1 QAJEELFAMA HOJII MARSAA ABO/OLF-net 1. Teknolojii baraatti ...

QAJEELFAMA HOJII MARSAA ABO/OLF-net
1. Teknolojii baraatti faaydomuun miseensotni akka yaada waldabarsuu dandayan
hubatamee;
2. Daandii qunnamtii baraa tiin dhimma bahamee, miseensota shaffisaan
walqunnamsiisuun barbaachisaa tahuu isaa hubatamee;
3. Jaallummaa miseensota gidduu cimsuu fi carraan guyya guyyaan yaada wal
jijjiirruu yaadamee;
4. Beekumsa fi dandeettii miseensotaa guddisuu, fi muyxannoo walii qooduuf carraa
guddaa akka kennu itti amanamee;
5. Walqunnamtiin jabaatee yaadi miseensa gidduu naanna'e eerga bilchaatee qaama
ol'aanuuf yaada kaabaa dabarsuun akka danda'amuu fi bu'aan qabsoof kennu/fidu
itti amanamee;
6. Marsaan ABO/OLF-net miseensota isaa qofa tajaajiluuf tolfame.
I. Itti Gaafatama ABO/OLF-net
Qajeelfama fi caasaa dhaabaa irratti hundaawuun, Marsaan ABO/OLF-net Koree mataa
isaa tiin geggeeffama. Dirqami koree tanaa:
1. Hojii ABO-net qindeessuu, tohachuu fi qajeelchuu.
2. Naamusa ykn tartiiba eegsisu.
3. Yeroo dhaa yerootti marsaa kana ilaalchise qajeelfama barbaachisu kennuu.
4. Yaada irratti mari'atamu akka barbaachisetti dhiheessu fi/ykn akka miseensotiin
dhiheessan kakaasu. fi
5. Yaada kennamu cuunfu dhaan akka barbaachisaa tahetti caasaa eeguun qaama
dubbiin ilaaltutti dabarsuu.
II.
Akeeka Marsaa ABO/OLF-net
1. Miseensotiin imaammata fi toftaa dhaabni yeroo dhaa yerootti hordofu irratti akka
yaada wal geeddaran taasisu.
2. Ergaa dhaabaa, odeessii hatattamaa fi kan hatattamaa hin tahin akkaataa caasaa
hin faalesine tokkoon miseensota qofaaf saffisaan dhaqqabsiisuu.
3. Wal qunnamtii miseensota gidduu wayyeessuu, fi akka guyya guyyaan yaada wal
jijjiirratan dandeessisuu.
4. Miseensoti muyxannoo akka wal geeddaru dandayan waltajjii tokko uumuu.
5. Afaan Oromoo guddisuuf, miseensota ittiin barreessuu, shaakalsiisuu fi daandii
qunnamtii shaffisiisuu.
III.
Miseensummaa
1. Miseensoti ABO hundi miseensota Marsaa ABO/OLF-net tahuu dandayu.
2. Miseensummaan ABO/OLF-net akka barbaachisetti karaa caasaa ABO kan dhimmi
ilaalu fi Koree ABO/OLF-net tiin qindaawee bakka gaha.
3. Miseensummaan akka namtokkeettis ta'e akka konyatti tahu ni dandayu.
1

