Plan Nashonal pa un Maneho Salu di Peso

“ The Unforgettable Institute ”
Instituto Di Teknologia Pa Transformashon Di E Ser Humano
Menegrandeweg # 2 (p.o. Box 4479) tel.: 869-7733 / fax: 869-3275
____________________________________________________________________________________________
Un
Vishon
Visionario!
Proposishon pa un:
Plan Nashonal
pa Maneho
Salú di Peso.
Kòrsou, Yanüari 2007
Melford (Melly) Bergland
Sikólogo Neuro Lingwístiko i
Konsehero den Maneho Salú di Peso.
_______________________________________________________________________
Proposishon Plan Nashonal pa Maneho Salú di Peso: yanüari 2007, Melly Bergland

“ The Unforgettable Institute ”
Instituto Di Teknologia Pa Transformashon Di E Ser Humano
Menegrandeweg # 2 (p.o. Box 4479) tel.: 869-7733 / fax: 869-3275
____________________________________________________________________________________________
Introdukshon.
E konsepto di un Plan Nashonal pa Maneho Salú di Peso ta un plan nashonal ku e
ophetivo pa redusí e peso di mas ku e yu di Kòrsou tin i pa yuda e suidadano biba mas
largu i mas salú.
E Plan Nashonal pa Maneho Salú di Peso ta enkurashá hende pa hasi kambionan chikí
den nan bida pa logra redusí nan peso i evitá malesanan króniko.
E Plan Nashonal pa Maneho Salú di Peso ta envolví tur grupo esta; hóben, adulto,
komersiante, religioso, polítiko, médiko, seguro etc.
E Plan Nashonal pa Maneho Salú di Peso lo mester enkurashá i duna informashon
tokante Pensa Salú, Kome Salú i Move Salú.
Dor di integrá esfuerso di tur sektor den nos komunidat e Plan Nashonal pa Maneho
Salú di Peso ta spera di redusí resultadonan aselerá di obesidat i asina prevení i redusí
hopi malesa króniko.
E Plan Nashonal pa Maneho Salú di Peso ta pone énfasis riba kòntròl i guia sosial den
henter komunidat.
E Plan Nashonal pa Maneho Salú di Peso ta stimulá pa nos tuma akshon komo
komunidat. Nos mester traha huntu pa sostené un bon salú. Nos mester di sitionan ku
siguridat pa hasi ehersisio, slogannan positivo pa pensa positivo i akseso na
informashon pa kuminda salú na preis rasonabel.
E kaminda pa mehorá salú i redusí peso pa mayoria hende ta un kaminda yen di
opstákulo. Nos no por laga tur nos solushonnan faya. Nos mester kuminsá traha huntu
pa sigurá ku e benefisionan di salú i un peso normal ta disponibel pa tur hende. E
konsepto di e Plan Nashonal pa Maneho Salú di Peso ta diseñá pa yuda henter
komunidat pa tin un mihó salú i un peso salú.
E Plan Nashonal pa Maneho Salú di Peso aki ta duna informashon di e pasonan ku por
tuma pa manehá un koalishon di instanshanan ku por yuda den ehekutá strategianan pa
éksito den Maneho Salú di Peso pa aña 2025.
Mi ta aploudí bo(so) esfuerso komo posibel miembro di e koalishon pa Maneho Salú di
Peso i ta enkurashá bo(so) pa duna un aporte inkondishonal na e Vishon Visionario aki
pa logra Un Kòrsou ku Peso Salú.
Kòrsou, yanüari 2007
Melford (Melly) Bergland
Sikólogo Neuro Lingwístiko i
Konsehero den Maneho Salú di Peso.
___________________________________________________________________________
Proposishon Plan Nashonal pa Maneho Salú di Peso: yanüari 2007, Melly Bergland
1

“ The Unforgettable Institute ”
Instituto Di Teknologia Pa Transformashon Di E Ser Humano
Menegrandeweg # 2 (p.o. Box 4479) tel.: 869-7733 / fax: 869-3275
____________________________________________________________________________________________
Plan Nashonal Pa Maneho Salú di Peso.
Meta
E meta di e Plan Nashonal pa Maneho Salú di Peso ta pa oumentá e kalidat i añanan di
bida di tur yu di Kòrsou i pa eliminá opstákulonan pa yega na un peso salú.
Vishon
Pa tur persona di tin mesun konsepto di e Plan Nashonal pa Maneho Salú di Peso a
determiná e Vishon kual ta:
Un Kòrsou ku suidadanonan konsiente di un peso salú.
