Ilocano language version - Heco.com

Agusar iti light emitting diodes (LED) a senial.
Agkonsumo iti nababbaba iti 80% nga enerhia dagiti LED a senial
no ikompara iti incandescent a senial, ken agpaut iti 10 a tawen
wenno nabaybayag pay (kompara iti tallo a bulan a panagpaut dagiti
incandescent a bombilia.)
Mangipatungpal iti iskediul iti panagiddep.
Mangaramid iti listaan dagiti amin a silaw — iti uneg ken iti ruar — a
saan a kasapulan iti rabii. Agaramid iti iskediul iti panagiddep tapno
masigurado a maiddep amin a saan a kasapulan a silaw tunggal agrikep
ti negosio.
MANTENIREN TI LAMIIS
Manteniren ti nairut a seal.
Makatulong a mangpababa iti10-20% a konsumo iti koriente ti panangmantenir
kadagiti seal iti lawlaw dagiti ridaw ken tawa ken taginayonen ida a nakarikep
no nakalukat ti aircon. Ti panangirikep kadagiti saan a maus-usar a lugar kas iti
bodega ket makakissay iti saan a kasapulan a panagpalamiis.
Liklikan dagiti mangpabara iti lugar nga isu met ti mangparigat
kadagiti aircon.
No mabalin, iddepen dagiti aircon no kasta nga agrikep ti negosio.
Kissayan wenno iddepen dagiti aircon sakbay nga agleppas ti
panagobra tapno dakdakkel pay ti mainut. Agusar iti maiprograma a
thermostat tapno saanmon a kasapulan pay a lagipen nga iddepen ti
aircon inton agserran ti opisina.
Dagiti Vending Machine
Kadawyan a malibtawan dagiti vending machine no kitkitaen ti konsumo iti
enerhia ti negosio, ngem dagitoy ket karaman kadagiti kadadakkelan nga
agusar iti enerhia iti opisina. Dagiti makina a kualipikado iti ENERGY STAR
ket 50% a nain-inut ngem dagiti standard a model ken makainut iti nasurok
1,700 kWh/tawen. Daytoy ket agbalor iti agarup
$510 iti makatawen nga urnong.
Dawaten iti kompania ti vendor nga
ikkatenda ti paganunsio a silaw iti uneg ti
makina.
Ikkan ti vending machine iti occupancy
sensor ken controller tapno bumaba ti
kasapulanna a koriente bayat ti napaut
a saanna a pannakausar, kas koma iti
agpatpatnag ken ngudo ti lawas.
Ikabil ti makina iti malinlinongan a lugar.
SODA
2