Republika e Kosovës - Dogana e Kosovës

Republika e Kosovës
Republika Kosova - Republic of Kosovo
Qeveria - Vlada - Government
Ministria e Financave
Ministarstvo za Finasije – Ministry of Finance
Dogana e Kosovës – Carina Kosova – Kosovo Customs
Sektori për Legjislacion të brendshëm dhe këshilla ligjore
______________________________________________________________________________
Këshilla nr. 1310/11 Ref. DL 193/2011
Lënda: Lirimi nga taksa doganore për grantin e Bankës Botërore dhënë (Sektorit Publik)
të Qeverisë së Kosovës
Kërkesa e parashtruar:
Projekti për Modernizmin e Sektorit Publik (PSMP) është miratuar nga Bordi Ekzekutiv i
Bankës Botërore ndërsa Marrëveshja Financiare është nënshkruar nga Qeveria e Kosovës dhe
është ratifikuar nga Kuvendi i Kosovës.
Projekti kap vlerën totale prej USD 8 milion, (USD 3,6 milion janë ne formë Granti ndërsa USD
4.4 milion janë Kredi) nga IDA. Subjekti ,,Institucioni Qeveritar” interesohet të dijë nëse
Projekti i Modernizimit te Sektorit Publik, që ka të bëjë me pjesën e Grantit lirohet nga pagesa e
Taksës Doganore, duke qenë se një konfirmim të tillë për lirim nga pagesa e TVSH-së e ka
marrë nga Administrata Tatimore e Kosovës .
Çështja: Nga kërkesa e parashtruar për këshillë ligjore drejtuar përmes e-mailit kemi kuptuar se
ju interesoni të informoheni lidhur me të drejtën për shfrytëzim pa detyrimin e pagesës së taksës
doganore, të grantit (ndihmës financiare) në vlerë prej 3,6 milion USD, për Qeverinë e Kosovës
dhënë nga Banka Botërore për Projektin e Modernizimit të Sektorit Publik (PMSP).
Në vijim trajtimi i çështjes do të bëhet vetëm sa i përket vlerës së projektit të përfituar në formë
të grantit, pa përfshirë pjesën tjetër të vlerës së projektit të dhënë në formë kredie.
Faktet: Kërkesa për këshillë ligjore e dt. 26.07.2011, vendimi nr. 04-V-38 i dt. 06.05.2011,
marrëveshja financiare e dt.10.03.2010.
Baza ligjore: Konsiderojmë se çështja duhet të trajtohet në vështrim të neni 134 pika (f), të Aneksit
A të Kodit Doganor dhe Akcizave nr. 03/L-109 dhe Rregullores së UNMIK-ut nr. 2007/31
Aneksi I pjesa A, si në vijim:

1. Aneksi A i KDA-së (neni 134 pika f).
Neni 134 pika (f)
“(f) lirimet e lejuara me ligjet tjera në fuqi në Kosovë.
2. (Aneksi I pjesa A) Rregullorja e UNMIK-ut 2007/31.
“Aneksi I
Pjesa A
Eksportet.
Lista e mallrave të liruara nga taksa doganore
Mallrat e importuara për përdorim zyrtar nga përfaqësuesit diplomatikë dhe zyrat
ndërlidhëse në përputhje me Rregulloren e UNMIK-ut nr. 2000/42 mbi themelimin
dhe funksionimin e zyrave ndërlidhëse në Kosovë të datës 10 korrik 2000.
Importet e mallrave për përdorim zyrtar nga Kombet e Bashkuara apo nga cilido
organ i saj, duke përfshirë UNMIK-un (siç është përkufizuar në Rregulloren e
UNMIK-ut nr. 2000/47 e datës 18 gusht 2000 mbi statusin, privilegjet dhe
imunitetin e KFOR-it dhe UNMIK-ut, si dhe të punonjësve të tyre në Kosovë),
agjencitë e specializuara të Kombeve të Bashkuara, KFOR-in, Komitetin
Ndërkombëtar të Kryqit të Kuq (KNKK) dhe organizatat ndërkombëtare që
punojnë në Kosovë e që e kanë të drejtën dhe autorizimin e duhur.
Importet e mallrave të financuara nga fitimet e granteve të dhëna për UNMIK-un
apo të dhëna përmes UNMIK-ut për ministritë dhe departamentet (Institucionet e
Përkohshme të Vetëqeverisjes) nga qeveritë, agjencitë qeveritare, organizatat
qeveritare apo joqeveritare për të ndihmuar programet dhe projektet humanitare, si
dhe ato të rindërtimit në Kosovë.
Importet specifike të mallrave për të cilat PSSP-ja vendos se duhet të përdoren
vetëm për qëllime humanitare dhe që nuk janë për shitje e konsumim në Kosovë”.
Përgjigje: Bazuar në dispozitat e cekura më lartë mendojmë se granti ( ndihma financiare) e
lartcekur mund të lirohet nga taksa doganore, gjithnjë derisa importi i mallrave të financuara
mbi këtë bazë bëhet sipas kushteve dhe dispozitave ligjore të sipër përmendura.