ukuphononongwa kwezaphuli-mthetho nokuzalana kwemixholo ...

UKUPHONONONGWA KWEZAPHULI-MTHETHO NOKUZALANA 

KWEMIXHOLO YENKANGELEKO KWINCWADI KA-L. K. SIWISA 

“IZIMANGA ZALO MHLABA” 

NGU- 

AMANDA BONISWA MELANE 

INGENISWE NJENGENXALENYE YEEMFUNO ZESIDANGA 

SE-MASTERS 

E-VISTA UNIVERSITY 

NOVEMBER 2006 

UMHLOHLI: NJINGALWAZI B. B. MKONTO

ISIQULATHO 

ISIQULATHO 

UBHENGEZO 

UKUNIKEZELA 

IMVUME 

ISISHWANKATHELO 

(i) &(II) 

(iii) 

(iv) 

(v) 

(vi) 

ICANDELO 1 1 

INTSHAYELELO YOPHANDO 

1.1 INTSHAYELELO 1 

1.2 INJONGO YOKUPHANDA 2 

1.3 UCWANGCISO 3 

1.4 ISAKHELO SETHIYORI 3-5 

1.5 ITHUBA LESIFUNDO 5-6 

1.6 AMAGQABANTSHINTSHI NGOBOMI BUKA- 

L. K. SIWISA NEMVELAPHI YAKHE 6-8 

1.7 ISISHWANKATHELO 8 

ICANDELO 2 9 

INKCAZO YOBUME BENGCINGANE 9 

2.1 INJONGO YESAYIKHO-ANALISISI 9 

2.2 IMVELAPHI YESAYIKHO-ANALISISI 9 

2.2.1 IGALELO LIKASIGMUD FREUD 9-10 

2.3 INJONGO YEFEMINIZIMU 10-11 

2.4 IMVELAPHI YEFEMINIZIMU 11 

i

2.5 AMAGQABANTSHINTSHI NGOMFANELEKO 14 

WEZI THIYORI KOLU PHANDO 


ICANDELO 3 16 

IMIXHOLO 

3.1 IINDIDI ZEMIXHOLWANA KUMABALANA 16 

3.2 IINDIDI ZOBUNDLOBONGELA 16-33 

3.3 OKUQAPHELEKAYO KULE MIXHOLWANA 34 


ICANDELO 4 38 

UKUYILWA KWABALINGANISWA ABENZA UBUNDLOBONGELA 

4.1 UBUGEBENGA 38 

4.2 UMOTHUKO 41 

4.3 UBUSELA NOBUQHOPHOLOLO/AMAQHINGA 43 


ICANDELO 5 54-56 

AMAXHOBA OBUNDLOBONGELA 

IINGXAKI EZIFUNYANWA NGABENZI 

BOBUNDLOBONGELA, NAKUBANTU 

ABANGAMAXHOBA OBUNDLOBONGELA 

ELOMQUKUMBELO 57 

IINCWADI EZISETYENZISIWEYO 58-59 

ii

UBHENGEZO 

Ndiyangqina lo msebenzi usihloko sithi “UKUPHONONONGWA 

KWEZAPHULI-MTHETHO NOKUZALANA KWEMIXHOLO 

YENKANGELEKO KWINCWADI KA L. K. SIWISA “IZIMANGA ZALO 

MHLABA” ngumsebenzi wam, zonke iincwadi ezisetyenzisiweyo 

ndizichazile, lo msebenzi zange ungeniswe kwenye iDyunivesithi. 

--------------------- ---------------------- 

A. B. MELANE DATE 

iii

UKUNIKEZELA 

Lo msebenzi ndiwunikela kwaba bantu balandelayo ngenkxaso yabo: 

♦ Umyeni wam uMoeketsi Mabote. 

♦ Abantwana bam, Bukelwa noMokhobo Mabote. 

♦ Umama wam, Nondwe Melane. 

iv

IMVUME 

Ndifuna ukwenza umbulelo kubantu abathe bathatha inxaxheba 

kwimpumelelo yezifundo zam: 

♦ UNjingalwazi B. B. Mkonto, umxhonxi nomhlohli kwizifundo zam. 

♦ UGqirha L. L. Kwatsha ngenxaxheba ayithathileyo kwizifundo zam. 

♦ Umyeni wam uMoeketsi Mabote ngokuba nomonde kwixesha elide 

lezifundo zam. 

♦ Umama wam ngokundijongela abantwana ngexesha lezifundo, 

kunye nabantwana basekhaya bonke. 

♦ ULinda Maclean ngokundikhuthaza ukuba ndiqhubele phambili 

ngezifundo zam. 

♦ Ndibulela uThembi Pakana ngokundichwethezela umsebenzi wam. 

♦ Nezihlobo zam zonke endithe ndafunda nazo. 

“Ndithi maz’ anethole. 

v

ISISHWANKATHELO 

Ubundlobongela buxhaphake okweentwala kubaThembu. Zininzi iindidi 

zobundlobongela ezithi ziqhubekeke apha ekuhlaleni. Abantu abathi 

bazibandakanye nobundlobongela, baphembelelwa ziimeko ezithile. 

Iimeko ezifana nokunqaba kwemisebenzi, izinga elinyukileyo 

lokusetyenziswa kweziyobisi nendlela athi umntu othile akhule ngayo. 

Ukuba ubani othile ukhule ngobusela, naye ulandela emkhondweni kanye 

abe lisela elibalaseleyo. 

Kwincwadi kaL. K. Siwisa ethi, “Izimanga zalomhlaba” kubhaqeka oku 

kulandelayo: Umntwana okhule ekhayeni lakhe kuetyenziswa iziyobisi naye 

wenza njalo akuba mkhulu. Imali eza ngobuqhinga nokuphela kwayo kuba 

lula. Ungumntu ebomini kufuneka utye ukubila kwebunzi lakho, uyeke 

ukufuna ukuvuna kodwa ungakhange ulime. Umntu kaloku uvuna loo nto 

athe wayilima. Apha ebomini zimisele ukwenza ubutyebi nelifa ngeli xesha 

usadla amazimba ukuze uphumelele. Xa ungumntu zimisele ukwanela, 

kule ndawo uMdali akubeke kuyo. Akufuneki ube ngumntu onentliziyo 

ende, unikwe isandla, wena ufune isandla kunye nengalo. 

Yonke le mikhwa ikukhokelela ekubeni ekugqibeleni wenze 

ubundlobongela. Ubundlobongela ke abubhatali koko busingisela 

kwantshabalala. Kula mabalana iyangqineka ngokuthi abonise iziphumo 

zobundlobongela ezifana nokuphulukana nobomi, ukuphelelwa zizinto 

zakho obunazo ngenxa yamaqhinga nobusela nokuphelela entolongweni. 

Kobu bundlobongela kukholisa ukubakho amaxhoba. Ngelishwa uninzi 

lwawo iba ngamabhinqa nabantwana. 

vi

ICANDELO1 

INTSHAYELELO YOPHANDO 

1.1 INTSHAYELELO 

Ubundlobongela sesona sifo sixhaphakileyo ingakumbi kwiilokishi 

zethu. Zikhona ke izizathu ezibangela oku. Esona siphambili 

kukungaphangeli kwabantu abasentangeni yokuphangela. Iziqhamo 

zokungaphangeli zibonakala ngokuthi abantu bajikeleze apha 

ezilokishini ngokuxakwa yinto yokwenza. Enye ingxaki yeyokuba 

abantu bahlala kwizindlu ezincinci kakhulu, baxinane kuzo 

benosapho oluninzi. Ngamanye amaxesha abantu abadala 

basebenzisa iziyobisi notywala phambi kwabantwana, baze 

abantwana bafunde wonke loo mkhuba becinga ukuba ukwenza 

njalo kulungile, bagqibele ngokuba zindlobongela apha elizweni. 

Ngelinye ixesha umntwana ukhula apho kungaphangelwayo, apho 

abazali bakhe baphila ngokuba izinto zabanye abantu, umntwana 

akhule phantsi kwaloo meko naye athi ekukhuleni kwakhe alandele 

kanye emkhondweni wabazali bakhe. Kwikhaya apho utata 

wekhaya asebenzisa khona iziselo ezinxilisayo kakhulu, okanye 

apho utata uphatha umama wekhaya nabantwana gadalala, apho 

umama aphila ngokuthukwa nokubethwa, unyana welo khaya naye 

uya kulandela lo mkhwa umbi, enze kanye yonke loo nto imbi 

ibisenziwa nguyise wakhe. Umntwana okhule phantsi kwaloo meko 

ugqibela esiba yindlobongela, abanye bade babe ngabantwana 

abahlala ezitalatweni, apho baphila ngokucela amalizo, baphelele 

besiba nezinto zabanye abantu. Isiphelo sabo ke iba yintolongo. 

1

Umona sesinye sezifo esibangela ukuba abantu baphelele 

ekwenzeni ubundlobongela. 

Le ngxubakaxaka yandlalwa ngentla apha ayisindanga kubabhali 

abaneliso elibanzi ngeemeko zoluntu jikelele. Babhale kakhulu 

ngale miba, bephonononga iziqhamo bekwanika namacebo. 

Phakathi kwabo babhali ndingabalula uL. K. Siwisa. Umdla wam 

kwiimbalo zakhe ngalo mba uthe zinzi kwincwadi yakhe yamabali 

amafutshane ethi, “Izimanga zalo mhlaba”. Konke ke oku ndiza 

kukubonisa ngokuthi ndithathe amabali athile amafutshane kule 

ncwadi. 

1.2 INJONGO YOKUPHANDA 

Eyona njongo iphambili kukuphonononga indlela uSiwisa abonisa 

ngayo le mikhwa yoluntu ethi ikhokelele ekwenzeni ubundlobongela 

obude maxa wambi busube nemiphefumlo yabantu. 

Olu hlalutyo luza kujonga nendlela abantu abenza ngayo 

ubundlobongela. Kananjalo, umnwe uya kubekwa nakwindlela 

abantu abachatshazelwe zezi meko ababa yiyo emva kwezi zibakala 

ezithe zabahlela. Kolu phando ndiza kuphanda ndifumanise ukuba 

yintoni ebanyanzelayo ukuba benze le mikhuba bayenzayo 

eluntwini. Le ndlela baziphatha ngayo iba nazo iziphumo ezibi 

kakhulu. Ndiza kusebenzisa iindidi zobundlobongela ezifumaneka 

apha encwadini ndizayamanisa nezo zibonakala ekuhlaleni. 

Kwa isihloko esi siyangqina ukuthi zininzi izimanga eziqhubekayo 

kulo mhlaba umagada ahlabayo. Ngelinye ixesha ziba khona izenzo 

ezibangela ukuba ubani enze obu bundlobongela, mhlawumbi 

2

indlela akhule ngayo okanye akhuliswe ngayo, indawo ahlala kuyo, 

nabantu athi ahlale nabo nakhula kunye nabo. Nentlalo le umntu 

akhula phantsi kwayo iba negalelo kakhulu ekwenzeni ubugwenxa 

okanye imikhuba emibi. Iba khona inzuzo kwakunye nesithintelo 

apha ekwenzeni ubundlobongela. Kungesi sizathu kanye apho kuya 

kufuneka ukuba siqwalasele nokubunjwa kwabalinganiswa abathile. 

1.3 UCWANGCISO 

Ndiza kusebenzisa izixhobo zencwadi eziza kuthi zityhile, ziveze 

yaye zicacise ezi ntlobo zobundlobongela. Ndiza kwenza nophando 

olunzulu ndide ndityelele abathile ababuya entolongweni, ndidibane 

nabantu okanye ababhali abathe babhala ngobundlobongela kulo 

uncwadi lwabo. Ndiya kuhambela abantu ndenze nodliwanondlebe, 

ndisebenzise unomathotholo wokuthatha amanqaku, ndichola-chole 

zonke izinto ezibalulekileyo eziphathelele kubundlobongela. Ndiza 

kutyelela abantu abachatshazelwe bubundlobongela. Ndiya kwenza 

nemibuzo entsokothileyo, apho ndiya kuchaza le mibuzo kunye 

nabenzi bobubi uqobo. Ndiya kuphanda indlela ubundlobongela 

obenzakalisa ngayo usapho kunye nezizalwane zalo mntu wenza 

ububi. 

1.4 ISAKHELO SETHIYORI 

Ukulungiselela isiseko esisiso kolu phando nasekucwangciseni 

umkhomba-ndlela onguwo wophando olulolu hlobo, ndiza 

kusebenzisa isakhelo sethiyori (Inkcazo yengcingane). 

3

ISAYIKHO-ANALISISI 

Eyona iphambili ithiyori nengundoqo yile kuthiwa yiSayikho-analisisi. 

Phakathi kweengcali ezibhalileyo malunga nenkcazo yale thiyori 

ndingacaphula uCollier (1973: 450) othi ngayo: 

Pschoanalysis is the investigation of 

psychological motivation of human 

behaviour through the study of mental 

content by a special technique .It is both a 

method of mental illness and a system 

of psychology. . 

I-Sakho-analasisi luphando ngesimo 

somntu ngokubhekiselele 

engqondweni. Isisicwangciso 

esibhekiselele kugulo lwengqondo. 

The goal of psychoanalysis 

is to make the individual 

aware of unconscious conflicts 

and of the defence mechanism she 

or he has been using to control . 

Kanti no-Atkinson et al (1983: 497) akakude kuCollier ngentla apha xa 

esithi: 

4

Isiphumo okanye injongo 

ye-pschoanalysis yindlela 

yokunyanga izifo zengqondo 

ebomini obudlulileyo bomntu. 