Mishon
Pa promové guia na tur suidadano riba strategianan pa logra i mantené un peso salú a
skohe pa e siguiente mishon: Pensa Salú, Kome Salú i Move Salú 2025.
E Intenshon
Mi no ta pretendé di tin e solushon pa tur hende logra pa manehá nan peso salú a lo
ménos e informe aki ta un kontribushon práktiko di kon por logra. Saliendo for di mi
akshonnan di ya kaba 29 aña den guia hende logra un peso mas aseptabel i un mihó salu
p’e mes, mi ta tuma e libertat pa unifiká mi akshonnan den un posibel plan nashonal pa
envolví hinter komunidat den krea solushonnan alkansabel i duradero pa kada
siudadano logra manehá su Peso Salú pa aña 2025. Probablemente esaki ta un intenshon
hopi visionario.
Vishon Kòrsou
Nos ta uni ku Vishon Kòrsou den e slogan ku ta bisa ku “na aña 2025 Kòrsou lo ta un
pais ku un kalidat di bida haltu, basá riba bon gobernashon, ku un ekonomia duradero i
un enseñansa ku ta motivá tur hende pa logra tur lokual nan tin aden”. Pa logra e parti
di kalidat di bida haltu e Plan Nashonal pa Maneho Salú di Peso presentá aki ta brinda
un posibel solushon konkreto.
Logrando un peso mas salú pa aña 2025 lo yuda inmensamente den solushoná e
problemanan di malesa ku gordura ta trese ku n’e manera preshon haltu, diabétis,
gloukoma, asthma i bronkítis króniko, problema ku kurason, konsekuensha di atake di
kurason i problema serio ku nir konforme enkuesta di Centraal Bureau voor Statistiek
(CBS) di aña 2001 i gradualmente lo baha gastu di salubridat.
Invertí den programanan di prevenshon, guia i motivashon di suidadanonan ku peso di
mas definitivamente ta muchu pero muchu mas barata na término largu ku gastunan
envolví den konsulta, remedi, hospitalisashon i intermediá sirurgikamente.
___________________________________________________________________________
Proposishon Plan Nashonal pa Maneho Salú di Peso: yanüari 2007, Melly Bergland
2

“ The Unforgettable Institute ”
Instituto Di Teknologia Pa Transformashon Di E Ser Humano
Menegrandeweg # 2 (p.o. Box 4479) tel.: 869-7733 / fax: 869-3275
____________________________________________________________________________________________
Tarea di Gobièrnu atraves GGD.
Riba website di Curaçao-gov.an mi a bai buska kiko GGD ta para p’e pa loke ta trata
sobrepeso, obeso i adiposo. M’a topa ku e vishon i mishon di GGD i ta para pa:
Vishon GGD:
Un organisashon sentral profeshonal ku abilidat pa formulá i implementá un maneho di
salubridat, ku ta traha dirigí riba un salú optimal di e komunidat i ku for di punto di
bista di kumpli ku e bienestar di komunidat kumpli ku funshon (reguladó) den
salubridat.
Mishon GGD:
Protekshon, promoshon i rekuperashon di salubridat di henter komunidat di e teritorio
insular di Kòrsou.
Pa realisá e vishon i mishon a determiná e akshon den e unidat di Voeding en Diëtiek
ku tin e meta pa alkansá bon nutrishon, sigur i ekonómiko p’e komunidat di Kòrsou.
Punto di salida ta prevenshon kual ta keda lográ dor di un kombinashon di terapia,
informashon i edukashon.
Metanan di Diëtika Kurativo.
Esaki ta tuma lugá riba rekomendashon di médiko i speshalista den 12 bario na Kòrsou.
E kuido ta speshal dirigí riba portadónan di karchi p.p. i trahadónan den servisio di
teritorio insular ku tin derechi riba kuido médiko liber.
Diëtika preventivo.
Informashon di nutrishon dirigí riba bario / marshe di salubridat
Edukashon den grupo
Liña di informashon 137
Konseho i kòntròl
Presta servisio
Kurso i enseñansa
Investigashon di nutrishon
Desaroyá material di informashon
Vigilansha di kalidat
Konsehero den maneho, preparashon i sosten
Nota:
Último bes ku a adaptá/kambia e informashon riba e website ta 27 mart 2000.
