10 қыркүйек, 2019 жыл №103 (15423)
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
2 <strong>10</strong> <strong>қыркүйек</strong>, сейсенбі, <strong>2019</strong> <strong>жыл</strong><br />
АҚПАРАТ<br />
САРЫАРҚА САМАЛЫ<br />
ҚҰРЫЛЫС<br />
Жақында Павлодар қаласында түрлі түсті,<br />
бағасы қолжетімді, жеңіл кірпіштер шығарыла<br />
бастайды. Өндірістегі жұмыстардың дені автоматты<br />
түрде жүргізілетіндіктен, ірі зауытта<br />
небары алты адам жұмыс істейтін болады.<br />
Түрлі түсті<br />
кірпіш шығарады<br />
Құндыз ҚАБЫЛДЕНОВА<br />
«Hagi-Павлодар»<br />
жауапкершілігі шектеулі<br />
серіктестігі қазірдің өзінде<br />
қызыл кірпіштер дайындап,<br />
оларды тұрғын үй құрылысында<br />
пайдаланады.<br />
Ал келесі <strong>жыл</strong>дан бастап<br />
кірпіштің өзге түрлерін<br />
шығаруды да қолға алмақ.<br />
Компанияның директоры<br />
Георгий Шпейзердің айтуынша,<br />
елімізде заманауи<br />
үлгідегі мұндай кәсіпорын<br />
жоқ.<br />
- Қазіргі кезде кірпіштердің<br />
біреуінің салмағы -<br />
шамамен 6 келі. Сондықтан<br />
жұмыс барысында қиындықтар туындап жатады. Ал біздің<br />
кірпіштің салмағы небары 3,5 келі болмақ. Оған қоса, оны<br />
тапсырыс берушінің қалаған түсіне бояу мүмкіндігі қарастырылады.<br />
Осылайша, облыс нарығына бағасы небары 40-45 теңге<br />
болатын арзан әрі сапалы өнім ұсынамыз. Айына 3 млн. дана<br />
кірпіш шығару жоспарланып отыр. Одан бөлек, кеспетас,<br />
тротуарлық плита, жиектес дайындаймыз, - дейді Г.Шпейзер.<br />
Бүгінгі күні тиісті құралдардың басым бөлігі Германиядан<br />
жеткізілді. Алдағы 20 күн аралығында қажет жабдықтың<br />
барлығы әкелінеді. Айта кетерлігі, кәсіпорындағы жұмыстың<br />
денін роботтар автоматтандырылған түрде атқармақ. Сондықтан<br />
көп жұмыс орнын ашудың қажеті болмайды. Зауыт басшылығы<br />
бар-жоғы алты адамды қызметке қабылдамақ.<br />
Облыс әкімі Болат Бақауов жергілікті компанияға қолдау<br />
білдіріп, құрылыс барысында павлодарлық кірпішке басымдық<br />
беру қажеттігін айтты.<br />
- Алдағы уақытта Екібастұз қаласында 50, Ақсуда 50 және<br />
Павлодарда <strong>10</strong>0 үй салынбақ. Сондықтан кірпішке сұраныстың<br />
арта түсері анық, - деді аймақ басшысы.<br />
Айта кетелік, «Hagi-Павлодар» серіктестігі тұрғын үй<br />
құрылысында қолданылатын материалдардың 95 пайызы –<br />
жергілікті өнім. Таяуда аталмыш кәсіпорын цемент зауытын<br />
салмақ. Сол кезде павлодарлық үлес <strong>10</strong>0 пайызға жетеді.<br />
Сонымен қатар, аймақ басшысы «Спорт сити» жобасы<br />
аясында салынып жатқан спорттық нысандардың құрылыс<br />
барысын аралап, тексеріп шықты. Мұнда олимпиадалық резерв<br />
дайындау орталығы, мұз айдыны және жабық манеж бой<br />
көтермек. Құрылысшылардың айтуынша, жұмыстар кестеге<br />
сәйкес, еш қиындықсыз жүргізілуде. Енді жергілікті билік футбол<br />
клубына автобус сатып алу және спортшыларға жатақхана<br />
салу мәселесін қарастырмақ.<br />
Басы 1-бетте<br />
Жылу беруге дайын<br />
Құндыз ҚАБЫЛДЕНОВА<br />
Аймақ басшысы алдымен Ақсу<br />
ферроқорытпа зауыты, «Еуроазиаттық<br />
энергетикалық корпорациясы» АҚ<br />
қазандықтарының жұмысын тексерді.<br />
Мұндағы мамандар әлеуметтік<br />
нысандар мен көпқабатты үйлердің<br />
<strong>жыл</strong>уға уақытылы қосылуы үшін бел<br />
жазбай еңбек етуде. Тіпті, олардың<br />
қатарында нәзік жандылар бар.<br />
