Ua lata ona oo mai le sui atu o TV i le faa-digital (DTV). - DTV Answers

Ua lata ona oo mai le sui atu
o TV i le faa-digital (DTV).
Sauni mo se vaaiga e sili ona lelei i TV.
E tusa ai ma le tulafono, o fale tv
i atunuu uma e tatau ona faaliliu
le auala e avatu ai faasalalauga mai
le analog i le digital ae e le’i oo iā
Fepuali 7, 2009.*
O TV o loo fesoota’i atu i cable,
setalaita, poo se tautua tau i TV
a se kamupani telefoni, o le a le
afaina ai, ma o le a fa’aauau ona
mauaina polokalame pe a mavae
lenā aso. O TV analog o loo fa’aaoga
pea enetena, ma e le o totogia se
kamupani TV o loo avatuina ai ni
polokalame, e mana’omia se latou
pusa faaliliu DTV (DTV converter box)
ina ia suia ai le latou TV ma fa’aauau
ona maua pea ata o le tv pe a mavae
le aso sa tatau ona faaliliu ai.
*O fale TV o loo ola i se malosi maualalo e le aafia ai.
Sui ane loa ile digital
17-Fepuali-09
O le ā le Digital TV (DTV)
O le TV Digital (DTV) o se auala fou lea
o le faasalalauina atu o ata, e ala lea i le
avatuina o faamatalaga ninii i luga o alaea,
e pei o komipiuta.
O le DTV, ua mafai ai e le tele o fale TV ona
avatu ni ata manino, toe lelei le leo, ma e
tele polokalame e mafai ona e filifili iai.
Aiseā o le a sui ai
E tusa ai ma le tulafono ua uma ona
pasia e le konekeresi – the Deficit
Reduction Act of 2005 – o fale TV uma
o loo ola atoatoa i le malosi faaeletise,
e mana’omia ona tapē a latou alaata
(channels) analog ae e le’i oo atu iā
Fepuali 17, 2009, ma fa’aauau ona fasalalau
i le auala faa-digital.
O ā ni lelei o DTV
O DTV e taugofie le auala e faasalalau
ai, ma e avanoa ai alaea mo nisi tautua
eseese. E mafai e DTV on avatu ni ata ma leo
manino, e maua fua ai fo’i ma nisi alaata i
luga o le ea ua ta’ua high definition (HDTV)
mo tagata ua iai le ituaiga o TV nei. O le iai o
le DTV o le a maua ai isi tautua e sili atu, ma
e maua fua ai faasalalauga TV.
O ai o le a aafia ai
O tagata uma o loo maua fua
faasalalauga e ala i enetena TV o loo iai
analog tuners- ma e le o maua e latou le
cable, satelaita, poo se tautua tau i TV a se
kamupani telefoni- o le a aafia uma i lenei
suiga.
Pe a ma le 19.6 miliona aiga o loo
maua fua ata TV i o latou fale, ae tusa ma le
70 miliona TV atonu o le a le maua ni ata mai
i fale TV o loo ola atoatoa i le malosi faaeletise
pe a mavae Fepuali 17, 2009, pe a fai e le
faalelei atili a latou TV.
E faapefea ona faalelei atili
(upgrade) i le DTV
E mafai ona e faaliliu aga’i i le DTV pe a e
faia se tasi o nei mea e tolu ae e le’i oo atu
iā Fepuali 17, 2009:
1. O le DTV Converter box: Faatau mai
sau pusa (DTV Converter box) e sui ai lau
TV analog pe a sulu i lau TV analog. O nei
pusa e fa’aauau ai pea ona e maua fua
faasalalauga tv, ma o tau o nei pusa e
pe a ma le $40 i le $70, o le a mafai ona
faatau atu i le amataga o le 2008. O le
feterale o le a avatuina ni kiuponi e ta’i
$40 e le mālo tele ē fa’aaogāina e faatau
ai nei pusa.