___________________________________________________________________________
Proposishon Plan Nashonal pa Maneho Salú di Peso: yanüari 2007, Melly Bergland
3

“ The Unforgettable Institute ”
Instituto Di Teknologia Pa Transformashon Di E Ser Humano
Menegrandeweg # 2 (p.o. Box 4479) tel.: 869-7733 / fax: 869-3275
____________________________________________________________________________________________
Algun nota personal:
- Pa loke ta trata sobrepeso no tin nada spesífiko den e programa manera formulá pa
GGD.
- E liña 137 (ya) no ta funshonando.
- Falta agresividat den informashon.
- Mester di mas material dirigí riba obesidat i su solushon.
- E metanan i akshonnan no ta formulá di un forma SMART kual ta para pa:
Spesífiko, por keda Midí, Akseptabel, Realístiko i mará na Tempu.
E Plan Nashonal.
E dokumento aki ta un empuhe pa duna mas realse na e partinan ku falta pa konsientisá
komunidat tokante obesidat i stimulá siudadanonan pa tuma akshonnan konkreto bou di
stimulashon i supervishon di un plataforma pa esaki tuma lugá di un forma saludabel i
pagabel.
Plan Nashonal pa Maneho Salú di Peso.
E plan aki ta pa promové, implementá i evaluá un programa di konsientisashon di
komunidat pa ku e fenómeno di bou di peso, peso salú, sobrepeso, obeso, adiposo i
adiposo ekstremo.
E plan aki ta enserá 6 paso:
1. Prepará pa kuminsá.
2. Logra aporte di otro.
3. Publisidat.
4. Aktividatnan.
5. Finansa.
6. Midi i evaluá logronan.
E meta prinsipal di e 6 pasonan aki ta pa yuda ekstendé e mensahenan di e Plan
Nashonal pa Maneho Salú di Peso pa henter komunidat di Kòrsou. Tur esfuerso
kombiná ta yuda e suidadano mantené un peso salú i prevení problemanan di salú
relashoná ku peso di mas.
Paso 1: Prepará pa Kuminsá.
E plan Nashonal pa Maneho Salú di Peso lo ta eksitoso si nos:
• siña for di e partisipantenan selektá i nos komunidat;
• identifiká i usa rekursonan di komunidat;
• pone metanan kla.
___________________________________________________________________________
Proposishon Plan Nashonal pa Maneho Salú di Peso: yanüari 2007, Melly Bergland
4

“ The Unforgettable Institute ”
Instituto Di Teknologia Pa Transformashon Di E Ser Humano
Menegrandeweg # 2 (p.o. Box 4479) tel.: 869-7733 / fax: 869-3275
____________________________________________________________________________________________
E promé kos ku mester sosodé ta pa buska informashon tokante nesesidatnan eksistente,
rekursonan i oportunidatnan den nos komunidat relashoná ku sobre peso. E promé aki ta
lokual m’a realisá ku e estudio di “Kon Gordo Kòrsou ta?” A keda establesé ku
porsentahe kuantu persona tin difikultat ku peso di mas.
Rekapitulando, Kòrsou tin un repartishon di peso di siguiente manera:
2,9 % peso salú.
27,3 % sobrepeso.
31,7 % obeso.
21,7 % adiposo.
16,4 % adiposo ekstremo.
Awor ku nos a identifiká e gruponan di akshon, esta di sobrepeso te adiposo ekstremo
mester sa unda nan ta pasa nan tempu, unda nan ta bishita, miembro di kua grupo o
organisashon nan ta pa asina lokalisá, registrá i aktivánan. Pa hasi esaki posibel ta
imperativo sigui e siguiente paso.
Paso 2: Logra aporte di otro.
Durante paso dos ta eksplorá e rekursonan i fuentenan pa duna informashon tokante
peso salú. Aki ta e momento pa organisá i implementá un Plataforma pa Maneho Salú
di Peso ku lo mester konsistí di un koalishon konsistiendo di representantenan di
siensia, akademia, profeshonalnan den kuido, gobièrnu i su servisionan, komersio,
organisashonnan etc.
Miembronan di e koalishon:
- Asosiashon di Empresa(rio)nan Chikí (Adeck).
- Asosiashon di dentistanan.
- Asosiashon di dòkternan di kas.
- Asosiashon di medionan di komunikashon.
- Asosiashon di speshalistanan.
- Asosiashon di Supermerkado (Suveco).
- Ban Bario Bèk
- Biblioteka Públiko.
- Bos di Hubentut.
- Bureau Maatschappelijk Consulent.
