You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
32<br />
EcoVision<br />
<strong>ATİB</strong> XƏBƏRLƏRİ<br />
Dövlət Miqrasiya Xidməti nümayəndələrinin<br />
aTİB üzvləri ilə görüşü keçirildi<br />
09 fevral 2011-ci ildə Azərbaycan Türkiyə İş<br />
Adamları Birliyinin (<strong>ATİB</strong>) ofisində Dövlət Miqrasiya<br />
Xidməti Miqrasiya vahid informasiya sisteminin<br />
təminatı şöbəsinin rəisi Səbuhi Məmmədov və Hüquq<br />
şöbəsinin inspektoru Cəmil Hüseynovla <strong>ATİB</strong><br />
üzvlərinin görüşü keçirildi. Görüşün keçirilməsində<br />
məqsəd Azərbaycan Respublikasında miqrasiya<br />
prosesləri, immiqrasiya, emiqrasiya, əcnəbilərin və<br />
vətəndaşlığı olmayan şəxslərin Azərbaycan Respublikasında<br />
müvəqqəti olma və viza müddətlərinin<br />
uzadılması məsələləri və s. barədə <strong>ATİB</strong> üzvlərini<br />
məlumatlandırmaq idi.<br />
<strong>ATİB</strong> İdarə Heyəti sədrinin birinci müavini Cemal<br />
Yangın məsələnin əhəmiyyətini vurğulayaraq qeyd<br />
etdi ki, əcnəbilər və vətəndaşlığı olmayan şəxslər<br />
tərəfindən ölkədə müvəqqəti olma müddətlərinin uzadılması,<br />
müvəqqəti və daimi yaşamaq üçün icazələrin<br />
verilməsi, vətəndaşlığa qəbul, bərpa, xitam, eləcə də<br />
vətəndaşlıq mənsubiyyətinin və qaçqın statusunun<br />
müəyyənləşdirilməsi, həmçinin əmək fəaliyyətinin<br />
həyata keçirilməsi üçün fərdi icazələrin verilməsi və<br />
mövcud fərdi icazələrin müddətlərinin uzadılması<br />
ilə bağlı qanunun tələblərinin yerinə yetirilməsi<br />
işəgötürənlər və işçilər arasında münasibətlərin daha<br />
da təkmilləşdirilməsi baxımından vacibdir.<br />
S.Məmmədov qeyd etdi ki, viza əsasında<br />
Azərbaycan Respublikasına gələn əcnəbilərin və<br />
vətəndaşlığı olmayan şəxslərin ölkədə müvəqqəti<br />
olma müddəti vizada göstərilən ölkədə qalma<br />
müddətindən, viza tələb olunmayan qaydada<br />
Azərbaycan Respublikasına gələn əcnəbilərin və<br />
vətəndaşlığı olmayan şəxslərin ölkədə müvəqqəti<br />
olma müddəti isə Azərbaycan Respublikasının<br />
tərəfdar çıxdığı beynəlxalq müqavilələrdə nəzərdə<br />
tutulmuş hallar istisna olmaqla, 90 (doxsan) gündən<br />
artıq ola bilməz. Bu müddət bitənədək əcnəbilər<br />
və vətəndaşlığı olmayan şəxslər qanunla müəyyən<br />
olunmuş hallarda ölkədə müvəqqəti olma müddətini<br />
uzatmalı, müvəqqəti yaşamaq üçün icazə almalı və ya<br />
ölkəni tərk etməlidirlər.<br />
Azərbaycan Respublikasında müvəqqəti yaşamaq<br />
üçün icazə bir ilədək müddətə verilir. İcazə qanunla<br />
müəyyən edilmiş hallarda Dövlət Miqrasiya Xidməti<br />
tərəfindən ləğv edilə və ya onun müddəti dörd<br />
dəfədən çox olmamaq şərti ilə uzadıla bilər.<br />
C.Hüseynov bildirdi ki, Miqrasiya proseslərinin<br />
idarəolunmasında “bir pəncərə” prinsipinin tətbiqi<br />
