May 8, 2016 BULGAR: BOSES NG PINOY, MATA NG BAYAN

More documents

Recommendations

Info

6 Ipagdasal din ang Inang Bayan ngayong Mother’s Day! KAKAIBA ang “Mothers’ Day” ngayon. Sa halip na isipin natin ang sarili nating ina, nangingibabaw ang samut-saring damdamin at kaisipan tungkol sa kakaibang ina, si Inang Bayan. Oras na lang ang bibilangin bago magsimula ang pambansang halalan, bukas. At sa pag-iisip natin kay Inang Bayan, lumulutang ang mga sumusunod na mga katanungan at pangarap: Una, anong antas at uri na ba ang ating politika? Sa banda ng mga namumuno, dumarami na ba ang mga tunay na lingkod-bayan at higit dito, ang naturang mga “servant leader” o mga namumuno na hindi mapagmataas sa halip, mapagkumbaba at handang maglingkod sa lahat? Pangalawa, anong antas at uri na ba ang ating mga mamamayan at mga botante? Hindi na ba sila nadadala ng salapi o mga magaganda’t guwapo at talentadong mga Pinoy at Pinay? Pangatlo, nakumpiska na ba ng mga kapulisan ang mga armas at anumang nakasasakit at nakamamatay na instrumento sa kapaligiran? Kaugnay dito, wala na kayang mga lugar na dating kilalang “madugong politika” na unti-unti nang nagiging makatao at maka- Diyos din? Pang-apat, naaakit na ba ang mga botante sa mga plataporma at hindi na sa personalidad; bokadura; salapi at kapangyarihan? At kung meron mang plataporma, ito ba ay tunay na maka-Pilipino at makamahirap; tunay na luntian at tunay na nagpapahalaga sa lahat ng elemento at sangkap ng kalikasan o kapaligiran; tunay na makabansa na handang gawin ang lahat sa mapayapang paraan upang ipagtanggol ang anumang bahagi ng ating pambansang lupa; tubig at himpapawid; tunay na maka-OFW at sinisikap na pagandahin at paramihin ang mga hanapbuhay dito upang umuwi na ang karamihan sa kanila; tunay na maka-estudyante at tunay na edukasyon. Ipasok na agad ang Martial Law bilang bahagi ng mga leksiyon sa lahat ng aklat sa paaralan; Panlima, meron na bang malinaw at matatag na kamalayan tungkol sa bansa ang nakararami? Hindi tayo dalidaling makikipagdigma sa mga mananakop at mga bully, subalit, magiging matatag at matapang ang ating posisyon batay sa matitibay na batayang legal (batay sa Konstitusyon at sa mga international convention tulad ng ICLOS). Higit sa lahat, merong mayamang pang-unawa sa kasaysayan ng unti-unting pagbuo sa atin kasarinlan; kultura at kadakilaan ng ating lahi. Pang-anim, lumalakas na ba ang pagkamuhi sa maruming pulitika dahil sa mga korup na namumuno? At dahil dito, madaling makumbinsing huwag iboto ang mga gumagamit ng malalaki at maruruming pera galing sa kaban ng bayan? Pampito, natututunan na ba ng mga namumuno at pinamumunuan ang kagandahan at bisa ng pakikipag-usap o dayalogo tungo sa sama-samang paglutas ng mga hidwaan at alitan. Dumarami na ba ang mga instrumento o tagapagtaguyod ng kapayapaan ng “peace process” sa lahat ng antas ng lipunan? Matatapos na ang kampanya. Tapos na ang pagpapakawala ng mga masasakit at maaanghang na salita. Mabilis ba nating maibabalik ang paggalang at pagiging makakapwa natin sa lahat? Pangwalo, pagkatapos ng mga matitinding bagyo tulad ng Bagyong Sendong, 'Ondoy' at 'Yolanda', natutunan na ba natin ang tunay at epektibong pagiingat at