Curso 2010-2011 Curso 2011-2012 - Salesianos A Coruña

Curso
Curso
2010-2011
2011-2012
CPR Plurilingüe Salesiano
“San Juan Bosco”
A Coruña
DEPARTAMENTO DE PASTORAL

ÍNDICE
Colexio Salesiano “San Juan Bosco”
DEPARTAMENTO DE PASTORAL
1.- PRESENTACIÓN ......................................................................................... 3
2.- OBXECTIVOS DA NOSA ACCIÓN PASTORAL ............................................... 4
3.- AXENTES IMPLICADOS ............................................................................... 5
3.1.- A Comunidade Educativa ............................................................. 5
3.2.- O Equipo Xeral de Pastoral ........................................................... 5
3.3.- O Departamento de Pastoral ....................................................... 6
3.4.- O Equipo Directivo ........................................................................ 6
3.5.- Os Coordinadores de Pastoral ...................................................... 6
4.- ACCIÓNS CONCRETAS. .............................................................................. 7
4.1.- Os bos días. .................................................................................. 7
4.2.- Celebracións dos 24. ..................................................................... 8
4.3.- Campañas educativas. ................................................................. 8
4.4.- Celebracións da fe. ..................................................................... 12
4.5.- Convivencias cristiás. .................................................................. 12
4.6.- Itinerarios celebrativos. .............................................................. 12
4.7.- Itinerario de educación na fe. ..................................................... 13
4.8.- Actividades para o profesorado e a Comunidade Educativa. ..... 13
5.- TEMPORALIZACIÓN ................................................................................. 14
6.- AVALIACIÓN ............................................................................................ 16
Curso 2011-2012 SJB – Programación Colexial de Pastoral Páxina 2 de 16

Colexio Salesiano “San Juan Bosco”
DEPARTAMENTO DE PASTORAL
1.- PRESENTACIÓN
A nosa escola defínese coma escola católica salesiana. Esta calificación
responde a unha realidade: queremos ser escola con todas as súas implicacións
de entidade educativa e transmisora de cultura e queremos ser escola cun estilo
concreto baseado nos valores do Evanxeo e as intuicións educativas de Xoán
Bosco, que el mesmo chamaba Sistema Preventivo. Coma el, tamén nós
queremos camiñar xuntos cara ao obxectivo de formar honrados cidadáns e bos
cristiáns.
As liñas fundamentais nas que baseamos a nosa tarefa educativo-pastoral
están recollidas na Proposta Educativa das Escolas Salesianas e na Carta de
Identidade da Escola Salesiana en Europa. Desde o noso ideario, temos clara a
opción por unha escola global, onde educación e evanxelización camiñan da man.
Porque nós estamos convencidos de que facendo unha educación de calidade
estamos sendo fieis á tarefa de evanxelizar a sociedade, e que o modo mellor de
presentar os valores evanxélicos é a educación.
Cremos nunha educación integral da persoa, onde todas as dimensións son
importantes e deben medrar harmonicamente. Para nós ten tamén importancia a
dimensión de apertura á transcendencia, onde se producen as preguntas polo
senso da vida e a experiencia relixiosa. Coma escola católica tratamos de axudar
ao alumnado a ir facendo unha síntese entre a fe, a cultura e a vida.
Polo tanto, toda a nosa tarefa educativa é evanxelizadora, aínda que
facemos algunhas propostas onde explicitamos máis, se cabe, os valores
evanxélicos. Deste xeito neste plan recóllense as actividades que ofrecemos,
xunto co traballo cotián, para educar nestes valores.
O presente Plan de Pastoral trata de recoller o que queremos que sexa a
nosa escola desde o noso ideario. Aquí defínese o que entendemos que temos
que ser e facer para ser unha escola pastoral. Tamén trata de implicar a toda a
Comunidade Educativa, primeira garante da nosa identidade. Igualmente quedan
Curso 2011-2012 SJB – Programación Colexial de Pastoral Páxina 3 de 16