(Vaai lalo mo nisi faamatalaga auiliili)
(fa’aauau i tua)

2. O le TV Digital: Faatau mai sau TV
fou o loo iai se faiga faa-digital poo le
Advanced Television Systems Committee
(ATSC), e amata atu le tau i lalo ifo i le
$100. O tv uma o loo digital e mafai ona
maua ata faasalalau mai i fale tv, ma e
mafai ona fa’aauau ai le maua fua o au
ata tv aunoa ma se totogiina i masina
ta’itasi.
3. Tautua totogi: Tusi atu lou igoa
(subscribe) i tautua o le cable, satelaita,
poo se tautua tau i TV a se kamupani
telefoni e fa’aauau ai lau tv analog, pe a
faapea o loo iai se tautua faapenā.
O le ā le pusa faaliliu DTV
(DTV converter box)
O le DTV converter box o se mea
faigaluega faa-eleteroni e sulu i lau tv
analog ma le enetena, ona faaliliu ai lea o ata
faa-digital i le faa-analog. O nei pusa faaliliu e
i le va o le $40 i le $70.
E faapefea ona ou mauaina se
kuponi mo se pusa faaliliu DTV
O le mālō feterale o loo saunia ni
kuponi mo nei pusa faaliliu DTV ina ia
fesoasoani e faala’ititia tau mo le faaliliuina
(upgrade) aga’i le digital. E mafai i aiga
ona faatalosagaina mo ni kuponi se lua, e
ta’i $40, ae tatau ona faaaoga i totonu o le
90 aso. Mo nisi faamatalaga faaopoopo pe
faatalosaga fo’i se kuponi, valaau le 1(888)
DTV-2009 poo le 1(877)530-2634 (TTY),
asiasi le www.DTV2009.gov poo le meli o
pepa faatumu mo kuponi i le PO Box 2000,
Portland OR 97208.
E mafai ona ou taofi pea i la’u
tv analog
Ioe, Faatauina o se tv digital fou e le
na’o le pau lenā o le mea e mafai ona e faia
i le mauaina o suiga i DTV. A e finagalo e
fa’aauau le fa’aaogāina o lau tv analog, e
mana’omia ona e filifili i mea nei:
1. Faatau sau pusa faaliliu DTV (DTV
converter Box), e faaliliu ai ata digital
aga’i i le analog, i tv analog.
2. Ia tusi atu lou igoa (subscribe) i se cable,
satelaita, poo se tautua tau i TV a se
kamupani telefoni, ina ia maua ai ata fou
faa-digital.
E faapefea ona ou iloa o la’u tv
o se tv analog poo se digital
Siaki pe maua e lau tv faasalalauga
digital, va’ai i le tusi na avatu faatasi ma
lau tv (owner’s manual) pe vaavaai solo
le tv poo iai le mea lenā ua ta’ua Advance
Television Systems Committee (ATSC) tuner.
E mafai fo’i ona e alu i luga o le website a le
kamupani na fausia lau tv ma siaki ai poo
a mea e mafai ona faia i lau tv, fa’aaogā
le numera o le ituaiga o lau tv (model
number).
E tutusa le HDTV ma le DTV
E leai. O le DTV e faa-digital. O le HDTV
e manino lava (high definition) ata o le tv. O
le HDTV e sili atu le manino o lenei ituaiga
DTV, ae e le pau ai lea o le ituaiga (formats).
O tagata o loo iai a latou HDTV e mafai ona
latou maua fua ni polokalame e matua’i sili
atu ona manino, pe a faaaogā se enetena.
Pe oute mana’omia se
enetena faapitoa ina ia maua
ai ata i la’u DTV
O se enetena lelei i totonu poo fafo o le
fale o le a faaleleia atili ai ata o le a maua.
O le tele o taimi, o se enetena lelei mo le DTV
e tutusa fo’i lea ma le enetena o loo maua
ai fo’i ata e manino lelei o lau TV analog oi
le fale.
Mo se fesoasoani i le filifilia o se enetena
mo i fafo o le fale ina ia maua fua ai
faasalalauga o alaata TV, asiasi le
www.antennaweb.org.
O se taumafaiga a le National Association of Broadcasters, o loo avea ma sui o le 8,300 fale leitiō, fale tv ma faasalalauga i le atunuu
o loo maua fua.