Мәселен, үшінші дәрежелі электр<br />
слесары Гүлнар Шүленова Ақсу электр<br />
станциясында ширек ғасырға жуық<br />
жұмыс істейді.<br />
- Менің жолдасым Ақсу ферроқорытпа<br />
зауытында, қызым осы<br />
кәсіпорында қызмет атқарады.<br />
Сондықтан зауыттың жұмысы<br />
отбасымызға таңсық емес. Ерлермен<br />
қанаттаса еңбек етудің еш қиындығы<br />
жоқ. Біздің цехта <strong>10</strong>-ға жуық нәзік<br />
жандының болуы – соның дәлелі. Ал<br />
менің міндетім – электр желілерінің<br />
үздіксіз жұмыс істеуін қамтамасыз<br />
ету. Сол арқылы құралдардағы<br />
температураны бақылаймын. Жылу<br />
станциясының жұмысы температураға<br />
тікелей байланысты болғандықтан,<br />
жауапкершілік жүгі де ауыр. Соған<br />
қарамастан мен өз ісімді жақсы<br />
көремін, - дейді Г.Шүленова.<br />
Бұдан соң Б.Бақауов Павлодар<br />
қаласындағы үш <strong>жыл</strong>у-электр<br />
орталығының жұмысын пысықтады.<br />
Айталық, «Қазақстан алюминийі» АҚ-на<br />
қарасты №1 ЖЭО қыста қиындық<br />
туындамас үшін бірнеше агрегатты<br />
жөндеді.<br />
- Биыл үш қазандық агрегатын<br />
жөндеу жоспарланған. Қуаттылығы<br />
сағатына 420 тонна бу болатын екеуі<br />
жөнделді. Ал қуаттылығы сағатына<br />
320 тонна бу өндіретін тағы бір<br />
қазандық агрегатында жұмыстар әлі<br />
аяқталған жоқ. Жөндеу жоспарланған<br />
екі турбоагрегаттың біреуі қолданысқа<br />
берілді, екіншісі жөнделуде. Жоспарға<br />
сәйкес, тиісті жұмыстар қараша айында<br />
аяқталады. Жалпы, біздің станцияда<br />
350 МВт электр энергиясы мен<br />
1 мың гигакалорийден астам <strong>жыл</strong>у<br />
өндіріледі, - дейді №1 ЖЭО бас<br />
инженері Дмитрий Захаров.<br />
Аймақ басшысы екі қаладағы<br />
орталықтардың дайындығына оң<br />
баға берді.<br />
- Жылу-электр станцияларының<br />
биылғы дайындығы былтырғыдан<br />
жақсы. Павлодар мен Ақсу қалаларындағы<br />
орталықтар 15 <strong>қыркүйек</strong>тен<br />
бастап <strong>жыл</strong>у беруге дайын.<br />
Ешқайсысында күрделі мәселе жоқ,<br />
жұмыстың барлығы белгіленген кестеге<br />
сәйкес жүргізілуде. Ал Павлодар<br />
қаласында шамамен 400 үй ыстық<br />
сусыз отыр. Бұл мәселе алдағы<br />
<strong>10</strong> күн ішінде шешіліп, келесі<br />
аптадан бастап барлығы ыстық<br />
суға қосылады, - деді Б.Бақауов.<br />
Сонымен қатар, №3 <strong>жыл</strong>у-электр<br />
орталығында <strong>жыл</strong>у маусымына жауапты<br />
кәсіпорындар өкілдерінің қатысуымен<br />
жиын өтті. «Павлодар <strong>жыл</strong>у желілері»<br />
ЖШС директоры Марат Иманаевтың<br />
Резервке алынғандардың асуы биік<br />
айтуынша, биыл 9,2 шақырым желіні<br />
күрделі жөндеу жоспарланған. Осы<br />
уақытқа дейін оның 8 шақырымы<br />
жөнделді. Сынақтар кезінде<br />
150 ақау анықталды.<br />
- Ақаудың көп болуы салдарынан<br />
күрделі жөндеу жұмыстары<br />
мерзімінен сәл кешігуде. Оған қоса,<br />
асфальт төсейтін мердігерлік компаниялар<br />
жұмысына салғырт қарайды.<br />
Сондықтан өзімізге тиісті техникаларды<br />
сатып алып, асфальтті<br />
төсеуге тура келіп отыр, - дейді<br />
М.Иманаев.<br />
Бұл ретте Болат Жұмабекұлы<br />
«Павлодар-Водоканал» ЖШС жөндеу<br />
жүргізген соң жол жабындысын қайта<br />
қалпына келтірмейтінін сынға алып,<br />
тиісті жұмысты 15 <strong>қыркүйек</strong>ке дейін<br />
аяқтауды тапсырды.<br />
Облыстық энергетика және<br />