Colexio Salesiano “San Juan Bosco”
DEPARTAMENTO DE PASTORAL
recollidas as actividades e propostas que ofertamos no presente curso para
conseguir acadar os obxectivos enumerados.
2.- OBXECTIVOS DA NOSA ACCIÓN PASTORAL
Para acadar a nosa finalidade educativo-pastoral, propoñemos uns
obxectivos xerais. Posteriormente estes explicítanse noutros obxectivos máis
operativos nas distintas actividades propostas neste Plan de Pastoral.
Os obxectivos xerais que pretendemos son os seguintes:
1. Implicar a toda a Comunidade Educativa na acción pastoral da nosa escola,
na organización das actividades, na súa execución e na súa avaliación.
2. Educar en valores que desenvolven a apertura á fe e a Deus ofertando
experiencias de maduración persoal.
3. Crear un ambiente rico en valores, onde cada un se sinta acollido.
4. Acompañar aos alumnos e alumnas para ir facendo unha síntese entre a fe,
a cultura e a vida.
5. Medrar nos valores da solidariedade, a gratuidade e o compromiso,
facendo unha lectura crítica da realidade.
6. Dar claves que permitan ir descubrindo a propia opción vocacional na vida.
7. Potenciar a participación en itinerarios educativos e celebrativos,
especialmente no Itinerario de Educación na fe.
8. Destacar algúns momentos significativos do ano como elementos
educativos e evanxelizadores.
9. Ofertar espazos de celebración da fe adecuados a cada idade.
10. Achegarnos aos alumnos e alumnas no seu día a día, máis aló do
académico, poñendo en práctica a idea dunha escola en pastoral.
Curso 2011-2012 SJB – Programación Colexial de Pastoral Páxina 4 de 16

Colexio Salesiano “San Juan Bosco”
DEPARTAMENTO DE PASTORAL
3.- AXENTES IMPLICADOS
3.1.- A Comunidade Educativa
Para lograr unha escola en pastoral temos que ser conscientes de que a
tarefa non é soamente dun grupo particular. Toda a comunidade educativa
(profesorado, pais e nais, persoal de administración e servizos), cada quen desde
o seu posto, ten que tomar conciencia do xeito en que fai realidade a tarefa
educativo-pastoral proposta.
Trátase de crear o ambiente adecuado onde os valores propostos atopen o
seu lugar de realización. Para iso todos temos claras as opcións fundamentais da
PEES e implicámonos en poñelas en práctica coas nosas actitudes persoais, coa
coordinación entre todos e coa colaboración nas actividades e propostas máis
explícitas.
3.2.- O Equipo Xeral de Pastoral
É o equipo no que están representados diversos ámbitos da escola e da
obra salesiana. É o órgano responsable de animar e coordinar a acción
evanxelizadora e pastoral en todas as actividades escolares e extraescolares que
se realizan no centro.
Este equipo está formado, no presente curso, polas seguintes persoas:
- Os coordinadores de Pastoral: Pablo Álvarez (EI – EP)
Jesús Mª Peña (ESO – Bach)
- A orientadora do centro: Pilar Sanjurjo
- Os Xefes de estudos: Carmen Conde (EI – EP)
Ramón Vilá (ESO – Bach)
- Representante de EI: Montserrat Rubio
- Representante de EP: María Suárez
- Representante de ESO-Bach: Carlos Paz
- Representante dos titores: Montserrat Nolasco
Curso 2011-2012 SJB – Programación Colexial de Pastoral Páxina 5 de 16

