313 - Føroya Fiskimannafelag

Síða 24 Nr. 313 - 11. mars 2004
Hin gamli lá sjúkur og
hevði vitjan av dóttrini,
sum spurdi:
- Er nakað, tú kundi
hugsað tær? Frukt ella
blomstur?
- Nei, svaraði hin gamli,
tað er ov seint við
fruktum og nakað tíðliga
við blomstrum…
*****
Heim aftur til mammu
- Eg fari heim aftur til
mammu. Eg skuldi havt
lurtað eftir tí,hon segði
fyri 20 árum síðani.
- Far bara. Hon tosar
enn….
*****
Lúrarin
- Ein ungur maður er
fluttur í íbúðina yvirav,
og hann stendur
alla tíðina í vindeyganum
og hyggur, so vit
mugu altso fáa okkum
gardinur fyri,segði konan.
- Lat hann bara hyggja,
tí so man hann nokk
sjálvur fara at skaffa
sær gardinur…
*****
Mamman við dóttrina:
- Hasin Sørin er altso
ikki nakað fyri teg!
- Jamen, hann hevur
lovað at leggja alla verðina
fyri mínar føtur.
- Hon liggur har longu!
Tað er av størri týdningi,
at tú fært tak yvir
høvdið…
*****
Mamman við sonin:
- Hvussu er tað, tú sært
út?
- Eg gleið í einum
hundalorti.
- Og komst tú so illa til
skaða?
- Nei, fallið var ikki so
ringt, men ein størri
drongur gleið í sama
hundalorti,og so segði
eg:“hatta havi eg akkurát
gjørt”, og so smurdi
hann meg av…
103 ára føðingardagurin
Tað er sera sjáldan, at nakar fyllir 103 ár í
Føroyum. Tær ferðir, hetta hevur hent,
kunnu vist teljast á einari hond.
Tí var tað ein stórhending, tá Anna Askham
seinasta fríggjadag fylti 103 ár. Sum
rímiligt er, vóru vit eisini inni á gólvinum,
har nógv nýttu høvið at heilsa Onnu, sum
hevur upplivað stórt sæð alla ta menning,
sum okkara samfelag hevur havt, og sum
hon hevur dugað so væl at greitt frá her í
blaðnum.
Vit hava nakrar myndir frá føðingardegnum.
Fyrstu ferð, Óli Jacobsen og Anna hittust, var hon
102 ár, men burturúr kom áhugaverda frásøgnin
frá hennara lívi í FF-blaðnum seinasta heyst. Síðan
tá er leiðin fleiri ferðir løgd fram við Ellisheimið at
heilsa uppá Onnu.
Uttast t.v. síggja vit dóttir Onnu, Sonja, dóttir hennara Eyðbjørg, døtur
hennara Katrin og Sonja, og maður Sonju, Rókur Dalsgaard.
Anna eigur longu fleiru
oldurommubørn, og tað
eru altíð fleiri á veg!
Men her hava vit bert
eitt dømi um fimm ættarlið
hjá henni. Olduromman
er Anna, langomman
Martha, búsitandi
á Strondum, omman
er Maria, sum býr á
Toftum, mamman er
Andrea, sum býr á Saltnesi,
og oldurommubørnini
eru Eydna Maria
og Hilmar.
Langommusonur Onnu, Ingi, saman við dóttur síni Turid.