çox mühüm yer tutur. O söylədi ki, “bir pəncərə”<br />
prinsipi tətbiq olunmamışdan əvvəl Azərbaycan Respublikasına<br />
gələn əcnəbilər və vətəndaşlığı olmayan<br />
şəxslər, həmçinin onları işə qəbul edən hüquqi<br />
və fiziki şəxslər ölkə ərazisində müvəqqəti olma<br />
müddətinin uzadılması, müvafiq yaşama və işləmək<br />
üçün icazələrin alınması, o cümlədən yaşayış yeri üzrə<br />
qeydiyyata alınma ilə bağlı bir neçə orqana müraciət<br />
aTİB XƏBƏRLƏRİ<br />
etməli olurdular. “Bir pəncərə” tətbiq olunduqdan<br />
sonra isə Azərbaycan Respublikasına gələn əcnəbilər<br />
və vətəndaşlığı olmayan şəxslər, həmçinin onları işə<br />
qəbul edən hüquqi və fiziki şəxslər qeyd olunan prosedurları<br />
həyata keçirmək üçün yalnız Dövlət Miqrasiya<br />
Xidmətinə müraciət edirlər.<br />
Daha sonra görüş iş adamlarını maraqlandıran suallar<br />
ətrafında davam etdi.<br />
aTİB-in yeni nəşrləri çap olunub<br />
Azərbaycan Türkiyə İş Adamları Birliyi artıq üç ildir<br />
müntəzəm olaraq iqtisadiyyatın müxtəlif sektorlarını<br />
və məsələlərini əhatə edən araşdırmalar həyata<br />
keçirərək nəşr edir. <strong>ATİB</strong> tədqiqatlarının ümumi<br />
məqsədi Azərbaycan iqtisadiyyatının və onun ayrıayrı<br />
sektorlarının müasir vəziyyətinin təhlili, strateji<br />
önəminin üzə çıxarılması, iqtisadi inkişaf qarşısında<br />
duran problemlərin həll edilməsi üçün tövsiyələrin<br />
hazırlanaraq hökumətə, beynəlxalq və regional<br />
təşkilatlara, ictimai birliklərə, korporasiyalara, akademik<br />
dairələrə və mediaya təqdim edilməsidir.<br />
<strong>ATİB</strong> 2008-2009-cu illərdə səhiyyə sektoru, azad<br />
rəqabət, maliyyə sektoru (krizisdənsonrakı vəziyyət),<br />
təhsil sektoru, Azərbaycan–Türkiyə iqtisadi əlaqələri<br />
ilə bağlı hesabatları hazırlayaraq ictimaiyyətə təqdim<br />
edib.<br />
Ötən il isə <strong>ATİB</strong>-in sifarişi ilə təcrübəli mütəxəssislər<br />
tərəfindən “Azərbaycanın kənd təsərrüfatı, aqrarsənaye<br />
və qida sektoru” və “Azərbaycanda turizm<br />
sektoru: imkanlar, problemlər və perspektivlər”<br />
mövzularında tədqiqatlar həyata keçirilib, bütün<br />
maraqlı tərəflərin iştirakı ilə bu tədqiqatların ictimai<br />
müzakirəsi təşkil edilərək yekun variantı hazırlanıb.<br />
Böyük məmnuniyyətlə bildiririk ki, qeyd edilən<br />
nəşrlər artıq çapdan çıxıb və maraqlı şəxslər onları<br />
<strong>ATİB</strong> ofisindən, həmçinin elektron formada <strong>ATİB</strong>-in<br />
internet saytından əldə edə bilərlər.<br />
Qeyd edək ki, <strong>ATİB</strong> 2011-ci ildə də tədqiqat<br />
fəaliyyətini davam etdirmək niyyətindədir. Belə ki, bu<br />
il ərzində informasiya-kommunikasiya texnologiyaları<br />
sektoru və kiçik və orta sahibkarlığın inkişafı üzrə<br />
hesabatların hazırlanaraq ölkə ictimaiyyətinə təqdim<br />
edilməsi planlaşdırılır.
Change language