Informata për pacientët Pravastatin Axapharm®

Informata për pacientët
Lexojeni këtë udhëzim me vëmendje para se ta merrni, përkatësisht përdorni barin.
Ky bar është përshkruar për ju personalisht dhe ju nuk duhet ti`a jepni personave të tjerë.
Edhe nëse ata kanë të njëjta simptome të sëmundjes sikurse ju, bari mund ata t`i dëmtojë.
Ruajeni udhëzimin e paketimit, sepse ndoshta më vonë doni ta lexoni përsëri.
Pravastatin Axapharm®
Çfarë është Pravastatin Axapharm dhe kur përdoret?
Pravastatin Axapharm me substancën Pravastatin është një
medikament, i cili i takon kategorisë Statin
(i cili gjithashtu quhet inhibitor reduktues HMG-CoA)
Pravastatin Axapharm përdoret:
Tek te rriturit
- Për trajtim të sasisë së rritur të yndyrës në gjak (Kolesterina,
Trigliceride), nga Apolipoproteina B dhe rreziqet e tyre në sistemin
qarkullues të zemrës;
- Për zvogëlimin e rrezikut të faktorëve të rrezikshëm të qarkullimit
të zemrës, një sulmi në tru dhe nevojës për një hospitalizim të
pacientëve me vlera mesatare të kolesterinës në serum, pas një
infarkti të pësuar apo një hospitalizim të mëparshëm për shkak të
Angina pectoris (Angjinës pektorale) të çrregullt.
Në radhë të parë, ndikimi i Pravastatin Axapharm mbështetët në
pengimin e krijimit të kolesterinës në trup.
Ekzistojnë tre kategori dozimi të Pravastatin Axapharm (Tabletat
nga 10 mg. 20 mg. dhe ato 40 mg) dhe ky bar mund të përdorët
vetëm me përshkrim të mjekut apo mjekës.
Çfarë do duhej pasur kujdes?
Para fillimit të një terapie me tableta të Pravastatin Axapharm do
duhej përcaktuar sasia e yndyrës në gjak si dhe sëmundjet tjera
gjegjësisht çrregullimet funksionale (p.sh. hipofunksioni tiroid) dhe
të bëhet eliminimi i shkaqeve të cilat gjithashtu mund të qojnë deri
tek një çrregullim i metabolizmit lipoid.
Trajtimi me Pravastatin Axapharm do duhej përkrahur më një dietë
të dobët të kolesterinës.
Pasi që gjatë marrjes së Pravastatin Axapharm, tek disa pacientë të
caktuar është bërë ndërrimi i vlerave të mëlçisë ose janë lajmëruar
dhimbje të muskujve, atëherë mjeku apo mjekja e juaj do duhej
caktuar këto vlera në intervale të caktuara në mënyrë laboratorike
(shikoni gjithashtu >).
Kur nuk guxon të përdoret Pravastatin Axapharm?
Pravastatin Axapharm nuk guxon të përdorët kur ka ndjeshmëri
ndaj ndonjërit prej elementeve përbërës të këtyre tabletave, kur
ka sëmundje aktive të mëlçisë dhe sasisë së lartë të enzimave të
mëlçisë, shkaqet e së cilit nuk dihen saktësisht, kur ka kongjestion
të vrerit dhe sëmundje të muskujve (Miopati), gjatë shtatzënisë dhe
periudhës së laktacionit si dhe tek fëmijët dhe adoleshentet nën
moshën 18 vjeçare.
Kur është i nevojshëm kujdesi gjatë marrjes së Pravastatin
Axapharm?
Ky ilaç mund të ndikon në aftësinë e reagimit, dhe mund të pengoj
aftësinë e drejtimit të një automjeti apo të përdorimit korrekt të
një makine.
Në përgjithësi, Pravastatin Axapharm do duhej të përdorët me
kujdes tek pacientët me histori të sëmundjeve të mëlçisë dhe tek
ata me konsumim të lartë të alkoolit.
Gjatë përdorimit të ilaçeve të kategorisë së Statineve do duhej
vëzhguar efektet e pjesshme serioze anësore në seksionin e
muskujve (Miopatia, Rabdomioloza ).
Tek Rabdomioloza bëhet fjalë për një efekt anësor serioz mbase të
rrezikshëm për jetë. Pacientët me faktorë të veçantë të rrezikshmërisë
do duhej përdorur ndonjë ilaç të kategorisë së Statineve vetëm nën
mbikëqyrje mjekësore, pasi që në këto raste janë të nevojshme disa
masa të posaçme mjekësore para fillimit të trajtimit.
