PERISKOPI

PERISKOPI
Revistë mujore | Nr. 01 | Nëntor 2009
Kampet e turpit
1

2
Sot e dhjetë vite
rresht, mbi 700 romë,
të ikur nga pjesë të
ndryshme të Kosovës,
mbetën të lënë në
kampet në veri të
Mitrovicës.
Kampet e turpit
Ndonëse u shpenzuan miliarda euro për
nevoja humanitare, një nga problemet
më rrëqethëse të Kosovës asnjëherë nuk
u kualifikua si prioritet tek auroritetet
ndërkombëtarë, organizatat e numërta
humanitare, e lere me institucionet e
Kosovës. Sot e dhjetë vite rresht, mbi 700
romë, të ikur nga pjesë të ndryshme të
Kosovës, mbetën të lënë në kampet në veri
të Mitrovicës.
Nuk mund të ketë një ilustrim më
të drejtë të konceptit të mjerimit sesa
imazhet e jetës së romëve në kampet e
kontaminuara me plumb. Kampi në Cesmin
Lug, ku jetojnë rreth 50 familje rome, ka
një konsturkcion vargu ku barakat mbahen
njëra në tjetrën. Të krijohet përshtypja se
rrëzimi i një barake do t’shkaktonte një
domino efekt fatal duke shembur për tokët
tërë kampin.
Familja Cakolli me nëntë anëtarët e saj
që nga viti 2000 jeton në këtë kamp, ku
OBSH-ja thotë se shkalla e kontaminimit
me plumb është e patolerueshme.

“Mu djali 27 vjeçar m’ka vdekë prej
plumbi, para pesë vjetëve ”, thotë Elez
Cakolli. “Tonë jemi të sëmutë prej plumbit.
S’ka ndihmesë, s’ka barna, s’ka kushte”.
Gjatë kësaj periudhe janë ndërmarrë iniciativa,
e realizuar projekte të shumta për
riintegrimin e Romëve në shoqëri. Mirëpo
kjo shumësi projektesh të pakoordinuara
në vend të ofrimit të një zgjidhje për
banorët e rrezikuar është shndërruar në një
gjah fondesh për organizatat e shumta që
operojnë në Kosovë. Në garë për të marrë
primatin ndaj problemit të kampeve, në
mënyrë paradoksale është vënë në rend të
dytë thelbi i problemit. Dhe sot e kësaj dite
derisa 700 romë vazhdojnë të rrezikohen
nga helmimi me plumb, UNMIK-u, organizatat
e ndryshme dhe, së fundmi, Qeveria e
Kosovës vazhdojnë të gjuajnë përgjegjësinë
te njëra tjera.
Tani, Qeveria pretendon që zhvendosjen
dhe integrimin e Romëve do ta trajtojë
si prioritet të lartë duke marrë mbi vete
përgjegjësinë e koordinimit të punëve
rreth zhbërjes se kampeve. Premtimi më
i ri u dha në fillim të këtij viti, kur Qeveria
e Kosovës përfundimisht morri përsipër
nga UNMIK-u përgjegjësitë e koordinimit
të punëve rreth zhbërjes së kampeve dhe
integrimit të romëve. Për të treguar se e
ka “seriozisht”, kësaj radhe qeveria krijon
një Komitet të veçantë për këtë çështje.
Dhe përderisa zyrtarë qeveritar shprehen
të prerë se ata janë zot shtëpie në këtë
projekt, kjo nuk korrespondon me pjesëmarrjen
në financimin e tij. Sot e kësaj dite
as një cent nga buxheti i konsoliduar nuk
është ndarë për zhvendosjen e romëve nga
kampet në veri. Diç më dorëshlirë është
treguar Komuna e Mitrovicës e cila gjatë
kësaj vere ndau 10 hektar tokë në Mahallën
e Romëve për ndërtim shtëpish. Në anën
tjetër Khaldoun Sinno në emër të Komis-
“Shpresojmë që ky projekt
në një afat prej katër-pesë muajsh
të jetë i realizueshëm dhe dy
kampet në veri të mbyllen”, tha
Shaip Muja në konferencën e
Klubit për Politikë të Jashtme më
26 Maj të këtij viti. Mirëpo, sot e
kësaj dite, 6 muaj pas, kampet
vazhdojnë të shërbejnë si strehë
për qindra romë.
ionit Evropian thotë se fondet eventuale
për këtë projekt do ti menaxhonte vetë
Komisioni.