Colexio Salesiano “San Juan Bosco”
DEPARTAMENTO DE PASTORAL
- Coord. do Centro Xuvenil: Isabel Balsa
- Representante da parroquia: Ángel Sánchez
- Representante da ANPA: Mª Carmen Loureiro
Este equipo reúnese ao principio e ao final do curso escolar convocado
polos Coordinadores de Pastoral.
Entre as súas tarefas está propoñer ao Equipo Directivo o Plan de Pastoral
anual para a súa aprobación.
3.3.- O Departamento de Pastoral
É o equipo reducido, que está formado polos Coordinadores de Pastoral e
algunhas das persoas que compoñen o Equipo Xeral de Pastoral, encargado de
coordinar e dinamizar as actividades e propostas programadas durante o curso.
Este equipo reúnese semanalmente, ás veces todos xuntos e ás veces por
etapas, segundo as necesidades. Convócano os Coordinadores de Pastoral.
3.4.- O Equipo Directivo
Como responsable da coordinación xeral do centro, o Equipo Directivo é o
órgano que aproba o Plan de Pastoral e toma as decisións oportunas para poder
levar a cabo o que nel se indica, a proposta do Equipo Xeral e do Departamento
de Pastoral.
3.5.- Os Coordinadores de Pastoral
Son os encargados, nas súas etapas, de coordinar a programación concreta
e a execución das diferentes actividades propostas que lles afectan, dinamizando
a participación de todo o profesorado e do alumnado correspondente.
Curso 2011-2012 SJB – Programación Colexial de Pastoral Páxina 6 de 16

Colexio Salesiano “San Juan Bosco”
DEPARTAMENTO DE PASTORAL
Levan ao Equipo Directivo as propostas e inquedanzas que tocan a
dimensión evanxelizadora do centro. Nel coidan especialmente que o centro
camiñe cara ao ideal dunha escola en pastoral.
Son o nexo cos outros centros da Inspectoría e coa Delegación Inspectorial
de Pastoral Xuvenil para a coordinación, a colaboración, compartir materiais,
ideas, etc.
Convocan o Departamento e o Equipo Xeral de Pastoral cando corresponda.
4.- ACCIÓNS CONCRETAS.
Para conseguir levar adiante a nosa proposta ofertamos ao longo do curso
unha serie de actividades, segundo as distintas idades, recollidas a continuación.
Algunhas delas son coordinadas pola Delegación inspectorial e outras realízanse
en coordinación co Centro Xuvenil Abeiro.
4.1.- Os bos días.
Todos os días, por etapas, e antes de comezar as sesións lectivas, danse os
bos días ao alumnado. Seguindo a programación que os Coordinadores de
Pastoral entregan, os profesores e profesoras túrnanse nesta actividade. Son un
momento no que se presenta unha breve reflexión sobre un tema e se propón
unha sinxela oración.
O calendario anual elabórao un grupo de persoas desde a Delegación
Inspectorial de Pastoral Xuvenil e os Coordinadores de Pastoral fan unha
adaptación para o centro.
O obxectivo desta actividade é ir educando en valores e iniciando á oración
segundo as idades.
Curso 2011-2012 SJB – Programación Colexial de Pastoral Páxina 7 de 16