paghahanda sa sakuna at tuluyan na nating pinag-aaralan ang klima at ang negatibong epekto nito sa lahat? Pangsiyam, maliban sa mga dapat mangyaring pagbabago at pagpapaganda sa sektor ng “transportation” handa na ba tayong lahat na pag-aralan ang pagiging “simple?” Mag-usap-usap at tingnan kung paano mababawasan ang paggamit ng sasakyang de–motor at madaragdagan ang mga gumagamit ng mga muramurang uri ng paglalakbay tulad ng lakad; takbo; bisikleta at marami pang ibang uri ng “walang usok.” Pangsampu, handa na ba tayong magpakumbaba, huwag maging mapagmataas sa iba? Handa na ba tayong gumawa o bumuo ng mga tulay sa halip ng mga pader na naghihiwalay sa atin na nagbubunga ng pagpapangkat-pangkat o ng mga bagong problema? Kasama ng pangulo ng Republika, mauuna siya at susundan siya sa paghingi ng tawad at pang-unawa Tiyak na maraming nagsasayang mga pamilya dahil sa Mother’s Day ngayon. Maligayang Mother’s Day. Maligayang Inang Bansa! 'Wag sayangin ang boto, kinabukasan natin ang nakataya rito... MGA DAPAT ISAALANG-ALANG SA PAGPILI NG KANDIDATO NA KARAPAT-DAPAT MANUNGKULAN SA BANSA ISANG araw na lang ay pupunta na tayo sa kanyakanya nating voting precinct para iboto ang kandidato na sa tingin natin ay karapat-dapat na ihalal na maging Pangulo ng Pilipinas. Ikaw, naisip mo na ba kung sino ang iyong kandidato? Kung hindi pa, ito na ang last day mo para magdesisyon dahil bukas, pupunta ka na sa voting precinct mo para bumoto kaya kailangan, ang ilalagay mong pangalan doon ay iyong karapat dapat. O, heto, bibigyan kita ng ilang tips para makapagdesisyon ka na. Una, may kakayahan talagang mamuno. Ang presidente ang pinakamataas na opisyal sa ating bansa kaya naman dapat lamang na siya ay mayroong talino, tapang at lakas ng loob para mamuno. Siya dapat ang laging magdedesisyon para sa kapakanan ng mamamayan. Ang salita niya ay dapat lamang na batas na sinusunod. Hindi maaari iyong siya ang susunod sa kanyang advicer at kung sinuman ang nakapaligid sa kanya. Kung sa tingin mo ang isang kandidato ay sunod lang nang sunod sa kung sino, huwag mong asahan na siya ay magiging magaling na presidente. Pangalawa, may utak. Lahat naman ng tao ay mayroong utak pero kailangan, ang magiging presidente mo ay gagamitin ang kanyang utak para masolusyunan ang problemang kahaharapin niya. Ito ay kung sakaling mauupo na siyang presidente. Kailangan ay magagawa rin niyang maipaliwanag sa Ni: RIA GONZALES sambayanan kung ano nga ba ang makabubuti sa bansa at kung bakit niya kailangang gawin iyon. Tiyak kasing haharap din siya sa kung sinusinong matataas na pinuno ng iba’t ibang bansa kaya kailangan ay maging matalino siya para masagot ang iba’t ibang isyu. Pangatlo, maganda ang kanyang karakter. Hindi naman ibig sabihin nito, porke ikaw ay galing sa mayamang angkan at nakapag-aral sa magandang eskuwelahan ay mabuti ka nang tao. Kailangan siyempreng ang tingnan mo ay kung ano ang kanyang ugali, kung paano siya makitungo sa kanyang nasasakupan. Huwag kang magtiwala sa kandidatong parang maamong tupa kung mayroon lang camera o media. Ibig kasing sabihin, plastik ‘yan. Kaya mas mabuti pang magtiwala ka sa kandidatong sinasabi ang lahat ng kanyang kapintasan sa harap ng madlang