Shaip Muja, këshilltarë i kryeministrit
Thaçi i emëruar si koordinatorë i projektit
të zhbërjes së kampeve Rome, në maj të
këtij viti premtoi se kampet do të mbyllen
brenda tri-katër muajve dhe që qeveria
lokale së bashku me qeverinë qendrore
do të kujdesen që Romët të kenë strehim,
shërbimin shëndetësor, shërbimin higjenik
dhe edukimin.
“Shpresojmë që ky projekt në një afat
prej katër-pesë muajsh të jetë i realizueshëm
dhe dy kampet në veri të mbyllen”,
tha Shaip Muja në konferencën e Klubit
për Politikë të Jashtme më 26 Maj të këtij
viti. Mirëpo, sot e kësaj dite, 6 muaj pas,
kampet vazhdojnë të shërbejnë si strehë
për qindra romë. .
Të krijuara me vendim të autoriteteve
të Kombeve të Bashkuara si vendstrehim
i disajavorë për romët e ikur, Cesmin Lug
e Osterode mbeten turpi i përbashkët i
shoqërisë kosovare dhe një sistemi të tërë
ndërkombëtarë që operon në Kosovë.
Kryeredaktor
Ylli Hoxha
Redaktore:
Besa Luci
Hulumtues:
Driton Syla
Fotografitë
Ilir Bajraktari
Dizajni
trembelat.com
Kontakti
info@eklubi.eu
+ 381 38 221 881
3

4
Historia e turpit
Më 1999, pjesëtarët e komuniteteve pakicë
me banim në Roma Mahallë qenë përndjekur
nga shqiptarët për në veri. Ata u
vendosën kryesisht në katër lokalitete:
Zhitkovc, Kabllare, Leposaviç, dhe Cesmin
Lug. Tri nga këto vendbanime shfrytëzoheshin
si vend për deponinë e mbeturinave
të shkritores së plumbit të Trepçës. Trupat
Franceze të KFOR-it dhe administrata e
UNMIK-ut, së bashku me UNHCR-in intervenuan
atëkohë në krijimin e vend strehimeve
të përkohshme që sot përmbyllin një
dekadë të ekzistencës .
Në një raport të UNMIK-ut të porositur
nga Bernard Kushner në Nëntor të vitit
2000, jepen të dhëna që konfirmojnë
shkallën e lartë të kontaminimit me plumb
në tërë rajonin e Mitrovicës, ndërsa në
mostrat e gjakut të banorëve lokal shënohet
prani e patolerueshme e plumbit.
Pas shqyrtimit të analizave të gjakut
të bëra mbi ushtarëve francez në vitin
1999/2000 në Mitrovicë, administratori i
atëhershëm i UNMIK-ut me një vendim të

prerë kishte ndërprerë punën në shkritoren
e plumbit me arsyetimin se çdo punë
e mëtutjeshme në këtë shkritore është e
rrezikshme për jetën e banorëve të zonës.
Organizata Botërore e Shëndetësisë i
konsideron zonat ku janë vendosur kampet
e romëve si zona me kontaminimin më të
lartë nga plumbi në tërë rajonin e Mitrovicës.
Që nga viti 2004 OBSH-ja publikisht
thërret për zhvendosjen e personave që
ende jetojnë në kampe ndërsa posaçërisht
vinte theksin në mbylljen e kampeve në
Kabllare, Zhitkovc dhe Cesmin Lug si dhe
deklarimin e kësaj zone si të rrezikshme
për jetë.
UNMIK-ut iu deshën pesë vite kohë dhe
një duzinë presionesh të jashtme para se të
vendosë mbylljen e kampeve në Zhitkovc
dhe Kabllare për ti zhvendosur banorët
e tyre në bazën e zbrazët ushtarake të
trupave franceze të KFOR-it, në Osterode.
Megjithatë, banorët e kampeve nuk kanë
mundur të i shmangen helmimit nga
plumbi, që sipas një raporti të OBSH-së
rezultonte të jetë deri në 10 herë më i lartë
se shkalla e lejuar.