- Bureau Ziektekostenvoorzieningen (BZV.)
- Chata.
- Curaçao Hart Stichting.
- Curaçao Sport Federatie (CSF)
___________________________________________________________________________
Proposishon Plan Nashonal pa Maneho Salú di Peso: yanüari 2007, Melly Bergland
5

“ The Unforgettable Institute ”
Instituto Di Teknologia Pa Transformashon Di E Ser Humano
Menegrandeweg # 2 (p.o. Box 4479) tel.: 869-7733 / fax: 869-3275
____________________________________________________________________________________________
Direktivanan di:
-Skol Atventista.
-Skol Humanista.
-Skol Katóliko.
-Skol Protestant.
-Skol Públiko.
- Fesebako.
- Genees- en Gezondheids Dienst (GGD).
- Gobièrnu di Antia.
- Gobièrnu di Kòrsou.
- Hòspital / Klínika. -Sint Elisabeth Hospital.
-Advent Ziekenhuis
-Taams Kliniek.
- Instituto pa Formashon den Enfermeria (I.F.E.)
- Kámara di Komersio.
- Kompanianan di Seguro. -American Life Insurance Company (Alico)
-Seguros Aska
-Ennia
-Fatum
-British American
-Citizens Insurance
- Konseho Insular.
- Leo Floridas.
- Plataforma di Non Governmental Organisations (N.G.O.)
- Organisashon di Dietista.
- Organisashonnan di Bario.
- Organisashonnan polítiko: -Partido Nashonal di Pueblo (PNP).
-Partido Laboral Krusada Popular (PLKP)
-Partido Antia Restrukturá (PAR).
-Movementu Antia Nobo (MAN).
-Frente Obrero Liberashon 30 Mei (FOL).
-Lista Niun Paso Atras (LPNA).
-Movementu Patriótiko Kòrsou (MPK)
-Forsa Kòrsou.
-Movementu Sosial Laboral (M.S.L.)
- Organisashonnan religioso. -Katóliko
-Protestant
-Atventista
-Kristian
-Testigu di Yehova.
- Pèrspektiva i Sosten Integral (P.S.I.)
- Sentral di Sindikatonan di Kòrsou.
- Steering Committee
___________________________________________________________________________
Proposishon Plan Nashonal pa Maneho Salú di Peso: yanüari 2007, Melly Bergland
6

“ The Unforgettable Institute ”
Instituto Di Teknologia Pa Transformashon Di E Ser Humano
Menegrandeweg # 2 (p.o. Box 4479) tel.: 869-7733 / fax: 869-3275
____________________________________________________________________________________________
- Sentronan di ehersisio (gym, spa, fitness).
- Service Clubs. -Quota Club.
-Rotary.
- Sociale Verzekerings Bank (SVB)
- Sokudi
- Universiteit van de Nederlandse Antillen (U.N.A.)
- Vereniging Bedrijfsleven Curaçao (V.B.C.)
- Vishon Kòrsou.
- Otronan ku no ta menshoná ku tambe por duna nan aporte.
E intenshon ta pa forma un Plataforma pa Maneho Salú di Peso di tur organisashonnan
menshoná. For di e plataforma por instituí un konseho ku lo guia implementashon di e
Plan Nashonal pa Maneho Salú di Peso.
Ophetivonan pa alkansá.
E Plataforma pa Maneho Salú di Peso lo mester tin lo mínimo e siguiente ophetivonan
pa alkansá:
- Oumentá konsiensia di e benefisionan di Pensa salú, Kome salú i Move salú, pa logra
oumento di aktividatnan físiko i kambio di komportashon.
- Pa duna suidadanonan informashon ku lo yuda nan Pensa salú, Kome salú i Move
salú.
- Pa sostené, fortifiká i promové programanan i rekursonan di aktividatnan di Pensa
salú, di Kome salú i di Move salú.
Prinsipionan:
1. Siguiendo guianan saludabel di Pensa, Kome i Move ta importante pa maneho salú
di peso.
2. Obesidat ta un malesa króniko serio kual posiblemente ta redusí durashon di bida, ta
oumentá desabilidat i ta kousante di vários malesa króniko inkluso diabétis, atake di
selebre i / òf kurason i kolèsteròl.
3. Ekseso di peso ta kousá pa un interakshon di faktornan genétiko i sosial / kultural ku
ta enserá komponentenan metabóliko (físiko i kímiko) i di komportashon (sikológiko
i emoshonal). Debí na e kompleksidat di redusí, oumentá i mantené peso no ta
korekto pa primintí un redukshon di peso lihé i sin esfuerso.