Colexio Salesiano “San Juan Bosco”
DEPARTAMENTO DE PASTORAL
4.2.- Celebracións dos 24.
Os días vintecatro de cada mes recordamos dun xeito especial a María
Auxiliadora. Os de EI fano nos bos días. Os de EP teñen unha celebración (agás os
meses que coincide preto doutra celebración da fe, que teñen só os bos días). Os
de ESO e bacharelato fan os bos días xuntos na igrexa.
4.3.- Campañas educativas.
Ao longo do curso propóñense campañas de diversa duración que se
traballan desde a pastoral e as titorías. Son momentos nos que se propón un
tema para reflexionar sobre valores e se ofertan algunhas actividades.
As Campañas que se realizan son: Campaña do DOMUND, Operación Quilo,
festa de Don Bosco, Mans Unidas, Campaña en torno á familia, Orientación
vocacional e profesional e festa de Mª Auxiliadora.
A programación das campañas para o presente curso é a seguinte:
Campaña: DOMUND Lema: “Como o Pai me enviou, así
tamén vos envío eu”
Destinatarios: EP – ESO – Bach. Datas: 17 ao 28 de outubro
Obxectivos:
• Concienciar da interdependencia e
a necesaria cooperación entre os
pobos e as nacións.
• Educar en actitudes solidarias e
participativas implicándose en
xestos concretos para conseguir
fondos para proxectos solidarios.
Actividades:
• Ambientación de aulas e
corredores.
• Titorías sobre a campaña en ESO e
Bacharelato.
• Entrega de sobres do DOMUND en
EP-ESO-Bach.
• Magosto solidario en coordinación
co Equipo de Dinamización da
Lingua Galega.
• Campeonato lóstrego solidario no
terceiro ciclo de EP.
• Campeonato lóstrego de futbito
para ESO e Bach.
• Presentación da campaña
“Iniciativa Solidaria”, de JyD.
Curso 2011-2012 SJB – Programación Colexial de Pastoral Páxina 8 de 16

Colexio Salesiano “San Juan Bosco”
DEPARTAMENTO DE PASTORAL
Campaña: OPERACIÓN QUILO Lema: “Pegadas de solidariedade”
Destinatarios: Toda a Comunidade Ed. Datas: 28 de nov. ao 17 de dec.
Obxectivos:
Actividades:
• Descubrir e sensibilizarnos das • Ambientación de aulas e corredores.
necesidades que existen no noso • Titorías para presentar a campaña
entorno.
• Recollida de alimentos por aulas.
• Educar na solidariedade e no • Xesto colexial de recollida de
servizo.
alimentos.
• Recoller alimentos para familias e • Organización e distribución dos
persoas
cidade.
necesitadas da nosa alimentos conseguidos.
Campaña: FESTA DE DON BOSCO Lema: “Tralas pegadas de Xoán
Bosco”
Destinatarios: Todas as etapas Datas: 23 ao 31 de xaneiro
Obxectivos:
• Coñecer mellor a figura de san Xoán
Bosco, patrón do noso colexio.
• Preparar e celebrar a festa colexial
con tal motivo.
Actividades:
• Ambientación de aulas e corredores.
• Oferta de materiais de traballo
para coñecer máis a Don Bosco e
os valores que nos aporta.
• Celebración da fe por etapas.
Campaña: MANS UNIDAS Lema: “A saúde, dereito de todos. Actúa!”
Destinatarios: Todas as etapas Datas: 6ao17de febreiro
Obxectivos:
Actividades:
• Traballar algún dos obxectivos do • Ambientación de aulas e corredores.
milenio.
• Tenda de obxectos de Mans Unidas.
• Concienciar sobre as situacións de • Accións titoriais sobre a campaña.
fame que sofren moitas persoas no • Bos días especiais en EI.
mundo.
• Xesto do biscoito solidario (EP) onde
• Medrar na conciencia ecolóxica e algúns cursos traen voluntariamente
de defensa da terra.
biscoitos que logo repartimos a
• Colaborar economicamente para cambio dunha aportación económica.
axudar a proxectos de desenvolve- • Xesto do bocata solidario (ESOmento.
Bach.) onde os alumnos compran
un bocadillo no colexio e os cartos.
van para un proxecto da campaña
Curso 2011-2012 SJB – Programación Colexial de Pastoral Páxina 9 de 16