pipol kaysa iyong ipinagsisigawan niyang ‘disente ako’. Pang-apat, may respeto sa batas. Kung ang isang kandidato ay alam mo nang gumawa ng katiwalian, bakit mo pa siya pagkakatiwalaan? Siyempre, iisipin mo na ngang sa maliit na bagay ay hindi mo na siya napagkatiwalaan, bakit mo pa siya pagkakatiwalaan sa malaking responsibilidad kung saan ay magagawa niyang hawakan ang iba’t ibang sangay ng gobyerno. Baka magawa rin niyang baluktutin ang batas. Panglima, malawak ang kanyang kaalaman. Kailangan ay may kakayahan siyang balikatin ang mga isyu at problema sa ating bansa at makipagbalitaktakan sa mga pinuno ng iba’t ibang bansa kung kinakailangan. Hay, sana ay makatulong ito para mapag-isip-isip mo kung sino ang karapat-dapat na presidenteng dapat ihalal ng taumbayan. MAYO 8, 2016 Babala sa mga laging nauuhaw! Dear Doc. Shane, Napapansin kong madalas ang pag-ihi ko sa gabi kahit ‘di ako malakas uminom ng tubig. Lagi rin akong nauuhaw pero tinitiis kong ‘di na uminom dahil nga naiistorbo ang pagtulog ko sa gabi. May diabetes kaya ako? — Cora Sia Sagot Ang isa sa prominenteng sintomas ng diabetes ay ang madalas na pag-ihi (polyuria) tulad ng nararanasan ninyo. Kasama rin dito ang palaging uhaw na uhaw (polydidpsia) at palaging gutom kahit kumain na (polyphagia). Para makasiguro kayo na iyan ay sintomas ng diabetes, makabubuti na magpasuri ng dugo para sa blood sugar. Kailangang mag-fasting ka (huwag nang kakain o iinom after 12 mn) bago kuhanan ng dugo sa umaga. Mas maganda kasing panukat ang fasting blood sugar (FBS) para makasigurado kung may diabetes nga o wala. Ang FBS value na 140mg/dl o higit pa sa loob ng dalawang beses na eksaminasyon ay pahiwatig na may diabetes ang isang pasyente. Para maiwasan ang madalas na pag-ihi sa gabi, iwasan ang labis na pag-inom ng tubig at kumonsulta sa isang internist kung dudang may diabetes at dalhin ang resulta ng inyong laboratoryo para sa FBS. ni PABS HERNANDEZ III LOLO DEDBOL SA VAN QUEZON—Isang lolo ang namatay nang aksidenteng mabangga ng isang van ang sinasakyan nitong motorsiklo kamakalawa sa bayan ng Atimonan sa lalawigang ito. Ang biktima ay nakilalang si Tito Parco, 65-anyos, nakatira sa nabanggit na bayan. Ayon sa ulat, nawalan umano ng preno ang minamanehong van ni Oliver Quebec kaya aksidenteng nabangga ang biktima. Dinala pa ng mga saksi si Parco sa pagamutan, pero idineklara itong dead-on-arrival. KELOT SINAKSAK NG MAGSASAKA ISABELA—Isang binata ang namatay nang saksakin ng isang magsasaka kamakalawa sa Bgy. San Miguel, Echague sa lalawigang ito. Kinilala ang biktima na si John Tadeo, residente ng nasabing lugar. Ayon sa ulat, nagkaroon ng pagtatalo si Tadeo at ang suspek na si Modesto Pascual, na humantong para saksakin ng salarin ang biktima. Matapos ang pananaksak ay mabilis na tumakas ang suspek. TOMBOY NI-RAPE NG KAPITBAHAY TACURONG CITY—Isang tomboy ang ginahasa ng kanyang kapitbahay kamakalawa sa lungsod na ito. Ang biktima ay itinago sa pangalang “Lita,” 24-anyos at nakatira sa naturang lugar. Hindi muna pinangalanan ang suspek hangga’t hindi siya nadarakip ng mga awtoridad. Ayon sa biktima, nag-inuman sila ng suspek at nang malasing ay dito na siya ginahasa ng kapitbahay niyang rapist.
