educate opinion - Parliament of South Africa

Public participation
involvement
empower
Make your voice heard...
Maaforika Borwa a tlile go nna le tšhono ya
go neelana ka dikakanyo tsa gore ba eletsa
go ka tsaya karolo jang mo Palamenteng,
lekgetlo la ntlha e sale go nna le ditlhopho
tsa temokerasi ka 1994. Seno se ikaelela go
tsweletsa pele botsaakarolo jwa setšhaba
mo tirong ya Palamente.
Ke gore eng o tshwanela
go tsaya karolo mo
Palamenteng?
Re na le Temokerasi.
Seno se kaya eng?
Go Aforika Borwa wa rona wa temokerasi
batho ba na le puo mo tsamaisong ya naga.
Go na le ditsela di le dintsi tsa go tsaya
karolo mo Palamenteng. O ka dira
Palamente eno ya gago, Palamente ya
Batho.
Tsela nngwe ya go tsaya karolo go
temokerasi mo Aforika Borwa ke go
tlhopha. Baagi botlhe ba dingwaga di le
18 kgotsa go feta ba ka tlhopha puso e ba
e batlang. Maaforika Borwa a ntse a na le
tshwanelo ya go tlhophiwa go tsena kwa
Palamenteng. Dingwa dingwe le dingwe di
le tlhano, re na le ditlhopho tsa bosetšhaba
go tlhopha puso e re e batlang.
Fela o ka dira go le gontsi go feta go tlhopha
gangwe mo dingwageng di le tlhano.
Go ya ka Molaotheo, Palamente e tshwanela
go neelana ka ditšhono tsa go nna le
dingangisano tsa phatlalatsa, go tsaya
karolo mo go direng melao le go leba tiro
ya puso. Jaaka baagi re tshwanela go dirisa
ditšhono go ka nna karolo ya go dira melao
le go okamela Palamente.
Temokerasi ya rona ya Molaotheo
Aforika Borwa e na le Molaotheo wa
temokerasi. Seno se kaya gore Molaotheo
ke molao o kwa godimodimo mo nageng.
Molaotheo o sireletsa temokerasi ya rona le
go thibela tirisobotlhaswa ya maatla. Molao
wa Ditshwanelo ke Karolo 2 ya Molaotheo.
E tlhalosa ditshwanelo tsa rona tse di
ikaegileng go boleng jwa temokerasi jaaka
seriti sa botho le kgololosego.
E na le melao e mentsi e botlhokwa mme
e bontsha ditshwanelo le maikarabelo
a rona. Baagi ga ba na ditshwanelo
fela. Mo temokerasing baagi ba na le
maikarabelo, go tsenyeletsa maikarabelo
a go nna batsaakarolo mo goreng naga
ya rona e tsamaisiwa jang. Baagi ba na
le maikarabelo a go bua gore ba rata fa
naga e ka busiwa jang mme ba bue fa ba
nagana gore sengwe ga se a sirelediwa ke
melawana ya naga.
Karolo 4 ya Molaotheo e tlhalosa tiro ya
Palamente. E tlhalosa fa Palamente e:
• na le dithata tsa go lebelela, go tsenya
tirisong kgotsa go tokafatsa melao
mengwe le mengwe e e fitlhang go
yona
• tshwanela go netefatsa gore
khuduthamaga, e e tsamaisang puso,
e bega go yona
• tshwanela go leba tsela eo puso e
dirisang melao le mananeo ao e
tshepisang go a dira le go dira kgonego
ya gore baagi ba tseye karolo mo go
direng melao le mo tirong e nngwe ya
Palamente
• tshwanela go dira tiro ya yona mme e
dule phatlalatsa, ntle le fa e le gore ke
ka ga tshireletso ya Naga.
Palamente ya rona
Palamente e bopilwe ke Kokoano
Bosetšhaba (NA) le Khansele ya Bosetšhaba
ya Diporofense (NCOP).
NA e na le maloko a gareng ga 350 le 400.
Maloko ano a tlhophiwa ke makoko a a
bonang ditlhopho tse di kwa godingwana
ka ditlhopho tsa bosetšhaba, tse di
tshwariwang dingwaga dingwe le dingwe
di le tlhano. Ditlhopho tsa diporofense di
tshwariwa ka nako e tshwanang le tsona,
fela ditlhopho tsa bomasepala di tshwariwa
ka nako e farologaneng.
NCOP e na le baemedi ba le 10 go tswa
go nngwe le nngwe ya diporofense di
le robongwe tsa Aforika Borwa. E emela
dikgatlhego tsa diporofense le puso selegae
kwa maemong a bosetšhaba mme e na le
seabe mo go tsenyeng tirisong melao e e
amang diporofense.