Në anën tjetër, banorët e Cesmin Lug
hezituan të zhvendosen në këtë vendbanim
të përkohshëm duke e konsideruar
këtë kërkesë si absurde, pasiqë kampi në
Osterode ishte vetëm 150 metra larg barakave
të tyre dhe kishte shkallë të përafërt
të kontaminimit.
Zyrtarja e OBSH-së sqaron për Periskop
se mungesa e kushteve higjienike, banimi
në baraka, veshmbathja joadekuate, qasja
në mbeturina metalesh si dhe ushqimi jo
adekuat janë faktorë të rëndësishëm, që
rrisin lëndueshmërinë e banorëve të Cesmin
Lug dhe Osterode ndaj kontaminimit.
Ndonëse kemi edhe zona tjera në Mitrovicë
ku kontaminimi është i lartë, kushtet e
jetës janë ato që bëjnë ndryshimin andaj
Në një raport të UNMIK-ut
të porositur nga Bernard
Kushner në Nëntor të vitit
2000, jepen të dhëna që konfirmojnë
shkallën e lartë të
kontaminimit me plumb në tërë
rajonin e Mitrovicës, ndërsa në
mostrat e gjakut të banorëve
lokal shënohet prani e
patolerueshme e plumbit.
prania e plumbit në mostrat e gjakut të
romëve nga këto kampe rezulton të jetë
më e lartë.
Sipas Human Rights Watch mungesa e
autopsisë të personave të vdekur nuk na
lejon të nxjerrim përfundim se arsyeja e
vdekjes së banorëve të kampeve në veri
është helmimi me plumb por gjithsesi
tërheq vërejtjen për një mundësi të tillë.
Autopsia e një fëmiu romë që kishte vdekur
ne Kabllare flet për dëmtim organesh nga
helmimi andaj kjo organizatë rekomandon
evakuimin e menjëhershëm të banorëve të
kampeve në veri.
5

6
Mbyllja e kampeve
të turpit
Në vitet 2004 UNMIK-u krijoi një panel
për të kërkuar ndihmë për zgjidhjen e
çështjes se kampeve, me ç’rast Qeveria
Norvegjeze morri përsipër një pjesë të
investimit . Përmes Norvegian Church Aid
(NCA) fillimisht financoi mirëmbajtjen e
kampeve dhe e morri përsipër sigurimin
e një vakti ushqimi sa më cilësorë për
banorët.
Një taks force e krijuar nga UNMIK-u
në vitin 2005 planifikon zhvendosjen e
banorëve të kampeve në Roma Mahallë.
NCA morri për sipër ndërtimin e gjashtë
blloqeve banesore ndërsa Danish Refugee
Council ndërtoi 57 shtëpi në këtë pjesë të
Mitrovicës. Nga romët që duhej zhvendosur
prej kampeve të veriut deri sot
rreth 108 familje janë vendosur në këto
ndërtesa ndërsa 150 familje tjera vazhdojnë
të presin në ankth.
Integrimi në pjesën jugore të qytetit
nuk ishte i lehtë. Varësia nga ndihmat
e shtetit serb, shkollimi i fëmijëve në
gjuhën serbe, pengesat për të gjetur një

punë cilësohen të jenë problemet madhore
të këtij komuniteti. Qazim Gushani
përfaqësues i lagjes, thotë se shumica
dërmuese e banorëve në Roma Mahallë
janë të papunë ndërsa tregu i tyre i punës
kryesisht ishte në pjesën veriore, ku angazhoheshin
si punëtorë krahu.
Një pjesë e fondeve norvegjeze u
alokuan në projektin “Hoteli Industrial’
që parashihte krijimin e hapësirave ku
banorët e lagjeve mund të ushtornin zanatetet
e tyre. Kontejner të përdorur ishin
vendosur në një pjesë të lagjes, në tentativë
për të nxitur afarizmin e banorëve.
Nga ajo që pamë, kjo ide nuk duket se
do t’zbuste ndjeshëm gjendjen e rëndë
ekonomike të këtij komuniteti.
Që nga viti 2008, NCA transformoi programin
e saj në Kosovo Agency for Advocay
and Development, KAAD, si agjencion
brenda Ministrisë për Kthim dhe Komunitete,
e cila morri përsipër mirëmbajtjen
dhe trajtimin e kampeve në Osterode dhe
Cesmin Lug.
