You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Gazeto Andaluzia 21<br />
Julio - Septembro<br />
Poezio<br />
Fratinet’ María<br />
Fratinet’ María,<br />
morgaŭ estos festo,<br />
do ni du ne iros<br />
studi al lernejo.<br />
La gainon belan<br />
vi al vi surmetos,<br />
la plej bonan jupon<br />
kaj la kapo-reton.<br />
Portos mi la bluan,<br />
bon-kvalitan veston,<br />
la ĉemizon novan<br />
kaj la lan-ŝtumpretojn,<br />
kaj, se suno brilos,<br />
ĉapon el flanelo<br />
(la avin-donacon<br />
en la Pask-celebro)<br />
kaj, de la najbaro,<br />
medal-kolieron,<br />
kiun li aĉetis<br />
en foir-vendejo.<br />
Ni la kirkon iros<br />
kaj aŭskultos meson.<br />
De l’onklin’ pot-venda<br />
monon ni ricevos.<br />
Por regalo nia<br />
tiam ni aĉetos<br />
(kaj ĝin prisekretu)<br />
tre bongustajn berojn.<br />
Ludos mi je taŭroj<br />
jam en la vespero.<br />
Vi kun la fratinoj<br />
Juana, Magda, venos<br />
kaj kun Tuerta, Blanka<br />
(la du kuzinetoj)<br />
en la placo lude<br />
la pupinojn flegos.<br />
Kaj se panjo donos<br />
al vi kastanjetojn,<br />
povos vi ĉe l’pordo<br />
danci ĝis elĉerpo.<br />
Andreŭela kantos:<br />
“Panjo, viaj herboj<br />
min ne resanigis:<br />
vanis la rimedo.”<br />
El papero ia<br />
tajlos mi livreon,<br />
kun morusa ŝmiro<br />
bele ĝi aspektos.<br />
Mi kapuĉon faros<br />
plenan de kreneloj,<br />
kiel nigran tufon<br />
la du plumojn metos<br />
el la vost’ de l’koko,<br />
kiun en ĝardeno<br />
ni ĉasadis ride<br />
antaŭ la Karesmo.<br />
Flagon mi alfiksos<br />
tuj al longa vergo,<br />
kaj du blankajn kvastojn<br />
al la ŝnuraj plektoj.