Baixar aquí o pdf - Consello da Cultura Galega

Agasallo de cores para Xaquín Lorenzo é unha dobre homenaxe coa que pretendemos conmemorar
o Día das Letras Galegas 2004 no marco do 400 aniversario da fundación do Colexio San
Clemente e do 65 da creación do Instituto Rosalía de Castro.
Homenaxe a ese mestre da Etnografía galega e excelente debuxante que foi Xaquín Lorenzo,
utilizando unha técnica tradicional, a xilografía, para reler os seus traballos nun exercicio de formación
e de creación dos nosos alumnos á altura dos tempos en que vivimos. O pasado fertilizando o
futuro é algo ao que Xaquín Lorenzo nos diría que nunca debemos renunciar.
Homenaxe a este vello e fermoso pazo de San Clemente, hoxe sede do Instituto Rosalía de
Castro, pero tamén albergue de importantes institucións ao longo da súa historia, entre as que destacan
as relacionadas coas Artes Plásticas. Este magnífico traballo xilográfico é unha maneira de
lembrar ese pasado artístico a través dunha actividade escolar dos alumnos de Educación Plástica e
Visual. Velaí a mellor maneira que nos recomendaría Hölderlin para rememorar o pasado: facelo vivo
nun acto creativo.
Agradecementos e felicitacións aos alumnos por esta auténtica obra de arte, aos profesores
Soledad Pite, Pedro Ávila e Juanjo Raíces, que sempre nos sorprenden coa súa imaxinación e sensibilidade,
e finalmente ao Consello de Cultura Galega porque, unha vez máis, soubo estar presente
co seu apoio e colaboración nas apostas creativas dun centro de Ensino.
Ubaldo Rueda
Director do Instituto Rosalía de Castro
7