You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
M O N T H L Y<br />
T H I N G S<br />
c r e a t e d b y<br />
f j o s w o r l d<br />
Issue #1<br />
July 2017
WELCOME
BEFORE<br />
Per ju<br />
WE BEGIN<br />
Përshëndetje njerëz,<br />
Me këtë fillim të këtij buletini mujor, kisha dashtë që sinqerisht me ju uru mirëseardhje dhe lexim sa ma<br />
t’këndshëm. Për mu është kënaqësi me nda me ju, lexues, copëza t’botës, ideve, eksperiencave, këshillave<br />
e imagjinatës sime.<br />
Këto ditë kam qenë sllave e kohës. Numëroja ditët deri sa ky buletin t’përfundoj, numëroja ditët deri sa<br />
përfundimisht t’vendosja për një orar të saktë të publikimit të postimeve dhe videove në Youtube.<br />
Krijimi, editimi, dizajnimi i këtij buletini ka qenë me t’vërtetë sfidues. Për javë të tëra unë jom ulë dhe kom<br />
kërku materiale të nevojshme, kom dizajnu, kom fshi/shtu, kom ri-mendu nëse buletini është gjëja e duhur..<br />
e shumë e shumë tjera.<br />
Koncepti i këtij buletini ka me qenë i thjeshtë. Çdo muaj kom me përmbledhë hulumtime në lidhje me<br />
shëndetin, kurioziteteve, ushtrimeve fizike, yoga’s, meditimit e gjanave tjera që kanë me u shtu herë pas here.<br />
Përpos hulumtimeve, ky buletin ka me përmbajtë poezi, ese apo shkrime personale si dhe recetat e mia të<br />
preferume. Natyrisht që secili shkrim ka me pasë një dozë individualiteti ose perspektivë personale ku besoj<br />
edhe ju keni me gjetë veten.<br />
Faleminderit që jeni pjesë e jetës edhe udhëtimit tim, dhe faleminderit që vazhdoni me tregu mbështetje,<br />
dashuri dhe energji positive. Si gjithmonë, shpresoj që brenda këtyre faqeve keni me gjetë njohuri të reja,<br />
lumturi ose introspektivë, ose edhe një dëshirë të madhe me vrapu mas gjanave që gjithmonë i keni ëndërru.<br />
Paqi ditë, javë, muaj e vit të mrekullueshëm.<br />
E juaja,<br />
Fjo
Ky qytet<br />
Ky qytet më mbyt<br />
Ky qytet m’jep jetë<br />
Ky qytet më ngjanë me një teatër,<br />
Se kur dritat fiken,<br />
Prap ky qytet flet.<br />
Ky qytet m’jep shpresë,<br />
Ky qytet më lodhë.<br />
Ky qytet më mbanë pezull<br />
Edhe kur andrrat m’i kthen në tokë.<br />
për prishtinën<br />
Ky qytet më ushqen,<br />
Ky qytet më ngordh urie,<br />
Ky qytet më jep kafe,<br />
Edhe atëherë kur më duhet më shumë dije.<br />
Ky qytet ka male t’mbulume me borë,<br />
E çati me tjegulla të kuqe,<br />
Ky qytet në verë lulëzon,<br />
E në vjeshtë struket prap në mure.<br />
Ky qytet nuk flen kurrë,<br />
Nuk e pranon humbjen,<br />
Ky qytet më rrëzon e ledhaton,<br />
E gjithmonë më mbyll në kujtime.<br />
f j o s w o r l d
Pizza Lulelakër<br />
Përbërësit<br />
Një kokë e mesme lulelakër<br />
1 ve<br />
Kripë<br />
Borzilok<br />
Biber i zi<br />
Niseshte (nutritional yeast)<br />
Oregano<br />
Pak hudër e grirë hollë<br />
Receta<br />
Opsionale: parmezan, mocarellë ose gjizë,<br />
dhe pak miell misri që mos t'ju ngjiten duart<br />
Përgaditja:<br />
Grini lulelakrën deri sa të jetë si e troshitur (i përafrohet masës së miellit). Pas kësaj, e merrni lulelakrën e grirë e vendosni<br />
me ni pecetë të paster edhe e shtrydhni deri sa uji që e ka lulelakra të largohet. Mundeni me provu edhe me nxe<br />
lulelakrën e grirë pak në mikrovalë e pastaj me shtrydh, si të doni. Pas shtrydhjes vendoseni brumin në një enë edhe aty<br />
i qitni t'gjithë përbërësit e lartëpërmendur deri sa ta formoni një konsistencë pak a shumë si brum normal. Merreni një<br />
tepsi jo fort t'madhe edhe vendosni letër për pjekje me pak pak vaj ulliri.<br />
Vendoseni brumin edhe ngjesheni deri sa të formoni formën e picës.<br />
Futeni në furrë edhe lejeni me u pjekë deri sa e shihni që ka fillu me u bo golden brown<br />
(përafërsisht 10-14 minuta).<br />
E nxerrni prej furrës, vendosni toppings çfaredo që keni dëshirë edhe e futni prap për 5 minuta në furrë.<br />
Sosi i gjelber:Gjysmë avokado, 1 domate, kripë e biber, pak ujë, borzilok, oregano dhe limon. Blend!