Ju lutëm, informoni mjekun apo mjeken e juaj para fillimit të
trajtimit me Pravastatin Axapharm, kur Ju :
- Keni funksion të kufizuar të veshkave apo funksion të tiroideve;
- Keni pasur më parë apo akoma keni sëmundje ekzistuese të
muskujve (p.sh. që ka të bëj me varësi trashëguese apo me trajtim
të mëparshëm me Statine gjegjësisht barna tjera), apo nëse në
historinë e juaj familjare ka pasur raste të sëmundjeve të muskujve.
- Konsumoni sasi të madhe të alkoolit.
Ju do duhej menjëherë të informoni mjekun gjegjësisht mjeken
e juaj në qoftë se gjatë trajtimit me Pravastatin Axapharm do të
lajmërohen shqetësime të pashpjegueshme të muskujve si p.sh.
dhimbje të muskujve apo ligështi dhe ngërçe. Rreziku nga efektet
e tilla anësore mund të jetë i rritur nëse pacienti ka sëmundje
përcjellëse (posaçërisht tek sëmundjet infektive apo konsumim të
shumtë të alkoolit), apo nëse
Pravastatin Axapharm merret së bashku me ilaçe tjera të caktuara
(p.sh. Statine apo Fibrate).
Tek te ashtuquajturat homozigotet e rralla të hiperkolesterolemisë
(tepricë e kolesterolit në gjak) familjare, është për tu pritur një
ndikim më i ulët i këtij lloji të ilaçeve. Deri me tani nuk qëndrojnë
faktet e përvojës së duhur klinike me Pravastatin Axapharm.
Ju do duhej menjëherë ti tregoni mjekut gjegjësisht mjekes suaj në
qoftë se ju duhet ti nënshtroheni një transplantimi apo lëngoni nga
ndonjë sëmundje autoimune dhe prandaj trajtoheni me përbërësin
aktiv farmaceutik Ciclosporin.
Informoni mjekun apo farmacistin gjegjësisht mjeken apo
farmacisten e juaj nëse lëngoni nga ndonjë sëmundje tjetër, keni
alergji apo merrni ilaçe tjera (të blera vet !) apo i konsumoni ato për
përdorim të jashtëm.
A guxon të merret Pravastatin Axapharm gjatë shtatzënisë apo
në periudhën e laktacionit?
Pravastatin Axapharm nuk guxon të merret gjatë shtatzënisë apo
periudhës së laktacionit (gjidhënies).
Gjatë trajtimit me Pravastatin Axapharm është i nevojshëm një
kontracepsion i besueshëm tek pacientet që janë në gjendje të
lindin fëmijë. Pacienteve do duhej shpjeguar rreziqet e mundshme
si dhe masat e duhura kontraceptive. Sidoqoftë, nëse mbeteni
shtatzënë, atëherë do duhet menjëherë ta ndërprisni trajtimin me
Pravastatin Axapharm dhe të flisni me mjekun apo mjeken e juaj
mbi situatën e krijuar.

Si ta përdorni Pravastatin Axapharm?
Dozimi tek të rriturit
Dozimi me Pravastatin do duhej caktuar nga mjeku gjegjësisht
mjekja e juaj.
Doza fillestare dhe ajo konservuese është zakonisht në mes të 10
deri në 40 mg. në ditë. Pravastatin Axapharm do duhej përdorur si
dozë të vetme në mbrëmje para shkuarjes në gjumë, pavarësisht
nga shujta. Tabletat do duhej gëlltitur me fluide. Mjeku gjegjësisht
mjekja e juaj pas 4 javëve, duke u varur nga sasia e yndyrës në gjak
do ta bënë ndryshimin e dozimit duke u bazuar në gjendjen reale.
Për zvogëlimin e rrezikut të faktorëve të rrezikshëm të qarkullimit të
zemrës pas një infarkti të pësuar për fillim dozimi kryesisht përbëhet
nga 40 mg në ditë. Varësisht nga sasia e yndyrës në gjak, mjeku apo
mjekja e juaj do ta ndryshon dozimin duke u bazuar në rrethanat
e krijuara.
Këshillë: Mos e bëni ndryshimin e dozimit të caktuar nga mjeku i
juaj. Nëse besoni që ilaçi ndikon dobët apo ka ndikim të tepruar,
atëherë bisedoni me mjekun apo farmacistin gjegjësisht mjeken
apo farmacisten e juaj.