MAYO 8, 2016 7 "Daang matuwid," nalalapit na ang "dead end" TAPOS na ang maliligayang araw ng ‘daang matuwid’. Ang paninikluhod ni P-Noy sa kampo nina Grace Poe at Mar Roxas na magsanibpuwersa ay KUMPIRMASYONG hindi na mapipigil ang pag-upo ng bagong lider sa Malacañang. ISANG pag-amin sa publiko ang HULING PAHIMAKAS ni P-Noy. Pero, kahit sa huling sandali, nais niyang DIKTAHAN si Poe na umatras at suportahan si Roxas. SA aktuwal, wala sa posisyon si P-Noy na diktahan si Poe dahil hindi naman sila magkapartido, pero may KAPANGYARIHAN si P-Noy na ATASAN si Mar na suportahan si Grace. Ibig sabihin, kung ayaw ni P-Noy na maupo sa Malacañang si Duterte, iisa lang ang praktikal sa SOLOMONIC DECISION niya: Paatrasin si Roxas at IENDORSO si Poe. KAPAG hindi ginawa ni P-Noy ang ating SOLOMONIC SOLUTION—magaganap ang kinatatakutan ng LP—magwawagi si Digong. At ang may KASALANAN ay isang tao lamang: Si P-Noy na MAKASARILI at isang tunay na “diktador.” ANG napipintong kabiguan ng ‘daang matuwid’ ay hindi ang KAMATAYAN ng demokrasya, bagkus, ang wagas na PAGSIBOL ng demokratikong proseso. Idinikta ni P-Noy ang pagpapatalsik kay dating Chief Justice Renato Corona na nang lumaon ay NATUKOY na nagsuhol umano sa jurors gamit daw ang DAP. HINDI sinunod ni P-Noy ang karaingan ng taumbayan na resolbahin ang krisis sa bigas, elektrisidad, tubig, krimen, droga at kontraktuwalisasyon at palpak na serbisyo ng SSS. Pero, ngayon ay nais niyang SUNDIN ng taumbayan ang kanyang DIKTA na iboto ang sanhi ng ‘PROBLEMA’ sa telekomunikasyon at transportasyon. IMBES na bigas ang ibigay sa mga magsasaka sa Kidapawan, BALA ang kanyang IPINALAMON. Hindi niya sinunod ang HILING ng taumbayan na IKULONG ang utak sa pamamaril sa Kidapawan pero ngayon ay nais niyang SUNDIN siya sa kanyang DIKTA na iboto ang kanyang BEST FRIEND FOREVER. ANG pagtanggi ni Poe na sumanib sa ‘daang matuwid’ ay hindi KAMATAYAN ng demokrasya, bagkus, ito ay PAGBUBU- KANG-LIWAYWAY ng dalisay na KALAYAAN sa ating Republika kung saan sisiwang ang tunay na PAGBABAGO sa ating lipunan. Ayon sa research… PAG-AALAGA NG MISTER SA MGA ANAK, NAKATUTULONG PARA MAGING MAS MASAYA ANG PAGSASAMA AT SEX LIFE NG MAG-ASAWA SA bawat pamilya, madalas na si misis ang nangangalaga sa tahanan at mga anak habang naghahanapbuhay si mister upang may panustos sa pamilya. Siyempre, para happy ang family, sinisiguro ng magasawa na maibibigay nila sa kanilang mga anak ang pangarap na buhay. Hindi man maging mayaman, sapat na ang mabigyan ng edukasyon at basic needs sa arawaraw ang mga pinakamamahal na supling. Sa mga anak humuhugot ng tibay at lakas ang magasawa upang maging matatag ang pamilya at ang kanilang pagsasama. Marami mang responsibilidad na nakaatang sa mag-asawa, hindi dapat sila mawalan ng oras sa isa’t isa upang manatili