Librat që duhet t’i lexoni Patjetër<br />
Libra<br />
Ky libër i shpejtë e interesant<br />
për tu lexuar ka të bëjë me<br />
kulturën e Start-ups në New<br />
York, po gjithashtu ekzaminon<br />
gjeneratën tonë “millenials”<br />
në marëdhënie të ndryshme..<br />
Nëse ndonjëherë keni mendu<br />
se çfarë taktika, zakone, ide etj.,<br />
kanë njerëzit ikonë, të famshëm,<br />
të pasur, atëherë ky është libri<br />
për ju. Duke fillu prej palestrës e<br />
deri tek truri, ky libër ka gjithçka.<br />
.<br />
Ky libër është autobiografi e<br />
shkrimtares, por gjithsesi ja vlen<br />
të lexohet pasi që tregon jetën<br />
e saj plot sinqeritet, shpresë, dhe<br />
vetëdije. Kur gjithçka e bukur<br />
humbet për një sekond.<br />
Edhe pse në fillim kom mendu<br />
edhe vazhdoj me mendu se fjala<br />
“fuck” përdoret pak si shumë,<br />
ky libër ja vlen të lexohet për<br />
njerëz që thjeshtë “kujdesen”<br />
ose “give a fuck” për gjithçka.<br />
(myself included po une e kom lexu)<br />
Nëse jeni fans i misterit, intrigave,<br />
pasigurisë, humorit e shumë të<br />
tjera, lexojeni patjetër këtë libër.<br />
Seriali me po të njejtin emër nuk<br />
i afrohet libri. Besoj që s’keni me<br />
mujt me e lëshu prej dorës.<br />
Padyshim libri im i preferum i cili<br />
shtjellon tmerrin që shumë gra<br />
kaluan nga lufta në Afganistan,<br />
luftën dhe transmetimin e luftës<br />
përmes jetës së dy grave.<br />
Këtë libër nuk e kom lexu ende,<br />
po kom lexu që ka të bëjë<br />
me jetën e një neurokirurgu<br />
që diagnostifikohet me kancer e<br />
që mundohet me iu përgjigj<br />
pyetjes “Çka e bon jetën me<br />
vlerë?”<br />
“Outliers” janë ata njerëz që<br />
dallojnë prej turmës. Autori na<br />
dërgon me ni udhëtim intelektual<br />
plot hulumtime, storie suksesi,<br />
përjetim të rock grupeve e<br />
shumë tjera.
Benefitet e ujit me limon dhe uthull molle<br />
Kjo pije magjike është dicka që unë e pi dy ose tre herë në javë. Edhe pse mundeni me lexu<br />
shumë për benefitet e saj, besa me gjetë artikuj që j’u inkurajojnë me e pi çdo ditë,unë preferoj<br />
mos me e pi ma shumë se dy ose tre herë. Benefiti kryesor për mu është se kjo pije me t’vërtetë<br />
m’jep energji edhe ma jep ni fillim (boost) shumë t’shëndetshëm të ditës.<br />
Pse limon?<br />
Limoni është shumë i shëndetshëm për shkak të vitaminës C, edhe një dozë të mjaftueshme<br />
të potasiumit dhe magnezit. Përpos kësaj, me konsumu limon në mëngjes mundeni me vërejtë<br />
ndryshime në tretje menjëherë. Një studim i publikuar në American Journal of Clinical Nutrition<br />
tregon se si limoni, për shkak të antioksidantëve, ndihmon në lëkurë të shëndritshme dhe<br />
pa rrudha.<br />
Pse uthull molle?<br />
Uthulla e mollës njihet për fuqinë që ka për t’i liruar toksinat (detox) prej trupit. Përpos<br />
kësaj, uthulla e mollës mundet me ndihmu meshpejtu metabolizmin,<br />
me e ulë tensionin e gjakut,me i shëru ftohjet sezonale, me e mbytë<br />
kandidën (infeksioni candida) dhe me i rrit/përforcu<br />
probiotikët.<br />
Kur jeni sëmurë, çka me bo?<br />
E mira e kësaj pije është që mundeni me eksperimentu me të.<br />
Kur jeni sëmurë e keni nevojë për energji, mundeni me përdorë<br />
edhe xhenxhefil (ginger) edhe pak mjaltë. Gjithashtu,<br />
ndonjë ditë mundeni me përzi edhe me turmerik.<br />
Shendet<br />
MORNING BOOOOOOST!
