Informata për pacientët Lisinopril Axapharm® 5 mg, 10 mg, 20 mg ...

Informata për pacientët
Lexojeni këtë fletë udhëzim me vëmendje para se ta merrni, përkatësisht përdorni barin. Ky ilaç është udhëzuar për ju personalisht dhe
ju nuk duhet ti`a jepni personave të tjerë. Edhe nëse ata kanë të njëjta simptome të sëmundjes sikurse ju, ilaçi mund ata t`i dëmtojë.
Ruajeni fletën e udhëzimit, sepse ndoshta më vonë doni ta lexoni përsëri.
Lisinopril Axapharm®
5 mg, 10 mg, 20 mg, Tableta të ndashme
Çfarë është Lisinopril Axapharm dhe kur përdoret?
Lisinopril Axapharm është një ilaç për trajtimin e tensionit të lartë
dhe të insuficiencës kardiake (Dobësimi i muskulit të zemrës,
pamjaftueshmëria e funksionimit të zemrës), si dhe për pacientët,
që kanë pasur (pësuar) infarkt.
Lisinopril Axapharm përdoret edhe tek pacientët me sëmundje të
sheqerit (Diabeti),të cilët lëngojnë nga disa dëmtime të funksionit
të veshkave në kombinim me sëmundjen e tyre te diabetit.
Lisinopril Axapharm i takon grupit të barnave, që quhen ACE-
Inhibitorë. Lisinopril Axapharm shkakton shtendosjen e enëve
të gjakut, ashtu që gjaku mund të rrjedh më lehtë me ç`rast vije
deri tek ulja e tensionit të gjakut dhe përmirësimi i funksionimit
të zemrës.
Lisinopril Axapharm mund të përdorët vetëm me përshkrimin e
mjekut apo mjekës.
Kur nuk guxon të përdoret Lisinopril Axapharm?
Lisinopril Axapharm nuk guxon të përdoret nëse jeni alergjik ndaj
njërës prej substancave përmbajtëse apo nëse gjatë marrjes së
ndonjë preparati antihipertensiv janë lajmëruar edemet në duar,
këmbë apo nyje të këmbëve, në fytyrë, në buzë, në gjuhë apo në
fyt (vështirësi në frymëmarrje apo gëlltitje).
Ju do duhej ta informoni mjekun apo mjeken edhe nëse janë
lajmëruar simptome të ngjashme të sëmundjes tek ndonjë anëtar
i familjes pa marr parasysh shkakun e lajmërimit të tyre.
Ky bar nuk guxon të përdoret gjatë shtatzënisë apo periudhës së
laktacionit (gjatë kohës kur foshnja ushqehet me gji).
Kur është i nevojshëm kujdesi gjatë marrjes së
Lisinopril Axapharm?
Ky ilaç mund të ndikon në aftësinë e reagimit, dhe mund të pengoj
aftësinë e drejtimit të një automjeti apo të përdorimit korrekt
të një makine, para së gjithash në fillim të trajtimit, si dhe gjatë
ndërrimit të preparateve dhe në kombinim me alkool.
Mjeku gjegjësisht mjekja e juaj do duhej të ishte në dituri për
të gjitha sëmundjet që ju i keni pasur apo akoma jeni duke
lënguar nga ndonjëra prej tyre, posaçërisht për sëmundjet renale
(ndrydhje e fortë e arterieve të veshkave). Mjeku gjegjësisht mjekja
do duhej gjithashtu të jetë e informuar nëse ju lëngoni nga tkurrja
e Aortës apo nga rritja jonormale e muskulit të zemrës. Gjithashtu
i tregoni mjekut nëse ju lëngoni nga vjellja apo diarreja ose nëse
jeni duke praktikuar dietë.
Në qoftë se gjatë marrjes së Lisinopril Axapharm do të vëreni
edeme në fytyrë, në sy, buzë apo gjuhë, apo do lajmërohen
vështirësitë gjatë frymëmarrjes, ju lutëm ta vizitoni menjëherë
mjekun apo mjeken tuaj. Nuk do duhej të vazhdoni me marrjen e
Lisinopril Axapharm pa konsultim me mjekun a po mjeken.
Në qoftë se duhet ti nënshtroheni një dialize ju duhet ta informoni
për këtë gjë personelin përgjegjës mjekësor, se ju jeni duke u
mjekuar me Lisinopril Axapharm (një ACE-Inhibitorë),pasi që disa
membrana filtruese të gjakut gjegjësisht disa trajtime të dializës
nuk do duhej praktikuar në këtë rast. Nëse ju duhet të operoheni,
atëherë ju do duhej treguar më parë mjekut apo mjekes, se jeni
duke u trajtuar me Lisinopril Axapharm.
Nëse dëshironi ti nënshtroheni një terapie desenzibilizuese
kundër thumbimit të grenëve apo bletëve, ju lutëm ta informoni
paraprakisht mjekun apo mjeken, pasi që më parë do duhej
ndërruar terapia e juaj me Lisinopril Axapharm. Rrallë mund të
vije deri tek reaksionet alergjike me thumbim të insekteve.
