Taxa por ocupación de subsolo, solo e voo

ORDENANZA FISCAL N.º 9:
REGULADORA DA TAXA POR OCUPACIÓN DO SUBSOLO, SOLO E VOO EN VÍA PÚBLICA.
Artigo 1.-Fundamento legal.
No uso das facultades concedidas polos artigos 133.2 e 142 da Constitución e polo artigo 106 da Lei 7/1985 do 2
de abril, reguladora das bases de réxime local e de conformidade co disposto no artigo 58 en relación co artigo
20.3 da Lei 39/88 do 28 de decembro, reguladora das Facendas Locais, na súa nova redacción dada pola Lei
25/1988, do 13 de xullo, de modificación do réxime legal das taxas estatais e locais e de reordenación das
prestacións patrimoniais de carácter público, o Concello de Tordoia estable a taxa por ocupación do subsolo,
solo e voo da vía pública, que se regulará pola presente ordenanza fiscal, redactada conforme ó disposto no
artigo 16 da Lei 39/88 citada.
Artigo 2.-Feito impoñible.
Constitúe o feito impoñible deste tributo o aproveitamento do subsolo, solo e voo da vía pública e bens de uso
público municipal con tendidos, canos e galerías para as conduccións de enerxía eléctrica, auga, gas ou
calquera outro fluído incluídos os postes para liñas, arames, palometas, caixas de amarre, de distribución ou
de rexistro e outros análogos.
Artigo 3.-Cobro.
A obriga de contribuír nace coa ocupación do subsolo, solo e voo da vía pública ou bens de uso público cos
elementos indicados no artigo anterior.
Para os sucesivos exercicios á alta inicial, o cobro terá lugar o 1 de xaneiro de cada ano e o período impositivo
comprenderá o ano natural, salvo nos supostos de inicio ou cese no aproveitamento, neste caso, a cota se
rateará por semestres naturais.
No caso de inicio no aproveitamento en data diferente a 1 de xaneiro, as cotas calcularanse proporcionalmente
ó número de semestres naturais que restan para finalizar o ano, incluído o comezo do aproveitamento.
No caso de cese do aproveitamento, as cotas serán rateadas por semestres, excluído aquel no que se produza
dito cese. A tal fin os suxeitos pasivos poderán solicitar a devolución da parte da cota correspondente ós
semestres naturais nos que non houbera aproveitamento.
Artigo 4.-Suxeito pasivo.
Serán suxeitos pasivos desta taxa, en concepto de contribuíntes, as persoas físicas e xurídicas, así como as
entidades a que se refire o artigo 33 da Lei Xeral Tributaria que resulten autorizadas para realizar as
utilizacións privativas ou os aproveitamentos especiais, e as que resulten beneficiadas por ditos
aproveitamentos incluso cando houberan obtido previa autorización.
Artigo 5.-Responsables.
1) Responderán solidariamente das obrigas tributarias do suxeito pasivo, as persoas físicas ou xurídicas que
son causantes ou colaboran na realización dunha infracción tributaria, así como os copartícipes ou cotitulares