ang pagmamahalan. Mas magiging matatag at masaya ang buong pamilya kung maayos ang pagsasama ng Ni: LOVETH JANE TRINIDAD mag-asawa kaya mahalaga na hindi mawala ang ‘sweetness’ at ‘affection’ tulad noong mga panahong nagsisimula o magdyowa pa lamang sila. Sino ba naman ang may gustong masira ang pamilya, ‘di ba? Walang babae o lalaki na naghahangad ng magulong pamilya kaya ginagawa natin ang lahat upang makamit ang pangarap na ‘happy family’. Kaya mga mister at misis, tuloy lang dapat ang love, love, love sa isa’t isa para ma-spread ang pagmamahalan sa buong pamilya. Para mas maging happy, kailangan balance ang mga gawain at responsibilidad ng mag-asawa upang hindi naman kaagad malosyang si misis sa kalilinis at kaaalaga sa mga anak. Hindi naman ibig sabihin na porke si mister ang nagtatrabaho, wala na siyang gagawin sa tahanan. Ayon sa mga eksperto, makatutulong sa pagsasama ng mag-asawa kung si mister ang titingin at mag-aalaga sa mga anak. Nadiskubre ng mga researcher mula sa Georgia State University na kung mayroong duty sa pag-aalaga ng mga anak ang mister at hindi lang puro si misis, nagkakaroon sila ng satisfaction sa kanilang relasyon at sa kanilang sex lives. Sa pamamagitan ng pagaanalisa sa mga datos ng 900 na heterosexual na mag-asawa, napagalaman nila na kung puro si misis lang ang nag-aalaga sa mga bata, mababa ang quality ng relasyon ng mag-asawa habang kung parehong nagaalaga at naglalaan din ng oras si mister sa pag-aalaga sa mga anak, nararamdaman ng mag-asawa ang pagiging ‘engaged’ sa kanilang responsibilidad na siyang mas nagpapatibay at nagbibigay ng satisfaction sa mag-asawa. Dahil umano nararanasan ng mag-asawa na mayroon silang ‘sharing’ sa mga responsibilidad, mas nagiging maayos ang kanilang pagsasama kaya happy sila sa lahat ng aspeto ng kanilang pagsasama. Pa’no, mga daddy, simulan na ang pagaalaga sa mga junakis! ‘Wag na ‘wag mahihiyang ipakita o ikuwento sa mga tropa na nag-aalaga kayo ng mga anak dahil kailangan n’yo itong ipagmalaki dahil patunay lamang ito na isa kayong mahusay at responsableng haligi ng tahanan. Tandaan, hindi lang alak ang kinakarga dahil mas mainam kung si baby ang inyong kakargahin. Hi-hi-hi!
Page 1 and 2: LINGGO, MAYO 8, 2016 Madlang pipol,
Page 3 and 4: MAYO 8, 2016 Column Editor: GRACE G
Page 8 and 9: 8 MAYO 8, 2016 S Madlang pipol, ‘
Page 10 and 11: 10 Showbiz Editor: JANICE DS NAVIDA
Page 12 and 13: 12 MAYO 8, 2016 Bulgar I-ASK Send t
Page 14 and 15: Mama, mommy, mudra, nanay, etc... H
Page 16 and 17: Trunk Classified Ads 16 Accepting a
Page 18 and 19: Trunk Classified Ads 18 Accepting a
Page 20: Sports Editor: NYMPHA MIANO-ANG e-m

May 8, 2016 BULGAR: BOSES NG PINOY, MATA NG BAYAN

You also want an ePaper? Increase the reach of your titles

Delete template?

Save as template?