Lisinopril Axapharm mund ta përforcon në raste të rralla ndikimin
e insulinat gjegjësisht. Antibiotikët oral. Nëse lëngoni nga diabeti
dhe do duhej të shëroheni me insulinë apo antibiotik oral, atëherë
do duhej të keni shumë kujdes në shenjat e një Hipoglykemie
(sheqerit të ulët).
Barnat e caktuara, posaçërisht agjentët diuretik (Diuretika),
agjentet kundër tensionit të lartë të gjakut, agjentet me
përmbajtje kaliumi apo ca barna kundër reumës (Indometacin),
Artritisit, dhimbjeve të muskujve apo depresioneve injeksionet
e arta (si p.sh. Natriumaurothiomalat), të cilat normalisht mund
të përdoren për reumatizmin kronik të gjymtyrëve, mund të
ndikojnë në efektin e Lisinopril Axapharm.
Tensioni i juaj i gjakut mund të ketë më shumë ndikim gjatë
marrjes fillestare të tabletave se sa gjatë mjekimit të mëvonshëm..
Në qoftë se tensioni i juaj i gjakut është shumë i ulët,dhe ju
ndiheni të rraskapitur apo/dhe keni marramendje , shtrihuni pak
përderisa e ndieni vetën më mirë dhe pastaj informoni mjekun a
po mjeken e juaj.
Lisinopril Axapharm nuk do duhej përdorur tek fëmijët apo
adoleshentet.
Informojeni mjekun a po farmacistin tuaj, përkatësisht mjeken
apo farmacisten tuaj nëse lëngoni nga sëmundjet tjera, keni
alergji apo merrni apo përdorni nga jashtë barna tjera(edhe të
blera vetë !).
A guxon të merret Lisinopril Axapharm gjatë shtatzënisë apo
në periudhën e laktacionit ?
Ju lutëm informojeni mjekun tuaj përkatësisht mjeken tuaj, nëse jeni
shtatzënë apo planifikoni të mbeteni shtatzënë. Lisinopril Axapharm
nuk guxon të merret gjatë shtatzënisë apo periudhës së laktacionit
(gjidhënies).
Si ta përdorni Lisinopril Axapharm?
Lisinopril Axapharm mund të merret para,gjatë apo pas ushqimit.
Dozimi i zakonshëm është një tabletë në ditë, nëse është e mundur
gjithmonë në të njëjtën kohë. Mjeku juaj përkatësisht mjekja e
juaj ua përcakton dozimin me Lisinopril Axapharm.
Është shumë më rëndësi që gjatë marrjes së Lisinopril Axapharm
ti përmbaheni orarit për vizita kontrolluese tek mjeku apo mjekja
e juaj, në mënyrë që terapia e juaj individuale ti përshtatët
sëmundjes suaj.
a) Gjatë tensionit të lartë të gjakut
Mjeku përkatësisht mjekja e juaj ua përcakton dozimin varësisht

nga gjendja e juaj shëndetësore. Dozimi i zakonshëm është një
tabletë Lisinopril Axapharm 10 mg .çdo ditë. Dozimi terapeutik
është zakonisht nga një tabletë Lisinopril Axapharm 20 mg çdo
ditë. Do merren në konsideratë edhe barnat tjera që ju jeni duke i
marr. Nëse para fillimit të terapisë jeni trajtuar me barna diuretike
apo mbani një dietë me pak kripë, atëherë mjeku përkatësisht
mjekja e juaj ose do ta ndërprenë marrjen e diuretikëve 2-3 ditë
para mjekimit apo do ta reduktoj dozën fillestare të Lisinopril
Axapharm.
b) Gjatë insuficiencës kardiake
Në rast se Diuretiket dhe/apo Digitalet nuk do shfaqin efekt të
mjaftueshëm,atëherë mund të jepet si shtesë Lisinopril Axapharm.
Mjekimi i insuficiencës kardiake do duhej të pasonte vetëm nën
kontrollim të caktuar mjekësor. Dozimi do të përcaktohet nga
mjeku apo mjekja dhe shërben si shtesë i një mjekimi që është
në vazhdim e sipër (kryesisht me Digitalet apo/dhe Diuretikët).
Dozimi i zakonshëm terapeutik është 1-herë në ditë nga 5 mg - 20
mg Lisinopril Axapharm.
c) Pas infarktit
Pacienti zakonisht merr në ditën e 1. dhe të 2. nga 5 mg Lisinopril
Axapharm, dhe pastaj nga 10 mg Lisinopril Axapharm 1-herë në
ditë.
d) Tek pacientët me Diabetes-mellitus- me ca çrregullime funksionale
renale
Dozimi i zakonshëm është nga 10 mg apo 20 mg Lisinopril Axapharm,
1-herë në ditë.
Mos e ndryshoni vetvetiu dozën e përcaktuar. Nëse mendoni
se barnat po ndikojnë tepër dobët apo tepër fortë,atëherë flisni
me mjekun apo farmacistin tuaj përkatësisht me mjeken apo
farmacisten tuaj.
Cilat efekte anësore mund ti ketë Lisinopril Axapharm?
