KOSOVA MORI DRITËN E GJELBËR PËR MBAJTJEN E ...
KOSOVA MORI DRITËN E GJELBËR PËR MBAJTJEN E ...
KOSOVA MORI DRITËN E GJELBËR PËR MBAJTJEN E ...
Create successful ePaper yourself
Turn your PDF publications into a flip-book with our unique Google optimized e-Paper software.
<strong>KOSOVA</strong> <strong>MORI</strong> <strong>DRITËN</strong> E <strong>GJELBËR</strong> <strong>PËR</strong> <strong>MBAJTJEN</strong> E REGJISTRIMIT TË POPULLSISË NË KOSOVË NË VITIN<br />
2011<br />
25 nëntor 2010 - Në Ministrinë e Administratës Publike, znj Edita Tahiri, ministre, priti z. Pieter Everaers,<br />
Drejtor i EUROSTAT-it dhe kryesues i Operacionit Ndërkombëtarë për Monitorimin (ONM) e Regjistrimit<br />
të Popullsisë (The International Monitoring Operation IMO).<br />
Në këtë takim z. Everaers i ka bërë te njohur ministres Tahiri se Kosova ka marrë dritën e gjelbër nga<br />
IMO për mbajtjen Regjistrimit të Popullsisë, Ekonomive familjare dhe Banesave në Kosovë në vitin<br />
20011. z.Everaers ka përgëzuar Ministren për këtë arritje të madhe duke thënë se përgatitjet serioze që i<br />
ka bërë MAP dhe ESK për procesin e regjistrimit dhe respektimi i standardeve evropiane, janë bazë mbi<br />
të cilat IMO ka marrë vendim të jap dritën e gjelbër për Kosovën.<br />
Ministrja Tahiri ka shprehur kënaqësinë për vlerësimin e lartë nga ana e IMO dhe ka siguruar se<br />
përkushtimi për një regjistrim të suksesshëm mbetet prioritet i lartë i Qeverisë së Kosovës. Pas takimit,<br />
Ministrja Tahiri dhe z.Pieter Everaers kanë mbajtur një Konferencë për shtyp.<br />
Me këtë rast z. Everaers ka thënë se IMO ka monitoruar në mënyrë sistematike përgatitjet për<br />
Regjistrimin e popullsisë në Kosovë që nga viti 2005, me qëllim të verifikimit që regjistrimi i popullsisë në<br />
Kosovë të bëhet sipas standardeve ndërkombëtare. “IMO, në takimin e mbajtur në muajin tetor, ka<br />
vlerësuar se përgatitjet e Entit Statistikor të Kosovës janë në përputhje me rekomandimet<br />
ndërkombëtare.<br />
Prandaj, IMO rekomandon se regjistrimi i popullsisë mund të filloj më 1 prill 2011”, ka deklaruar z.<br />
Everaers. Duke folur për përgatitjet e bëra, z. Everaers ka thënë sepërgatitjet teknike të Entit Statistikor<br />
të Kosovës (ESK) ( ku përfshihen përgatitjet e pyetësorëve, udhëzuesit për regjistruesit, planin për<br />
trajnimin e regjistruesve dhe sistemet e TI), janë në një fazë mjaft të avancuar. Gjithashtu z. Everaers ka<br />
theksuar edhe faktin se Ligji për Regjistrimin e Popullsisë është miratuar nga Kuvendi dhe është në<br />
përputhje me rekomandimet ndërkombëtare për regjistrimin e popullsisë.<br />
Sa i përket buxhetit të regjistrimit, edhe pse negociatat me donatorët për buxhetin e regjistrimit janë në<br />
vazhdim e sipër, IMO parashikon se buxheti do të mbulohet plotësisht. Ministrja Tahiri ka shprehur<br />
falënderimin për z. Everaers në angazhimin e pa rezervë te tij, duke konsideruar partneritetin me<br />
EUROSTAT-in dhe Komisionin Evropian si kyç.<br />
Ajo ka theksuar përkushtimin e Qeverisë së Kosovës për të realizuar suksesshëm Regjistrimin popullsisë,<br />
si një projekt i interesit nacional, i cili do të realizohet në pajtim me standardet ndërkombëtare,<br />
duke prodhuar të dhëna të vlefshme e të pranueshme nga të gjitha palët, duke plotësuar mungesën prej<br />
tri dekadash të të dhënave statistikore në Kosovë.
Për të siguruar pjesëmarrjen e lartë të të gjitha grupeve të popullsisë në regjistrim, IMO kishte vendosur<br />
si parakusht për mbështetjen e tyre që ESK të zhvilloj një fushatë të informimit për minoritetet si dhe një<br />
fushatë në media për publikun e gjerë. Një fushatë gjithëpërfshirëse për media dhe për komunikim ka<br />
filluar në muajin shkurt 2010 dhe planet dhe përcjellja e fushatave në terren dhe komunikimi tani janë<br />
duke ecur mirë. Operacioni Ndërkombëtar i Monitorimit do të vazhdojë të përcjell përgatitjet gjatë<br />
muajve të ardhshëm, gjatë të cilëve Qeveria është rekomanduar që të mbaj ritmin e përshpejtuar.<br />
Gjatë periudhës së regjistrimit në prill 2011, IMO do të caktoj një ekip të vëzhguesve që do të<br />
monitorojë nga afër regjistrimin në terren. Nga ana e sajë Ministrja Tahiri ka falënderuar z. Everaers dhe<br />
Organizatën ndërkombëtare për dhënien e vizës për mbajtjen e regjistrimit. Ajo ka theksuar se kjo është<br />
një arritje e madhe e Qeverisë së Kosovës dhe Ministrisë së Administratës Publike për realizimin e<br />
suksesshëm të projektimit të regjistrimit.<br />
Me këtë rast ajo ka vlerësuar lartë punën e gjithë ekipit të Ministrisë, Entit Statistilor të Kosovës, zyrës<br />
për regjistrim dhe partnerëve ndërkombëtar dhe në veçanti të Eurostatit. Ministrja Tahiri ka falënderuar<br />
po ashtu Zyrës ndërlidhëse të Komisionit Evropian dhe Qeverinë amerikane si dhe gjithë donatorët<br />
përfshirë DIFID, SIDA, Swiss Cooperation, të Luksemburgut dhe Danimarkës etj të cilën mbështesin<br />
financiarisht këtë projekt të rëndësishëm për vendin.