BPK RAPORT VJETOR 2005 - Banka Qendrore e Republikës së ...

BPK Raport Vjetor 2005
Manaxhimi i mjeteve të BPK-së në vitin 2005 vijoi të udhëhiqet nga dispozitat e Rregullores së BPK-së
dhe Politika e Investimit, duke nënkuptuar që mjetet e BPK-së u manaxhuan duke marrë parasysh
kufizimet e matura të rrezikut, duke i dhënë përparësi sigurisë së kapitalit dhe likuiditetit mbi të
ardhurat.
Objekti i BPK-së në dhënien e shërbimeve për komunitetin financiar është që të inkurajojë një sistem
efikas dhe të sigurtë të pagesave në vend. Ky synim kryhet përmes Sistemit Ndërbankar të Kleringut
(SNK), ku vëllimi dhe vlera e transaksioneve kanalizuar përmes SNK-së janë rritur ndjeshëm gjatë vitit
2005. Përveç kësaj, në vitin 2005 BPK-ja lançoi projektin Kos-giro, me qëllim kryerjen e pagesave me
vlerë të madhe dhe të vogël. Ky projekt do të kontribuojë pozitivisht në arritjen e objektivit kryesor të
BPK-së në rritjen e efikasitetit të sistemit të pagesave në vend përmes zvogëlimit të parasë cash në
qarkullim, rritjes së depozitave në bankat e nivelit të dytë dhe përmirësimit të likuiditetit të
përgjithshëm.
Me qëllim përmirësimin e infrastrukturës së informacionit të veprimtarisë së institucioneve kredituese,
në vitin 2005 BPK-ja vazhdoi zhvillimin e një regjistri modern të kredive, i njohur si Regjistri i Kredive
të Kosovës (RKK), lançuar në fillim të vitit 2006. RKK-ja iu siguron institucioneve kredituese
informacione mbi huamarrësit e mundshëm, gjë e cila do të përmirësojë informacionin mbi aftësinë
paguese të huamarrësit dhe do të rrisë aksesin e kredive.
Në vitin 2005, BPK-ja përmirësoi funksionin e saj në dhënien e informacioneve për publikun mbi
zhvillimet në ekonominë e Kosovës, me theks të veçantë në zhvillimet e sektorit financiar. Kjo u arrit
përmes përmirësimit të cilësisë së publikimeve ekzistuese dhe publikimet të reja, si p.sh. Buletini i BPKsë
dhe Seritë e Materialeve të Diskutimit.
20