4. Ta imperativo pa kambia e estilo di bida pa por mantené un proseso di redusí peso i
prevení un subida di peso den futuro.
5. Redusí peso ta rekerí kima mas kaloria ku e kurpa ta tuma aden dor di redusí
konsumo di kaloria òf oumentá kimamentu di kaloria òf preferibel tur dos.
6. Logrando i manteniendo un kantidat modesto di redukshon di peso por redusí e
embergadura di malesanan asosiá ku obesidat.
___________________________________________________________________________
Proposishon Plan Nashonal pa Maneho Salú di Peso: yanüari 2007, Melly Bergland
7

“ The Unforgettable Institute ”
Instituto Di Teknologia Pa Transformashon Di E Ser Humano
Menegrandeweg # 2 (p.o. Box 4479) tel.: 869-7733 / fax: 869-3275
____________________________________________________________________________________________
7. Maneho salú di peso ta inkluí tres komponente:
a. modifikashon di komportashon kual ta un kompromiso di bida largu
b. Kome salú konforme guianan di un dieta salú poniendo énfasis riba redukshon di
e total di kaloria, konsumo di ménos vèt, oumento di konsumo di berdura, fruta i
grano.
c. Oumento di moveshon salú di un forma frekuente i regular a lo ménos di un
forma moderá.
8. Pa individualnan ku kasonan severo di obesidat por konsiderá opshonnan médiko
farmakológiko òf intervenshonnan kirúrgiko. E intervenshonnan aki komo último
rekurso mester ta kompaña pa un plan di kambio di komportashon, kome salú i
aktividatnan físiko.
9. E konsumidó ta meresé di haña informashon korekto, konfiabel i sin diskriminashon
tokante métodonan pa maneho salú di peso.
10.E koalishon no ta promové un produkto òf programa spesífiko di redukshon di
peso òf maneho di peso.
Rekomendashon pa partisipá den e plataforma:
- Tin akseso na personanan ku peso di mas.
- Tin interes i ta komprometé ku yuda personanan ku peso di mas manehá nan peso
saludabel.
- Por duna un kontribushon signifikante.
- Ta dispuesto pa traha ku otro.
Trahando den e konseho / plataforma lo por haña aporte, idea i feedback di kada
miembro / organisashon. Asina envolví henter komunidat den forma di miembro lo
yuda enkurashá henter komunidat pa partisipá i envolví su mes, speshalmente e grupo
di enfoke esta e personanan ku peso di mas. Den kada organisashon menshoná tin
hende ku peso di mas ku por keda motivá pa partisipá. E koalishon di organisashonnan
lo krea e posibilidat pa alkansá mas persona ku peso di mas pa asina logra e meta i
ophetivonan di e Plan Nashonal pa Maneho Salú di Peso dor di Pensa Salú, Kome Salú
i Move Salú 2025.
Paso 3: Publisidat
Prensa.
Tur hende sa ku hende ta keda influensha dor di mensahenan di media, pa e motibu aki
media ta un miembro importante di e koalishon.
Hasta mester konsiderá si no ta na su lugá pa nombra un pèrsonahe di media pa ta e
bosero di e plataforma. Media por enfoká riba importansha di prevení ku hende lo bira
gordo dor di splika kontinuamente e balor di Pensa salú, Kome salú i Move salú tantu
serka mucha, mayornan i komunidat den su totalidat.
___________________________________________________________________________
Proposishon Plan Nashonal pa Maneho Salú di Peso: yanüari 2007, Melly Bergland
8

“ The Unforgettable Institute ”
Instituto Di Teknologia Pa Transformashon Di E Ser Humano
Menegrandeweg # 2 (p.o. Box 4479) tel.: 869-7733 / fax: 869-3275
____________________________________________________________________________________________
Publikashonnan relashoná ku Pensa salú, Kome salú i Move salú lo generá interes,
oumentá konsiensia, krea identifikashon ku e problemátika di peso di mas i lo reforsá e
mensahenan di e programa.
Algun akshon ku por skohe ta:
• Splika e nesesidat ku tin pa logra yega i mantené un peso salú.
• Oumentá konsiensia di komunidat i duna informashon tokante benefisionan di
Kome salú, Pensa salú i Move salú.
• Reunionnan i enkuentronan regular ku tur organisashon den e koalishon.
