Planifikimi Familjar, Të drejtat dhe Zhvillimi Njerëzor 14 ... - UNFPA

Sipas zgjedhjes, jo rastësisht: Planifikimi Familjar, Të drejtat dhe Zhvillimi
Njerëzor
14 Nëntor 2012
Lansimin i raportit mbi Gjendjen e Popullsisë në Botë të vitit 2012 nga UNFPA me
titull " Sipas zgjedhjes, jo rastësisht: Planifikimi Familjar, të Drejtat dhe Zhvillimi
Njerëzor.”
Raporti i UNFPA-së vërteton se planifikimi familjar është e drejtë njerëzore. Pasi
paraqet një të drejtë njerëzore, secili që dëshiron të ketë qasje në planifikimin
familjar duhet të gëzojë këtë të drejtë . Për vetëm afro një dollar për çdo person në
botë, çdo kush do të mund ta realizonte këtë të drejtë.
Planifikimi familjar është një nga investimet me rëndësi kyçe që mund të bëjmë: në
shëndetësi, në të drejtat e grave dhe në trajektoret jetësore të të rinjve. Përmes
edukimit seksual përkatës për moshën si dhe sigurimit të qasjes në kontracepcion,
të rinjtë vërtetë mund të bëjnë planet e tyre rreth shkollimit, punësimit dhe lindjes
së fëmiut.
Mirëpo, përkundër premtimeve dhe rezolutave dhe konventave të cilat
konfirmojnë vlerën e planifikimit familjar, për 222 millionë femra në vendet në
zhvillim qasja në të është e pamundur. Faktorët të cilët kontribuojnë në thellimin e
këtij problemi janë të shumtë: numri i kufizuar i shërbimeve, çmimi dhe një
mori rrethanash tjera në jetën e grave dhe burrave të cilat pengojnë qasjen e tyre në
shërbimet shëndetësore seksuale dhe riprodhuese. Pikërisht këto barriera kufizojnë
të drejtat e tyre.
E pranuar si e tillë, mungesa e planifikimin familjar thellon varfërinë dhe
pabarazitë gjinore dhe mund të çojë drejt presionit në popullatën e vendeve të
varfëra të cilat edhe ashtu ballafaqohen me realizimin e të drejtave bazike
njerëzore. Ne e dimë se, në mungesë të mjeteve dhe fuqisë për marrjen e një
vendimi lirshëm dhe me përgjegjësi për numrin dhe kohën e fëmijëve që duan të
kenë, gratë ballafaqohen me rrezik të shtuar për një shëndet të dobët dhe varfëri.
Të dhënat tregojnë se qasja në planifikimin familjar hap rrugën drejt përfitimeve të
jashtezakonshme si në nivelin individual edhe atë nacional dhe si e tillë edhe në
zhvillimin ekonomik. Efekti i përbashkët i vendimeve tejet personale mund të jetë
me ndikim për tërë vendin si dhe regjionet. Ndërsa si tërësi, zgjedhja personale
mund të inspirojë politikat drejt përmirësimit të jetës.

Sikurse është dokumentuar nga ekonomitë e përmirësuara të Meksikës dhe të
Tigrave Aziatikë, reduktimi i numrit të vartësve për secilin punëtor me investimin
e bere nga shteti për zhvillim të popullsie së vet, mund të çojë në një ngritje
sinjifikante shoqërore dhe ekonomike.
Në pajtim me këtë, raporti i UNFPA-së mbi Gjendjen e Popullsisë në Botë ka
treguar se planifikimi familjar ka një efekt shumëfishues në zhvillim.
Nëse investimet e komunitetit global do të ishin 8.1 miliardë $ në vit, mund të
shlyenim nevojat e pambuluara dhe me miliona persona të tjerë mund të jetonin
jetën e tyre si dëshirojnë ata vet.
Në vendin tim në Nigeri, një studim i bërë së voni ka treguar se nëse shkalla e
fertilitetit kishte me zbrit për vetëm një fëmijë për grua, të ardhurat vjetore për
kokë të banorit do të pësonin një ngritje brenda 20 vitesh- prej 1,452 $ në vit në
1,640$. Nëse shumëzojmë këtë vlerë me numrin total të nigerianëve, do të shihnit
një rritje ekonomike prej së paku 30 miliardë$. Ky dollar i investuara për një çift,
brenda vitit, që krijon nje fuqi ekonomike.
Kudo që udhëtoj, takohem me gra të cilat tregojnë të njëjtën gjë: ato dëshirojnë të
kenë më pak fëmijë por nuk kanë fuqi ose mjete që të parandalojnë një shtatzani të
paplanifikuar.
Edhe nga ana e burrave janë shfaqur mendime të ngjashme apo se duan të kenë
mjete t’u ndihmojnë bashkëshorteve ose partnereve të tyre të kenë numrin e
dëshiruar të fëmijëve.
Realizmi i të drejtës për planifikimin familjar për këto gra dhe burra mund të bëhet
vetëm më ndihmën tonë. Qeveritë dhe ofruesit e shërbimeve duhet të sigurojn që
qasja në shërbimet e planifikimit familjar vullnetar të jetë e mundur për të gjithë
ata që shprehin dëshirë, sidomos për të varfërit.
Ne mund mund ti rrezojmë barrierat financiare, shoqërore dhe ato që pengojnë
qasjen.
Ne mund të ofrojmë trajnime për të rinjët mbi shkathtësitë jetësore si dhe edukim
seksual përkatës për moshën.
Ne mund të përpilojmë dhe të implementojmë ligje të cilat mbrojnë të drejtat e
grave.

Siç e din shumë nga ju, UNFPA, Qeveria e Mbretërisë së Bashkuar dhe Fondacioni
Bill dhe Melinda Gates bashkë me të tjerët kanë bashkuar forcat në muajin Korrik
për mobilizimin e fondeve, të cilat deri në vitin 2020, do të sigurojnë qasjen në
shërbimet e planifikimit familjar vullnetar edhe për 120 milionë femra tjera në
vendet në zhvillim
Ky paraqet një hap pozitiv para. Megjithate, ne duhet të bëjmë shumë më tepër.
Vendet në zhvillim kanë ngritur zotimin e tyre për financimin e planifikimit
familjar. Në samitin e planifikimit familjar, në Londër,kanë premtuar zotuar
miliona dollarë.
Investimet e reja në planifikimin familjar do të ishin më efektive poqese janë
pjesë e perpjekejeve nacionale drejt përmirësimit të shëndetit seksual dhe
riprodhues.
Komuniteti global njerëzor ka thënë fjalën e vet: planifikimi familjar ka rëndësi
qëndrore pthuajse në çdo aspekt të zhvillimit. Kjo eshte arsyeja se pse duhet të
vendoset në qendër të agjendes globale të zhvillimit që do të pasojnë Synimet e
Zhvillimore të Mijëvjeçarit pas vitit 2015.
Me qindra, miliona gra, burra dhe të rinj llogarisin tek ne në përkrahjen e të
drejtave të tyre. Ne nuk guxojmë t’i dëshpërojmë ata.
Babatunde Osotimehin
Drejtori Ekzekutiv , UNFPA