Pamagat: ANG KABUTIHAN SA MAGULANG AT MGA BUNGA NITO ...

Pamagat: ANG KABUTIHAN SA MAGULANG AT MGA BUNGA NITO
Kategorya : Panlahat
May-akda : Mula sa aklat "Mga Aralin sa Masjid" ng General Authority of Islamic Affairs & Endowments
Paglalarawan: Katotohanang ang mabuting pakikisama sa mga magulang ay isang mahalagang obligasyon
para sa lahat. Ang pakikisamang ito ay sa pamamagitan ng pagpapa-abot ng anumang kabutihan ayon sa
abot ng kakayahan at ang pag-iwas sa paggawa ng anumang kasamaan laban sa kanila.
Purihin natin ang Allah, ang Siyang nag-utos ng mabuting pakikitungo sa mga magulang, at Kanyang
itinakda na ang gantimpala nito ay ang Paraiso at pagkalugod Niya. Ang pagpapala at biyaya ay mapasa-
Kanyang sugo, kanyang pamilya at mga kasamahan.
Sinabi ng Allah sa banal na Koran;
[ At ang iyong Panginoon ay nag-utos na wala kayong ibang sasambahin kundi Siya, at kayo ay maging
mabuti sa inyong mga magulang. Maging isa man sa kanila o silang dalawa sa kanilang katandaan, ay
huwag magsasalita sa kanila nang walang paggalang na salita, ni huwag silang sisigawan, ngunit
magsalita sa kanila sa mga katagang may paggalang. At kayo ay magpakumbaba sa kanila bilang
habag, at sabihin: “Aking Panginoon! Ipagkaloob sa kanila ang Inyong Awa katulad ng kanilang
pagpapalaki sa akin noong ako ay bata pa.] Al-isra’ 23-24
Hadith ng Propeta Muhammad (saws);
Dumating ang isang tao sa Propeta Muhammad(saws) at nagwika: O’ sugo ng Allah! Sino ang taong
karapat-dapat kong pakitaan ng pinakamabuting pakikisama, sinabi ng sugo(saws): [ Ang nanay mo]
kanyang sinabi: Pagkatapos ay sino , sinabi ng sugo(saws): [ Pagkatapos ay ang nanay mo] , kanyang
sinabi: Pagkatapos ay sino ,sinabi ng sugo(saws): [Pagkatapos ay ang nanay mo] , kanyang sinabi:
Pagkatapos ay sino , sinabi ng sugo(saws): [Pagkatapos ay ang tatay mo] Al-bukhari at Muslim
[ Kahiya-hiya, pagkatapos ay kahiya-hiya, pagkatapos ay kahiya-hiya ang isang tao] sinabi sa kanya: Sino
(ang kahiya-hiya) o sugo ng Allah, kanyang sinabi: [ (kahiya-hiya) ang siyang inabutan niya ang
kanyang mga magulang sa kanilang pagtanda , isa man sa kanila o silang dalawa , ngunit siya ay hindi
nakapasok sa paraiso (dahil sa hindi mabuting pakikisama sa magulang)] Muslim
KAPALIWANAGAN
Katotohanang ang mabuting pakikisama sa mga magulang ay isang mahalagang obligasyon para sa lahat.
Ang pakikisamang ito ay sa pamamagitan ng pagpapa-abot ng anumang kabutihan ayon sa abot ng
kakayahan at ang pag-iwas sa paggawa ng anumang kasamaan laban sa kanila. Ang kabutihan sa mga
magulang ay isa sa mga pintuan ng paraiso, at ito ay nagbubunga ng gantimpala mula sa Allah maging dito
المترجم/‏ كارلو كماتشو

sa mundo ngunit ang pagtalikod mula rito ay katiyakang magbubunga ng kaparusahan dito sa mundo
lalung-lalo na sa kabilang-buhay.
Dapat ninyong alamin O’ mga kapatid sa Islam na ang mabuting pakikitungo sa mga magulang ay may mga
malalaking bunga. Kabilang dito;
1- Ito ay dahilan ng kalutasan sa mga problema
2- Dahilan ng pagtugon ng Allah sa mga kahilingan
3- Dahilan ng mabuting pakikitungo ng sariling mga anak sa kanya, sapagkat ang gawaing mabuti ay
nagbubunga rin ng kabutihan, ngunit ang masamang pakikitungo ng tao sa magulang ay
magbubunga rin ng masamang pakikitungo sa kanya ng kanyang sariling mga anak
4- Ito ay dahilan ng pagpasok sa paraiso
5- Ito ay dahilan ng palawig ng buhay at paglago ng biyaya
Kaya’t marapat lamang O’ mga muslim, na pangalagaan ninyo ang obligasyong ito upang inyong makamit
ang gantimpala-paraiso ng Panginoong Allah. Ang pananatili(buhay) ng mga magulang dito sa mundo ay
isang biyaya mula sa Allah para sa anak, at sinuman ang nawalan ng mga magulang ay dapat palagi siyang
humiling para sa kanila ng kapatawaran mula sa Allah.
MGA ARAL
1- Ang mabuting pakikisama sa mga magulang ay isa sa pinakamahalagang pagsunod sa Allah
2- Ang pagkalugod ng mga magulang ay pagkalugod rin ng Allah at Kanyang sugo sa tao
3- Ang pagpapakumbaba sa mga magulang ay isang obligasyon sa batas Islamiko
4- Isa sa kabutihan sa mga magulang ay ang pagsasagawa ng dua(hiling mula sa Allah) para sa kanila
habang sila ay nabubuhay pa at maging sila man ay pumanaw na
5- Nalugi at nasawi ang siyang inabutan ang mga magulang(hanggang katandaan) ngunit hindi
nakapasok sa paraiso
المترجم/‏ كارلو كماتشو