MGA SAKIT - Agricultural Training Institute

segundaryo nga komplikasyon han baktirya. An antibayotiko
in iginsusun-od ha irinmon nga tubig o ipinaagi han
ineksyon. Dire rekomemndado an mga patumaron nga
tambal o in-feed medication dara kay an mga magsakit nga
kabaktinan in naghihinigda la ngan wara gana kumaon.
Atrophic Rhinitis (AR)
An AR in dara ini han mga hilo nga
ginproproducer han baktirya nga
Pasteurella Multocida. Ini nga mga
baktirya in nakupkop ha mga cells han
irong ngan ini an nagigin kawsa han
kalubag o kabarahiwi han nawong. Usa
gihapon nga ahente o tagudara amo an
Bordetella bronchiseptica. Kun ini in mahitatampo ha amonya,
Tapotapo ngan mataghum nga hangin, ini in makakahibang han
lining han irong ug ini in makakatugot han Pasteurella nga
magdamo dida han irong han baktin.
Paagi han Pagtapon:
• Kaurugan tikang han anay (sow) ngadto han kapasi-an.
Kundi, kataliwan hin tulo kasemana nga edad han baktin, an
pagtapon in tikang hin usa nga baktin, ngadto ha iba
ipinaagi han hangin.
Pagsumpo (Prevention)
• In mga antibayotiko sugad han oxytetracycline ngan
sulfonamides in pwede magamit komo in-feed nga
medikasyon ha urhi nga bulan han pagburod agud nga
makontrolar an paghulog han baktirya tikang han anay
ngadto han mga kapasian. In mga injectables in danay
ginagamit ha mga kapasian ha siyahan nga 21-28 kadias.
• An programa han pagbakuna in makakaprotehir han kapasian
ha impeksyon. Bakunahi an mga anay antes manganak. Ini in
kinahanglan nga ighatag duha kasemana antes han natural
nga kahibutad (natural exposure) ha baktirya.
Myocoplasma Hyopneumonia
Ini in gintatawag gihapon nga
Myoplasmal Pneumonia of Swine (MPS)
o Enzootic Pneumonia of Swine (EPS).
Ha mga baktin nga igbaraligya
(finishers) an morbidity in naabot ha
pinakahitaas nga lebil hin 40-60% ha
pangidaron nga 4-6 kabulan.
Sintomas
• An mga sintomas dida han kabaktinan in
masarig la han degree han impeksyon mga
organismo ug han environmental stress.
• Gutiay la han kabaktinan an magpapakita
hin eksakto nga mga pangilal-an, kundi, an
Mycoplasma in maghahatag hin paagi agud
nga makasulod an iba pa nga mga sakit
• Halipot ug mamara nga batok
• Habubo an mortality kundi mayda habubo nga pagasulig o
growth development.
Pagtambal
• Bakunahi an kabaktinan agud maibanan an lung lesions ngan
mapaupay otro an timbang.
• Ipabilin an kalinisan
• An Mycoplasma in kaurugan nauura-ura ipinaagi han
Pasterella, Actinobacillus ngan Bordetella Hini, an
kombinasyon hin mga droga nga haluag an lupgup (wide
spectrum) in rekomendado.
Paagi han pagtapon:
• Tikang ha usa nga baktin ngadto ha iba, kundi an long range
aerosol transmission in posible. An bag-o pala nga igin-aanak
nga kapasian in naaalakbatan o dida ha siyahan nga mga
adlaw. Dara han colostral immunity, an mga sintomas in
nakikit-an 2-3 kasemana kataliwan la nga lutason. Kun an
colostrum in deri adang an mga sintomas/ pangilal-an in naoobserbahan
ha pangidaron nga 2-4 kasemana.