Iye iphande izizathu zoko. 

Kucacile ukuba le thiyori iqwalasela imiba yengqondo yomntu. 

Ngoko ke iya kuba luncedo ekuphononongeni abalinganiswa 

abazimo zikhangeleka zinxaxhile. 

IFEMINIZIMU (AMABHINQA) NEWUMANIZIM (ABAFAZI) 

Enye ithiyori eya kuba luncedo apha yile kuthiwa yiFeminizimu. 

Kaloku seyivamile kwintlalo yabantu ukuba amabhinqa la 

axhatshazwe. Unobangela woku yinto yokuba akanamandla 

ngokwasendalweni, uninzi alusebenzi, abazelwe nto apha emizini 

ngokuba bajongelwa njengabantu abathengwayo komawabo. Imeko 

yokuxhatshazwa kwabo ke ivela ngeendlela ngeendlela nakwimeko 

yobundlobongela. Ngeso sizathu ke kuqapheleka ukuba baphetha 

bengamaxhoba. 

1.5 ITHUBA LESIFUNDO 

Icandelo 1 Esi sifundo senziwa sangamacandelo amahlanu. 

Adweliswa ngolu hlobo: sinentshayelelo, injongo, ucwangciso, 

amagqabantshintshi ngobomi buka- L. K. Siwisa, imvelaphi yakhe 

nesishwankathelo. 

Icandelo 2 - Amagqabantshintshi ngobume bengcingane. 

5

Icandelo 3 - Iindidi zemixholwana kumabalana. 

- Isishwankathelo. 

Icandelo 4 - Ukuyilwa kwabalinganiswa abenza 

ubundlobongela. 

Icandelo 5- 

Amaxhoba obundlobongela. Ndiza kubonisa 

iingxaki ezithi zifunyanwe ngabantu abenza 

ubundlobongela nakubantu abangamaxhoba 

obundlobongela kunye nezihlobo nezizalwane 

zabo. 

Icandelo 6- 

Isiphelo. Siza kushwankathela konke 

okuthethwe ngentla kula macandelo. 

Sibonise neziphumo ezibi ezithi 

zifunyanwe ngabantu abenza ububi 

nobundlobongela phakathi koluntu. 

1.6 AMAGQABANTSHINTSHI NGOBOMI BUKA- L. K. SIWISA 

Ulanga Masiza Kerr Siwisa wazalelwa eWillowvale eTranskei 

ngomhla we- 14 February 1916. Utata wakhe umfundisi W. D. 

Siwisa wayengumfundisi eMbangcolo kwalapho kwisithili 

saseWillowvale. Umama wakhe yayinguChristina Elizabeth intombi 

yakwaConjwa. 

Waqala isikolo samabanga aphantsi eTsomo ngomnyaka ka-1922, 

waza wagqithela eHealdtown Practising School apho wafunda 

ibanga lesibini ukuya kwelesithandathu, waya eHealdtown High 

6

School wenza ibanga lesixhenxe ukuya kweleshumi. Ngomnyaka 

ka-1940 wafumana isidanga se-B. A. eFort Hare, ebalasele kakhulu 

kwisiNgesi. Yonke le mfundo yalandelwa yiDiploma yobutitshala. 

Waqala ukufundisa ngomnyaka ka-1942 eMariazell Teacher 

Training School. Kulo nyaka waya kuzimanya nabaphangeli 

baseGrahamstown Native Secondary School. Elo ziko laziwa 

namhlanje ngegama elithi yiNathaniel Nyaluza High School. 

Wafunda phantsi kwenqununu engasekhoyo uMnumzana B. E. N. 

Mahlasela. Loo mfo kaMahlasela wenza imbali ngokuba yinqununu 

yokuqala emnyama kwisikolo sasemini samabanga aphakamileyo 

kubantwana abamnyama eKoloni. 

Ukususela kumnyaka ka-1946 ukuya kumnyaka ka -1965, uSiwisa 

waphangela kwisithili saseNgqushwa ekunye nomfundisi uNathaniel 

Pamla wamaMethodisi oMzantsi-Afrika. Ngabo abaseka i-Ayliff 

Secondary School (eyaziwa ngokuba yiNathaniel Pamla High 

School). Yaqala yasisikolo sabucala, ifumana ezemali kubantu 

becawa, kodwa kunyaka olandelayo sabonelelwa kwabe 

sekuqeshwa uSiwisa njengenqununu yokuqala yalapho. 

Waphangela apho iminyaka elishumi elinesithoba. 

Waye waqeshwa njengomhloli ngo-1965 waphangela eKomani 

naseQonce wayeka ngo-1969 apho athe wahamba waya eTranskei 

waphangela kwiindawo ezahlukeneyo. 

Ngo-1976 wabuyela eCiskei waphangela njengoMhloli wezikolo 

eHewu, wade wangumhlali khona apho. Uthe wathatha isihlalo 

sokuba ngumcwangcisi kwezemfundo emva koko waba ngumguquli 

wolwimi kwiSebe lezeMfundo. 

7

U-“Oom Skerrie” njengoko ebizwa njalo ngabahlobo bakhe, 

uphangele kwiindawo ezininzi zolwimi ezifana nezi, Komiti yoLwimi 

lwesiXhosa, nakwiBhodi zoLwimi lwesiXhosa. Ngaphandle kwezi 

ncwadi zintathu zamabali amafutshane, uSiwisa uye wapapasha 

amabali ewayilesini elinye lawo, “Uyinkulu kabani” Loo mdlalo 

kanomathotholo wabuya walungiselelwa ukufundwa njengencwadi 

epapashiweyo ngomnyaka…. ipapashwe yiLovedale Press. 

Kanajnalo uyibhalile incwadi efundwayo yesiXhosa eyile, “Imidlalo 

yokulinganiswa” wapapasha nencwadi yezaci namaqhalo ethi, 

“Imizekeliso namaqhalo” (1950). Amava akhe nemfundo yakhe 

idibene nemvelaphi yakhe yasedolophini nasemaphandleni, imbeke 

kwindawo ephucukileyo ekuvezeni ubomi bakhe. 

1.7 ISISHWANKATHELO 

La manqakwana angentla apha sisikhokelo esibonisa indlela endiza 

kuthi ndihlasele ngayo olu phando. Kweli candelo lilandelayo 

lesibini ndizimisele ukuqwalasela ubunzulu benkcazo yengcingane 

esisakhelo solu phando. 

8

ICANDELO 2 

INKCAZO YOBUME BENGCINGANE 

Kweli candelo ndiza kuqwalasela i-sayikho-analisisi 

ngokubhekisele kubu-dlobongela. Ndiza kubonisa zonke iindidi 

zesayikho-analisisi; ubuwena, ukugqithisa ekwenzeni into, 

nonobangela wokwenza obu budlobongela. 

2.1 INJONGO YESAYIKHO-ANALISISI 

Injongo yayo kukuveza, ityhile izinto ezifihliweyo nezibangela ukuba 

lo mntu enze izinto ezichasene nayo, nezinto ezifunwa nguye yedwa 

nokwenza izinto ezithile ngokuzigwagwisa nokugqithisa ekwenzeni 

izinto. 

2.2 IMVELAPHI YE-SAYIKHO-ANALISISI 

2.2.1 IGALELO LIKA SIGMUD FREUD 

UFreud waziwa njengoyise wesayikho-analisisi. Isayikho-analisisi yaziwa 

njengomhlaba obalulekileyo kakhulu kwezentlala-kahle. Ngomnyaka ka-1856 – 

1939 uFreud waba negalelo ekuphuhliseni nasekukhuliseni isayikho-analisisi. 

Njengekhondo elizama kakhulu ukucacisa ngokupheleleyo isimo somntu. 

Ngokuka-Freud abantu banempixwano ngokuphathelele kwiimfuno zabo 

nakwiminqweno nemvakalelo ezithi zize ngamandla. 

Abantu bayazama ukuphumelelisa baphuhlise iimfuno zabo ngamanye amaxesha yomntu 

yohlulwe bekhanyela izimvo zabo ngokubhekiselele kwiintshukumo zabanye abantu. 

Amaphupha ngomnye wemizekelo wengcingane. UFreud wabona ubume bomntu nje 

ngokuzithemba nokuhlasela. Lo mntu uthi le nto akhule nayo ebuntwaneni bakhe. UFreud 

uthi ingqondo kathathu. Okokuqala unento ekuthiwa yi- Ego – ukwenza into ngokuzigwagwisa, 

bubuwenaekugqibeleleni ongenakho ukuzinqanda. Eyesithathu kuthiwa yi-Super - 

9

Ego - ukugqithisa ekwenzeni into. Eminye imihlaba yengqondo 

ezindidi yohlulwe ngazo ingqondo zithi zisebenze ukukhusela umntu 

kunye noluntu luphela. Ubuwena bumele isizathu sobukho 

bomthetho, sisiseko. Injongo kukugcina isimo semvakalelo 

sikwindawo enye ezinzileyo. Ukugqithisa ekwenzeni izinto 

sikwindawo enye izinzile. Ukugqithisa ekwenzeni izinto luhlobo 

olulungileyo lweencwadi olubonisa imfundiso elungileyo. Lunceda 

ekubeni kwenzeke unqando ekugqithiseni ukwenza into. 

Ngokubhekiselele kule ncwadi ka – L. K. Siwisa sifumanisa ukuba 

inxenye yabadlali okanye abalinganiswa bayagqithisa ekwenzeni 

izinto. Abanye bayazigwagwisa xa besenza izinto. Umzekelo kwibali 

elithi, “Umvuzo wethemba” apho sifumana khona uMbulawa othi 

azigwagwise ngemali yakhe nangendlela ahlutha ngayo. Kwakulo 

eli bali sifumana uMateyisi ongunyana kaMbulawa othi angafuni 

kumamela abazali bakhe. Othi ahambe ngendlela zakhe ezigwenxa, 

kodwa ekugqibeleni uyazisola ngayo yonke into athe wayenza 

ekukhuleni kwakhe. 

2.3 INJONGO YEFEMINIZIMU 

Seyivamile into yokuba amabhinqa nabafazi azifumane 

engamaxhoba azo zonke iziganeko ezibi. 

UDavis, (1994: 126) ubhala athi ngale meko yokuba ngamaxhoba: 

Women will never be able to claim 

Full equality alongside men until they 

have comparable levels of earning and 

until men participate equality in parenthood 

10

and domestic labour. 

Oomama abakwazi ukubanga 

ngokupheleleyo ukulingana 

namadoda, bade abafazi 

bafumane umvuzo olingana 

nowamadoda, aphinde amadoda 

asebenze ngokufanayo nabafazi. 

Nakobu bugebenga nobundlobongela, amabhinqa ayarhintyeleka 

achaphazeleke njengamaxhoba abethekayo. Kungeso sizathu ke 

ukuba umphandi azifumana egxelesha nakule meko yawo kula 

mabalana. 

2.4 IMVELAPHI YEFEMINIZIMU 

Ifeminizimu inxulumene kakhulu nezopolitiko lwamabhinqa: 

Kwimbali nakwinkcubeko amabhinqa baphathwa njengabantu 

abangenamandla nabangenakuzimela ehlabathini. Ifeminizimu ilwa 

ukuba amabhinqa mawakhululeke, abe nalo nethuba lokuvota, 

esenzela iimfuno zabo. Imfazwe yokuvota yayisiliwa kwiindawo 

ezivulekileyo zikawonke-wonke, esitalathweni nasemaqongeni ezo 

politiko. (Majola, 2003: 2). 

USinha et al (1999: 175) ngokucatshulwa nguMajola (2003:2) ubhala 

athi: 

Feminism was born wrapped in 

one great hope, that it would be good 

for all womankind and able to dispel 

all national, racial and cultural barriers. 

11

IFeminizimu yazalwa isongelwe 

kwithemba elinye elikhulu, yaye 

kwathiwa ilungele abafazi bona 

bakwaziyo ukumelana nazo 

zonke iinkxwaleko, zelizwe, 

zohlanga nezenkcubeko. 

Inkcazelo ethe ngqo ngeFeminizimu ngokucatshulwa nguMaduna 

(1999: 23) siyifumana kwi World Book Dictionary (1994: 784) ethi 

ifeminizimu yimfundiso eyamene namalungelo nentshukumo 

zoomama ekuhlaleni, kupolitiko nakubomi babo basemacaleni. 

Yena uRhode (1997: 220) ngokucatshulwa nguMajola (2003:7) uthi 

ifeminizimu luxanduva lwengxaki yomfazi. Inokubonwa 

njengesixhobo sokwenza ukuba intlalo kamama notata ilingane 

emisebenzini nasemakhayeni abo. 

ULouw (1997: 774) yena ngokucatshulwa kwanguMajola (2003:7) 

uthi ngeFeminizimu, yintlalo nentshukumo yopolitiko ethi ithathe 

uxanduva nokuphanda kokungalingani ngokwesini. Imbali yale 

ntshukumo yamabhinqa izotywa kakuhle kakhulu phaya kumaNgesi 

ngekrotikazi lombhali uVirginia Woolf. Le mbali yakhe 

ingashwankathelwa ngolu hlobo: 

UVirginia Woolf kwincwadi yakhe ethi “A Room of One’s Own (1928) 

ucatshulwa nguMngxekeza (2004:6) akazange agxininise kwisiqalo 

nesiphelo sefeminizimu. UVirginia waye ngomnye wababhali 

besifazi abathi bamkela ubufazi ngexesha lenkulungwane 

yamashumi amabini, nabanye abafazi abafana noKatherine 

12

Mensfield, Rebecca West noDorothy Richardson. 