“Ndërkohë, një ndër arsyjet e tërheqjes
së NAC pas ndërtimit e bllokut të fundit
banesorë ishte edhe pakënaqësia me
përkushtimin të Qeverisë së Kosovës për
të ndërhyrë politikisht dhe finaciarisht në
përmirësimin e kësaj gjendje.
“Ne ishim në Mahallën e Romëve, aty
nuk ishte edhe gjendja shumë e mirë”, tha
Agon Maliqi, zyrtar i ambasadës norvegjeze.
“Banesat nuk janë t’u u mirëmbajte
dhe nuk mendoj se duhet fajësu vetëm
komuniteti romë për këto punë... Banesat
janë ndërtu sipas standardeve por
askush nuk kujdeset për to” thotë Maliqi
Ai habitej me faktin si një kompani e
pastrimit të qytetit përzgjedhë banorët e
mahallës së romëve për ta treguar rigorozitetin
në inkasim duke shndërruar lagjen
në një deponi të madhe mbeturinash.
DEPORTIMET
Si për ironi Republika Federale e
Gjermanisë po këmbëngulë që me
Qeverinë e Kosovës të nënshkruaj
marrëveshjen e riatdhesimit. Një
marrëveshje ende e panënshkruar,
por e dakorduar mes dy palëve,
nënkupton deportimin e së paku 12
mijë romëve që aktualisht jetojnë
në Gjermani, por nuk përmbushin
kriteret për qëndrim. Një zyrtar i
lartë i MPB-së në Kosovë konfirmon
se Qeveria e Kosovës është nën presionin
gjerman për nënshkrimin e
kësaj marrëveshje ndërsa mohon që
ndokush ndonjëherë të ketë shprehur
brengën për mungesë të kapaciteteve
për ti akomoduar në Kosovë
këta të ikur. Një sistem administrimi
që për tetë vite nuk zgjidhë problemin
e 700 banorëve të rrezikuar nga
kontaminimi me plumb vështirë se
mund të konsiderohet i kualifikuar
për të menaxhuar fatet e 12 mijë
hallexhinjve. Vendimi për të vazhduar
me këto deportime do të ishte
poaq i turpshëm.
7

8
Sfidat e
sotme
Ndërkohe, Komiteti i Qeverisë së
Kosovës që ka nisë punën në pranverë
të këtij viti pretendon se tash e tutje
do ti merr pejtë në duart e veta duke
menaxhuar me rigorozitet të gjithë
procesin e investimeve në projektin e
zhvendosjes së romëve. Kryetari i këtij
komitetit njëherit bashkëpunëtor i
ngushtë i kryeministrit Thaçi premton
se do të vendosë rregull në atë se si dhe
ku do të alokohen mjetet për zhbërjen
e kampeve. Derisa në maj të këtij viti,
i njëjti jepte afat prej 4-5 muajsh për
Imazhi
i turpit
Çështja e kampeve rome nuk ka
kaluar pa zhurmë as në mediat e
mëdha botërore. Janë jo të pakta
raportet e medieve botërore ku Kosova
paraqitjet në kontekst të shkeljes së
drejtave të njeriut. Përkundër adoptimit
të një pakoje kushtetuese bukur të
avancuar për të drejtat e komunitetit
romë Kosova përmes kampeve në veri
ka fituar një nam të kec.
mbylljen e kampeve tani ai thotë se
afati real do të ishte vjeshta e vitit 2010.
I pyetur nëse e shihte të arsyeshme
ndarjen e ndonjë fondi nga buxheti i
konsoliduar për mbylljen më të shpejtë
të këtij problemi, Shaip Muja, thekson
se Qeveria e Kosovës ka edhe shumë
probleme tjera më prioritare.