Tiro ya Palamente
Ntle le go tsenya tirisong melao, Palamente
e tshwanela go netefatsa gore puso e:
• dirisa lekgetho la rona sentle
• neelana ka ditirelo tse e di tshepisang
• fitlhelela maikaelelo a mananeo a yona
• dira e se na bofitlha
• neela setšhaba tšhono ya go tshwaela
ka tiro ya yona.
Palamente e neelana ka ditšhono tse dingwe
gore setšhaba se tseye karolo:
• Palamente e na le mananeo le
dingangisano tse di farologaneng
mo setšhaba se ka tsayang karolo.
Mananeo ano a diretswe go itsise,
go ruta le go aga go tlhaloganya
tlhaeletsano ya Palamenete le setšhaba
ka ga dilo tse di ba amang jaaka baagi.
Mananeo ano ke:
o Kokoano ya Setšhaba
o Go isa Palamene kwa Setšhabeng
o Palamente ya Basadi
o Palamente ya Baša
• Palamente e tlhomile Dikantoro tsa
Temokerasi tsa Palamente. Tseno
ke dikantoro tsa Palamente kwa
dikarolong tsa naga tse di kgakala le
Palamente kwa Motse Kapa. Di thusa
baagi kwa mafelong ao go bona
tshedimosetso ka ga melaokakangwa,
dipholisi le dintlha dingwe tsa
bosetšhaba. Dikantoro tsa Temokerasi
tsa Palamente di letla Palamente go
tlhaeletsana ka namana le setšhaba.
• Palamente e dira tiro ya yone e ntsi
kwa Dikomiting. Tseno ke ditlhopha
tse di nnye tsa Maloko a a dirang mo
maphateng a a rileng a puso. Go na le
Dikomiti di feta 50 kwa Palamenteng.
Bontsi jwa dikopano tsa Dikomiti di
ka tsenelwa ke setšhaba. Dikomiti di
okamela tiro ya mafapha a puso le
dikantoro tsa diTona. Ka go tsenela
dikopano tsa Dikomiti, re kgona go
tlhaloganya se se diragalang fa go
diriwa melao. Baagi ba dula ba na le
tšhono ya go bua kwa dikopanong tsa
Dikomiti le go tlhagisa ditshwaelo. Ka
dinako dingwe Dikomiti di tsamaya
go ralala naga go nna le diketelo tsa
go okamela. Tseno e dula e tšhono ya
gore baagi ba tlhagise matshwenyego
a bona le go dira gore mantswe a bona
a utlwagale.
te nion

Ke gore eng o tshwanela go tsaya
karolo mo Palamenteng?
Go tsaya karolo mo Palamenteng go feta go
tlhopha dingwaga dingwe le dingwe di le
tlhano. Ke ka ga wena:
• Go tshosometsa ditshweetso tse di
diriwang mo Palamenteng
• Go tsaya karolo mo temokerasing
ya naga
• Go nna mafolofolo mo go tsamaiseng
naga
• Go bua se o se akanyang
• Go dirisa tshwanelo ya gago
jaaka moagi
• Go aga naga e tokafetseng gore
Maaforika Borwa otlhe
Go dira gore temokerasi e go direle
Maikaelelo a Palamente ke go tsaya tsia
dikgatlhego tsa setšhaba fa e tsenya tirisong
melao le go okamela tiro ya puso. Go dira
seno ka manontlhotlho, Palamente e batla
dikakanyo tsa gago tsa gore o ka nna jang
karolo ya ditsamaiso tseno.
REUSE . REDUCE . RECYCLE .
Re kopa o re neele dikakanyo tsa gago ka ga:
• Go tsaya karolo mo Palamenteng le mo
tsamaisong ya naga
• Mananeo a sešweng a Palamente a go
tsaya karolo ga setšhaba
• Mokgwa o Palamente e ka tokafatsang
go tsaya ditshwaelo tsa gago.
• Tsela e ntle e Palamente e ka
tlhaeletsanang le wena le gore o
tlhaeletsane le Palamente.
• Ke eng se o bonang se dira le se se sa
direng
Re itsise se o se akanyang ka go romela
dikakanyo tsa gago ka:
• Emeili
• Weposaete
• Facebook
• Twitter
• Ditlhagiso
• Go tlatsa lenane la dipotso le
ditshwaelo
Dikakanyo tsa gago di botlhokwa!
A re ageng Palamente e tokafetseng -
“Palamente ya Batho, ka Batho!”
Re bolelele gore jang!
Produced by Parliamentary Communication Services
INSPIRED BY PEOPLE
www.parliament.gov.za • P.O. Box 15, Cape Town, 8000
Telephone: (021) 403 3341 • Facsimile: (021) 403 3303
REUSE . REDUCE . RECYCLE .
Public participation
involvement
empower
Make your voice heard...
Taking part in parliament
educate opinion
LEGISLATIVE SECTOR
SOUTH AFRICA
Setswana