Un percorrido bastante fácil pero un pouco longo para os máis pequenos, por iso,
dependendo das inscricións, e dado que nesta ocasión se pode facer (non sempre é así), os máis pequenos realizarán
un tramo máis curto.
Coma sempre, só necesitamos que teñas ganas de gozar, porque a ruta e a paisaxe merecen a túa presenza. Non
esquezas o bañador, por se temos a oportunidade de darnos un chapuzón.
Recorda que as listas, salvo excepcións, ábrense o xoves da semana anterior (neste caso o xoves día 4) e péchanse o
xoves previo á actividade ás 21:00 h.
Imos camiñar por praias e carreiros de pescadores, descalzos ou con botas ¡ti decides!
Máis información na icona da S.I.X. dentro da web do club.
“AS TREVINCAS 2013”
V Xornadas Medioambientais
I Xornada
Sábado día 20
Charla e Taller de Reciclaxe de Aceites.
Ás 18:30 h. no local social celebraremos a I Xornada de “As Trevincas 2013”, a cal dedicaremos a concienciarnos
da necesidade da reciclaxe.
Nesta ocasión centrarémonos especialmente no reciclado de aceites, dada a súa gran relevancia contaminante,
podendo contribuír todos a diminuír os seus efectos prexudiciais sobre a natureza, mediante uns
hábitos de reciclaxe moi sinxelos.
Teremos unha pequena charla audiovisual sobre contaminación e reciclaxe a nivel xeral e posteriormente,
realizaremos un interesante Taller de Reciclaxe de Aceites, para o que contamos coa colaboración de persoal
dos departamentos técnicos e de divulgación de NUTRIGRAS.
Dunha forma práctica e moi amena, realizaremos un interesante Taller de Reciclaxe, enfocado a todas as
idades, para o que NUTRIGRAS nos aportará os medios necesarios.
Ao finalizar a exposición e o taller teremos unha merenda, á que todos aportaremos
as empanadas, tortillas, queixos, embutidos, sobremesas, etc.
¡Aprendamos a reciclar para non contaminar!
II Xornada
Domingo día 28
Limpeza de Praias, Plantación de Érbedos e Estudo de
Anfibios.
Ás 09:45 reunirémonos na praia de Camposancos, na Guarda, onde comezaremos
esta II Xornada de “As Trevincas 2013”. Gustaríanos facer o desprazamento
en autobús, pero dada a proximidade de residencia de moitos socios ao lugar de celebración, decidimos que sexa
en vehículos particulares.
Para a realización de todas as actividades desta xornada, contaremos coa colaboración de ANABAM, Asociación Naturalista
do Baixo Miño, entidade que realiza un gran labor de protección medioambiental e, en particular, na zona
do Baixo Miño.
Comezaremos coa limpeza das praias, retirando plásticos, latas, papeis, etc., finalizada a mesma desprazarémonos
ata o Monte Tegra, onde realizaremos unha pequena plantación de érbedos, dentro do “Bosque das bolboretas”.
Dependendo da evolución da Xornada, comeremos na Guarda, ou na nosa seguinte zona de actuación, que será na
Valla, nos montes de Oia, onde poderemos facer un estudo en anfibios para protexer os humidais da zona.
É conveniente levar unha roupa cómoda, botas e, se é posible, luvas de xardineiro ou outros similares, imos “currar”
un pouquiño, polo ben de todos, poñendo moita énfase en que os máis novos tomen conciencia da protección do
medioambiente.
Os participantes nesta II Xornada faremos unha achega simbólica, destinada ao mantemento dos labores de protección
realizados por ANABAM.
Para completar a información de “As Trevincas 2013” V Xornadas Medioambientais, así como de todas as actividades
da Sección Infantil-Xuvenil “Actividades en Familia”, visita periodicamente o noso Blog Trevincanaturalezaydeporteenfamilia.blogspot.com,
ou a icona da S.I.X. dentro da web do Club.
¡Coñecer para protexer!
Fragas do Eume
14 de Abril
Cando o ano pasado nos achegamos a estas terras da bisbarra do Eume, voltamos a Vigo coa intención de regresar pronto, pois
daquela, non nos achegaramos aos lugares máis afamados desta zona. Farémolo nesta ocasión e entraremos no Parque Natural
das Fragas do Eume. Como recordaredes, o ano pasado houbo un gran incendio nestes bosques, pero a zona da ribeira do río, a que
ten maior interese natural, non sufriu danos.
Empezaremos o noso andar no Mosterio de Monfero e despois da obrigada visita camiñaremos en descenso á percura do río Eume;
este transcorre por un angosto canón e, nas súas beiras, hai un ben conservado bosque atlántico de especies arbóreas autóctonas,
que é o que fai a esta zona merecedora de estar catalogada como Parque Natural. Chegaremos ao Mosterio de Caaveiro, onde nos
deteremos outro bo rato para contemplalo e coñecelo ben. A partir de aquí, xa só nos queda ir ao centro de interpretación do parque
natural, onde repasaremos todo o observado e poremos punto final á nosa ruta.