• Duna informashon tokante di fitness, di kushinamentu, kon lesa etiketa i kon hinka un
menú salú den otro, malesanan relashoná ku gordura etc.
E plataforma di e Plan Nashonal pa Maneho Salú di Peso lo mester implementá e
siguiente ophetivonan pa asina logra nan vishon pa na aña 2025 nos komunidat tin
máksimo 25 % di siudadanonan ku peso di mas.
Promoshon.
Pa promové visibilidat di konsiensia pa Pensa salú, Kome salú i Move salú lo ta bon pa
diseñá i distribuí materialnan di promoshon manera entre otro:
- Flyer
- Foyeto.
- Poster.
- Banner.
- Print riba bòter di awa.
- T-shirt.
- Opheto di promoshon.
Korant mensual / Newsletter.
Ta importante pa keda informá tur siudadano di e programanan, aktividatnan den i
progreso den bahamentu di peso. Por uza e korant pa duna informashon tokante
ingredientenan di kuminda, nivel di kolesteròl den vèt, resetanan etc. lo ta importante pa
splika mas tokante malesanan okashoná pa gordura i otro tópikonan relevante etc. E
korant aki lo mester bai pa siudadanonan via di miembronan di e plataforma pa asina e
informashon yega direkto i si por hasta splikashon di parti di e miembro di plataforma
ku lo mester ta na altura di e kontenido atraves di e Konseho. E korant lo yuda mantené
e programa bibu i keda den kontakto ku kada siudadano pa keda yuda hasi e
problemátika di peso di mas un echo permanente.
___________________________________________________________________________
Proposishon Plan Nashonal pa Maneho Salú di Peso: yanüari 2007, Melly Bergland
9

“ The Unforgettable Institute ”
Instituto Di Teknologia Pa Transformashon Di E Ser Humano
Menegrandeweg # 2 (p.o. Box 4479) tel.: 869-7733 / fax: 869-3275
____________________________________________________________________________________________
Paso 4: Aktividatnan.
Pa mantené tur suidadano envolví ta importante pa organisá eventonan públiko bou di
enkargo di e konseho. Kada evento ku keda organisá ta pa krea mas konsiensia di e
programa di Pensa salú, Kome salú i Move salú 2025.
· Lanta grupo di kana.
Kada partisipante den e koalishon por stimulá su miembronan pa lanta gruponan di
kana. Pa hasi esaki (bon) por uza e konosementu di hopi aña di organisashonnan di kana
manera Jolly Walkers i Go Fast. Kanamentu ta fásil, no ta rekerí invershon grandi i ta
duna resultado rápido. Pa hasi e proseso di lanta grupo di kana por introdusí un brochur
di kanamentu kaminda ta menshoná aspektonan di siguridat, kalentá, paña i kèts, ruta,
kon kana pa mas benefisioso i repartí esakinan pa tur partisipante pa nan na nan turno
entregá esaki na tur miembro di nan organisashon.
· Eventonan di baile / aerobics.
Organisashon di eventonan di e.o baile, aerobics i otro tipo di aktividatnan masal òf den
grupo chikí ta yuda haña nos komunidat moviendo. Leo Floridas tin eksperiensha ku
esaki tempu ku e ta hasi algu similar den SDK.
· Enkurashá komementu salú.
Tambe ta bon pa organisá aktividatnan huntu ku restorantnan pa ofresé menúnan i
platonan salú. Komo ehèmpel por promové un siman di sòpi, salada òf berdura kombiná
ku piska òf galiña, kuminda vegetariano, kuminda riku na fibra etc. Miembronan di
koalishon di komèrsio por duna un aporte supstansial den e evento aki.
· Demostrashon di kushinamentu.
Tin vários importadó di komestibel ku tambe por organisá demostrashon di nan
produktonan. Den e eventonan aki dietista i nutrishonista lo tin un ròl importante den
kon por plania i prepará kuminda salú lihé i fásil, ku ta abou na vèt i kaloria i ku ta
smak bon. Por kombiná eventonan di kushinamentu ku fitness. Ora demostrá
téknikanan pa kushiná salú ku no nesesariamente mester ta karu, lo duna komunidat
mas abilidat pa kome mas mihó, barata i salú.
· Desaroyá un kalènder di nutrishon i fitness pa pega na muraya.
Un kalènder lo yuda siudadanonan plania nan menú fásil ku kosto mas abou posibel.
