BPK RAPORT VJETOR 2005 - Banka Qendrore e Republikës së ...

BPK Raport Vjetor 2005
1/ IÇK-ja deri në vitin 2003 bazohet në vlerësimet e FMN-së.
Mjetet e huaja neto (MHN) të sektorit financiar në fund të vitit 2005 u llogaritën në 682.3 milionë euro,
një rritje prej 6.7% nga viti 2004. Mbështetur nga depozitat, pretendimet ndaj jorezidentëve u rritën
me 8.3%, duke u llogaritur në 748.7 milionë euro, duke mbetur kështu kontribuesi më i madh në
rritjen e korporatave të përgjithshme financiare. Edhe pse në rritje, detyrimet ndaj jorezidentëve
llogariten në një masë jo të konsiderueshme prej 8.9% të pretendimeve ndaj jorezidentëve.
Pretendimet e brendshme në vitin 2005 u llogaritën në 351.5 milionë euro, shifër që korrespondon me
një rritje prej 70.9%, kryesisht për shkak të rritjes së pretendimeve ndaj sektorit real (kreditë). Duke
pasuar këtë rritje të ndjeshme, pretendimet e brendshme përbënin 46.9% të pretendimeve ndaj
jorezidentëve, krahasuar me 29.7% në vitin e mëparshëm. Zhvillimet në MHN-të e BPK-së u ndikuan
në një masë të madhe nga rënia e vazhdueshme e llogarive të qeverisë në regjistrat e BPK-së, duke
pasqyruar deficitin buxhetor të regjistruar në vitet 2004 dhe 2005. Në aspektin sektoral, MHN-të e
BPK-së u ndikuan pozitivisht nga rritja e depozitave të ATK-së.
Paraja e gjerë në Kosovë në fund të vitit 2005 ishte në nivelin 1.166 milionë euro, një rritje e
ngadalësuar prej 3.7%, kundrejt 9.2% në vitin 2004. Rritja e parasë së gjerë ka ardhur kryesisht si
rezultat i rritjes së depozitave, ndërkohë që kjo rritje ka kompensuar rënien e vazhdueshme të valutës
jashtë korporatave depozituese. Valuta e vlerësuar jashtë korporatave depozituese arriti në rreth 300
milionë euro, 34.2% e depozitave të përfshira në paranë e gjerë në fund të vitit 2005.
Zhvillimet në sektorin e jashtëm të Kosovës janë karakterizuar nga një deficit në llogarinë korrente
(përpara asistencës së huaj), e llogaritur në 29.1% të PBB-së në vitin 2005. Impakti i rënies së
veprimtarisë donatore në Kosovë mund të vihet re në llogaritë e jashtme të Kosovës. Deficiti tregtar, si
një nga problemet më të mëdha për ekonominë e Kosovës, në vitin 2005 arriti në shumën 854 milionë
euro (34.8% e PBB-së). Importet tregtare mbështetën rritjen e importeve me 2.4%, ndërkohë që
importet donatore u rritën me 63 milionë euro nga 59 milionë euro në vitin 2004. Eksportet në Kosovë
përjetuan një rritje në 68 milionë euro nga 57 milionë euro në vitin 2004. Llogaria financiare dhe ajo
kapitale e Kosovës në vitin 2005 regjistroi shumën 60 milionë euro, krahasuar me 105 milionë euro në
vitin 2004. Kjo rënie u mbështet kryesisht nga rritja e MHN-ve të sistemit bankar. Kështu, MHN-të e
BPK-së u rritën me 50 milionë euro (kundrejt rënies me 109 milionë euro në vitin 2004), ndërkohë që
MHN-të e bankave të nivelit të dytë mbetën në nivele të qëndrueshme, duke u ulur nga viti 2004 me 3
milionë euro në vitin 2005.
40