Finalmente, e se o tempo o permite, faremos unha parada en Pontedeume, pois conserva un interesantísimo casco histórico, digno
de visitar. Colabora nesta ocasión co club, preparando esta saída, o noso compañeiro J. Ramón Varela.
Esperámosvos a todos, non deixedes de vir a un dos bosques máis afamados de Galicia.
Adianto da Derradeira Etapa da Transcantábrica
Xa faltan poucas semanas para darlle merecido remate á Transcantábrica. Esta grande aventura, que durante case 5 anos estivemos
todos a gozar chega á súa fin (por fin!!). Será no vindeiro mes de maio, os días 17, 18 e 19. Ide reservando esas xornadas
no vosa axenda, sobre todo os de fóra, pois o venres 17 só é festivo na comunidade.
Nesta ocasión nada pode fallar, empezando pola vosa masiva asistencia. A organización darao todo, para que sexa unha saída á
altura do acontecemento.
Lonxe queda aquela nevada e fría mañá de outono en Degrada, nos Ancares, cando botabamos a andar cargados de ilusión.
Pasiño a pasiño fomos avanzando por esas montañas de Deus, e xa non falta case nada para chegar a Fontibre e ás
terras de Reinosa, a nosa meta soñada durante tanto tempo.
Xa temos preparado o percorrido, coma sempre de Travesía ou de Sendeirismo, e tamén os aloxamentos. Non faltarán
os festexos, pois a ocasión meréceo. Na cea homenaxe do sábado 18, entregarémoslles un agasallo aos participantes que,
nesa mesma data, xa teñan cumprido o obxectivo de ter feito todas as etapas (ou que lles falte unha).
A entrega oficial dos trofeos e premios da Transcantábrica farémola no mes de decembro, no “cónclave” anual de entrega
de trofeos dos Concursos Montañeiros do Club. Por esa razón tedes o resto da temporada, ata o 30 de novembro, para
facer esas etapas que vos falten. Na Vocalía de Montaña podédesvos informar de cales vos faltan, os seus percorridos e
alternativas, mapas, información sobre refuxios, etc., podendo revisar o voso particular libro de bitácora da “Trans”.
Na próxima circular de maio daremos conta dos detalle da saída.
¡Xa falta menos!, ¡Vémonos todos en Reinosa en mes e medio!
NOVAS SOCIAIS
Rastrillo de Material do Club Peña Trevinca
vindeiro venres 5 de abril ábrese o Rastrillo de material deportivo e de montaña do Club Peña Trevinca, outra das ideas deste
O ano para reforzar as actividades sociais do Club.
Seguro que todos vós tedes material de montaña que vos sobra, quizais algún regalo desafortunado, ou simplemente esa peza de
roupa que, estando en boas condicións, xa non vos serve; cousas que o único que fan é ocuparvos espazo no armario. Pola contra,
seguro que botades en falta algunha peza, para mellorar o voso equipamento de montaña. O Rastrillo ofrécevos a posibilidade de
renovalo a bo prezo, seguro.
O sistema é sinxelo: levades as cousas ao Club, e cubrides unha ficha cos vosos datos e o material que ofertades, co prezo que pretendedes
para cada cousa; logo, poñedes a etiqueta a cada artigo, e colocádelo na zona de exposición que o Club destinará para o
Rastrillo. Na ficha explícasevos como recuperardes o diñeiro das vosas vendas. Ademais, tamén podedes doar cousas para o Club,
co que os beneficios redundarán en todos.
Sorteo dunha Praza para Alpes
Entre outras moitas cousas que estamos a preparar para a actividade de Alpes, está o sorteo dunha praza de autobús. Cando recibas
esta circular xa teremos comezado a venda de papeletas a 5€ cada unha. Será unha estupenda oportunidade de aforrar uns cartiños,
se tes sorte...ou, se non podes ir, si poderás facer un agasallo a un amigo ou amiga....ti verás.
O sorteo farémolo, alá polo mes de maio ou xuño, cando fagamos a presentación definitiva da actividade. Estade atentos á
circular e COLABORADE. Teremos máis actuacións parecidas a esta, relacionadas coa actividade en Alpes.
Exposición Fotográfica. Título: Formato Panorámico
Exposición de 18 fotografías a cor. Son panorámicas realizadas unindo varias fotos por medio do ordenador, enmarcadas sobre
bastidor de madeira forrado e con barniz protector. Estas panorámicas son realizadas polo noso socio Martín García (Thupten
Chophel), e abarcan diferentes lugares de Galicia, Barcelona e Huesca. A web na que podedes ver as fotos, incluso como panorámica
esférica, (visita virtual) é: www.shambalavigo.org/fotos.html.