Metodat e aplikimit
Kohëzgjatja e trajtimit me Pravastatin Axapharm është e sistemuar
në bazë të nevojave të pacientëve dhe varët nga toleranca e
medikamentit. Në raste të caktuara, mjeku apo mjekja e juaj mund
ta përshkruan si shtesë një bar plotësues të acidit të vrerit (Colestid,
Quantalan, Ipocol). Në rast të një kombinimi të këtillë, atëherë
Pravastatin Axapharm do duhej të merret 1 orë para apo më shumë
se 4 orë pas marrjes së preparatit tjetër.
Nëse do kini nevojë për një ilaç kundër thartësirës së lukthit
(antacidit), atëherë këtë do duhej marr së paku 1 orë para marrjes
së Pravastatin Axapharm.
Cilat efekte anësore mund ti ketë Pravastatin Axapharm?
Gjatë marrjes së Pravastatin Axapharm mund të shfaqën këto efekte
anësore:
Çrregullime të zorrëve-lukthit, dhimbje të muskujve, ngërçe apo
ligështi të muskujve, lëkurë e thatë, ekzema (kryesisht të natyrës
së lehtë) dhe kruarje e lëkurës, ndryshime në sipërfaqen e lëkurës
së kokës dhe flokëve (duke përfshirë rënien e flokëve), dhimbje të
gjymtyrëve, parastezia (therja,dhimbja, ndjenja e mpirjes së duarve
dhe këmbëve), marramendja, hutimi, çrregullime të gjumit, dhimbje
në gjoks dhe në afërsi të zemrës, çrregullime të urinimit, çrregullime
në të pamë, lodhje, çrregullime seksuale funksionale.
Në raste individuale mund të lajmërohen këto efekte anësore: ënjtja
(angjiodema), ulje e tensionit të gjakut, puçrra të kuqërremta në
formë bishtaleci në hapësirën e fytyrës apo në gjymtyrë, verdhëza/
hepatiti, probleme me mëlçi, infeksion të pankreasit (pankreatiti).
Nëse do e vëreni ndonjë efekt anësor që nuk është i përshkruar këtu,
atëherë do duhej ta informoni mjekun apo farmacistin gjegjësisht
mjeken apo farmacisten e juaj.
Çfarë duhet të vini re përveç kësaj?
Afati i përdorimit/Mirëmbajtja
Barnat mund të përdorën vetëm deri në datën e shënuar me «EXP.»
në paketim.
Pravastatin Axapharm do duhet të ruhet në temperaturë të dhomës
(15-25°C) të mbrohet nga ndriçimi dhe lagështira si dhe në vendet
ku nuk mund ti mbërrijnë fëmijët.
Tabletat e mundshme të mbetura pas përfundimit të trajtimit apo
tabletat me afat të skaduar do duhej ti ktheni për asgjësim në
pikën e juaj shitëse (tek mjeku apo farmacisti gjegjësisht mjekja
apo farmacistja).
Informata të mëtejme ju jap mjeku apo farmacisti juaj përkatësisht
mjekja apo farmacistja juaj. Këta persona zotërojnë informata më të
hollësishme profesionale.
Çfarë përmban Pravastatin Axapharm?
1 tabletë Pravastatin Axapharm e 10 mg. përmban 10 mg. Pravastatin,
Laktozë dhe ndihmesat tjera.
1 tabletë Pravastatin Axapharm e 20 mg. përmban 20 mg. Pravastatin,
Laktozë dhe ndihmesat tjera.
1 tabletë Pravastatin Axapharm e 40 mg. përmban 40 mg. Pravastatin,
Laktozë dhe ndihmesat tjera.
Numri i regjistrimit
59163 (Swissmedic)
Ku mund të merrni Pravastatin Axapharm? Cilat paketime
ekzistojnë?
Në barnatore vetëm me përshkrim mjekësor.
Pravastatin Axapharm e 10 mg: 30 dhe 100 tableta.
Pravastatin Axapharm e 20 mg: 30 dhe 100 tableta.
Pravastatin Axapharm e 30 mg: 30 dhe 100 tableta.
Pronari i regjistrimit
Axapharm AG, 6340 Baar
Ky udhëzim për pacientë u verifikua së fundi në Shtator 2008 nga
qendra për kontrollim të barnave (Swissmedic).