NjengakwiMaksizim kuyingozi ukuhlalutya umbhalo wefeminizimu 

wodwa. Kuluncedo ke ngoko ukubona umbhalo kaVirginia 

uyinxalenye yokushukumisa, ucele umngeni ngaphezulu nakakhulu 

kwisini. UVirginia ukhalaza athi, oomama bacinezelekile phantsi 

kootata, yaye banawo amandla okubhala, qha indlela abahleli ngayo 

phantsi kwesandla samadoda esibukhali ayibavumeli. Ngalo lonke 

ixesha kufuneka benze imisebenzi yamadoda. Abafazi abaninzi 

babengayi-fundelanga indlela yokubhala, babelawulwa ngamadoda 

nje ngesithethe sasemakhaya. UVirginia Woolf wathatha umzekelo 

kudade kaShakespeare, embonisa ukuba amandla noqiqo unalo 

njengoShakespeare indoda. Oomama babengavunyelwa xa 

bebhala bawele ngaphambili okanye baziveze emaphepheni, kuba 

kwakufuneka bemamele, bathobele ukuba umsebenzi kamama 

kukusebenza endlwini nokukhulisa abantwana. Inxaxheba 

kaVirginia negalelo lakhe kwifeminizimu kukuchaza ulwimi. 

(Webster, 1990: 75). 

Ifeminizimu yaziwa njengethiyori etsolise ekupheliseni ukucinezelwa 

kwabesifazi. Kulo lonke abafazi basebenza bedibene ukuphucula 

ubomi babo. Basebenza bezimisele ukumelana namadoda. Le 

ntshukumo yefeminizimu yayiqhuba kwango-1960 nokuqala ko- 

1970. Njengentshukumo yepolitiko inengcambu kwipolitiko ekuthiwa 

yiWomen’s Liberation Movement.( Mngxekeza 2004: 21). 

IWUMANIZIMU 

Iwumanizimu yona yaziwa njengokunyasha amalungelo oomama 

abendileyo ekuhlaleni. Izithethe zootata nezimvo zabo zithathelwa 

phezulu. Izimvo zamadoda zibekwa phambili ze zihoywe 

13

kungakhange kubuzwe koomama. Kwiwumanizimu sithetha 

ngokudelelwa nokuthathelwa phantsi koomama. Seyiqhelekile into 

yokuba bajongelwe abafazi phantsi ekuhlaleni, kwaye kungekho 

mntu ubakhathaleleyo. Le ntshukumo yabo ke izalwa yiloo mpatho 

bayifumanayo. 

Iwumanizimu ivela kubahlali base-Afrika e-Amerika. Umfazi wase- 

Afrika e-Amerika wazala icebo lewumanizimu. Iwumanizimu 

yazama ukwaphula zonke izithintelo ezazixabe endleleni yoomama. 

Eli gama liyamaniswa nomama u-Alice Walker owathi walwa efuna 

ukuba abafazi abamnyama abangababhali bafumane uqwalaselo. 

U-Alice wabona umfazi omnyama njengomntu ofuneka avuyisane 

nengcambu ezimnyama. UWalker waye wacacisa esithi 

iwumanizimu lumanyano olumnyama loomama. 

Iwumanizimu iqeqesha abantwana abangamantombazana indlela 

ekufuneka beziphethe ngayo. Kufuneka bazi ukuba xa sebekhulile 

akufuneki benze izinto ezigwenxa ezenziwa ngamantombazana 

amancinci. Iwumanizimu yaziwa njengefeminizimu emnyama. 

“Wathint’ abafazi wathint’ imbokotho.” 

2.5 AMAGQABANTSHINTSHI NGOMFANELEKO WEZI THIYORI 

KOLUPHANDO 

Kucacile ukuba abalinganiswa aba babonakalisa ubundlobongela 

beneempawu ezithile zokungamisi kakuhle ezingqondweni zabo. 

Uphando oluqala apho ke lolona lunokuthi luveze kakuhle 

nangaphandle kwamathandabuzo zonke iziganeko neentshukumo 

ezikhwankqisayo ezingunozala weengqondo ezicinga ngolo hlobo. 

Kananjalo, kulula nokufumanisa ukuba loo mlinganiswa usilela 

14

entweni na, kwa nokuthi esenza loo nto uba ngathi akakho 

zingqondweni. Enye into encedayo yinto yokuba umlinganiswa 

ngamnye ubonakalisa ukukhula nokuguqu-guquka. 

Kwicala lefeminizimu kubonakala ukuba laa mpatho-gadalala 

yamabhinqa iphenjwa kwaye ikhwezelwa ngamandla lifuthe 

lokuzibeka njengendoda. Bambi abalinganiswa ngathi bazidla 

ngamandla la embala. Umdla apha usekubeni amanye amabhinqa 

akaziyekeleli, ayazilwela, efuna amalungelo awo. 


Eli candelo elityhila ngenkcazo yobume bengcingane (ithiyori). 

Yandlalela uphononongo olululo ngentshukumo yabalinganiswa 

nendlela abasingatha ngayo owona mxholo uphambili, 

ubundlobongela ndawonye neminye eya kumana ivela. Ubume 

beengcingane endizikhethileyo zikhangeleka ziza kundihlangula 

ekuphandeni nasekuphonongeni nzulu ngale mixholo. Kwicandelo 

lesithathu elilandelayo ndizimisele ukushwankathela ngokufutshane 

amabalana amathathu ndibonise lo mxholo wobundlobongela, ze 

ndithi emva ndiveze ngantlanye ezi ndidi zobundlobongela. 

15

ICANDELO 3 

IMIXHOLO 

3.1 IINDIDI ZEMIXHOLWANA KUMABALANA 

Kuqapheleka into yokuba uSiwisa uveza imixholwana 

ngemixholwana enomdla ngesi sifo kuthiwa bubundlobongela. Le 

mixholwana iqamangela iindidi ngeendidi zobundlobongela. Oku 

kuchazwa ngolu hlobo: 

UMVUZO WETHEMBA 

Eli bali lingoMateyisi owayengunyana kaMbulawa noMajali. 

UMateyisi wayezanywa ngabazali bakhe ukuba afumane imfundo 

enomsila kodwa wadlala ngexesha lakhe. 

Abazali bakhe bamthumela esikolweni eDikeni kanti akasafundi 

uhlalisana nentombi yakwaRhoyi, emaMpehleni kwaNtselamanzi. 

Ethutha imali kayise eMonti nje sekukade ehlala le ntlalo. Uyise 

waye wayibhaqa le nto. Emva koko uMateyisi waphila 

ngokuqhekeza nokuba kwivenkile zabeLungu. UMateyisi waye 

16

wabanjwa ngezi zenzo zibi azenzayo. Kwaba buhlungu kunina 

uMajali, waze wacela uMbulawa amkhulule entolongweni. 

Wathi uMbulawa akasoze amkhuphe ufuna akhe ayaleke. Kwaba 

kukhona uMateyisi engena kwesona sikolo sikhulu sobugebenga. 

Waphuma uMateyisi entolongweni sebafudukayo abazali bakhe 

befudukele kwaQoboqobo. UMateyisi wahlala noMqawuvutha, 

wamncokelela ngobutyebi bukayise, uMbulawa, obungagcinwanga 

zibhankeni. 

UMateyisi wazama ngandlela zonke ukufumana ubutyebi bukayise. 

Wada waya nasemaxhweleni ezama obu butyebi. Zaya kufika 

nakuMbulawa ezi ndaba. UMajali wayikhaba inqawa akuziva ezi 

ndaba ngonyana wakhe. UMqawuvuthwa wachazela uMateyisi 

apho uMbulawa ayifihla khona imali. Kwathi ngexesha lomlindo 

uMateyisi wafika wazenza umntu ogulayo, okhathazeke kakhulu sesi 

siwo sikanina. Waya kulaliswa kanye kweli gumbi lishushu apho 

kukho umlilo ongapheliyo. 

Waqhubekeka umlindo, noMbulawa walala yoyi elaliswa nayingoma. 

Waphupha kubiwa imali yakhe kwela gumbi linomlilo. Wothuka 

ekhala engekho zingqondweni. Bothuka abantu bomlindo, waya 

ngqo enqugwaleni wafika zirhona iindwendwe zakhe nomlilo usatsho 

njalo. Wabuyela endlwini kodwa lona uvalo lusangongoza. 

Akuphuma zasebenza iindwendwe zakhe, zawucima umlilo 

zayikhupha imali, zayifihla emva kwendlu. Kusasa wavukela kula 

mzi unendwendwe emva komngcwabo, lwabonakala uthanda eziko, 

wandula wawohloka umgodi emva kwemini. Labuya ke iphupha 

likaMbulawa, washiywa zingqondo kuba bonke ubutyebi bakhe 

buphelile, kwayokubizwa uMateyisi, wathatha ixesha lakhe ukufika. 

Wafika emva kwesithonga sikayise. Aphanda amapolisa awonwaba 

17

amadoda sisithatha engcwabeni likaMbulawa. Agaleleka amapolisa 

athatha uMateyisi noMqawuvuthwa, baya kubavalela. Wabuyiswa 

uMqawuvuthwa kwathiwa akanatyala. Kwafunyaniswa ukuba 

uMateyisi unetyala. Isithatha sanyamalala engcwabeni likaMbulawa 

akubanjwa la madoda. UMateyisi yamfikela ingcinga yokuba 

ubutyebi ongabubilelanga bufumaneka nzima. 

UMZILA WOKUFA 

Apha kweli bali sifumana uSamson oza kutshata noThabitha. 

Ngobu busuku banedinga. Wahamba uSamson waya kudlula 

kuThabitha. Wamfikela emlindele, bawolana ke bebukana. 

Wamncedisa ukunxiba idyasi uSamson baza bahamba. Bangena 

esitalatweni bebambene ngezandla bencokola ezaziwa ngabo 

bodwa. Bahamba kuhola wendlela osinga eKokstad. Babethwa 

yimpepho emnandi ephantsi kwebhulorho. 

Bathe besonwabe apho kumnandi, kwathi gqi isithatha semoto evela 

ngaseNcambedlana, ibukhawuleza. Ithe seyigqithile kubo yabuya 

umva yamisa. Le moto yayiqhutywa nguLucky unyana kaNomboni 

oyise ungaziwayo. Unyana kaNomboni wayenxanelwe igazi ngobu 

busuku. Ukufa kwakusendleleni yako, yena Lucky esisithunywa 

sako. 

Babulisana uSamson noLucky bebuzana nempilo. Watsho ebuka 

noThabitha, atsho emqhula ukuba ebethe nqa ukuba uSam uhamba 

nabani na. ULucky wabacela ukuba bakhe bamkhaphe ukuya 

kuQumbu. UThabitha wazama ukumnqanda uSamson ngokumyaxa 

ngezipho. Kodwa akukho ukuyithintela indoda xa ibizwa 

ngamawayo. USamson wathatha ngokumfunqula uThabitha 

18

wamfaka emotweni. Bahamba bonke kumnandi kuncokolwa. Wathi 

xa iphakathi kwibholorho ende, yaphela incoko kuLucky. Wathatha 

ngokumisa imoto sele ejike ebusweni ebakhuphela phantsi kwimoto 

yakhe. Watsho ekhupha ivolovolo yakhe ebadubula bobabini 

banabela ingca ngoko nangoko. 

Yaqoqosha zonke izinto zayo into kaNomboni, iphambukela 

kwindlela eya kwindlu yomLungu. Yavela seyithe chu ivolovolo yayo 

ngesandla ifuna into ibilapha. Wafika umLungu waseTsitsa 

emlindele, wakhulula kuqala ngevolovolo yakhe. Yashiyeka 

ivolovolo kaLucky, walandela umLungu emva kwakhe wahlasela. 

Bafunyanwa ooSamson noThabitha phantsi kwebholorho 

bedunduluzile, noLucky naye wafunyanwa egumbini lakhe 

eNcambedlana efile. 

Abantu belali bazithetha izinto zabo ngabo bathe basishiya. Besithi 

uLucky ebekhweleta enomona kuba uThabitha wayenento 

yokwenza naye, lo gama uSamson ephangela eKapa. Ezinye 

iindaba zithi uSamson ebehlalisana ngeli xesha ephangela eKapa, 

yiloo ntombi wayehlalisana nayo ethe yadibana noLucky ukuba 

ababulale. Nokuba sesiyintoni na isigwebo sentliziyo, kodwa 

lashiyeka livulekile lona ityala kuba kwakungekho bungqina 

buzeleyo. Esi siganeko sashiya isizungu selifu elimnyama 

eNcambedlana. Lalifanele ukungabi namkhondo ucacileyo kuba 

bona bema endleleni yokufa ngobo busuku, kwaza ukufa 

kwabatshayisa. Ukufa kudala izigede apho kunyathele khona. 

Ukufa kukaSamson, Thabitha noLucky kwashiya umzila. 

19

SISONKA SETHU 

Apha kweli bali sifumana uNxele owayeyinkulu kaNdabangayi. 

UNxele uqabuke kokwabo kukho iintlanti ezintathu. UNxele 

wayebona kufika iinkabi zamahashe ngobusuku apha kokwabo 

kodwa kuse zingekho. UNdabangayi wamfundisa unyana wakhe lo 

msebenzi, kodwa wathi akuwuqhela uNxele akabuya nayo imali 

iphelele. Uyise wambonelela kulo mkhwa. Wamohlwaya kakhulu 

ngesi senzo sokungabuyi nemali epheleleyo. 