Gjatë marrjes së Lisinopril Axapharm mund të shfaqën këto efekte
anësore: Shpesh janë: Marramendja, Dhimbjet e kokës, Tensioni i
ulët i gjakut (para së gjithash gjatë ngritjes së shpejtë në këmbë),
Çrregullime të ritmit kardiak, Kollitja, Vjellja dhe Diarreja.
Të rastit janë: Humbja e oreksit, Çrregullime të disponimit, Therja
e duarve dhe e pjesëve të poshtme të këmbëve, Depresionet,
Çrregullime të shijes, Çrregullime të gjumit, Aritmia, Pulsi i
shpejtuar, Riniti, Dispnea, Ndezja e fytit, Gargarisja, Bronkiti,
Nausea, Dhimbje të stomakut,
Çrregullime të tretjes,Ekzema, Pruriti (kruarja), Impotenca, Lodhja,
Rraskapitja dhe Dhimbja në gjoks.
Rrallë lajmërohen: Cerma artikulare, Çrregullime të ndjenjave,
Pneumonia, Tharja e gojës, Obstipacioni (kapsllëku), Urtikaria,
Rënia e flokëve, Psoriaza (sëmundja kronike e lëkurës) si dhe
dëmtimet renale.
Në raste shumë të rralla mund të lajmërohen: Hipoglikemia
(sheqeri i ulët në gjak), Rinitisi dhe Stomatiti, Dhimbje të shpeshta
në pjesën e sipërme të stomakut (Ndezje pankreatite), Verdhëza
(ikteri), Djersitja e shpeshtë dhe ndryshime serioze të lëkurës (me
simptome të Skuqjes, Formimit të flluskave, Rrjepja e lëkurës dhe
Gungëzimi).
Gjatë mjekimit me Lisinopril Axapharm shumë rrallë mund të vije
deri tek toksiciteti. Prandaj është e mundur që për këtë arsye mjeku
apo mjekja juaj herë pas here të ju merr gjakun, për të vërtetuar
se mos Lisinopril Axapharm ka ndonjë ndikim në hemogramin e
juaj. Një influencë e këtillë mund të vërehet me anë të lodhjes apo
fytit të irrituar.
Në çoftë se nga Lisinopril Axapharm vërehen edemet në fytyrë,
në buzë, gjuhë apo në fyt (vështirësi në frymëmarrje apo
gëlltitje),ndërpriteni menjëherë marrjen a barnave dhe lajmëroni
pa hezitim mjekun apo mjeken e juaj. Ju do duhej ta ndërpritni
trajtimin edhe nëse keni shenja të edemeve në lëkurë si dhe kruarje
të lëkurës. Edhe pse këto reaksione mund të jenë vetëm kalimtare,
është e nevojshme që ju të jeni nën përkujdesje mjekësore, me
apo pa masa kundërvepruese mjekuese deri në zhdukjen e këtyre
shenjave.
Nëse vëreni efekte anësore që nuk janë të përshkruara këtu,
do duhej menjëherë ta njoftoni mjekun apo farmacistin tuaj
përkatësisht mjeken apo farmacisten tuaj.
Çfarë duhet të vini re përveç kësaj?
Tabletat me ndarje(prerje) janë të përshtatshme për një dozim
gjysmak me ndarjen e tabletës.
Tabletat do duhej të ruhen në paketimin e tyre origjinal të mbyllur,
në temperaturë të dhomës (15-25°C) dhe në vendet ku nuk mund
ti mbërrijnë fëmijët.
Barnat mund të përdorën vetëm deri në datën e shënuar me
«EXP.» në paketim. Në qoftë se jeni në posedim të tabletave me
afat të skaduar, ju lutëm ti ktheni ato për asgjësim në barnatoren
tuaj.
Informata të mëtejme ju jap mjeku apo farmacisti juaj përkatësisht
mjekja apo farmacistja juaj. Këta persona zotërojnë informata më
të hollësishme profesionale.
Çfarë përmban Lisinopril Axapharm?
Lisinopril Axapharm përmban si element aktiv përbërës Lisinopril
ashtu dhe Lisinopril-Dihydrat si dhe Lëndë ndihmëse. Janë në
dispozicion tabletat nga 5 mg, 10 mg dhe 20 mg të Lisinopril-it.
Numri i regjistrimit
58’768 (Swissmedic)
Ku mund të merrni Lisinopril Axapharm?
Cilat paketime ekzistojnë?
Lisinopril Axapharm mund ta gjeni në barnatore vetëm me
përshkrim mjekësor.
Lisinopril Axapharm: Tableta të ndashme (prerje) të 20 mg në
paketime nga 30 apo 100 tableta.
Lisinopril Axapharm: Tableta të ndashme (prerje) të 10 mg në
paketime nga 30 apo 100 tableta.
Lisinopril Axapharm: Tableta të ndashme (prerje) të 50 mg në
paketime nga 30 apo 100 tableta.
Pronari i regjistrimit
Axapharm AG, 6340 Baar
Kjo fletë udhëzimi për pacientë u verifikua së fundi në Korrik 2008
nga autoritetet për barna (Swissmedic).