Colexio Salesiano “San Juan Bosco”
DEPARTAMENTO DE PASTORAL
Campaña: A FAMILIA Lema: “Pegadas da familia”
Destinatarios: EI – EP Datas: 10 ao 27 de abril
Obxectivos:
Actividades:
• Afondar nos elementos constituti- • Entrega de materiais para traballar
vos da familia coma referente estable
e plural de seguridade e afecto,
facilitando habilidades e medios para
mellorar as relacións familiares.
• Promover unha actitude activa,
partícipe e responsable dos nenos
na súa educación e convivencia
familiar.
• Informar e sensibilizar aos nenos
participantes sobre as diferentes
na aula e na familia.
realidades das familias e dos
dereitos da infancia en diferentes
lugares do mundo, especialmente
en países empobrecidos.
Campaña: ORIENTACIÓN VOCACIONAL
E PROFESIONAL
Lema: “Pisando forte”
Destinatarios: ESO – Bach. Datas: 10 ao 27 de abril
Obxectivos:
Actividades:
• Presentar a vida coma una opción • Ambientación de aulas e
vocacional.
corredores.
• Descubrir a nosa vocación coma • Titorías sobre a campaña: a vida
cristiáns.
como opción vocacional; opcións
• Espertar curiosidade polo propio profesionais.
futuro persoal e profesional. • Mesas de información sobre
• Dar información sobre os estudos estudos e saídas profesionais e
universitarios, Formación Profesional,
etc.
• Coñecer distintas opcións profesionais
e ofertas de traballo.
laborais.
Curso 2011-2012 SJB – Programación Colexial de Pastoral Páxina 10 de 16

Colexio Salesiano “San Juan Bosco”
DEPARTAMENTO DE PASTORAL
Campaña: FESTA DE Mª AUXILIADORA Lema: “Tralas pegadas de María”
Destinatarios: Todas as etapas Datas: 21 ao 24 de maio
Obxectivos:
Actividades:
• Celebrar a festa de Mª Auxiliadora. • Ambientación de aulas e
• Coñecer mellor a figura de María, a corredores.
súa importancia na vida de Don
Bosco e os valores que podemos
aprender dela.
• Celebracións da fe por etapas.
Xunto con estes momentos damos especial relevo a dous días: a inauguración
oficial do curso e o día escolar da paz.
INAUGURACIÓN OFICIAL DO CURSO Lema: “Deixando pegadas”
Destinatarios: Todas as etapas Datas: EI – EP o 30 de setembro
Obxectivos:
• Dar a coñecer o lema do curso.
• Traballar o significado do lema.
ESO e Bach o 29 de setembro
Actividades:
• Accións titoriais.
• Celebración para EI.
• Eucaristía para EP.
• Eucaristía para ESO e Bach.
XORNADA ESCOLAR DA PAZ Lema: “Pegadas de paz”
Destinatarios: Toda a Comunidade
Educativa
Datas: 30 de xaneiro
Obxectivos:
Actividades:
• Celebrar o día escolar da non • Titoría na aula sobre o tema.
violencia e a paz.
• Xesto colexial de toda a
• Sensibilizar sobre a importancia da
paz e as actitudes de non violencia.
• Descubrir que a paz é o noso
compromiso.
Comunidade Educativa.
Curso 2011-2012 SJB – Programación Colexial de Pastoral Páxina 11 de 16

Colexio Salesiano “San Juan Bosco”
DEPARTAMENTO DE PASTORAL
4.4.- Celebracións da fe.
En distintos momentos ofertamos celebracións en torno á fe. Algunhas
correspóndense con momentos significativos do ano, e se consideran actos
colexiais, e outras propóñense voluntariamente.
As celebracións que ofrecemos son: celebracións de inauguración do curso
por etapas, celebración de Nadal para EI e EP, eucaristías de Don Bosco e Mª
Auxiliadora para EP, ESO e Bacharelato e celebracións da Palabra para EI,
celebracións da Reconciliación, en dous momentos do curso, a partir de 4º de EP.
4.5.- Convivencias cristiás.
Para os cursos da ESO e Bacharelato ofértanse distintos momentos de
convivencias cristiás. Algúns lévanse a cabo desde o centro e outros veñen
ofertados desde a Delegación Inspectorial.
Son momentos de participación voluntaria, fóra da aula, onde se traballan
aspectos como a convivencia, a maduración persoal, a cooperación, a amizade, as
opcións persoais, Xesús e a súa mensaxe, etc. Tamén nalgúns cursos hai unha
celebración da fe.
Os cursos de 1º e 2º da ESO teñen un día no centro; os de 3º, 4º da ESO e
1º de Bacharelato teñen dous días fóra do dentro; os de 2º de bacharelato teñen
dous días de convivencias, con rapaces doutros colexios, fóra do centro.
En coordinación con outros centros ofértanse distintos momentos de
convivencias, sempre en fins de semana ou períodos de vacacións:
donbosco.com-tigo (3º e 4º da ESO), Campobosco (Bacharelato) e Pascua Xuvenil
(bacharelato).
4.6.- Itinerarios celebrativos.
Para os cursos de EI e EP traballamos o ámbito celebrativo a través dun
itinerario no que imos propoñendo distintos momentos e motivos de celebración,
Curso 2011-2012 SJB – Programación Colexial de Pastoral Páxina 12 de 16