UNxele wayemana ethembisa esithi iya kuphelela xa ephinde waya 

kuthengisa la mahashe. Wayiqhuba le nto uNxele waza walahleka 

iiveki ezimbini. Akubuya uyise wambuza imvelaphi wathi ebekhwele 

kwinqwelo zaseKhobonqaba zaze zamthula eRhini,uhambe 

ngeenyawo ukuza kuthi ga apha. Uyise ubuze imali yakhe watsho 

ecaphuka kuba uNxele uphise ngamahashe akhe. UNdabangayi 

wambophelela uNxele wambetha kanobom, yasika inimba 

kuNoketile unina, wathi bhetele umyeni wakhe abethe yena, 

kunokubetha usana lwakhe. UNdabangayi wabangathi akeva, 

watsho eqinisa. Wathi uNoketile uza kuzibulala ngenxa yesi senzo. 

Wamcenga uNxele uyise, wathi imali uyifihlile phantsi komthi 

womngwenya phesheya kwezibuko leNxuba. Bahamba baya apho 

kunzima nokuhamba oku kuNxele. Bakufika apho babasa umlilo. 

Wacela uNxele ukuba uyise akhe amkhulule aye kuzinceda. Wenza 

njalo uyise ecela noxolo ngendlela athe womohlwaya ngayo unyana 

wakhe. 

Wahamba uNxele esiya kuzithuma kunzima nokuhamba. 

Kwakubuhlungu uyise xa embona emonzakalisile. Wahamba 

20

uNxele washiyeka uNdabangayi ejonga phantsi emlilweni 

kubuhlungu nakuye wava ngevumba kanti kutsha isankwane sakhe 

emlilweni, zange akwazi nokusisindisa ngendlela esatsha ngayo. 

Wahlala elindele unyana wakhe akatsho ukubuya. Kwathi kanti 

yindlela aphuncuka ngayo uNxele kuyise. Wahamba waya eRhini 

kumhlobo wakhe uStone. Babukana noStone yena ebizwa 

ngoLefty. 

Baqala phantsi ukuqhekeza iivenkile, iicawa neemoto zabantu. 

Kwakuthintelwa oomama abavela emisebenzini kuthathwe nokutya 

abakuphiwe ngabeLungu. Baqhekeza imoto kaGqirha-Lwazi uD. O’ 

Brien owayefundisa eRhodes. UGqirha wayevela kuzingela inkunzi 

nemazi kaDlezinye. Ngeli xesha wayediniwe wangena kwivenkile 

yeziselo ethoba unxano. Wayibeka ibhokisi kwisitulo esi sisemva 

emotweni yakhe. Waphuma ingekho, waze wakhathazeka. Le 

bhokisi yayibiwe yinkwenkwe eyayithunywe ngoStone. Bahamba 

kufuphi namangcwaba bayiqhekeza ibhokisi leyo. Yafa inkwenkwe 

leyo icholwa ibokoboko. UStone yena washiywa zingqondo, 

ehamba evula iheke ezivaliweyo, ezivuliweyo ezivala. Waya 

emagezeni kodwa emva kwexesha waphila. Emva kweeveki 

ephumile uStone emagezeni, uLefty weva iindaba ezibuhlungu 

zokusweleka kukaNoketile unina. Bahamba bezizihlobo baya 

emngcwabeni uStone noLefty nabanye. Bafika abantu bonke 

besemlindweni. Babona imoto entle phambi kwendlu, iyekamalume 

kaNxele. Babutha yonke into eyayilapho. Kusasa kwakunzima 

nelaphu nesepha le kumanenekazi awayeshiye izinto zawo 

emotweni. Nakuninalume kwakunzima ukuhlawula unovenkile kuba 

izipaji zonke zazimke namasela. Xa babefuna ukuya emapoliseni 

bafumanisa ukuba ibhetri yemoto ayikho, kunye nevili. Baqhuba 

neenkomo neebhokhwe ezazikho ebuhlanti. Kodwa ke wona 

21

umngcwabo waqhubekeka. Iphephandaba labika ukucholwa 

kwesidumbu sikaLefty kufuphi namangcwaba sinamanxeba 

amaninzi emela emzimbeni. Iinkomo, iibhokhwe neempahla 

zamanenekazi aseBhayi, zona zazithengisiwe. Kucacile ukuba 

uLefty waye wabanga isahlulo esikhulu ngexesha lokugqebha waze 

ke wabulawa. Babanjwa ooStone nabahlobo bakhe, kodwa uStone 

waphuma phambili ngokungapheleli kobungqina. 

Ubugebenga badamba noko emva kwesi sigigaba sikaLefty. 

UStone baqhekeza kwenye ivenkile ethengisa iiwotshi. Abanye 

babelinde phandle. Wangena kumanqwanqwa entungo. Wathi xa 

ephumayo wanyathela ucingo lwegesi olungagqunyangwa, zacima 

kuye. Zalinda phandle ezinye izigebenga zancama zashiya zemka. 

Bafika abeLungu kusasa libambeke apho ikhalipha elikhulu, isisu 

sithe qhutsu, sisonka salo. Abecuphi baqala phantsi ukugqogqa 

bethatha kwanto, kwelo laseRhini. Abhaca amasela amanye aya 

eBhayi amanye abhacela eMonti. 

INDODA YELAKA 

Eli bali lingoMathayi owathi walahlwa yititshalakazi 

enguNonzwakazi. UNonzwakazi wazikhupha ngezakhe izandla 

ezilishumi, ezisebuhlanti zabuyela apho zazivela khona. Esi 

siganeko sambetha washiywa zingqondo uMathayi. Wabayintlekisa 

apha elalini. Wagqiba kwelokuba ahambe aye eKapa, wahamba ke. 

Wayelilifa lentsini iintokazi zihamba zivuma ngaye. Wabhacela 

eKapa ezama ukuphuma kweli hlazo. Waya kugaleleka esitishini 

kwaLanga emva kweentsuku ezine elishiyile ikhaya lakhe. Wasinga 

emaholweni enethemba lokuba baninzi abakhaya bakhe 

baseNcemerha apho. Wathi esahamba njalo kwakho nkwenkwana 

22

eziphosa kuye, ikhala icela uncedo. Yazifaka phantsi kwedyasi 

yakhe kanti irhola imali empokothweni yangasemva. Wathi 

esajonge leyo zaxhiphula ingxowa yakhe yemali zabaleka nayo. 

Wayexwaye iragi yakhe emagxeni, weva sebeyirhintyela entanyeni 

waza wawa phantsi. Wazama ukubasukela engenanto, nempahla 

leyo yakhe ithathiwe. Wabona abafana ecaleni kwendlela ezama 

ebuzisa ngala makhwenkwe abaleke nempahla yakhe. Amqhwaba 

ngempama wabetheka ngenqentsu phantsi. Amhluba washiyeka 

ngehempe kuphela. Wabaleka efuna uncedo, kwathi gqi amapolisa 

afuna ukumbamba, wahlangulwa nguWanky apho kulo mapolisa. 

Wahlala noWanky, waza wamfunela nomsebenzi ejetini. Bahlala 

kamnandi noWanky bevana. UMathayi wazithengela impahla 

wafana nabanye abafana baseKapa. Emva kwenyanga ephangela, 

wayethathelwa rhoqo imali yakhe xa erholile. UWanky wayemyala 

emxelela neendawo ezifihlakeleyo amakayifake khona imali yakhe. 

Nangalo elo xa yayithathwa imali yakhe yimiguluvela yaseKapa. 

Ngenye imini wakhe wabuza ukuba uWanky yena uphangela nini. 

Wamgwexa kanobom esithi yena inkosikazi yakhe ephangela 

eNyanga imenzela yonke into. Wabetheka uMathayi eKapa, 

wangena umgalelo kunye nabahlobo bakaWanky. Wabagalelela 

bonke kodwa lakufika elakhe ithuba, abamnika imali yakhe ukusuka 

apho bamfuna ngeemela. Waphela ezigcinela imali yakhe etyesini. 

Ngenye imini wathi evela emsebenzini wafika ilaphu ebeligqume le 

mali livelile, waqonda ukuba konakele. Waya etyesini wafika imali 

ingekho. Wakhathazeka bahamba noWanky baya emapoliseni. 

Yaphela esithubeni loo nto yaloo mali. Baphela abahlobo 

bakaWanky bemfuna ngamabhoso. Wagqiba kwelokuba akhumbule 

ikhaya. Endleleni egodukayo wakhwela ilori. Le lori yayiqhutywa 

23

ngumLungu ethwele imikhoba. Izulu lalilibi ngalo mini imvula igalela. 

UMathayi wagqiba kwelokuba angene kwenye yemikhoba. 

Wangena ezikhusela emvuleni. Wamisa umLungu edolophini 

kwakhwela uSibonda namaphakathi akhe kunye nosomashishini. 

uSibonda wayeze kukulungiselela abasebenzi bakhe ebhankeni. 

Babephethe iimali ezinkulu. Bakhwela ngemva elorini. UmLungu 

wangena eHotele yaye wathatha ixesha lakhe. Waphuma 

sebelibele. Imvula yayizenzela kubo bemanzi. Yaye 

babenesithukuthezi sokujamelana nezidumbu ngabula bona. Boyika 

mpela kuba kwakuse kuhlwile. 

Ngelingeni waphuma umLungu. Ngeli xesha kwakuthe cwaka apha 

elorini kungekho ndoda inomdla wokuthetha nenye. Babeyilumkele 

nento yamadoda abuyayo kwaNtu. Yalile xa isendleleni ilori, 

uMathayi washukuma, aphunguza amadoda, ajongana, abuya 

ajonga ebhokisini. Wabuza uMathayi ukuba isana na le mvula, 

nangoku madoda Akuzange kubekho ndoda ibuza nto kwenye. 

Ashiyana ukwehla enza owenkawu, ibaleka njalo ilori eshiya konke 

okwawo apho elorini. Washiyeka evula isiciko sebhokisi uMathayi 

emangalisiwe ukuba kwenzeka ntoni. Waphuma kungasekho mntu. 

Yamfikela ilaka loo mini. Walisebenzisa ithuba wazikhuthuza zonke 

ezo ngxowa zemali. Wayifaka ezimpokothweni imali wazijula kude 

iingxowa. Wathi xa iphambukayo watsiba wangena kwindlela eya 

eMabhele egquka umkhondo. 

Amadoda amfikela umLungu esalele ephethwe zibhabhalaza zakhe. 

Abuzisa ngomntu othe wathetha kwimikhoba. UmLungu akazanga 

nanto inye wathi mabangathethi intsomi, ngokuba imikhoba 

eyayiselorini yakhe yayingekangcwabi mntu. Ancama amadoda 

abuyela emakhayeni. Kwafuneka bayihlawule loo mali 

24

kaRhulumente ngenxa yobuyatha babo. UMathayi yena waduka 

umkhondo wabamba uloliwe oya eKapa. 

UMGUDU WOKUGQIBELA 

Kweli bali sifumana utitshala uHleza elungiselela itheko 

lokuphehlelela untondo wakhe. Kwakuphithizelwa kuyiyizelwa 

ingathi ngumtshato. Utitshala wamfumana lo mntwana selekhulile 

yena kunye nenkosikazi yakhe uNomafu. Baye bamphikisa ugqirha 

ngesi sehlo. Ekugqibeleni uNomafu wamzala umntwana 

oyintombazana, bamthiya igama elinguNongekhe, kuba 

babengamthembanga ugqirha. Baqala ke ngoku baziva bebatsha. 

Ngeli xesha balungiselela umhla wophehlelelo utata katitshala 

wayenamabhongo mhla kwakuphehlelelwa intombi katitshala enkulu 

uNokwandakwaZizi. Utatomkhulu waxhela inkomo, wakhumbula 

ezo mini umfo kaHleza. Wahamba ngemini yangomGqibelo waya 

edolophini eQonce eyokuthatha ilokhwe yomntwana kunye nezabo 

izinxibo ezazithungwe apho eQonce. Wahamba waya kufika apho 

eQonce. Wabuya eQonce enemincili yonke into egqibile ukuyenza 

kwangethuba. 

Endleleni ebuyayo wadibana nomfo owayebetha ubhontsi. Lo mfo 

yayinguReuben Solwazi waseGqume kufuphi neRhini. Lo mfo 

wayezimele entolongweni. Wayebanjiwe ngenxa yezenzo 

zokudubula umfama entolongweni eNgqushwa. Waqhuba imoto 

yemantyi ngaphandle kwesitshixo wayishiya phakathi kweCumakala 

neKati-kati. Injongo yakhe yokuqhekeza entolongweni wayecinga 

ngemali eyaziwa nguye yedwa. Ngoko ke wayefuna umfazi wakhe 

uNolasu ayifumane le mali. Wazimela entolongweni kusasa ngeli 

xesha kuhanjiswa ikofu yakusasa. Wathatha impahla yenkwenkwe 

25

ehambisa ubisi wayinxiba. Waya endlwini yomLungu wanga 

ungenisa ubisi wambophelela ebhedini. Wabona impahla apho 

izihlangu, ibhatyi nebhulukhwe wazinxiba. 

Wafika ke utitshala wamkhwelisa. Bancokola kamnandi ingathi 

kudala besazana. Yahamba iDodge yasemaZizini. Ithe xa iphi phi 

phi, yaxinga, wayijonga utitshala uthe esagobe njalo, wasuka 

uReuben watsala utitshala ngeqhina wambophelela wamvala 

nomlomo wamshiya apho. Wahamba uReuben neDodge katitshala 

uthe esendleleni yaphinda yaqhuma imoto. Wayijonga kwemisa 

nendoda evela ngaseBhayi, ibuza undonakele. Yabuza kumniniyo, 

kodwa yaze yaqonda ukuba umntu omkhulu akaqondi kakuhle. 

