Verbas do Tinteiro - Nº 5 - abril - 2017

TERMALISMO
O novo balneario de Partovia reforza o liderado termal da
provincia de Ourense
O presidente da Deputación, Manuel Baltar, participou hoxe xunto ao
titular da Xunta de Galicia, Alberto Núñez Feijoo, na inauguración
das novas instalacións balnearias, “coas que o termalismo en Partovia
pasa do século XVIII ao XXI, unindo historia, innovación e
modernidade”
Ourense, 7 de abril de 2017.- O presidente da Deputación de
Ourense, Manuel Baltar, xunto ao presidente da Xunta de Galicia,
Alberto Núñez Feijoo, e ao alcalde do Carballiño, Francisco Fumega,
participou hoxe na inauguración das novas instalacións do balneario
de Caldas de Partovia, no Carballiño, unha infraestrutura termal na
que se investiron 3,5 millóns de euros e que supón o sétimo
establecemento balneario da provincia, o que reforza o liderado
termal de Ourense.
O balneario, propiedade da familia Garriga, está situado a dous
quilómetros da vila do Carballiño, no recinto que ocupaba o antigo
balneario do ano 1842, cuxas augas, que manan a 37 graos
centígrados, foron declaradas de utilidade pública en 1929.
Tralo percorrido polas instalacións -que contan con piscina dinámica,
canle de fleboterapia, baños medicinais e de hidromasaxe e salas de
masaxe nos seus case dous mil metros cadrados de superficie
construída-, Manuel Baltar dixo que con esta nova infraestrutura
balnearia Partovia pasa do século XVIII ao século XXI, unido
historia, tradición termal, innovación e modernidade”.
O presidente do goberno provincial destacou que con esta obra “a
familia Garriga fai realidade un soño, aquí, no Carballiño, vila termal
por excelencia de Galicia”. “Non hai mellor fío musical que escoitar
como flúe a auga termal neste balneario”, expresou Baltar, afirmando
que esta iniciativa “supón ter visión e seguir posicionando a
Ourense”. Manuel Baltar tivo tamén palabras de recoñecemento para
o doutor Luís Rodríguez Míguez, destacando as súas achegas nos
ámbitos da investigación e promoción do termalismo contemporáneo,
de quen lembrou que a Deputación de Ourense continúa a realizar os
trámites “para concederlle, a título póstumo, a Medalla de Ouro da
provincia de Ourense”.
Verbas
O presidente provincial afirmou
que a cooperación entre
Deputación de Ourense e Xunta
de Galicia “fai posible que
sigamos desenvolvendo o Plan
“Ourense, a provincia termal”, o
cal se atopa nestes intres
executado ao 50 %” e avanzou
que a Deputación de Ourense
levará a cabo a construción dun
paseo termal que unirá os tres
grandes centros termais do
Carballiño: o Gran Balneario,
Caldas de Partovia e o Bañino de
Arcos.
Pola súa banda, Alberto Núñez
Feijoo destacou a importancia de
colaborar entre a iniciativa
privada e a pública, e dixo que
instalacións como esta “xeran
valor e emprego e apostan polo
Carballiño, por Ourense e por
Galicia”. O presidente da Xunta
subliñou que a provincia de
Ourense “é o territorio europeo
con maior riqueza termal, e as
instalacións modélicas deste
balneario de Caldas de Partovia
son boa proba diso, para coidar
do corpo e da mente co
termalismo como canle, un
termalismo que a partires do 2019
tamén será de “alta velocidade”.
Por parte da familia propietaria
do establecemento, Jesús Garriga
dixo que este é “o resultado dun
traballo incansable de 50 anos”, e
a agradeceu á Deputación de
Ourense e da Xunta “o apoio para
que puidese chegar este
momento”.
O alcalde do Carballiño remarcou
o carácter “vangardista e
innovador das novas
instalacións”, cuxa augas mineromedicinais
están consideradas
entre as mellores de España,
definíndose como mesotermais
(37º), sulfuradosódicas,
cloruradas, bicarbonatadas e de
mineralización moi débil.
DO TERMALISMO