You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
DIASPORA<br />
NË SHBA<br />
Shtresa më e hershme e diasporës shqiptare në ShBA janë arbëreshët<br />
dhe pas tyre emigrantët ekonomikë që migruan në ShBA në periudhën<br />
midis Luftës së Parë dhe Luftës së Dytë Botërore. Shtresa e tretë<br />
përbëhet nga emigrantët politikë që emigruan pas Luftës së Dytë Botërore<br />
dhe vendosjes në Shqipëri të regjimit komunist. Shtresa e katërt përbëhet<br />
nga emigrantët kosovarë dhe nga viset e tjera të ish Jugosllavisë, të cilët<br />
migruan pas vitit 1971. Shtresa e pestë përbëhet nga shqiptarët që u<br />
vendosën në ShBA pas vitit 1990, nëpërmjet Lotarisë Amerikane dhe<br />
bashkimit familjar. Ndër figurat me kontribut politik-atdhetar dhe kulturor<br />
janë Fan S. Noli, Faik Konica etj. Shoqatat shqiptare në ShBA si “Vatra”,<br />
ndihmuan bashkimin e emigrantëve shqiptarë, ruajtjen e ndjenjës<br />
kombëtare, hapjen e shkollave, botimin e librave shqip, mbështetën luftën<br />
për liri e pavarësi, kundërshtuan ndërkombëtarisht copëtimin e<br />
Shqipërisë, dhe kontribuan në Autoqefalinë e Kishës Ortodokse në<br />
Shqipëri. Diaspora shqiptare mori zemër pas Konferencës së Versajës, në<br />
1919, kur qeveria e ShBA-së u shpreh hapur për të drejtën e popujve të<br />
vegjël për vetëvendosje. Pas këtij viti filloi kontributi i veçantë i ShBA për<br />
mbrojtjen e të drejtave të shqiptarëve, kontribut i cili erdhi duke u rritur deri<br />
në ditët e sotme. Në dekadat e para të shekullit XX, diaspora shqiptare e<br />
ShBA-së ishte një diasporë e përfaqësuar. Fan S. Noli ishte deputeti i saj<br />
në parlamentin e Shqipërisë. Aktualisht diaspora shqiptare në ShBA është<br />
një lobiste e fuqishme pranë qeverisë dhe institucioneve amerikane në<br />
mbështetje të zhvillimit dhe demokratizimit të Shqipërisë, Kosovës dhe<br />
çështjeve të tjera të shqiptarëve në rajon. Diaspora shqiptare në ShBA<br />
ruan dhe zhvillon traditat kulturore kombëtare dhe konkurron denjësisht<br />
në veprimtaritë artistike kombëtare në Shqipëri.<br />
16