Literatura galega medieval 1 - Universidade de Santiago de ...

3. OBXECTIVOS DA MATERIA
4
LITERATURA GALEGA MEDIEVAL 1
• Facer unha introdución aos estudos literarios do medievo con especial referencia ás
relacións que se establecen con outros ámbitos de creación literaria, nomeadamente
a lírica trobadoresca provenzal. Establecer o coñecemento dos movementos e feitos
literarios da etapa estudada, das súas orixes e caracterización.
• Situar no seu contexto, ler e establecer caracterización e análise da creación
prosística de carácter literario desta etapa medieval, e as especiais circunstancias da
súa produción.
• Ler e analizar a poesía de temática relixiosa e establecer as súas relacións coa lírica
profana.
• Adquirir coñecementos de codicoloxía mediante o estudo dos manuscritos que nos
transmitiron os textos medievais, e da súa xénese.
• Estudar as posibles etapas creadoras da lírica profana, con especial referencia aos
ámbitos cronolóxico, xeográfico e socio-literario desta produción.
• Adquirir os coñecementos técnicos e a terminoloxía correspondente para a
realización de comentarios literarios de textos medievais.
• Con todas estas actividades non só se pretende capacitar ao alumno na materia
mediante a asimilación de coñecementos pertinentes, senón tamén fomentar hábitos
intelectuais, de reflexión, de capacidade crítica, de achegamento á lectura e de
comunicación que son os obxectivos xerais e básicos do ensino.