Tranzicioni - Department of Education and Early Childhood ...

Ministria e Arsimit dhe Zhvillimit të Hershëm për Fëmijët
Fletë Informative për familjet.
Hyrja në shkollë është një hap i rëndësishëm
si për fëmijën tuaj ashtu edhe për ju. Kjo
periudhë me plot ndryshime sjell me vete
vështirësitë por edhe kënaqësitë e veta.
Mbështetja që i jep familja fëmijës suaj kur
nis shkollën ka shumë rëndësi sepse ju jeni
mësuesi i parë dhe më i rëndësishëm i fëmijës.
Jeta shkollore për fëmijën tuaj me siguri që
do të jetë e ndryshme nga e juaja. Qeveria e
Viktorias ka për qëllim që t’a bëjë hyrjen në
shkollë një përvojë sa më të lehtë dhe pozitive.
Pse ka rëndësi që shkolla të
nisë në mënyrë pozitive?
Duke e ndihmuar fëmijën tuaj që t’a nisë
jetën shkollore në mënyrë pozitive, ju i
jepni më shumë mundësi atij apo asaj që t’i
pëlqejë shkolla dhe mësimet.
Mënyra se si e fillon shkollën fëmija juaj
ka ndikim tek interesi i tij/saj për mësimet.
Një fillim i mbarë në shkollë përmirëson
qëndrimin e tij/saj ndaj shkollës, ndaj
dëshirës për të arritur suksese shoqërore
dhe akademike. Kur fëmijët nuk mësohen
lehtë me shkollën, këto vështirësi mund të
vazhdojnë gjatë gjithë shkollimit.
Regjistrimi i fëmijës suaj
në shkollë
Shumica e shkollave fillore i nisin
regjistrimet për vitin pasardhës në
muajin Maj. Fëmija duhet të regjistrohet
sa më parë në mënyrë që të merren të
gjitha informacionet që kanë të bëjnë me
programet e tranzicionit dhe aktivitetet
në shkollë. Regjistrimet e bëra herët i
vijnë në ndihmë edhe shkollës për
qëllime planifikimi.
Programet dhe aktivitetet e
tranzicionit në shkollë
Programet dhe aktivitetet e tranzicionit në
shkollë janë krijuar për t’ju ndihmuar ju
dhe fëmijën që të mësoni se si funksionon
shkolla. Gjithashtu, ato ju vijnë në ndihmë
juve dhe fëmijës suaj që të njiheni me
personelin e shkollës, familjet dhe fëmijët
e tjerë.
Çdo vit shërbimet për fëmijë dhe shkollat
organizojnë programet dhe aktivitetet e
veta të tranzicionit në shkollë.
Për të mësuar më shumë, ju mund të
bisedoni me edukatoren e kopshtit, të
çerdhes ose kontaktoni shkollën.
Deklarata e Tranzicionit në
Zhvillim dhe Mësim
Deklarata e Tranzicionit në Zhvillim dhe
Mësim jep një përmbledhje të pikave të
forta të fëmijës suaj kur ai/ajo nis shkollën,
identifikon interesat e tij/saj dhe tregon
se si mund t’i vihet në ndihmë fëmijës me
mësimin dhe zhvillimim e tij/saj.
Ju lutemi që të lexoni Udhëzimet ndihmëse
për plotësimin e Deklaratës së Tranzicionit në
Zhvillim dhe Mësim-Pjesa 1: Familja, për më
shumë informacion në lidhje me proçesin e
mbajtjes së Deklaratës.
Nëse keni nevojë për më shumë ndihmë,
bisedoni me edukatoren e kopshtit, të
çerdhes ose telefononi tek Shërbimi i
Informacionit dhe i Rekomandimeve të
‘DEECD’ për Zyrën Rajonale të ‘DEECD’
në 1800 809 834.
Tranzicioni: Një Fillim
Pozitiv në Shkollë
Çdo
fëmijë,
çdo
mundësi.
Albanian

Këshilla rreth Tranzicionit
Gjatë vitit përpara fillimit të shkollës
• Kërkojini fëmijës t’ju tregojë se si e
mendon shkollën.
• Inkurajojeni fëmijën që t’ju bëjë pyetje në
lidhje me fillimin e shkollës.
• Ndihmojeni fëmijën që të jetë i/e
shëndetshëm/me- bëni ekzaminime
të rregullta tek mjeku dhe dentisti dhe
kryeni të gjitha imunizimet.
• Inkurajojeni fëmijën tuaj që të vishet vetë,
të lajë vetë duart, të shkojë në WC, të hapë
e mbyllë vetë ushqimet dhe shishet e pijeve.