Wehla wahamba umfo waseBhayi. UReuben wayimamela indaba 

yokuba amapolisa asendleleni akhangela kwanto. Watshintsha 

indlela wahamba phakathi kwefama wasinda ke noko. Ekhayeni 

likatitshala banxuba baza bazisa ngokulahleka kukatitshala. 

Kwaphandwa yaza yafunyanwa imoto kodwa ingenayo impahla. 

Ngemini elandelayo yaqhubeka inkonzo yokuphehlelela, kwanxitywa 

iimpahla ezindala ngabazali, uNongekhe wamelwa nguyisekazi, 

kuba utitshala awayesaxakekile. UReuben wafika emzini wakhe 

nemali. Walandelwa umkhondo, kodwa yena wazenza umfundisi 

ovela eRhawutini, phofu elingaziwayo nebandla elo lakhe. 

Untamnani waseRhini wafika wahlala kumzi okufuphi. Waye 

waziqhelanisa naye, emana esiya kumbuthela. Waye wamphanda 

waza wambhaqa. Waya wathunyelwa eQonce selebanjiwe, 

elibanjwa. Wadibana nejaji eyamthembisa intambo kunye 

nomnyango wengcwaba. 

26

TSHONA ! 

Yayilixesha elinzima emva kwemfazwe. Yayiyindlala kwimizi 

ngemizi. Umntu ngamnye wayezizamela indlela yokuphila. 

Amadoda azincama abhenela ejoyinini. UMntukanti into kaTolwana 

wahlala phantsi wacinga cebo limbi. Wathenga ixhaka-xhaka lemoto 

wathutha abantu, wathi eseMthatha wabe eseGcuwa. Ngexesha 

elifutshane wathenga imoto entsha elayisha abantu abathandathu. 

Wayethutha abantu ukuya eMonti naseBhayi. UMntukanti waye 

enyoluka waquqa equqile eBhayi nakathathu ngeveki. 

Waye wahlangana namapolisa, wabuzwa imvelaphi nalapho aya 

khona. Wathi uvela kuCentane usingisa eBhayi. Kwabuzwa 

iimpepha, wabuza eyantoni Wayeyazi into efunwayo, 

wazimpampatha ezimpokothweni efuna into engekhoyo. 

Waphendula wathi uyilibele ekhaya. Ipolisa lakhalazela nenani 

labantu abasemotweni wathi noko banciphile. Le ndoda yatshintsha 

indlela yokuthutha abantu abaya eMthatha naseGcuwa. Yabhukuqa 

imoto kaTolwana yaphela kodwa basinda bonke abantu 

ababephakathi kuyo. Lavuka nelinye iqhinga iTola, laphuma 

seliqhuba iveni. Lathutha abantu kwakhona lihamba eBhayi. 

Lathutha iitanki iTola ngoku, lamiswa ngumfo wasemaBambeni, 

waza wabuza ukuba yintoni le ikula matanki. Wathi uDlangamandla 

uthutha ukutya aze abuye namanzi. Omnye uSajini wacela naye 

ukuphathelwa itanki, phofu zange ade ayifumane. Wangena 

kukuthutha neenkuni ngoku uTola. 

Enye isajini yabuza ukuba wenza njani na uDlangamandla le nto 

etshintsha-tshintsha imoto. Wamsondeza, wamsebezela, wahleka. 

27

Kwabona ngoSajini naye enemoto entsha. Wanconywa ke 

emsebenzini kungekho mntu waziyo indlela ayifumene ngayo. 

Wahamba lula uTola endleleni kungekho into imthintelayo. 

Wongeza iimoto zakhe uDlangamandla zathi ziseMonti, Mthatha, 

naseKhobonqaba. Kwalile ngenye imini eRhini, iTola liqhuba ilori 

yalo isindwa ziinkuni, lamiswa lityendyana elikhanyayo. Laqhutywa 

iTola nelori leyo lasiwa emapoliseni. Kwafunyaniswa ukuba 

uTolwana uthutha icuba labaThwa. Kanye ngelo xesha abantu 

ababesiya eKapa babengavunyelwa. UTolwana yena wabathutha 

ngondlela mnyama ebasa eBhayi esithi kuseKapa. Ebesithi xa 

bebuza ukuba kuphi na apho athi “Tshona!” Batshone ke abakhweli 

baphelele bezizikrelemnqa notsotsi kweli laseBhayi. 

Wayenza le ntlondi uTolwana wawathutha amadoda wathi xa esithi 

“Tshona!” Yathi impendulo Tshonisa! Yamgwexa le ndoda, wathi 

mabehle bafikile eBhayi. Alala cum amadoda onke, naye waphelela 

elala evenini. Wavuka wawahlisa amadoda athi wona makawase 

emaholweni. Wathula impahla yawo phantsi, yhoo! Akhwela kuye 

amadoda onke embetha. Athi xa abuzayo ukuba ingaba 

kukwaLanga na apha yathi impendulo kuseNew Brighton apha 

eBhayi. Afika amapolisa kweso sithuba babanjwa bonke. ERhini 

yabanjwa iveni kaTolwana ilayishe amadoda efakwe ezitankini, 

kuvulwe nemingxuma apha kwiitanki. Kwanconywa ubuchule 

bukaTolwana. Wabanjwa uTolwana waphelelwa yinto yonke. 

Kuthiwa wabonwa eMonti ethengisa ubisi ngelori, enxibe ibhulukhwe 

emilenze iliswili nedyasi emhlophe echucheke imikhono. Lalifake 

iimbadada, iinwele zidlaka-dlaka kucaca ukuba kukhona lifuna 

ubutyebi benene. 

28

UKUQINA ENYALENI 

UMadliwa oyinkulu kaMkhululi wayenenkosikazi enguNojaji. UNojaji 

wayezala amantombazana odwa. Le nto yayimhlupha umyeni 

azibone engenalo nelifa kutata wakhe uMkhululi. UMadliwa 

wayebuya emfihlweni ebukhweni bomnye wabaninawa wakhe 

eDikeni. Weva iindaba zokuba inkosikazi yakhe uNojaji ikhululekile. 

Wabuza ngumntu mni Waphendula unina wathi ligqengegqenge le 

ntombi efana nonina. Wakhuza uMadliwa ecaphuka. Unina 

wamphawula, wathi yena useza kuthenga iilokhwe kunye 

neeblawuzi. Unina wambuza ukuba ebelindele unyana na 

Waphendula uMadliwa esithi hayi ulindele nantoni na ayiphiwayo 

nguThixo. UMadliwa wacaphuka waba nomsindo, zange abe nawo 

nomdla wokubona usana olo. Wanyanzelwa ngabantu ukubona 

umdlezane nosana. Wacinga, esithi ubukhulu bakhe buza 

kuhluthwa ngabaninawa bakhe. NoMkhululi uyise ilifa uza kulinika 

oonyana abazele amakhwenkwe. Bazama abantu ukumbonisa 

ukuba amantombazana aza kuzalisa iintlanti ngeenkomo, zange 

ayikhathalele loo nto. Waye emthiya ngokumthiya umfazi wakhe 

uNojaji. Waye wagula uNojaji emva kokukhululeka, abantu 

bamangaliswa indlela uMadliwa wayemhoye ngayo inkosikazi 

yakhe. Yayinguye omsa koogqirha ekhuthalele nokumnika neepilisi 

namayeza. 

UMadliwa wabuya naye uNojaji kwagqirha. Wamjonga 

emkhathalele. Waye wabiza uMagusha osisicaka sakhe wamxelela 

ukuba ufuna ukumsusa uNojaji. Wathi uMagusha uza kumfunela 

umntu onakho ukuyenza le nto. UVasiwe ongudade kuMadliwa 

wathi udibene netitshalakazi edolophini yaye inayo nemali engange 

R500 eposini. Wathabatheka uMadliwa yile ntokazi, wada 

29

wathumela isipho esingama R20. Yaphendula intombi 

yasedolophini ibulela ngefoto yayo. Washiywa kwaphela uNojaji 

yintombi yaseKhobonqaba. Wagula uNojaji kwakhona wafika 

ugqirha wamhlaba, wamnika namayeza eyalela ukuba aphumle 

iintsuku ezintathu. Bavalelana noMagusha isicaka sakhe ixesha 

elide. UMagusha wabuya nenye indoda egama linguMvandaba. 

Bagqiba kwelokuba bamshenxise uNojaji. UVasiwe weva isikhalo 

esikrakra wothuka, weva nezingqi ezijikeleza indlu yakhe. Kusasa 

kwasa kusithiwa uNojaji uswelekile. Kwangcwatywa kodwa emva 

komngcwabo amapolisa aphanda ada awufumana umkhondo. 

UMadliwa wanyoba igqwetha lakhe ngesihlanu senkabi. Ugqirha 

wanikezela obakhe ubugqina enkundleni. UMagusha noMvandaba 

bavalelwa waze uMadliwa waphuma phambili. Emva kwamatyala 

wabonana nentokazi yakhe batshata, wamthiya igama 

elinguNowayini. Wamzalela uNowayini unyana onguZingisile. 

Wahlala uNowayini okweqanda, nonyana wakhe emfekethisa. 

Lavuka ikakade lo mfo kaMkhululi, wathuka ngegogogo elisemqolo, 

ngemfundo yakhe ephantsi. Wamxelela nangobuhlwempu bukayise. 

UMadliwa wayivelela nento yokuba wamphosisela wathi unama 

R500 eposini kanti une R5 kuphela. Wahamba uNowayini 

wamshiya uMadliwa nonyana wakhe eyiloo njubaqa iphethwe 

ngamazinyo. Wabhaqa uphawu lukaMagusha kumatakane 

wacaphuka, wamhlaba ngebhozo uMagusha esiphangeni wafa. 

Wothuka waphola uMkhululi akuziva ezi ndaba eshiya umyolelo 

ungqengqile emagqwetheni kwaStrachan. 

NAMHLA ZIGAGENE 

Kusemva kwemini ngeCawa amadoda ahleli emlilweni, ancokola 

ngezifundo kunye namazwi amnandi omshumayeli. Bayabalisa 

30

indlela umfundisi ashumayele ngayo. Echaza nokuthi ungade 

ufunde ude ukrwece iinkwenkwezi ungenalo ilizwi likaThixo 

akuyonto. La madoda ancokolayo athe aqwalasela ukuba umfundisi 

akavisisani notitshala uLusizi. Kungexesha langokuhlwa kwatitshala 

kukho umntu onkqonkqozayo .Kanye ngelo xesha umama inkosikazi 

yaseMaQwathini kwatitshala wayelungiselela isidlo sangokuhlwa. 

Undwendwe lubuzise ngelali yaseMa-bhofolweni. Undwendwe 

lwalukhwele ihashe lizigqume ubuso nendlebe kuba kwakubanda. 

Waphuma utitshala phandle elikhombisa ilali leyo 

yaseMabhofolweni. Kwaviwa ngesiwo emva komzuzu, wakhala 

utitshala esithi, “Iyho! Undosele”. Ngeli xesha akhalayo utitshala 

lasuka ihashe ngomtsi laphethuka ukuya kwelo cala belivela 

ngakulo, hayi eMabhofolweni. 

Baphuma phandle abafazi basitsho esofelweyo. Baphuma abantu 

elalini beze kubona lo mbono ulusikizi. Kwagcwala ngomzuzu 

ebaleni kwatitshala, abanye besele belala apho kwatitshala 

kwakusekuhlwile. Ummelwane wothukela ngaphakathi waqubula 

inkabi yakhe yehashe waya emapoliseni. Usajini uthumele 

amapolisa ahambe aye kuphanda. Afika abuza ukuba ebe njani 

umbulali Bekhwele ntoni Linjani ihashe lakhe Ubheke ngaphi 

na Yayingumbuzo emva komnye. Afumana isiporo sehashe apha 

ebaleni. Amadoda elali angqubana ngeentloko ebuzana 

eziphendula. Ahamba aya emishini afika kanye xa umfundisi esitya 

isidlo sakusasa. Zange asigqibe bambizela phandle enomthamo 

enjalo. Babuza ukuba liphi ihashe lakhe, wathi akalazi apho likhoyo. 

Ebefuna ukuthuma inkwenkwe yakhe izaziso akalifumana 

walincama. Inkwenkwe yathi ilibonile ezantsi komlambo. Yabuya 

nalo inkwenkwe ihashe saze isiporo salunga twatse nelo hashe 

likamfundisi. Wayalelwa ukuba athathe ibhatyi akhwele evenini. 

31

Wathi esathingaza amapolisa athetha rhabaxa naye wakhwela, 

wabe uyabanjwa ngolo hlobo. 

Wahlupheka wabhitya yintlalo yasentolongweni, nonkosikazi naye 

waxweba wambatsha loo nto kunqabe nabantu bokuvelana naye. 

Kwaqhutywa kuphandwa, nezinja zafumana itshefu okanye ilaphu 

elisongele isinkempe libhalwe J.L. elimele Jobela Lotha 

kwaqinisekiswa ukuba ngenene ngumfundisi umbulali. 

Zaqengqeleka iinyanga nekota kunzima ukufumana ititshala 

enokuthabatha indawo kaLusizi. Sabhengezwa isithuba kumenywa 

nezicelo kwabanye ootitshala. Kwavakala ukuba kuza kungena 

utitshala uSixeko umfana kaSilwana ovela eMaNcotshweni. 

Kwavakala ukuba babengafunani nomfo kaLusizi, yaye kudala 

eyifuna le ndawo yaseFeni. Yaye babevana kakhulu nomfundisi lo 

mfana kaSilwana. 