Colexio Salesiano “San Juan Bosco”
DEPARTAMENTO DE PASTORAL
de xeito que o alumnado, segundo as idades e maduración, vaian abríndose ao
ámbito da transcendencia e ao senso da celebración, base para a celebración da
fe.
Esta actividade desenvólvese desde os ciclos correspondentes.
4.7.- Itinerario de educación na fe.
A pastoral do colexio ten como eixe fundamental para o seu
desenvolvemento o Itinerario de educación na fe. Neste itinerario participan de
xeito voluntario nenos e nenas, mozos e mozas, desde os 6 aos 19 anos.
O Itinerario de educación na fe está dividido en catro etapas, segundo as
idades dos participantes (Tardes Abertas, Andaina, ADS e Catecumenado), e a súa
programación e desenvolvemento concreto organízase desde o Centro Xuvenil
Abeiro.
4.8.- Actividades para o profesorado e a Comunidade Educativa.
Desde o Departamento de Pastoral propóñense tamén outras actividades
que teñen como destinatarios os profesores e profesoras. Estas actividades de
formación e celebración teñen como obxectivo medrar na nosa identidade cristiá
e salesiana e potenciar os aspectos que nos fan asimilar a idea de que todos
somos axentes de pastoral no colexio.
A planificación e desenvolvemento destas actividades depende de distintos
órganos (o propio departamento, a Delegación de Pastoral Xuvenil da Inspectoría,
Escolas Católicas…).
Para os profesores e profesoras ofértanse estas actividades ao longo deste
curso:
- Curso de Teoloxía para educadores (organizado desde a Inspectoría): unha
fin de semana en León onde se afonda sobre algún tema de teoloxía.
Curso 2011-2012 SJB – Programación Colexial de Pastoral Páxina 13 de 16

Colexio Salesiano “San Juan Bosco”
DEPARTAMENTO DE PASTORAL
- Convivencias cristiás para educadores (organizadas desde a Inspectoría):
Unha fin de semana de convivencias en León.
- Cursos sobre marxinación (organizados pola fundación JuanSoñador):
cursiños de fin de semana en distintos niveis sobre temas relacionados coa
intervención social.
- Xornadas de Pastoral Educativa (organizadas por Escolas Católicas): un
venres pola tarde e un sábado en Compostela onde se reflexiona sobre
distintos temas relacionados coa educación e a pastoral.
- Celebración en torno á festa de don Bosco (organizada polo Departamento
de Pastoral). Unha eucaristía para a Comunidade Educativa do colexio para
celebrar xuntos a nosa fe.
5.- TEMPORALIZACIÓN
Actividades para o alumnado
PRIMEIRO TRIMESTRE destinatarios datas
Inauguración do curso
EI - EP
ESO – Bach.
30 de setembro
29 de setembro
Campaña do DOMUND EP – ESO – Bach. 17-28 de outubro
Donbosco.com-tigo 3º y 4º ESO 22-23 de outubro
Magosto solidario Todos 26 de outubro
1º ESO 7 de novembro
Convivencias cristiás
2º ESO 9 de novembro
2º Bach 10-11 de outubro
Campobosco inspectorial Bacharelato 25-27 de novembro
Campaña Operación Quilo Todos 28 de nov. – 17 de dec.
Xesto colexial O.Q. Todos 14 de decembro
Celebracións da Reconciliación
4º, 5º e 6º EP 12 a 16 de decembro
Celebración de Nadal
ESO – Bach. 12 a 16 de decembro
EI 20 de decembro
EP 21 de decembro
Curso 2011-2012 SJB – Programación Colexial de Pastoral Páxina 14 de 16