• Bisedoni me miqtë dhe familje të tjera në
lidhje me shkollën.
• Merrni pjesë në programet dhe
aktivitetet e tranzicionit të mbajtura
në kopshtin, çerdhen apo në shkollën e
ardhshme të fëmijës suaj.
• Bisedoni me edukatoren e fëmijës suaj
në lidhje me ndihmën që mund t’i jepni
fëmijës në shtëpi në drejtim të mësimit
dhe zhvillimit të tij/saj.
• Bisedoni me shkollën në lidhje me
mundësinë e pjesëmarrjes në jetën e
fëmijës suaj në shkollë në drejtim të
mësimeve dhe zhvillimit.
• Merrni të dhëna nga shkolla në lidhje me
orën e fillimit të mësimit ditën e parë të
shkollës dhe vendin ku duhet të paraqitet
fëmija juaj.
Gjatë pushimve verore
• Tregojini fëmijës se ku ndodhet shkolla
dhe bisedoni për mënyrën se si do të
shkojë aty.
• Caktoni takime lojrash me familjet e
tjera, fëmijët e të cilave janë regjistruar
në të njëjtën shkollë me fëmijën tuaj.
Është më mirë që kur fëmija juaj të shkojë
në Klasën Parashkollore, të njohë fëmijë
të tjerë në të njëjtën shkollë.
• Praktikoni gjërat që duhet të bëni për t’u
përgatitur për në shkollë (p.sh. bëni gati
çantën, të mos harrojë kapelen).
• Konfirmoni kujdesin para dhe pas
shkollës. Tregojini fëmijës se ku ndodhet
qendra e kujdesit para dhe pas shkollës
dhe tregojini se si duhet të shkojë aty.
• Tregoni pozitivitet për fillimin e
shkollës dhe kënaquni me gëzimin që
tregon fëmija juaj.
• Vizitoni bibliotekën lokale dhe lexojini
fëmijës libra rreth filimit të shkollës.
Ditën e parë të shkollës
• Tregojini fëmijës se kush do t’a çojë
dhe kush do t’a marrë nga shkolla ditën
e parë.
• Përgatitni rrobat, këpucët dhe çorapet
e fëmijës që një natë më parë.
• Ndihmojeni fëmijën me paketimin e
çantës së shkollës duke mos harruar
ushqimin, pijen dhe kapelen. Po ashtu,
në një qese plastike vendosni edhe një
palë veshmbathje dhe rroba. Tregojini
fëmijës që këto rroba janë për tu përdorur
në rast se në shkollë ndodh ndonjë
incident.
• Në mëngjes lyejeni fëmijën me krem
plazhi nëse ka nevojë.
• Tregojini fëmijës se ku do t’a prisni kur
të mbarojë shkolla.
• Kur të mbarojë shkolla kërkojini fëmijës
që t’ju tregojë se çfarë ndodhi në shkollë.
Gjatë gjithë vitit të parë në shkollë
• Mësoni se çfarë mëson fëmija në shkollë.
Në këtë mënyrë do të jeni në gjendje që
t’a ndihmoni fëmijën që të mësojë dhe
do t’a dini nëse ai apo ajo po mësohet
me shkollën.
• Nëse fëmija juaj ka vështirësi në
shkollë, atëherë ju mund të bisedoni me
mësuesin/en e tij/saj. Pyeteni fëmijën që
t’ju tregojë për çfarë ndihme ka nevojë.
• Bisedoni me fëmijën tuaj vazhdimisht për
shkollën. Pyeteni për të rejat që ka, çfarë
i pëlqen ose çfarë i duket e vështirë.
• Nëse fëmija juaj shkon në qendrën
e kujdesit para dhe pas shkollës,
mundohuni që t’i tregoni personelit aty
se si shkon fëmija juaj në shkollë.
• Tregojini shkollës dhe shërbimeve
para-shkollore në lidhje me përvojën
tuaj në shkollë.
• Caktoni takime që fëmija juaj dhe
shokët/shoqet e tij/saj të reja të luajnë
së bashku jashtë orarit të shkollës.
Për më shumë informacion
Ju lutemi që të vizitoni www.education.vic.
gov.au/earlylearning/transitionschool
ose të telefononi DEECD Information and
Referral Service (Shërbimin Informativ dhe
Rekomandues të DEECD) për Zyrën Rajonale
të DEECD në 1800 809 834.
Ky dokument është përkthyer në 21 gjuhë
dhe përkthimet mund të merren tek
www.education.vic.gov.au/earlylearning/
transitionschool/profresources/
caldresources.htm
© Copyright Department of Education and Early Childhood Development, Melbourne, August 2010
2 Treasury Place, East Melbourne, 3002