Kwasibonda kwafika into kaMlomo eMantakwendeni, phesheya 

kweNxuba ikhatshwe sisibonda saseMabhofolweni. Yafika 

yancokola apho kwasibonda, kwakungapheli bantu apho oko 

yafikayo. Notitshala wangena encokweni ebuzwa nangemfuyo 

yakhe. Umfundisi waye wakhutshwa entolongweni kuba iminwe 

yakhe yayingadibani naleyo ikwilaphu nakwimela leyo yahlasela 

utitshala uLusizi. Yonke le nkcukacha yayivela kwelasePitoli 

waphuma ke ngolo hlobo. Bancokola ooMntakwende kunye 

nosibonda ngesi sehlo. Wafika uDlamini kwasibonda njengomyalelo 

awuve ngotitshala. Kwancokolwa uDlamini ebalula ngokuba 

uyinkweli. Abaliselana ngeziganeko zobukhalipha bobudoda 

ekukhuleni kwabo. Wathi apha encokweni uMntakwenda waveza 

ibhoso. Kanye leliya lalibulale uLusizi, lusagcwele naligazi. Othuka 

onke amadoda nguloo mbono, wadanduluka uDlamini yedwa esithi, 

32

“Thixo wam, livela phi ngoku eli bhozo, madoda” wajuba isiduli 

ngoko nangoko. Emva komgidi lwagoduka undwendwe. Emva 

kwentsuku amapolisa afika athatha uDlamini notitshala baya 

kubavalela. Kwafunyaniswa ukuba uDlamini nguye umbulali, 

neentupha zafana nqwa nezakhe ezicholwe kwibhozo elifunyanwe 

esikolweni. UMntakwenda kwacaca ukuba esona siduko sakhe 

nguQoco qha ebeduka umkhondo yaye ungumcuphi omkhulu 

obalaseleyo. Bagwetyelwa intambo, utitshala yena wasinda 

ngokulambisa entanjeni kuba ubungqina bakhe babungacaci 

kuyaphi. Zagagana ke kuye uDlamini nomfo kaSilwana kunye 

nabacuphi abakhulu abaqhelene nezigigaba ezikhulu 

3.2 IINDIDI ZOBUNDLOBONGELA 

Zininzi iindidi zobundlobongela ezifana nobugebenga, ubusela, 

umothuko, ukubulala, ukudlwengula nokuphatha gadalala kwabantu. 

UBUGEBENGA 

Kukuthi ubulale umntu, phofu kungekho sizathu soko. Ukuthi 

uthathe ubomi bomnye ubumntu. 

UMOTHUKO 

Kukothuswa sisehlo esithi sihle, sikothuse ngelinye ixesha bude 

buphele ubomi bakho, ukutsho oko ude ufe. 

33

UKUDLWENGULA 

Ukuzithathela isondlo kumntwana okanye emntwini omkhulu 

ngaphandle kwemvume okanye isigqibo. 

UPHATHO-GADALALA 

Kukuphatha umntu gadalala okanye kakubi. Ngelinye ixesha ude 

umbethe, okanye uhleli nje uyamthuka. Ngelinye ixesha umnike 

umsebenzi omninzi ade angabinalo nethuba eli lokuphumla, abe 

ngowokugqibela ukuya kulala aphinde abe ngowokuqala ukuvuka. 

Ukuhlala komntu kakubi, ngelinye ixesha angcungcutheke ubomi 

obu bakhe. 

UBUSELA 

Kukuthi umntu athathe into engeyo yakhe. Ukuthatha into 

ngaphandle kwemvume. Ukwenza into ethi ichasane nomthetho. 

3.3 OKUQAPHELEKAYO KULE MIXHOLWANA 

Kuwo onke la mabalana kuyaqapheleka ukuba amadoda la 

ngamatsha-ntliziyo apha. Uninzi lwawo anxanelwa igazi kuba 

axolela ukubulala kunokuba aphulukane nazo zinto bazinqwenelayo. 

Ilindelekile kwaye isendalweni into yokuba umntu onomnqweno 

nolangazelelo olunzulu angemi ngemva okanye ahlehle. Owenza 

loo nto uyaphulukana naloo nto ebeyijongile. 

Uthango lwebalana elilungiswe kakuhle lunika umdla ngokuba litsho 

nabalinganiswa bafaneleke ngokwendima abayidlalayo. Lelo thango 

34

kanye elimbeka umlinganiswa kwimeko apho athi, ngenxa 

yeminqweno yakhe angabi nakujika. Oku kucaciswa kakuhle 

nguEgri, (1960: 18) xa athi abalinganiswa mabasoloko bebonakala 

bengabantu abaphilayo. Ukutsala umdla womlinganiswa uza 

kuyiqhubela phambili impixano, ulebela athi: 

If a man is going to commit the perfect 

crime, he must have a deep-rooted 

motivation for doing so. 

Ukuba indoda iza kophula umthetho, 

mayibe nesizathu esineengcambu 

ezinzulu ezinokubangela oko. 

Liyinene eli lizwi libekwa apha ngentla ngokuba kaloku igwala 

alingeyiqhubeli phambili impixano kwaye lingenako ukuyifezekisa 

nokuphumeza umnqweno nolangazelelo lwalo. Kufanelekile ke 

ukuba aba balinganiswa bayiqhubele phambili ekuphuhliseni le 

mixholwana bafakwe okanye babekwe kuyo. Kuyaqapheleka 

kananjalo ukuba aba balinganiswa abazizigebenga baphuma 

kwiinkalo ngeenkalo, bekhula kumakhaya ahlukeneyo, kwaye bevela 

kwiindawo ngeendawo. 

Kwibalana elithi “Umvuzo wethemba” uMateyisi ukhulela kwikhaya 

elalineenjongo ngaye kuba lalifuna afunde. Kodwa kubonakala 

ukuba usindwe ngoogxa nangokungxamela ubomi babadala 

wawexuleka, ukhulele eNgqushwa – ikhaya lakhe lafudukela 

kuQoboqobo. Ziindawo zasemaphandleni ezo. 

35

ULucky, kwibalana elithi “Umzila wokufa” ukhulele eNcambedlana 

kodwa uyise akaziwa bani. Abantu bemazi ngonina ngokuba 

kuthiwa ngunyana kaNomboni. UNxele (Lefty) ukhulela kwikhaya 

elishishina ngobusela, uyise yinkuntsela eba amahashe, aze aye 

kuwathengisa phi phi phi. Naye ukhulela emaphandleni. 

Kwibalana elithi “Indoda yelaka” uMathayi uvela njengomntu 

olixhoba lamashwa; uphuncukana nenkosikazi, akhuthuzwe akufika 

edolophini, abhunyulwe nasembuthweni, abethwe, kodwa ubuya abe 

nethamsanqa. Kuphela komlinganiswa ekungenakuthiwa 

unobundlobongela elibawa lemali. 

UMntukanti kwibalana elithi “Tshona!” uzotywa naye njengendoda 

enemigudu neenzame. Ukhulela ezilalini, kodwa aboniswe 

njengomntu osebenzisa ingqondo yakhe ekuziphakamiseni. 

Unxanelwa imali, ade axolele ukuyenza ngondlela mnyama. 

UMadliwa kwibalana elithi “Ukuqina enyaleni” naye 

ungowasezilalini unxanelwe ubunkulu, ilifa likayise nonyana. 

Imigudu yakhe itsoliswa kanye kule minqweno de axolele nokubulala 

ukuze aphumelele. 

Kwakwiilali zaseNgqushwa kukho izikrelemnqa ezizimela ngendlela 

engummangaliso, nezithi zisebenzise nabantu abamsulwa 

njengesebe lenkawu ukufezekisa iminqweno yazo. 


Le mixholo idakancwe ngentla apha ibonisa ukuba iphuhliswa 

ngumfaneleko wabalinganiswa abaphekwe ziimeko ngeemeko 

36

zobomi. Kufanelekile ke ngoko ukuba khe sibahle amahlongwana la 

kweli candelo lilandelayo. Oku kwenzela ukuqinisekisa ngendima 

yabo nomfaneleko wabo ekuvezeni lo mkhwa eluntwini. 

37

ICANDELO 4 

UKUYILWA KWABALINGANISWA ABENZA UBUNDLOBONGELA 

4.1 UBUGEBENGA 

Kwibali elithi “Umzila wokufa” apho sifumana umfana ogama 

linguLucky owathi wadubula uSamson noThabitha isithandwa sakhe. 

Wababulala ngokumasikizi ebangelwa ngumona. 

Siwisa (1973: 14) uthi: 

Wabatshovela phantsi waza wathi 

besadideke njalo wabagibisela 

ilophisi ezintlafunweni bobabini 

banabela ingca, ngoko nangoko.” 

Kwibali elithi “Sisonka sethu” sifumana indoda enguLefty. Lo 

mfana wayengazange abamamele abazali bakhe. Wakhetha 

iitshomi, wabhaca. Uthe esesithubeni wafumanisa ukuba umama 

wakhe uswelekile. Bayile nabahlobo beye kukhunga, kodwa 

bangena nje endlwini baze baphuma phandle babona imoto igcwele 

yimpahla. Baqhekeza bathabatha yonke into eyayilapho. Endleleni 

bagqebhelana ngezinto ezo waza uLefty wafuna ukufumana kakhulu 

kunabanye, kodwa zamjikela izihlobo zakhe zamhlaba wafa. 


“Iphepha-ndaba libike ukucholwa 

kwesidumbu sikaLefty, kufuphi 

38

namangcwaba sinamanxeba 

amaninzi emela emzimbeni.” 

Kwibali elithi “Namhla zigagene” sifumana utitshala “uLusizi” 

owayenceda ekhombisa umfo owayekhwele ehashini ebuzisa ngelali 

yaseMabhofolweni. Utitshala uLusizi waphuma phandle 

wayikhombisa le ndoda. 


“Usondele kufuphi utitshala 

eyikhombisa, ezama ukucacisa 

kuba kwakuse kumnyama. Ibe 

ngumzuzwana nje wahlatywa 

umkhosi, Iyho! Wandosela Nkosi! 

Kula mabalana sinikwa abalinganiswa abangathi bezelwe ngumfazi 

omnye. Bayafana ngokucinga nangokwenza. Uqala, baveza 

iinjongo neminqweno yabo bangabuzi mntwini ngezinto zobomi. Into 

abayenzayo bayayenza ke, ababuyi ngamva. Isizekabani saloo 

minqweno yabo singumona abathiwa fixi nguwo. Amaqalela alo 

mona awuchazwa ngumbhali, kodwa uyabonakala ukuba usuka 

kude, ebuntwaneni babo. Simnikwa ke umlinganiswa enguloo mntu 

okhula noku xakaxa lomona de afikelele ebudaleni. Ngethuba 

lokukhula kwalo mlinganiswa inzondo iyaphekwa de ivuthwe 

engqondweni yakhe. (Wright, 1991: 148-150). Laa mihlaba 

yoqhuqho, i-Id, i-Ego ne Supa-Ego ibonakala ngokusekuhleni 

kumlinganiswa ofana noLucky kwibalana elithi, “Umzila wokufa”. 

Oku kungqinwa ngumonde anawo wokulandela amaxhoba akhe 

39

ngemoto yakhe; uyawakhwelisa engulowo ukhangeleka enobubele 

ze ethubeni abajikele. 

Imeko kaLefty kwibalana elithi “Sisonka sethu” yona iqala 

imangalisa kwalapha ekuguqulweni kwegama lakhe, lithi 

belinguNxele wesiXhosa suka ngoku libe lelesiNgesi, uLefty. Loo 

nto iyodwa inika ummingi-mingi wengqondo yomntu egazinzanga. 

Owakhe umona ngowokulangazelela ubutyebi babanye abantu. 

Akakhethi mntu, akanalusini, ude aye kuba kowabo kubhujiwe. 

Kobu busela bakhe, ingqondo yakhe engamisanga imqhaqha de 

kongezeleke nokunganeli. Olu phawu lokunganeli nokurhala 

okugqithileyo limbangele ukuba amonele noogxa bakhe aba, kanye 

aba aphanga abantu nabo. Bayambonelela ke bona ngokuba 

bamgqithisa amafu. 

Kwibali elithi “Namhla zigagene”. Apha kweli bali sizotyelwe 

umlinganiswa ongutitshala uLusizi akavisisani nomfundisi. La 

madoda ancokolayo achaza indlela umfundisi amkwekwe ngayo 

utitshala nangemfundo yakhe enomsila ekrweca neenkwenkwezi. 

Umbhali uye wamzoba umfundisi njengomntu omonela utitshala, 

njengomntu ongamfuniyo. Kuyacaca ukuba lo mona usuka kude. 

Sifumana omnye utitshala othanda ukuya phaya kwamfundisi, yaye 

lo titshala uyasifuna esi sihlalo sikatitshala uLusizi. Umona 

nentiyano uye wavela xa umqhubi-hashe ebuzisa indlela kwatitshala 

uLusizi ngobusuku, wahlaba ivolovolo, lwalala phantsi ugodo. 

Abantu belali baye bayidibanisa nomfundisi le ntlekele, kuba kaloku 

nguye obebhidane notitshala, yaye nehashe ebelikhwelwe ngumenzi 

wobubi lifana nelikamfundisi. Wakhululwa yiminwe yakhe eyavela 

ePitoli engadibaniyo naleyo ifunyenwe kwitshefu. Kwaze 

kwafunyaniswa ukuba umfundisi akanatyala. Kwabanjwa uDlamini 

40

ngobundlobongela athe wabenza. 

ngumona osentliziyweni yomenzi. 