Riba e kalènder por inkorporá resetanan salú i tep kon pa Pensa salú, Kome salú i Move
salú. Un kalènder pa henter aña por duna bon informashon i ta efektivo tokante reseta,
preparashon di e kuminda, sugerensha kon pa move mas.
___________________________________________________________________________
Proposishon Plan Nashonal pa Maneho Salú di Peso: yanüari 2007, Melly Bergland
10

“ The Unforgettable Institute ”
Instituto Di Teknologia Pa Transformashon Di E Ser Humano
Menegrandeweg # 2 (p.o. Box 4479) tel.: 869-7733 / fax: 869-3275
____________________________________________________________________________________________
Riba e kalènder por hasta pone e sekuensha di komementu pa duna mas konsiensia na e
sistema “H” di kome atraves e kür di Neuro Fitness ku ta enserá bebe, kome, ehersisio i
kambio den komportashon pa un mihó salú. Sra. Riedel di Bureau Maatschappelijk
Consulent ya a yega di produsí un kalènder similar.
· Oumentá konsiensia di resetanan salú.
Pa logra e ophetivo aki por organisá kòntèst di traha reseta ku ta stimulá un dieta salú.
Un kòntèst di reseta por ta agradabel i lo enkurashá siudadanonan pa ta envolví i
promové e mensahe di kome salú. Kada hende lo bira mas konsiente di reseta i
menúnan ku ta abou na vèt i kaloria. Un bes mas dietistanan i nutrishonistanan ta un
faktor importante pa husga e resetanan i skohe esnan ku ta mas salú i ku ta smak mihó.
Un aporte positivo den esaki por ta Angelica’s Kitchen i e kòkinan di hotèlnan ku a i sa
partisipá na eventonan lokal i den eksterior tokante resetanan ku nan mes a hinka den
otro.
· Distribushon di resetanan.
Den e koalishon di partisipantenan di e programa di e Plan Nashonal pa Maneho Salú di
Peso ta keda klaramente demostrá ku si tur organisashon duna nan aporte Kòrsou lo
pasa den un evolushon di kambio aselerá di redukshon gordura i malesa. Si tur
miembro di e koalishon distribuí resetanan na nan establesimentu i en todo kaso na
supermerkado, beauty-salon, sentronan di fitness, kantor di number, snèknan etc. nos lo
oumentá den un tempu relativamente kòrtiku e konsiensia tokante Pensa salú, Kome
salú i Move salú 2025.
· Materia na skol.
Mester konsiderá modifikashon di materianan na tur nivel di enseñansa pa duna
informashon tokante Pensa salú, Kome salú i Move salú. Ku esaki nos lo logra
konsientisashon kontinuo di generashonnan nobo ku lo sa di Pensa salú, Kome salú i
Move salú.
Paso 5: Finansa.
Ta klaramente konosí ku sin finansa no por ehekutá e Plan Nashonal pa Maneho Salú di
Peso. Salubridat ta responsabilidat primario di Gobièrnu pues na promé lugá gobièrnu
tin un ròl grandi den pone fondonan disponibel atraves di e.o. GGD i / òf supsidiá e
Plataforma pa Maneho Salú di Peso. Banda di gobièrnu i na di dos lugá e seguronan di
malesa e.o. BZV, SVB i Seguronan Privá lo tin benefisio direkto for di un redukshon di
peso i malesa. Gastu di gobièrnu i di seguronan lo baha drástikamente ora nos tin un
komunidat mas salú. Pues seguronan di malesa mester por duna un aporte supstansial na
e fondo di e Plataforma pa Maneho Salú di Peso. Na di tres lugá komersio por duna su
aporte finansiero den forma di pago pa aviso, spòt i propaganda den medionan di
komunikashon.
___________________________________________________________________________
Proposishon Plan Nashonal pa Maneho Salú di Peso: yanüari 2007, Melly Bergland
11

“ The Unforgettable Institute ”
Instituto Di Teknologia Pa Transformashon Di E Ser Humano
Menegrandeweg # 2 (p.o. Box 4479) tel.: 869-7733 / fax: 869-3275
____________________________________________________________________________________________
Por último i na di kuater lugá henter komunidat por aportá ku paga simbólikamente pa
artíkulonan ku tin uso regular e.o. kalènder, agènda, place-mat etc. E Plataforma pa
Maneho Salú di Peso lo keda enkargá ku e presupuesto i ehekushon di e plan final.
Paso 6: Midi i evaluá logronan.