Në anën tjetër USAID këtë vit ndau
rreth 5 milionë Euro për ndërtimin
e edhe 50 shtëpive në Mahallën e
Romëve. Përmes Mercy Corps planifikohet
ndërtimi i një kompleksi banimi në
tokën që është ndarë nga ana e Asamblesë
Komunale të Mitrovicës. Sipas
zyrtarëve të Mercy Corps, prioritet do ti
jipet familjeve të vendosura në Cesmin
Lug, ndërsa familjet e mbetura do të zhvendoset
përkohësisht në Osterode që
ofron kushte diç më të mira banimi. Që
ky projekt të përmbyllet nevojitet edhe
një fond për ndërtimin e 80 shtëpive
Kryetari i bordit të KPJ-së Veton
Surroi thekson se “pakoja e
komuniteteve ka nxitur përkrahje
ndërkombëtare në procesin e pavarësimit
të vendit por kjo përkrahje
ndërkombëtare është njëherit edhe
një lloj obligimi sepse përkrahja e cila
i jepet Kosovës nga ana e bashkësisë
ndërkombëtare është e kushtëzuar”
Raporti më i ri i Human Rights
Watch, i publikuar në qershor 2009, ka
vendosur shoqrinë kosovare në bankën
e të akuzuarve për shkelje të drejtave
të komunitetit romë. Në këtë raport
Kosova spikatet për keqtrajtim dhe
neglizhencën që institucionet vendore
tregojnë ndaj këtij minoriteti. Ndonëse
një pjesë e kritikave botërore i
tjera për të cilat tanimë ekzistonë tokë
e dedikuar.
Zyrtari i komisionit evropian Khaldoun
Sinno tha se ky institucion është
duke shqyrtuar mundësinë e ndarjes së
një fondi për këtë projekt porse ende
nuk ka një vendim zyrtarë. “Një gjë
mund të ju sigurojë, se çdo projekt që
do të financohej nga Bashkimi Evropian
do të udhëhiqej dhe zbatohej nga
askush tjetër pos nga BE- ja” thotë
Sinno.
Ndonëse ekspertë të shoqërisë civile
theksojnë se paratë nuk janë pengesa
kryesore për zgjidhjen e problemit të
kampeve dhe problemin ia adresojnë
vullnetit politik, HRW i rekomandon
Qeverisë së Kosovës dhe Komisionit
Evropian të tregohen më dorëshlirë ku
vije puna tek financimet për zgjidhjen e
këtij problemi.
adresohen prezencës ndërkombëtare
në Kosovë efektet anësore dëmtojnë
përpjekjet e Kosovës për të projektuar
një imazh të shoqërie multietnike dhe
të përgjegjshme ndaj komuniteteve
pakicë. Raporti “shokues” që nxjerr në
shesh “kushtet dëshpëruese në të cilat
jeton një nga pakicat më të shkeluara
të Evropës” ka rihapur diskutimin e
mungesës së vullnetit politik në Kosovë
për adresimin e këtij problemi.
Kosova në pretendimet e saj për
tu bërë anëtare e re e bashkësisë
ndërkombëtare do të jetë e kontestuar
moralisht përderisa problemi i romëve
në veri mbetet i pazgjidhur. Madje ky
problem rrezikon të shndërrohet në një
thembër akili për Kosovën.

“Harta e shkallës
së kontaminimit me
plumb të tokës në
rajonin e Mitrovicës.
bazuar në të dhënat e
Organizatës Botërore
të Shëndetësisë.”
Cesmin Lug
9

10
PESE PERSONALITETET
E ZGJEDHJEVE 2009
Objektivi i periskopit megjithatë nuk arriti ti shmanget zgjedhjeve lokale ne Kosove. Ndër mijëra
garues ekipi i Periskopit ka identifikuar pesë personalitetet më me ndikim të kësaj gare. Vlerësimi
është bazuar në rezultatet e arritura nga kandidatët, cilësinë e ofertës, performancës së tyre, aftësisë
për të avancuar kualitetin e garës, shkallën e befasisë dhe reperkusionet e aktivizimit të tyre. Kriter i
rëndësishëm ka qenë edhe shkalla e vështirësisë me të cilat është përballur kandidati. Nga kandidatët
e shumtë për kryetarë komunash Periskopi me shumë telashe ka arritur ta filtrojë emrat e pesë kandidatët
që shënjuan këto zgjedhje.
Vendi i pestë - Bajrush Xhemajlit
I rehabilituar rishtazi nga një aksident
trafiku Bajrush Xhemajli arriti të
impresionojë me formën e mirë fizike
dhe kondicionin. Ndonëse në pritje të
aktakuzës për vrasje në aksident,
kandidati i PDK-së për kryetar të
Ferizajt për asnjë çast nuk u zmbraps
nga lufta për ta ruajtur postin e
kryetarit të Komunës. Brenda 30 ditësh ai garoi burrërish,
u përball me kundërkandidatët në çdo debat, përshkoi
komunën cep më cep. Kjo i solli mbi 50 % të votave të
ferizajasve dhe siguroi fitoren e vetme për Partinë
Demokratike të Kosovës në një qendër rajonale .