4. Miseensi dhaabaa tokko yammuu miseesummaa ABO/OLF-net keessaa qooda
fudhachuuf hayyama gaafatu ykn qaadhimamu dursee konyaa isaa/ii ti himame;
karaa kutatti dabruun qorannaa barbaachisuun booda karaa marsatti dabarfamuun
miseensummaan ragga'a.
5. Miseensi Konyaa isaa keessatti adabni (rarraasu ykn mulquu) itti fudhatame
yeruma sana karaa Konyaan ykn Kutaan beeysifame tarkaanfiin fakkaataan itti
fudhatama. Kana jachuu, yoo miseensi tokko ji’a sadiif kan miseensummaan isaa
rarra’e tahe, marsaa irraahiis yeroo hamma saniif uggurama.
IV.
Qunnamtti
1. Qunnamtiin Marsaa ABO/OLF-net Afaan Oromoo tiin ta'a.
2. Maxxansaan ykn odeesiin afaan Inglizii tiin bahe yoo miseensotaaf bu'aa qabaate,
afaan Ingliziin dhiheefamu ykn maxxanfamu ni dandayama. Bakka dandayametti
garuu afaan Oromoo ti hiikkame dhiheeffama.
3. Yeroo ykn si'a tokkootti yaadni takko ykn isaan ol adeemuu dandaya.
4. Miseensi tokko yaada tokko ykn isaa ol kennachuu dandaha.
5. Miseensi ABO/OLF-net hundi e-mail mataa ofii kan namni biroo dhimma itti bahuu
hin dandeenye ykn keessa seene dubbisu hin dandeenye qabaachu qaba.
6. Qunnamtiin ABO-net keessatti miseensotiin qaban qunnamtii caasaa jaarmaa
bakka hin bu'u ykn caasaan dhaabaa gutumatti eegamaa taha.
V. Naamusa
1. Iccitiin ABO-net tiksee dhaabni ittiin geggeeffamuun taha.
2. Seerri fi Kaayyoon naamusa dhaabichaa gutuu dhatti hujjirra ola.
3. Namni qeeqa fi quurrama miseensaafis tahe, hogganaf qabu karaa caasaa dhaan
dhiheefachu malee marsaatti dhimma bahuu hin danda'u.
4. Walii galteen yoo dhibe ykn hin argamne sirnaa ala bahani maqaa wal dhahuun
ykn wal hadheessuun hin dandayamu ykn hin tahu.
5. Yaada waljijjirraa irratti hafuura jaallummaa fi sirni eegamu qaba.
6. Yaanni/marii ABO/OLF-net irratti maxxnfamu ykn daddarbaa jiru, miseensa ABO
ala baasuun dhoorgaa dha.
7. Marsaa ABO/OLF-net ala humni biraa marii godhamu hundas ta'e garii hordofuun
akka malu hubachuun, of eeggannoo barbaachisu gochuun dirqama.
VI.
Qooda Fudhannaa
1. Miseensi yaada irratti haasawamu dhiheessuun, murtii qabu lafa kaayuu dhan
jalqaba.
2. Yaanni dhiheeffamu guutuu, ifaa fi hanga danda'ame bilchaataa tahuu feesisa.
3. Yaanni dhihaatu dheerinaan kan dubbachiisu ykn mari'achiisu yo tahe
geggeessaan yaada saniif tolchama (gageessaan yaadaa ykn buleen abbaa yaada
dhiheesse ykn rammadii koreen taha).
4. Miseemsi yaada kennatu ergaa takka keessatti yaada takka kennata ykn
geggeessaan qajeelchuuf mirga qaba.
2

5. Yaanni tokko ol yeroo tokkotti miseensa tokkoon ykn oliin dhalaayee deemuu
dandaya; akka barbaachiseetti geggeessaan ramadamaaf.
6. Yaanni dhalaawe hundi bilchaate/gabbatee yoo barbaachisaa tahe bifa
dhaamsaatti qophaahe bakka dubbiin ilaalutti darba.
VII.
Adaba
Miseensi naamusa ABO/OLF-net cabsee argame:
1. Yeroo duraatiif kophatti ykn marsaa irratti hubachiifni/diniinni kennamaaf.
2. Itti deebinaan miseensonni ABO/OLF-net hundi akka baranitti kennamaaf.
3. Sadaffaatti ABO/OLF-net keessaa baafame/arihamuun koree kutaa isaatti
gabaafama.
VIII.
Wayyeessa
Qajeelfama kana moyxannoo horatame irraatti hundaahee, koreen ABO/OLF-net ykn
qaamni dhaabaa (kan dubbiin ilaaltu) akkaa fi yeroo barbaachiseetti wayyeessuu, itti
dabalu, fi bakka hin barbaachifne keessaa baasu/kutuu danda'a.
INJIFANNOO UMMATA OROMOOF!
3