das Entidades recollidas no artigo 33 da Lei Xeral Tributaria, que responderán en proporción as súas
respectivas participacións das obrigas tributarias de ditas entidades.
2) Serán responsables subsidiarios os administradores ou liquidadores de quebras, concursos, sociedades e
entidades en xeral, nos supostos e con o alcance que sinala a Lei Xeral Tributaria.
Artigo 6.-Bases de imposición e tipos de gravame.
1) As Bases de imposición e tipos de gravame son os contidos nas seguintes tarifas:
a) Tarifa primeira: Palometas, rieles, transformadores, caixas de amarre, distribución e de rexistro, cables,
canos e outros análogos.
Palometas de sostén de cables. Por unidade ó ano 0,10 €
Transformadores colocados en quioscos. Por cada m2 ou fracción ó ano 0,12 €
Caixas de amarre, distribución e de rexistro. Cada una ó ano 0,84 €
Cables de traballo colocados na vía pública ou terreos de uso público. Por metro lineal ou fracción
ó ano
Cables de alimentación de enerxía eléctrica, colocados na vía pública terreos de uso público. Por
metro lineal ou fracción ó ano
0,03 €
0,03 €.
Cables de conducción eléctrica, subterránea ou aérea. Por cada metro lineal ou fracción ó ano 0,03 €.
Conducción telefónica aérea, adosada ou non á fachada. Por cada metro lineal ou fracción de
canos ó ano
0,03 €.
Conducción telefónica subterránea. Por cada metro lineal ou fracción de canalización ó ano 0,03 €.
Ocupación de subsolo, solo ou voo da vía pública ou terreos de uso público con cables non
especificados e outros epígrafes. Por cada ano ou fracción do ano 0,03 €.
Ocupación de vía pública con canos para a conducción de auga ou gas. Por cada metro ou fracción
ó ano
0,03 €.
Ocupación do subsolo con conduccións de calquera clase, por metro lineal ou fracción ó ano 0,03 €.
b) Tarifa segunda: Postes.
Postes con diámetro superior a 50 cm. Por cada poste anualmente 0,20 €
Postes con diámetro inferior a 50 cm. Por cada poste anualmente 0,12 €
Se o poste serve para sostén de cables de enerxía eléctrica pagará con arranxo á tarifa se a corrente é de
baixa tensión.

c) Tarifa Terceira: Grúas.
Por cada grúa utilizada para a construcción, con brazo ou pluma que ocupe o seu percorrido ou
voo da vía pública, ó mes
40,87 €
Por cada grúa utilizada na construcción, con apoio na vía pública, ó mes 81,75 €.
d) Tarifa Cuarta: Outras Instalacións:
Subsolo: por cada m3 do subsolo realmente ocupado, medias as súas dimensións con grosores de
muros de contención, soleiras e lousas, ó día
0,05 €
Solo: por cada m2 ou fracción, o día 0,05 €
Voo: por cada m2 ou fracción, medido en proxección horizontal, ó día 0,05 €
e) Tarifa Quinta: Por cada báscula aparatos ou máquinas automáticas:
Por báscula ó mes 1,80 €
Por cabinas fotográficas e máquinas xerocopias. Por cada unha 3 €
Por aparatos ou máquinas de venta de expedición automática calquera que sexa o producto ou
servicio non especificado e outros epígrafes. Por unidade e mes
3 €
f) Tarifa Sexta: Aparatos provedores de gasolina ou análogos.
Ocupación vía pública ou terreo municipal con aparatos surtidores de gasolina e subsolo con
depósitos. Por cada m2 ou fracción ó mes
g) Tarifa Sétima: Reserva especial vía pública.
1,20 €
Reserva para prácticas das autoescolas ou similares, 50 m2 ó mes 6 €