Konke oku kungabangelwa 

4.2 UMOTHUKO 

Kwibali elithi “Umvuzo wethemba” sifumana uMajali 

owayengumfazi kaMbulawa. UMajali yayimkhathaza indlela unyana 

wakhe aziphethe ngayo. UMajali wayenqwenela ukuba unyana 

wakhe afunde ukuze imfundo ibe lilifa kuye. Unyana wakhe 

uMateyisi waba yinto equqa ibuya entolongweni. Yamhlupha 

kakhulu uMajali loo nto. 


“Wavela wagula umama uMajali 

ngequbuliso awathi ugqirha 

libangwe lihlwili elixabe 

entliziyweni ngenxa yokukhathazeka.” 

Kwakhona kweli bali “Umvuzo wethemba” uMbulawa ongutata 

kaMateyisi, uye wasishiya ngokothuka, kuba uMateyisi 

noMqawuvuthwa baba imali yakhe awayeyifihlile phantsi kweziko, 

elalivutha lingayeki. 


“....., lwabonakala uthanda eziko, 

wandula wawohloka umgodi emva 

41

kwemini, watsho washiywa ziingqondo. 

Wayiphendula kakuhle yona imibuzo, 

kodwa lathi litshona ela loo mini zaye, 

seziphithizela izijoli zibikela abantu.” 

Kwibali elithi “Ukuqina enyaleni” sifumana uMadliwa owathi wenza 

iyelenqe lokuthi kubulawe umfazi wakhe ngenxa yokuba 

wayengazali makhwenkwe. Wacela uMagusha ukwenza obu bubi. 

Amapolisa aphanda aza amfikela uMagusha esitya emzini wakhe. 


“Ayifikela indoda yasemaQocweni 

isingathe isikotile somvubo. Yathi 

ngokothuka yathinta ibhekile yamasi 

eyayisecaleni layo. Ngokuzama 

ukuphakama yatyibilika emasini 

yaya kuthi thaca phantsi ngeempundu 

phezu kweso sikotile. Yakhasa 

ngamadolo yaya kuvuswa emnyango 

ngusajini ngempama eshushu, 

zaqhwitha izibane emehlweni. 

Kwakhona kweli bali “Ukuqina enyaleni”, sifumana uMagusha 

owathi wabulalwa nguZingisile unyana kaMadliwa. Lo nyana 

kaMadliwa ngowomfazi wesibini uNowayini. UMkhululi ongutata 

kuMadliwa waziva ezi ndaba. 

42


“Wothuka waphola uMkhululi 

akuluva olu daba eshiya umyolelo 

obhaliweyo ungqengqe kwi-ofisi 

kaStrachan eHamboko.” 

Kolu luhlu lwamabalana siboniswa abalinganiswa 

abanganxanelwanga gazi lamntu, kodwa bengababulali. Kaloku 

ikho nento yombulali ongasisandla elutshabeni. Aba babulali balolu 

hlobo kuthiwa banobungozi ngokuba abaqondakali, izinto nokwenza 

kwabo kufihlakele. Ngabo balinganiswa bafana nenyushu engceni. 

Balihlabanisela ixhoba bekude, loo nto bengalindelekanga. 

UMateyisi kwibalana elithi “Umvuzo wethemba” ngumzekelo omhle 

wombulali ohlekayo nokhangeleka eseluthandweni kumkakhe 

uMajali. Kodwa izenzo zakhe ezigwenxa ziphuma nodlolwazana 

ngokuba zisuba umphefumlo kanina ze kuthi kungekudala zithathe 

okayise uMbulawa ngenkqu. NoMadliwa kwibalana elithi “Ukuqina 

enyaleni” unesibindi esimnyama eside simqhushumbisele ukuba 

athenge uMagusha ukubulala umkakhe ongazali makhwenkwe. 

4.3 UBUSELA NOBUQHOPHOLOLO/AMAQHINGA 

Kwibali elithi “Umvuzo wethemba” sigagana noMateyisi 

noMqawuvuthwa, abathi baba imali kaMbulawa ongutata kuMateyisi. 

UMbulawa wayesisityebi esaziwayo. Imali yakhe yayigcwalisile 

nalapha emzini wakhe. 

43


“Bancedisana ukutsala isingxobo 

sofele esasisenkonkxeni, basibeka 

phantsi basiqhaqha bafumana 

isatyhwentywe semali emhlophe 

yodwa. Bazitsala zazine izingxobo, 

ezibini kuzo zinemali ebomvu. 

Bafikelela ngoku kwinkonkxa 

encinane, eyayipakishe izikhova 

zodwa.” 

Kwakhona kwibali elithi “Sisonka sethu”, sifumana uNxele notata 

wakhe. Babephila ngokuba amahashe bawathengise. Zazifika 

ngobusuku kuvukwe kusasa zingekho. 


“Wabona kumana kufika 

iindlandiya ngeendlandiya 

zeengcungela zeenkabi 

zamahashe ngobusuku, kuse 

sezingekho. Badubula iintsuku 

ezintlanu apho beziqaba ngamasi 

omhlontlo, phezu kweempuphu 

nasezikolweni bezijika umbala.” 

Kwakhona kweli bali elithi “Sisonka sethu”, sibona uNxele 

nabahlobo beqhekeza besiba kwizihlandlo ngezihlandlo. UNxele 

44

wakhulela ebuseleni, walishiya ikhaya lakhe ngenxa yokuziphatha 

kakubi. 


“Kwakuqhekezwa emaTshayineni 

kufunqulwe impahla kumakhulukhulu 

eerandi. Wayeqhekezelwe 

umfundisi waseWesile, kwamukulwa 

isefu eStadi, yemka yonke imali 

kaRhona eyayilapho kunye 

neebhotile eziliqela zewayini 

yomthendeleko. 


Lwaqala phantsi uqhekezo 

ezimotweni, edolophini naselokishini, 

emini nasebusuku. 

Laye lisanda ibali lomongikazi 

onxibe iimpahla ezimhlophe, 

ehamba nabafazi abaphuma 

ngokuhlwa emsebenzini. Phofu 

aduke umongikazi, kuvele 

amakhwenkwe abaleqe, 

axhwile imali zabo nezitya zabo 

zomxhesho. Waduka umongikazi 

kwavela eyomfazi ogqogqa izindlu 

zabasebenzi eWest Hill. Zalahleka 

kweso sithuba ke izipaji zabafazi 

45

ezifihle phantsi kwemiqamelo.” 

Kwakweli bali uGqira O’ Brien ushiye ibhokisi enobungozi emva 

kwesitulo kwimoto yakhe. Yaye yabiwa le bhokisi, waza wayalela 

ukuba umntu oyithathileyo aze angayivuli kuba inobungozi. 


UGqirha-lwazi Dr O’ Brien 

waseRhodes wayecebisa 

naliphi na isela eliqhekeze 

emotweni yakhe, laza leba 

ibhokisi etshixiweyo ukuba 

lilumkele ingozi ephakathi kuyo.” 

Kweli bali “Sisonka sethu” sinikwa uLefty ebuhlungu kuba esiva 

iindaba zokushiywa ngumama wakhe. Waye wahamba wagoduka 

ekhatshwa ngabahlobo bakhe. Bangena endlwini bababona bonke 

abantu ukuba bangaphakathi. Babona imoto imise phambi kwendlu 

baze bagqiba ekubeni bathathe yonke into eyayilapho kuloo moto. 


“Bawuqalisa umsebenzi wabo 

abawuqoshelisa ngophanyazo 

beyishiya i De Soto ikhamisile, 

kungekho nesipeliti ngaphakathi 

nangasemva. Babuyela ebuhlanti 

bona baza baqhuba iinkabi zeenkomo 

ezine neebhokhwe ezilishumi.” 

46

Kwakweli bali “Sisonka sethu” sidibana noMnumzana Vusani 

owayengu-somashishini, owagetyengwa ngabaqhekezi abathathu 

ebusuku xa wayebala imali yakhe ayenzileyo. 


“Zazigqume amehlo ngeekepusi, 

zitsale iiqhiya phezu kwempumlo. 

Zafika zamqhula ziboleka imali. 

Ezinye zazithaphulela kweso sitha 

zingxala ezipokothweni. Waqabuka 

selebethwa ngeempama. Wanga 

angavusa umnyele kodwa wathityazwa 

ngumlomo wevolovolo esifubeni 

sakhe. Kwabolekwa isitshixo 

semoto yakhe kwakuye.” 

Kwibali elithi, “Indoda yelaka”, kukho indoda egama linguMathayi. 

UMathayi waya eKapa esiya kufuna umsebenzi. Ekufikeni kwakhe 

eKapa uMathayi wamkelwa zizibebenga. 

Siwisa (1973: 28 & 29) uthi: 

Yangena yonke yaphelela 

ngaphakathi kwedyasi yakhe, 

.......... waphawula ukuba le 

nkewana iphuthaphutha le 

pokotho ingasemva ebhulukhweni, 

irhola imali seyivela kwezinye. 

47

Ngokothuka wayibeka phantsi 

ingxowa yakhe. Lo gama 

asabhutyabhutyana nayo, 

ezinye ezi zaxhiwula ingxowa 

le zabaleka nayo.” 

Kwakhona kweli bali “Indoda yelaka” sifumanisa uMathayi 

ethathelwa impahla yakhe yonke eKapa. 


“Wavuka apho seleshiyeke 

nehempe yodwa emzimbeni 

wakhe.” 

Kwakhona kweli bali “Indoda yelaka” uMathayi ufumana 

umsebenzi. Endleleni ebuya emsebenzini ngemini yokwamkela 

uthathelwa umvuzo wakhe wonke. 


Zayithabatha imvulophu 

enomvuzo wakhe angekayivuli 

nokuyivula. Zamguqula 

sezimpampatha kakade. 

Zathi zakufika apha 

emiphakathweni zayithi 

xhamfu ibhulukhwe 

Zayidibanisa neyangaphantsi 

zayisika ngemela yonke loo 

48

ndawo ibinemvulophu.” 

Kwakweli bali “Indoda yelaka”, uMathayi ugqiba ekubeni alishiye 

elaseKapa. Endleleni egodukayo uye wacela ukukhwela kwimoto 

ethwele iibhokisi zezidumbu. Watshona phezulu. Kwakunetha 

imvula, wagqiba ekubeni angene kwenye yezo bhokisi. Kwakhwela 

nabanye abantu apha ngemva kule lori. Aba bantu babephethe 

imali ezingxoweni. Yahamba ilori, phakathi endleleni, yavuleka enye 

yebhokisi, kuvakala ilizwi elibuza ukuba imvula injani na. Zange 

babuze behla ilori ihamba beshiya ezo ngxowa apho kulo lori. 

Siwisa: (1973: 37) uthi: 

“Wazikhuthuza zonke ezo ngxowa 

e loo mali engayibalanga 

wandula ukuzijula kude.” 

Kwibali elithi “Umgudu wokugqibela”, sinoMnumzana Hleza 

owayelungiselela umagqibelo wakhe uNongekhe. UNongekhe 

wayeza kuphehlelelwa. Utata uHleza waya edolophini esiya 

kulungiselela intombi yakhe. Endleleni ebuya edolophini, 

wahlangana nomfo onguReuben owathi wacela ukukhweliswa apha 

emotweni. UReuben wayezimele entolongweni. Wayesiya emfazini 

wakhe efuna ukumxelela apho imali yobusela ifihlwe khona. 


Wajikela ngemva kwayo wayiqubula 

ngengqindi ezintlafunweni, yaqingqa. 

Yathi isadidizela njalo wayibopha 

49

ngesikhafu sayo emlonyeni. 

Wayirhuqela ematyholweni waza 

wayibophelela, kwangeqhina layo 

wayishiya wangena zazilapho zamadoda angawaziyo, 

wayigxulusha ezimpokothweni 

yonk emotweni 

wayiqhuba.” 

Kwibali “Umgudu wokugqibela” sifumana uReuben efika emzini 

wakhe, wathatha imali wayinika inkosikazi yakhe uNolasu. UNolasu 

wayibeka imali kwindawo efihlakeleyo. 


“Ezinzulwini zobusuku bomGqibelo 

wankqonkqoza emzini wakhe, 

uReuben ethwele isikhaxa semali 

awayezimelele yona entolongweni. 

Wayinika uNolasu, awayithungela 

phakathi kwengca entungo.” 

“Waya kuhlala kwaninakazi, apho 

wayemana ephuma engena enxibe 

ikhola yabefundisi. Wayesaziwa 

njengomfundisi waseRhawutini 

owayehambele kwaninakazi.” 

Kwibali elithi “Tshona!” kukho uDlangamandla owayethutha abantu 

ebasa eKapa kodwa bephelela eBhayi. Wayebaqhatha ebafaka 

ematankini, xa bebuza athi kubo Tshona! 

50


“Linjani ukubalela ilanga apha 

eMosseli Bayi, bhuti wam 

Wabuza uMpinga ekrobe 

Efestileni yeveni.” 

“Yintoni na le uyibuzayo 

Ungumntu waphi KuseTinarha 

apha akukho Mossel Bay!” 

uphendule umfo wepetroli. 

“He! Mpinga! Uceba ntoni 

mfondini Ufuna ukundibambisa 

Benditheni kuni Tshona!!” 