E Plan Nashonal pa Maneho Salú di Peso mester keda someté na evaluashon kontinuo,
en todo kaso anual pa sa su progreso.
· Ahuste di e programa.
E proseso di evaluashon ta pèrmití pa identifiká kualke difikultat chikí i pa hasi ahuste
promé ku difikultatnan mayor presentá. Evaluashon ta pèrmití guia i kòntròl riba
budget, partisipante, material etc. Por último evaluashon i midimentu di logronan ta
pèrmití tur partisipante, miembro di koalishon i komunidat kompleto wak, eksperenshá
i realisá kiko e programa a logra kual ta imperativo pa e plan mayó aki keda mantené.
· Opservando e metanan.
Dor di keda opservá e ophetivonan ku nan ta alkansabel ketu bai lo yuda tene e
programa di Pensa, Kome i Move Salú 2025 riba e pista determiná. Dor di keda opservá
i haña feedback por resultá ku mester adaptá e programa pa kumpli ku e nesesidatnan di
komunidat.
· Rekapitulashon di e metanan.
- Oumentá konsiensia di e benefisionan di Pensa salú, Kome salú i Move salú.
- Suministrá komunidat general i personanan ku peso di mas ku informashon ku lo
yuda pensa, kome i move salú.
- Sostené aktividatnan aselerá di pensa, kome i move salú dor di fortifiká programanan i
- rekursonan eksistente.
· Guia i kòntròl di partisipantenan.
Sabiendo kuantu persona a registrá nan mes atraves di tur e miembronan di e
Plataforma pa Maneho Salú di Peso por monitor e progreso di efektividat di e mensahe i
guianan. Si e resultado, den registrashon i òf bahamentu di peso ta abou mester
konsiderá kambia e aserkamentu. Si e asistensha i bahamentu di peso ta haltu por uza e
éksito pa mehorá i apliká otro partinan di e programa di Salubridat ku gobièrnu a stipulá
pa asina GGD ehekutá.
Lokualnan mester keda evaluá ta e.o.:
· Kuantu grupo di monitor a keda instalá.
· Kuantu persona ku peso di mas ta partisipá den e programa di redusí peso.
· Kuantu siudadano a partisipá den eventonan públiko ku a keda organisá.
· Ku partisipashon ta bahando òf subiendo di peso i kiko lo mester hasi lo siguiente.
___________________________________________________________________________
Proposishon Plan Nashonal pa Maneho Salú di Peso: yanüari 2007, Melly Bergland
12

“ The Unforgettable Institute ”
Instituto Di Teknologia Pa Transformashon Di E Ser Humano
Menegrandeweg # 2 (p.o. Box 4479) tel.: 869-7733 / fax: 869-3275
____________________________________________________________________________________________
Resultado di e evaluashon por keda utilisá pa:
· Buska mas forma efektivo pa publiká e aktividatnan.
· Identifiká materialnan i rekursonan ku miembronan mester pa sirbi e komunidat mihó.
· Ripití aktividatnan ku tabata eksitoso i si ta nesesario eliminá o kambia aktividatnan
ku no a duna resultado.
· Revisá e ophetivonan kaminda ta nesesario pa alkansá e nesesidatnan di nos
komunidat
· Kompartí resultadonan ku miembronan, partisipantenan i henter komunidat i sigui
promové mihó salubridat pa Kòrsou.
Nifikashon di e slogan:
Pensa salú;
pa enkurashá hende/partisipante pa hasi kambionan chikí na
nan estilo di biba dor di siña, komprondé i ehekutá konosementu
nobo pa evitá malesa króniko, logra i mantené un peso salú pa asina
hiba un bida mas plasentero i duradero.
Kome salú;
Move salú;
pa enkurashá hende/partisipante pa kome produktonan
saludabel ku ta kontribuí na nan salú i bienestar en general i
distinguí bon nutrishon for di mal nutrishon.
pa enkurashá hende/partisipante pa kana, landa, subi seru,
kore baiskel, bai gym (fitness), baila etc. ademas pa
mantené múskulo, joint i órgano flèksibel, saludabel i
funshonando optimal.
Bo tambe ta dispuesto pa duna un aporte?
...............ami a tuma e promé paso.
Abo ta dispuesto pa sigui huntu i bira miembro di e
Koalishon Plataforma Maneho Salú di Peso?
___________________________________________________________________________
Proposishon Plan Nashonal pa Maneho Salú di Peso: yanüari 2007, Melly Bergland
13