“I dënuar me 22 vjet burg për motive politike dhe 14 vjet
të mbajtura” është fjalia e parë, rrjedhimisht më e çmuara
e CV-së së kandidatit te PDK-së për kryetar të Ferizajt. Se
a do ti pasurojë këto kredenciale kryetari Xhemajli brenda
këtij mandati mbetet të shihet.
Vendi i katërt - Mimoza Kusari Lila
“E re, karizmatike dhe elokuente”
kandidatja e AKR-së Mimoza Kusari
Lila përpak sa nuk u bë kryetare e
Gjakovës. Pal Lekaj që cilësohej favorit
i kësaj gare iu deshtë që bukur mirë të
djersitet në ballafaqim me Mimozën.
Disa thonë se ishte Lekaj e jo Kusari
Lila ai që arriti ta deshifroj si duhet
mesazhin parazgjedhor të ambasadorit Dell, i cili dy ditë
para zgjedhjeve tha se humbësit po ngritin dyshime për
manipulim te procesit. Mimoza u bë arsye që edhe njëherë,
20 vite pas rënies së Murit të Berlinit, ti shohim në rrugë
mijëra qytetarë duke kërkuar demokraci. Anash kësaj ajo
paraqiti një program çfarë nuk arritëm ta gjejmë tek
kandidatët tjerë - jo vetëm në Gjakovë por në tërë Kosovën
– dhe imponoi një kualitet të ri në garën zgjedhore. Për
këtë Periskopi e renditë Mimoza Kusar Lila në 5 personalitetet
që i dhanë kësaj fushate.

Vendi i tretë - Rufki Suma
Hyri në garë i pavërejtur, pa përkrahje
të ndonjë subjekti politik, por siç thotë
vetë “me kërkesë të qytetarëve të
Hanit të Elezit”. Komandant i Brigadës
164 Gafur Loku dhe i batalionit së
Xhenios të TMK-së, drejtor për
shëndetësi në komunën e tij, kandidati
i pavarur Rufki Suma la me gojë hapur
oponentët kur u rëndit i pari në garën për kryetar të Hanit
të Elezit. I ikur nga radhët e PDK-së, për një kohë të
shkurtë arriti ta mobilizojë tërë spektrin opozitar ne Hanin
e Elezit. Rufki Suma do të jetë inspirim për veprimet e
“donkishotëve” tjerë në skenën politike. Periskopi e renditë
të tretin njeri për nga ndikimi në këto zgjedhje.
Vendi i dytë – Blerim Kuçi
LDK do të jetë pishman që lejoi ikjen
nga radhët e saj të shefit ekzekutiv,
Blerim Kuçi. Rezultatet e Kuçit në AAK
dolën të janë impresive. Kuçi u rendit i
pari në garën për kryetar të Suharekës
me 8959 vota ndërsa udhëhoqi partinë e
tij në pesëfishimin e votave në këtë
komunë (nga 1237 sa kishte në vitin
2007 në 6538 vota në vitin 2009). Rritja e AAK-së në nivel
kombëtar mund ti adresohet si sukses edhe Blerim Kuçit.
Mirëpo Periskopi e vlerëson këtë kandidat për një të arritur
tjetër. Ai bëri precedanin e parë në këto zgjedhje duke e
eliminuar nga gara me votë të qytetarëve kryetarin në fuqi.
Blerim Kuçi me rezultat zgjedhor arriti të marshoi mbi
kështjellën deri tani të papushtuar të LDK-së.