Colexio Salesiano “San Juan Bosco”
DEPARTAMENTO DE PASTORAL
SEGUNDO TRIMESTRE destinatarios datas
Día escolar pola paz todos 30 de xaneiro
Campaña festas de Don Bosco todos 23 a 31 de xaneiro
Festa colexial de Don Bosco todos 31 de xaneiro
Campaña Mans Unidas todos 6 a 17 de febreiro
Biscoito solidario EP 15 de febreiro
Bocata solidario ESO – Bach. 15 de febreiro
Convivencias cristiás
1º Bacharelato
4º ESO
23-24 de febreiro
1-2 de marzo
Celebracións da Reconciliación ESO – Bach. 26 a 30 de marzo
Celebr. do itinerario celebrativo EI - EP 26 a 30 de marzo
Pascua Xuvenil Bacharelato 5 a 8 de abril
TERCEIRO TRIMESTRE destinatarios datas
C. de orientación vocacional e profesional ESO – Bach. 10 a 27 de abril
Campaña da Familia EI - EP 10 a 27 de abril
Convivencias cristiás 3º ESO 3-4 de maio
Campaña festas de Mª Auxiliadora Todos 21 a 24 de maio
Festa colexial de Mª Auxiliadora Todos 24 de maio
Actividades para o profesorado e a Comunidade Educativa
PRIMEIRO TRIMESTRE datas
Cursiño de Teoloxía para educadores 5-6 de novembro
SEGUNDO TRIMESTRE datas
Celebración da fe en torno a Don Bosco Preto da festa de D.B.
Xornadas de Pastoral Educativa 3-4 de febreiro
Cursiño de marxinación – especialización I 11-12 de febreiro
Cursiño de marxinación – especialización II 21-22 de xaneiro
Convivencias cristiás para educadores 25-26 de febreiro
Cursiño de marxinación – iniciación 3-4 de marzo
Curso 2011-2012 SJB – Programación Colexial de Pastoral Páxina 15 de 16

Colexio Salesiano “San Juan Bosco”
DEPARTAMENTO DE PASTORAL
6.- AVALIACIÓN
As distintas actividades propostas na programación serán avaliadas polos
membros do Departamento de Pastoral o xoves seguinte ao remate das mesmas,
sempre que se poida.
A avaliación recollerá aspectos relacionados co desenvolvemento da
actividade (data, lema, accións realizadas…) e coa participación e implicación do
alumnado e do profesorado.
As avaliacións quedarán recollidas na acta correspondente do
Departamento de Pastoral. Do mesmo xeito recolleranse os acordos tomados
para mellorar as actividades para o vindeiro curso.
Estas avaliacións serán revisadas ao final do curso para elaborar o plan de
mellora e de cara a deseñar e programar as actividades do seguinte curso.
-----------
Participamos no Plan de Calidade mediante o Procedemento Clave de
Pastoral, as actas e os indicadores propios de avaliación.
Este Plan de Pastoral cos seus obxectivos e programación de actividades
proponse ao Equipo Directivo para a súa aprobación.
Curso 2011-2012 SJB – Programación Colexial de Pastoral Páxina 16 de 16