Charter of the United Nations

More documents

Recommendations

Info

KGAOLO YA VI THAROLLO YA DIKGOHLANO KA KHUTŠO Tema ya 33 1. Dinaga tšeo di nago le dikgohlano, tšeo e lego gore go tšwelapele ga tšona go tla bea tšwetšopele ya khutšo le tšhireletšo ya boditšhabatšhaba kotsing, di tla, sa mathomo, nyaka tharollo ka dipoledišano, dinyakišišo, botseta, kopanyo, poelanyo, tharollo ya semolao, tša nyaka dietšentshi tša dilete goba dipeakanyo, goba ka ditsela tša khutšo tša kgetho ya tšona. 2. Khansele ya Tšhireletšo e tla, ge e bona go le maleba, ya kgopela dinaga tšeo go rarolla dikgohlano tša tšona ka ditsela tšeo. Tema ya 34 Khansele ya Tšhireletšo e tla nyakišiša kgohlano efe goba efe, goba maemo afe goba afe ao a ka feleletšago ka go se kwane ga boditšhabatšhaba goba ao a ka hlolago kgohlano, go bona ge eba go tšwelapele ga kgohlano goba maemo ao go tla bea tšwetšopele ya khutšo le tšhireletšo ya boditšhabatšhaba kotsing. Tema ya 35 l. Leloko lefe goba lefe la Dinagakopano tša Lefase le ka tliša kgohlano efe goba efe, goba maemo afe goba afe a sebopego seo se go boletšwego ka ga sona ka go Tema ya 34, go tla go lebelelwa ke Khansele ya Tšhireletšo goba Kopanokgothekgothe. 2. Naga yeo e sego Leloko la Dinagakopano tša Lefase le ka tliša kgohlano efe goba efe go Khansele ya Tšhireletšo goba go Kopanokgothekgothe yeo e e amago ge e le gore e amogela semeetseng, lebakeng la kgohlano yeo, ditlamego tša tharollo ya khutšo tšeo di filwego ka gare ga Tšhata.
3. Ditshepedišo tša Kopanokgothekgothe mabapi le ditaba tšeo di tlišitšwego go yona ka fase ga Tema ye di tla laolwa ke ditlhagišo tša Ditema tša 11 le 12. Tema ya 36 1. Khansele ya Tšhireletšo e tla, mo nakong efe goba efe ya kgohlano ya sebopego seo go boletšwego ka sona ka go Tema ya 33 goba ya maemo a go swana le ao, šišinya ditshepedišo tša maleba goba ditsela tša tokišo. 2. Khansele ya Tšhireletšo e swanetše go amogela ditshepedišo dife goba dife tša tharollo ya dikgohlano tšeo di šetšego di tšerwe ke dinaga tšeo di amegago. 3. Ge e dira ditšhišinyo ka fase ga Tema ye, Khansele ya Tšhireletšo gape e tla hlokomela gore dikgohlano tša semolao bjalo ka molao wa kakaretšo di tla romelwa go Kgorotsheko ya Boditšhabatšhaba ya Toka go latela ditlhagišo tša Molao wa Kgorotsheko. Tema ya 37 1. Ge dinaga tšeo di nago le kgohlano ya sebopego seo go boletšwego ka ga sona ka go Tema ya 33 di palelwa ke go e rarolla ka ditsela tšeo go boletšwego ka tšona ka go Tema yeo, di tla e romela go Khansele ya Tšhireletšo. 2. Ge Khansele ya Tšhireletšo e bona gore go tšwelapele ga kgohlano go tla bea tšwetšopele ya khutšo le tšhireletšo ya boditšhabatšhaba kotsing, e tla tšea sephetho sa ge eba e tla magato ao a lego ka fase ga Tema ya 36 goba go šišinya melawana yeo ya tharollo ya kgohlano ge e ka bona go le maleba. Tema ya 38 Ka ntle le go fetoša ditlhagišo tša Ditema tša 33 go fihla go 37, Khansele ya Tšhireletšo e tla, ge dinaga tše di nago le kgohlano di kgopela bjalo, dira ditšhišinyo go dinaga tšeo di nago le kgohlano ka maikemišetšo a go tliša tharollo ya khutšo ya kgohlano yeo.
Page 1 and 2: TŠHATA YA MOKGATLO WA DINAGAKOPANO
Page 3 and 4: 2. Maloko ka moka, a netefatšo gor
Page 5 and 6: Tema ya 6 Leloko la Mokgatlo wa Din
Page 7 and 8: Tšhireletšo ke Kopanokgothekgothe
Page 9 and 10: 2. Ditshenyagalelo tša Mokgatlo di
Page 11 and 12: Tšhireletšo, go hlokometšwe maba
Page 13: 2. Khansele ya Tšhireletšo e tla
Page 17 and 18: Tema ya 42 Ge Khansele ya Tšhirele
Page 19 and 20: 4. Komiti ya Bašomi ba Mašole, ka
Page 21 and 22: dilete goba ka dietšentshi tša di
Page 23 and 24: Tema ya 60 Maikarabelo a tiragatšo
Page 25 and 26: Tema ya 64 1. Khansele ya tša Ekon
Page 27 and 28: Tema ya 72 1. Khansele ya tša Ekon
Page 29 and 30: Tema ya 76 Maikemišetšomagolo a t
Page 31 and 32: mengwe ka fase ga tshepedišo ya di
Page 33 and 34: c. Maloko a mantši ao a kgethilweg
Page 35 and 36: Tema ya 93 1. Maloko ka moka a Lekg
Page 37 and 38: efe, bjalo ka bahlankedi ba boditš
Page 39 and 40: KGAOLO YA XVII DIPEAKANYO TŠA TŠH
Page 41: 2. Ditiišetšo tše di tla bolokwa

Charter of the United Nations

You also want an ePaper? Increase the reach of your titles

Delete template?

Save as template?