“Adeus Konflitu, Bem-vindu Dezenvolvimentu” - Governo de Timor ...

Iha nível sub-distritos, Centros Saúde Comunitária sira halao serviços
nebé ho nível ás liu, compara ho postos saúde, sira mos iha ema
barak liu hodi oferece serviços clínicos móveis ho apoio técnico no
gestão ba postos saúde. Tipo Centros Saúde Comunitária la hanesan
iha sub-distritos hotu-hotu, tanba sira né halao serviços ambulatórios
ka móveis, no tó ohin loron tipo serviços né halao tuir dunik volume
população nebé sira serve ho haré tuir distância ho estabelecimentos
referência ho nível nebé ás liu.
Centros saúde comunitária iha distritos halao serviços ba doentes ka
ema-moras sira nebé internados no externos, ho número efectivos mak
10-14, inclui médico ida (Director Distrital Saúde) no comunicações
liuhusi rádio nebé iha acesso directo ba serviços ambulâncias nian.
Depende ba proximidade ka distância husi hospitais referência, mak
ema moras nebé internados sei tau sira iha unidade observação
ida ho camas rua ka hát atu bele halao pré-encaminhamento karik
moras todan liu, ou iha enfermaria ida ho camas 10-20 hamutuk ho
equipamento apoio diagnóstico, inclui laboratório ida ho capacidade
halo análises essenciais.
Fatin nebé la iha posto saúde iha comunidades remotas ka hela dook
liu, centros saúde comunitária sei presta ho regularidade serviços
clínicos básicos móveis usa motorizada ka veículos multifuncionais
pelo menos dala-rua semana ida.
Serviços nebé halao iha estabelecimentos cuidados saúde primários
nian bele la hanesan haré tuir ba áreas cobertura no oferece pacote
serviços básicos ida nebé inclui mos serviços curativos base nian,
promoção saúde, actividades informação, educação ho comunicação,
programas imunização, cuidados saúde materna no infantil,
execução programas nutrição, acompanhamento halo tratamento
ho observação direta contra TB ho apoio ba cuidados saúde mental.
Centros saúde comunitária balun halao mos serviços estomatologia
ho análises laboratoriais ba cuidados ante-natais, malária ho TB.