02.09.16 ACTA.pdf - Concello de Viveiro

EXCMO. .CONCELLLLO
DE
VI IVEI IRO
Praza Maior, 1 27850-Viveiro (Lugo) Tel.:982560128 Fax:982561147 E-mail: viveiro@fegamp.es
3.12.- A DE D. ANTONIO SANTOS ALONSO, veciño de Viveiro e con domicilio na rúa
Lavandeiras, 2-3º, da parroquia de Celeiro, que solicita licencia urbanística para realizar obras consistentes
na construcción dunha rúa de 3 m de ancho por 70 m de longo, asi como de un desmonte
de terreo de 600 m3, segundo se grafía no plano que achega.
3.13.- A DE D.ª CONSUELO FRANCO LÓPEZ, veciña de Viveiro e con domicilio na
rúa Irmáns Vilar Ponte, 15-1º, que solicita licencia urbanística para realizar obras na vivenda situada
no lugar indicado, incluída no Plan de Rehabilitación do casco antigo de Viveiro, consistentes
en:
- Colocar tres ventás segundo as medidas e orzamento que achega.
4º.- LICENCIAS DE OBRAS MAIORES.
4.1.- A DE A CONSELLERÍA DE EDUCACIÓN E ORDENACIÓN UNIVERSITARIA,
con núm. S1511001H, domiciliado na Ronda da Muralla, 71 - 2, que solicita licencia urbanística para
executar obras de Adecuación e reforma do colexio Luís Tobío, que se realizarán en Viveiro , consonte
ó proxecto técnico redactado polo Arquitecto Alfonso Salgado Suárez
RESULTANDO que no expediente consta o informe do aparellador municipal, no que sinala
que as obras solicitadas non suponen variación algunha da edificabilidade posto que se refire a reformas
interiores, a excepción do peche perimetral do terreo.
RESULTANDO que as obras adáptanse ó planeamento .
CONSIDERANDO que a obra que se pretende está suxeita a licencia, nos termos previstos no
artigo 168.1 da Lei 1/1997, de 24 de marzo, do solo de Galicia, 242.1 da Lei 1/1992, de 26 de xuño, 5
da Lei 38/1999, de 5 de novembro, de ordenación da edificación, e no artigo 10 do Regulamento de
disciplina urbanística.
RESULTANDO que o proxecto técnico vén acompañado do estudio básico de seguridade e
saúde, asinado polo Arquitecto Alfonso Salgado Suárez, segundo o disposto no Real decreto
1627/1997, de 24 de outubro, polo que se establecen as disposicións mínimas de seguridade e saúde
nas obras de construcción.
CONSIDERANDO que os servicios técnicos fixeron o informe esixido polo artigo 168.3 da
Lei 1/1997, e seguiuse o procedemento previsto no artigo 9 do Regulamento de servicios e demais
lexislación aplicable, resultando de todo eso que o proxecto cumpre coas prescricións técnicas e xurídicas
que lle son de aplicación.
A Comisión de Goberno, por unanimidade, acorda conceder á Consellería de Educación e
Ordenación Universitaria, con núm. S1511001H, licencia urbanística para executar obras de
Adecuación e reforma do colexio Luís Tobío, que se realizarán Viveiro, consonte ó proxecto técnico
redactado polo Arquitecto Alfonso Salgado Suárez, cun orzamento estimado de cuarenta e dous mil
cento oitenta e tres euros (42.183 € ), previo pagamento das taxas municipais correspondentes e cos
seguintes condicionamentos:
a. Esta licencia enténdese expedida agás o dereito de propiedade e sen prexuízo de terceiros,
sen que se poida invocar para excluír ou diminuí-la responsabilidade civil ou penal
na que pudieran incorre-los beneficiarios no exercicio das súas actividades.
b. As obras iniciaranse no prazo de tres meses, contados dende o día seguinte ó da recepción
da notificación do acordo de concesión da licencia, e remataranse no de dous anos.
Superados estes prazos, incoarase expediente para insta-la caducidade da licencia.
c. As obras executaranse con estricta suxeición ó proxecto de construcción e ós demais
que obran no expediente, e baixo a dirección do técnico/s que figura/n nel/es. Toda variación
ulterior que se pretenda introducir precisará a conformidade previa.