2) Non obstante o anterior, para as empresas explotadoras de servicios de subministros que afecten á
xeneralidade ou a unha parte importe da veciñanza, a contía da taxa regulada nesta ordenanza consistirá, en
todo caso e sen excepción ningunha, no 1,5 por 100 dos ingresos brutos procedentes da facturación que
obteñan anualmente neste termino municipal ditas empresas.
A contía desta taxa que puidera corresponder á Compañía Telefónica Nacional de España, está englobada na
compensación en metálico de periodicidade anual a que se refire o apartado 1 do artigo 4.º da Lei 15/1997, do
30 de xullo (Disposición Adicional Oitava da Lei 39/1998, do 28 de decembro.)
Artigo 7.- Execcións, reduccións e demais beneficios legalmente aplicables.
Non se recoñece beneficio tributario algún, salvo os que sexan consecuencia do establecido nos Tratados ou
Acordos Internacionais ou veñan previstos nas normas con rango de Lei.
O Estado, as Comunidades Autónomas e as Entidades Locais non estarán obrigadas ó pago das taxas por
utilización privativa ou aproveitamento especial do dominio público polos aproveitamentos inherentes ós
servicios públicos de comunicacións que exploten directamente e por tódolos que inmediatamente interesen á
seguridade cidadán ou á defensa nacional.
Artigo 8.-Normas de xestión.
1) As persoas naturais ou xurídicas interesadas na obtención dos aproveitamentos regulados por esta
Ordenanza, presentarán no Concello declaración detallada das instalacións a realizar, na que se definan
axeitadamente os elementos da base impoñible, acompañando os planos correspondentes.
2) Toda alteración nos aproveitamentos deberá poñerse en coñecemento da Administración Municipal,
mediante a oportuna declaración, ata o último día do mes natural seguinte a aquel no que o feito se produza, e,
en tal caso, cando estes feitos dean orixe á ampliación de cotas máis elevadas só se liquidará a diferencia
entre a cota superior e a que houbera sido satisfeita. Os que incumpran tal obriga virán obrigados ó pago do
tributo total, que corresponde por alteración.
3) O tributo recadarase anualmente nos prazos sinalados no Regulamento Xeral de Recadación para os tributos
de notificación lectiva e periódicos. Por excepción a liquidación correspondente a alta inicial na matrícula
ingresarase no momento de solicitude en concepto de depósito previo, de conformidade co disposto no artigo
26.1 a) da lei 39/19887 do 28 de decembro, quedando elevado a definitivo ó concederse a licencia
correspondente.
4) As autorizacións entenderanse concedidas con carácter provisional e en precario. En base a esta
declaración, que deberá facerse constar nos correspondentes acordos de concesión de aquelas, se o interese
xeral esixise a supresión do aproveitamento, a Comisión de Goberno revocará a licencia concedida, requirindo
ó titular para que suprima, a seu costo, o aproveitamento.
5) No acordo de autorización, da ocupación, fixarase o prazo de duración da mesma, farase constar que dito
prazo será improrrogable, e que unha vez rematado o mesmo o interesado deberá suprimir o aproveitamento,
agás, cando por causa xustificada alegada polo interesado, a ocupación tivese que seguir por máis tempo do
sinalado na autorización, suposto no que aquel solicitará a ampliación do prazo de duración do aproveitamento

e realizará o depósito previo do importe da liquidación que proceda. Tal ampliación será aprobada pola
Comisión de Goberno.
6) As autorizacións terán carácter persoal e non poderán ser cedidas ou subarrendadas a terceiros. O
incumprimento deste mandato dará lugar á anulación da licencia.
7) As licencias poderán ser revocadas polo órgano que as concedeu nos seguintes casos:
a) Polo non uso ou uso indebido.
b) Por cambiar as circunstancias en base ás que se lle concedeu a licencia.
c) En xeral, por incumprimento de calquera das obrigas impostas nesta Ordenanza ou na licencia de
autorización.
Artigo 9.-Gastos de reconstrucción e indemnizacións.
1) Cando a utilización privativa ou o aproveitamento especial, que se concedese, leva aparellada a destrucción
ou deterioro do dominio público local, o suxeito pasivo, sen prexuízo do pago da taxa a que houbera lugar,
estará obrigado ó reintegro do custo total dos respectivos gastos de reconstrucción ou reparación e do
depósito previo do seu importe.
2) Se os danos causados foran irreparables, a Entidade será indemnizada en cuantía igual ó valor dos bens
destruídos ou o importe do deterioro dos danos.
3) O Concello de Tordoia, non poderá condonar, total nin parcialmente, as indemnizacións e reintegros a que se
refire o presente artigo.
Artigo 10.-Infraccións e sancións tributarias.
En todo o relativo á cualificación de infraccións tributarias e sancións, ademais do previsto nesta Ordenanzas,
se estará ó disposto nos artigos 77 e seguintes da Lei Xeral Tributaria e demais normativa aplicable.
Disposición final.
A presente Ordenanza foi aprobada polo Pleno da Corporación en sesión celebrada o día 29 de Xaneiro de
1999, sendo de aplicación a partir no B.O.P., permanecendo vixente ata que se acorde a súa modificación ou
derrogación expresa.