Lo mxholo wobusela ukhangeleka ngokungathi awuphenjwa, 

ukhwezelwe zizikrelemnqa zoonqal’ intloko abaxhinele ukuphalaza 

okanye ukukhupha imiphefumlo engenatyala. Kanti ke bebonke, 

njengoko bedwelisiwe neziganeko zabo, bafunzele ekuzuzeni 

bengasebenzanga. bafana nabantu abangena entsimini bavune 

ngeli xa bengalimanga. Into ephambili engqondweni yabo yimali, 

abacingi nto ngomnini-mali. Ukuba kuya ngabo, loo mnini-mali 

ufanele ukususwa emhlabeni ukuba uxabe endleleni yabo. Imigudu 

abayenzayo ukufezekisa lo minqweno yabo izotywa ngumbhali 

njengaleyo iphumelelayo. 

Kwibali elithi “Sisonka sethu” sifumana umlinganiswa uNxele othi 

akhulele ebuseleni. Uyise uye wamfundisa olu biwo lwamahashe 

aze abuye nemali. Uye wandweba wahamba namahashe kodwa 

yona imali ingabakho. Wayenza izihlandlo ngezihlandlo, waze uyise 

51

wamohlwaya kanobom. Ubusela babalasela kuNxele. Wahamba 

waya eRhini wafika igama languLefty. Banaba ubusela eRhini 

nobundlobongela, bezithathela izipaji kodwa bengaphangelanga. 

UNxele wabona ephepheni ukuba unina akasekho. Wahamba 

wagoduka ehamba nezihlobo zakhe ooStone. Nalapho bafika baba 

yonke into abayifumana emotweni eyayiqhutywa nguninalume 

kaLefty. Ngentsasa elandelayo kwafunyanwa uLefty enamanxeba 

emela ehlatywe zitshomi zabo. Into oyifumana lula kunjalo 

nokuphuncukana nayo. 

Kwibali elithi, “Umvuzo wethemba” sigagana noMateyisi obalasele 

ngokunyoluka. UMateyisi ude wenza nemigudu kuba efuna ubutyebi 

bukayise angabubilelanga. Wenze imikhuba yokuzigulisa wada 

walifumana ithuba lokuba imali kayise uMbulawa. Ube wanayo 

nemigudu yokuya emaxhweleni efuna obu butyebi. Unina ude 

wasutywa kukufa, wothuka le mikhuba yenziwa ngunyana wakhe. 

UMateyisi wayetsibe nelitye likaPhungela, ngelixa kungumlindo 

kanina yena uzama amacebo wokomba umgodi wokuba afumane 

ubutyebi bukayise. Ufuna ukuvuna ngenkani kodwa khange alime. 

Uyise uyafumanisa ukuba ngenene ibiwe imali yakhe, nangalo elo 

xa, kusithiwa uyise uyafa wafika mva epholile sele wasishiyayo 

uMbulawa. Ekugqibeleni umvuzo yaba kukuvalelwa entolongweni. 

Kwibali elithi “Tshona!” sifumana umlinganiswa onguMntukanti into 

kaTolwana. Yona yathi yacinga icebo lokuphila. Yayiphila 

ngokuthutha abantu ibasa koBhayi, koMonti naseGcuwa. Lo mfo 

waye esanyukela ethutha neenkuni abuye namanzi evela nawo 

ngaseBhayi. UDlangamandla watshintsha imoto, ngeemoto. Wade 

ekugqibeleni wakrotyelwa kweli cebo lakhe. Zathinjwa zonke iimoto 

zakhe, nemali yakhe. Wahlupheka, wabhitya waphelela eMonti 

52

ethengisa ubisi lwasederi, ehamba ngeenyawo neenwele 

zingakanywa. Imali eza ngokukhawuleza, kuya khawuleza 

nokuphela kwayo. 


Aba balinganiswa bayazibonakalisa ngokucacileyo iindima zabo kula 

mabalana. Iimpawu abanikwa zona ngumbhali zizona zibangela 

ukuba bangqineke njengabalinganiswa abaphilayo. Kuyancomeka 

kakhulu oku kuba kambe nomfundi ncwadi uye azifumanise 

encamathela kwibalana ngalinye. Umdla wam ke ngoku 

ngowokuveza imeko yamaxhoba ezenzo zaba balinganiswa. Oku 

ndiya kukuqwalasela kweli candelo lokugqibela lilandelayo. 

53

ICANDELO 5 

AMAXHOBA OBUNDLOBONGELA 

Ubundlobongela obuthi benziwe ngumntu buthi buchaphazele yena 

isiqu kunye nezalamane okanye usapho lwakhe. Obu bundlobongela 

butyhefa uluntu lonke lolo sapho, nabahlali babajonge njengabantu 

ababi nalapha ekuhlaleni. Nenzala yomntu owenza ubundlobongela 

ithi isuleleke ikhule phantsi kwesi simo singalunganga. 

Amakhaya ashiyeka engenabo abazali, amakhosikazi ashiyeke 

engabahlolokazi, abantwana bona bezinkedama. Abantwana 

abakhulela kula masikizi nabo benza njengoko abazali besenza, 

balandela futhi emkhondweni wabazali babo. Nalapha kule ncwadi 

ka- L. K. Siwisa “Izimanga zalomhlaba” kwenzeka izimanga 

zodwa. Abazali bafundisa abantwana ubusela, umntwana aphelele 

elisela uqobo ebona ukuba yeyona ndlela ilula yokuphila. 

Kwibali elithi “Sisonka sethu” sifumana uNxele owathi wakhuliswa 

ngobusela nguyise, besiba amahashe. UNxele wakhula esiba 

watsho wasiyeka nesikolo. Neziphumo zobusela nobuqhophololo 

ziba krakra. Imali eza lula isingisa entshabalalweni. 

Kwibali elithi, “Tshona!” sifumana uTolo owayeqhatha abantu esithi 

ubasa eKapa kanti uphelela eBhayi. Nakuwo amapolisa 

wayeqhwesha, kodwa iziphumo zaba zibi wabhanga wahamba 

ngeenyawo, zaphela tu iimoto, wathengisa ubisi kwiilokishi 

zaseMonti. NoReuben wazimela entolongweni efuna ukubonisa 

54

inkosikazi yakhe uNolasu imali apho ayifihle khona, kodwa waye 

wafunyanwa kwakhona, waphinda wabuyela entolongweni. 

Kwibali elithi “Namhla zigagene” sifumana utitshala uLusizi othe 

wafa kabuhlungu. Uye wahlaselwa ngumntu ongaziwayo, 

owayebuzisa ngendlela eya eMaBhofolweni. Ibe ngumzuzwana 

ephumile eyikhombisa wahlatywa umkhosi. Inkosikazi yakhe 

yakhala ibiza abantu. Kwaphandwa umbulali, waza umkhondo 

walatha kumfundisi. Kwafika esatya akathandiswa yena, 

wagxagxanyiswa esiwa evenini yamapolisa. Wakhathazeka umama 

umfundisi, waxweba, wabhitya, kwanqaba nabantu abamhambelayo 

apho emishini. Nomfundisi naye wabhitya wakhathazwa sisehlo 

atyholwa ngaso. 

Kweli bali “Ukuqina enyaleni” sidibana noMadliwa oyinkulu 

kaMkhululi, okhathazeke ngokumangalisayo ukuva ukuba uNojaji 

unkosikazi wakhe uphinde wamzalela intombazana. Wakhathazeka 

esithi ilifa lakhe liza kudliwa ngabaninawa bakhe. Uye wacinga 

icebo lokubulala uNojaji waze wamfunela ababulali. Wabulawa 

uNojaji waze uMadliwa wanenye inkosikazi eyathi yamzalela unyana 

onguZingisile. Babanjwa ooMagusha noMvandaba ngenxa 

yokubulala uNojaji. UMadliwa wahlala ngokonwaba nomfazi wakhe 

omtsha uNowayini. Lavuka lona ikakade wathukwa uNowayini 

ngesifombo anaso waza ke ngaloo ndlela wangcungcuthekiswa, 

nangemali encinci anayo eposini. Wakhetha ukumshiya uNowayini 

ngenxa yempatho-gadalala, wahlala uMadliwa nonyana wakhe 

uZingisile ongamameliyo. UZingisile wabona uphawu lukaMkhululi 

utatomkhulu wakhe kumatakane kaMagusha wacaphuka, wamhlaba 

ngebhozo esiphangweni wafa. Wothuka waphola uMkhululi akuziva 

ezo ndaba. 

55

Kwibali “Umvuzo wethemba” abazali bakaMateyisi yayibahlupha 

indlela unyana aziphethe ngayo. Wabahlupha abazali bakhe wade 

waya nasemaxhweleni efuna ubutyebi bukayise wakhe. Umama 

wakhe uMajali yamkhathaza, yamhlupha le nto, wada wayikhaba 

inqawa kukuva izinto ezenziwa ngunyana wakhe. UMateyisi zange 

aphele mandla, wathi namhla ngomlindo, wazama amacebo 

noMqawuvuthwa, baba imali kayise. Yamothusa uyise uMbulawa 

indlela imali yakhe ebiwe ngayo. Waqonda ukuba bonke ubutyebi 

bakhe buphelile. Wothuka washiywa ziingqondo wada waphuma 

umphefumlo kukothuka esi sehlo. 

Kweli bali “Umgudu wokugqibela” apha utitshala uHleza 

ulungiselela uphehlelelo lwegqibelo lakhe uNongekhe. Ubuya 

edolophini uvela kufuna izinto zetheko. Endleleni ebuyayo 

ukhwelisa uReuben emotweni yakhe. UReuben uye wamfaka 

inqindi wambophelela wamshiya apho. Kuhlwile ngaloo mini, wonke 

umntu ekhathazekile kuba utitshala akabuyanga. Kwasa kwayimini 

yeCawa, banxiba iimpahla zabo ezindala. Baya eCaweni 

bekhathazekile, kwaye utitshala yena akazange akwazi ukuya 

kuphehlelelo losana lwakhe, kuba kwakufuneka aye kunika ingxelo 

ngokuthe kwamehlela. Wakhathazeka umntwana nonina, kodwa 

kungekho cebo limbi, wonke umntu wayehlile ngoku emoyeni, 

kodwa kubulelwa nje ubomi bukatitshala uHleza. Unkosikazi 

katitshala uHleza, wanxiba impahla yakhe endala waza umntwana 

wamelwa nguyisekazi kuba utitshala yena wayexakekile engekho. 

Awona maxhoba apha ngamabhinqa kwakho, inkosikazi nosana. 

Ngethamsanqa akukho ufayo, kodwa impoxo abayifumanayo 

ayinganganto. 

56

ELOMQUKUMBELO 

Ubundlobongela ngumkhwa oxhaphake kakhulu kuluntu 

nasentlalweni yethu. Imihla ngemihla amaphepha-ndaba abalisa 

echaza ukunyuka kobundlobongela kwilizwe lethu. EMzantsi Afrika 

sinyukile isimo sobundlobongela okokoko kwathi kwapheliswa 

isigwebo sentambo. Abantu bayona bagwetywe kodwa emva 

kwethutyana umenzi wobubi umbona selephumile entolongweni. 

Enye into ebangela ubundlobongela bunyuke kakhulu, abantu 

bakuthi abaphangeli, bahlala ezilokishini becinga ububi bodwa kuba 

banesithukuthezi. URhulumente makacinge icebo, kuba abantwana 

bethu bazalise izitalato benezidanga. Imisebenzi ekhoyo ifuna 

umntu abe nawo amava anawo phambi kokuba afumane 

umsebenzi. Makubuye isigwebo sentambo kweli lizwe ukuze 

ubundlobongela bunciphe. Phantsi ngobundlobongela phantsi! 

Le ncwadi kaSiwisa isizobela ngobuchule konke oku kwenzekayo 

eluntwini. Iyafundisa kwaye icebisa kananjalo indlela yokuziphatha 

entlalweni. Udaba lwayo lungalulutho kubacwangcisi bezonontlalo 

kwanabo bezomthetho. Koonontlalo, ngathi xa ndijongile 

bangahlangula lukhulu malunga nengqondo yaloo mntwana ofunzele 

kubundlobongela. Kanti ke kwabezomthetho, ngathi bangakhe 

babone ngenye indlela imigaqo elandelwayo xa kubhengezwa naxa 

kusetyenziswa umthetho. Yincwadi le yekamva elililo lomzi 

oNtsundu. 

57

INCWADI EZISETYENZISIWEYO 

1. Atkinson, R. L. Et al. 1983 Introduction to Psychology. 

New York: HBI inc. 

2. Collier, C. 1973 Colliers Encyclopedia Vol 16 

Crowell, Collier Education 

Corporationn. 

3. Egri, L. 1960. The art of dramatic writing. 

New York: Simon & Schuster. 

4. Fischer, A. et al. 1985 English/Xhosa Dictionary. 

Oxford University Press 

Southern Africa, Cape Town. 

5. Maduna, N. C 1999 Suffering of women in 

Xhosa Drama. 

Sub-dissertation.Vista 

University ,P.E 

6. Majola, N. A. 2003 Feminism: Gender Stereotype 

Vs Gender Equality. Vista 

University. Port Elizabeth. 

7. Mngxekeza, N.L.2004 A critical study of the same 

gender abuse in some isiXhosa 

novels. Vista University. Port 

Elizabeth. 

58

8. Mtuze, P. T. 1986 Siwisa Short Stories. A Critical 

Appraisal. University of South 

Africa. 

9. Siwisa, L.. K. 1973 Izimanga zalomhlaba. 

Via Afrika Limited 

National Book Printers Limited. 

10. Webster, R.1990 Studying Literary Theory: An 

Introduction. A division of 

Hadder & Soughton. London. 

New York. 

11 Wright, E.1984 Pyschoanalytic criticism. 

London:Methren 

59

ukuphononongwa kwezaphuli-mthetho nokuzalana kwemixholo ...

You also want an ePaper? Increase the reach of your titles

Delete template?

Save as template?