Sekretet e flokëve të mia<br />
nuk jam unë, është schauma ime...not!<br />
1. I laj flokët rrallë (dy herë në javë)<br />
Mundet me tingëllu si dicka pa-lidhje, apo edhe e cuditshme, mirëpo shumë studime kanë tregu<br />
që larja e shpeshtë e flokve mundet me shkaktu lëkurën e kokës (skalpin)me i humb vajrat natyrale.<br />
Përpos kësaj, larja e shpeshtë e humb shkëlqimin e flokve. Për mu personalisht, larja ma e rrallë e<br />
flokve m’lejon edhe me eksperimentu me stile t’ndryshme pasi që kur fillojnë flokët me qenë ma të<br />
yndryshme filloj me qenë ma kreative për stile.<br />
2. Nuk përdori tharëse (fen, fem, whatever...)<br />
Nuk e di pse, mirëpo prej që kam qenë e vogël kom preferu me i lon flokët me u terë nga ajri,<br />
jo me tharëse. Ndoshta edhe jom frikësu prej zhurmës së fenit? Kush e di...<br />
3. një herë n’dy javë i shpërlaj flokët me uthull molle<br />
Benefitet e uthullës nuk kanë të ndalur. Me i la flokët me uthull molle, skalpi i kokës ka me u pastru prej<br />
baktereve, lehtëson krehjen, stimulon flokët me u rrit etj. Provojeni, edhe mos u frikësoni se era e<br />
uthullës nuk mbetë në flokë.<br />
4. Nuk shpenzoj shumë në shampon, përdori shampon herbal (me hitha)<br />
A keni ide ata shamponat që janë t’gjatë, t’gjelbër edhe që nuk duken aspak atraktiv si brend? Mundeni<br />
me i gjetë me emra si Herba, Hitha etj etj...<br />
5. përdori maska natyrale (homemade, diy)<br />
Kuzhina është hapësirë arti. Të gjitha përbërësit që keni, duke fillu prej vesë, kosit, vajit, avokados,<br />
cimetit, uthullës, limonit etj etj., mundeni me i kombinu për me bo maska të mrekullueshme për flokë.<br />
Përpos faktit që i krijoni vet këto maska, gjithashtu kurseni pare në maska të shtrenjta.<br />
Keshilla
Inspirimi për fitness<br />
Fillo lehtë<br />
Pa marrë parasysh se ku keni fillu me gjetë inspirimin për ni jetë ma aktive, kurrë mos mendoni se<br />
FITNESSI = GYM. Ngritja e aktiviteti në jetën tuaj mundet me fillu prej ecjeve të lehta rreth lagjes<br />
duke dëgju Podcasts t’mrekullueshme që mundeni me i gjetë falas. Pastaj mundeni me ngritë aktivitetin<br />
duke fillu me u marrë me Yoga, me vrapim të lehtë në gërmi, ose thjeshtë me gjana ma të vogla.<br />
bone interesant<br />
Edhe pse pak qesharake, une pata fillu me fitness në shpi duke bo squats edhe planks deri sa<br />
uji për çaj të vlonte. Shoqet kanë bo shumë hajgare me mu kur ju kom tregu qe nganiherë boj<br />
edhe “lunges” prej sallonit në kuzhinë. Po nejse, përpos kësaj, mundeni me shiku video të<br />
ndryshme në internet për Zumba, Samba, Hip-hop, Kick-box e shumë të tjera ushtrime që shpejtojnë<br />
rrahjet e zemrës për shkak të lëvizjeve “plyometric” ose qysh unë kom qef me i qujtë si lëvizje<br />
kundër-gravitacionale. Hehe, haha!<br />
Para gjumit<br />
50 Jumping jacks<br />
10 squats<br />
5 push-ups<br />
30 second plank<br />
Çka sygjeroj unË<br />
30 sekonda me litarë (pusho 10 sekonda, përsërite 4 herë)<br />
Zgjatu dhe fokusohu në frymëmarrje për 3 minuta<br />
pas gjumit<br />
Fitness<br />
zgjatje të muskujve 2 minuta<br />
50 jumping jacks<br />
5 burpees<br />
10 squats<br />
10 lunges (secila këmbë)<br />
meditim 3 minuta<br />
YOUTUBE accounts to Follow<br />
Popsugar Fitness<br />
Yoga with Adriane<br />
Blogilates<br />
Tess Begg<br />
Sarahs Day<br />
The Body Coach
Artists I love & Adore<br />
Liridona Abdullahu<br />
Facebook Page: Liridona Abdullahu Artwork<br />
show some support and love :)
see you soon.<br />
f j o s w o r l d<br />
copyright all rights reserved