Vendi i parë – Astrit Salihu
Ndoshta ju duket e pakuptimtë por kandidati më i rëndësishëm
i kësaj fushate rezultoi të jetë ai i i PDK-së për
kryetar të Prishtinës. Me një fushatë agresive dhe plot
negativitet ndaj kryetarit aktual të Prishtinës, në formë
krejtësisht të pavetëdijshme ndikoi në ndryshimet më të
mëdha të skenës politike në Kosovë. Ndër tri “të arriturat”
kryesore të Astiri Salihut Periskopi renditë deklarimin
plebishitar të qytetarëve të Prishtinës në krah të Isa Mustafës
dhe Lidhjes Demokratike të Kosovës. Me kontribut
të Astrit Salihut, i cili arriti më mirë se kushdo tjetër ti
mobilizojë kundërshtarët e partisë së tij, Isa Musatafa doli
i befasuar nga përkrahja që gjeti në Prishtinë ndërsa LDK
u rriti për së paku 12 mijë vota. Ai duke u antagonizuar
me Isë Mustafën ndikojë pavetëdijshëm në promovimin
e kundërshtarit të tij si favorit për pozitën e kryetarit të
LDK-së, një sfidë që dukej e patejkalueshme për një parti
të dërmuar nga përçarjet e brendshme. Dhe së fundmi por
jo për nga rëndësia Astrit Salihu ndezi shkëndijat e para të
një krize qeveritare. Këtë krizë na e paralajmëroi Isa Mustafa
me deklaratën e famshme “Ky koalicion se ka gjatë”.
Eho-t e kësaj deklarate dëgjohen sot e kësaj dite.
11

12
Klubi për Politikë të Jashtme është
organizatë joqeveritare e cila
mbledh rreth vetes intelektual,
politikan dhe aktivistë te shquar te
shoqërisë civile, qe tregojnë afinitet
ne politike te jashtme. Klubi ka
për qëllim që përmes një debati
intelektual të kontribuojë permes
rekomandimeve në gjenerimin e
politikave të jashtme të Kosovës,
në funksion të paqes ne Kosove,
rajon dhe botë. Klubi gjeneron
debate, i analizon zhvillimet dhe
jep rekomandime për politiken e
jashtme të Kosovës; përqendrohet
në analizimin e trendeve globale te
cilat kane ndikim në përditshmërinë
politiko-ekonomike në Kosovë
si dhe në hulumtimin e mundësive
që i ofrohen Kosovës në një botë në
integrim. Klubi do të përpiqet që të
sjell në vëmendje debatet aktuale
botërore në opinionin Kosovar dhe
të tërheqë vëmendjen për hapat e
domosdoshëm të politikës kosovare
karshi këtyre zhvillimeve.
Klubi përmes aktiviteteve të tij dhe
një debati intensiv do të gjeneroje
rekomandime dhe programe lidhur
me proceset integruese rajonale,
evropiane dhe globale, në veçanti
në procesin e integrimit në BE dhe
NATO, të cilat i vihen në dispozicion
institucioneve te Kosovës.
Fokus i veçantë i organizatës do
të jetë zhvillimi i një debati mbi
veprimet imediate që Institucionet
e Kosovës duhet t’i ndërmarrin në
rrafshin diplomatik në funksion
të njohjes së Kosovës nga shtet
anëtare të OKB-së, si dhe pranimit
të Kosovës në organizatat ndërkombëtare,
siç është OKB-ja, KE-ja,
OSBE-ja, Banka Botërore, IMF,
Organizata e Konferencës Islamike,
Komiteti Olimpik etj. Klubi do të
ketë për synim që të nxis një debat
të tillë përderisa nuk arrihet njohja
e Kosovës nga shumica e vendeve
botërore dhe pranimi i saj si anëtare
e organizatave të lartpërmendura.
Bordi Klubit: Veton Surroi (Kryetar),
Zejnulla Gruda, Venera Hajrullahu,
Leonora Kryeziu, Valon Murati,
Xhabir Hamiti and Ylli Hoxha (Drejtor
Ekzekutiv).
Këshilli Programor i Klubit: Vlora
Çitaku, Bujar Bukoshi, Ardian Gjini,
Sadik Idriz, Ibrahim Gashi, Robert
Muharremi, Mimoza Kusari, Naser
Rugova, Lulezim Peci, Luan Sllaku,
Ilir Dugolli, Haki Abazi, Fatmir Aliu,
Arjeta Emra, Antigona Baxhaku,
Gëzim Salihu, Erolld Belegu, Fatmir
Gashi dhe Agim Zogaj.
PERSONELI I KLUBIT:
Ylli Hoxha (Drejtor Ekzekutiv), Venhar
Nushi (Zyrtar Ekzekutiv), Kushtrim
Dumoshi (Zyrtar Ekzekutiv),
Rrahim Sejdiu (Drejtor I Financave)
Seher Tortoshi (Asistente)
Klubi për Politikë të Jashtme | + 381 38 551 881 | info@eklubi.eu