тұрғын үй-коммуналдық шаруашылық<br />
басқармасы басшысының міндетін<br />
атқарушы Мұрат Әбілқалықов қатты<br />
отынмен қамту шаралары туралы<br />
баяндама жасады. Аймақтың<br />
бюджеттік ұйымдарына 135,6 мың<br />
тонна көмір керек екен. Бүгінгі<br />
күнге дейін оның 27,5 мыңы тиісті<br />
жерлерге жеткізілді. Тек Баянауыл<br />
ауданында бұл бағыттағы жұмыс<br />
әлі күнге дейін қолға алынған жоқ.<br />
Сондай-ақ, Павлодар, Екібастұз және<br />
Ақсу қалаларындағы бюджеттік<br />
мекемелердің <strong>жыл</strong>у үшін қомақты<br />
қарызы бары белгілі болды. Аймақ<br />
басшысы аталған мәселелерді <strong>жыл</strong>у<br />
маусымы басталғанға дейін шешуді<br />
қатаң тапсырды.<br />
МЕМЛЕКЕТТІК ҚЫЗМЕТ<br />
Суреттерді түсірген - Валерий Бугаев.<br />
Елі үшін еңбек етуге әзір, креативті ойы бар, жасы 35-тен<br />
аспаған, жоғары білімді Қазақстан азаматтары биліктегі биік<br />
орындардан үміттенуіне әбден болады. Ол үшін Президенттік<br />
жастар кадрлық резервіне іріктеуден өтуге ұмтылу қажет. Айта<br />
кетейік, іріктеу елімізде ағымдағы аптада басталды.<br />
Гүлжайна ТҮГЕЛБАЙ<br />
Бұл жөнінде ҚР Президенті жанындағы<br />
мемлекеттік басқару академиясының облыстық<br />
филиалы директоры Гүлнәр Исенова өңірлік<br />
коммуникациялар қызметінде өткен брифингте<br />
мәлім етті. Президент Қ.Тоқаевтың Жолдауының<br />
негізгі бағыттарына арналған жиында жастар<br />
резервіне қабылдау талаптары айтылды.<br />
- Президент сайлауалды бағдарламасында<br />
президенттік жастардың кадрлық резервін<br />
құру айтылған еді, міне, енді іріктеу басталып<br />
кетті. Қазіргі таңда еліміз бойынша 2370<br />
азамат тіркеліп, оның 132-сі бірінші кезеңнен<br />
өткен. Бұл резерв еңбек етуге ынталы<br />
жастарға мол мүмкіндік береді. Өткендер<br />
резервте бес <strong>жыл</strong> тұрады. Олар шетінен<br />
жоғары лауазымдарға ұсынылатын болады, -<br />
дейді спикер.<br />
Жалпы, бұған дейін жүзеге асқан<br />
А корпусына іріктеу жұмыстарынан жастардың<br />
кадрлық резервіне қабылдаудың өзгешелігі<br />
көп көрінеді. Резервте тұрып, басқарушы<br />
орынға жайғаса алмаса да, кем дегенде<br />
академиядан оқудан өтіп, біліктілігін арттыруға<br />
мүмкіндік алады. Үміткердің жоғары білімі,<br />
кем дегенде бес <strong>жыл</strong>дық еңбек өтілі болуы<br />
тиіс. Ол туралы бір немесе үшке дейін<br />
оң мінездеме берілуі тиіс. Мұны саяси<br />
қызметшілерден бөлек, жас азамат еңбек<br />
ететін мекеменің басшысы да жазып беруге<br />
болады. Резервке енгендер басқарушылық<br />
деңгейдегі лауазымдардан дәмете алады.<br />
Орталық мемлекеттік органдарда да, салалық<br />
деңгейде де, яғни, министрлер, вице-министрлер,<br />
комитет төрағалары, квазимемлекеттік<br />
секторда басшылық қызметтерге орналаса<br />
алады.<br />
Жас азаматтар PKRezerv.kz онлайн-платформасына<br />
кіріп, аты-жөнін, ЖСН енгізгеннен<br />
соң жеке кабинет ашылады. Міне, осы жерге<br />
өзі туралы қажетті ақпараттарды толтырады.<br />
Бұл – бірінші кезең. Мұның бәрін<br />
кандидат үйінде отырып-ақ тындыра алады. Ал<br />
екінші кезеңде тестілеуден өтеді. Бұл ретте,<br />
үміткерлердің білімінен гөрі, креативті ойлау,<br />
талдай білу қабілетіне мән беріледі. Яғни,<br />
күрделі мәтіндік және сандық ақпаратпен<br />
жұмыс істей алу қабілеті тексеріледі. Мұнда<br />
да үйдегі веб-камерасы, <strong>жыл</strong>дамдығы<br />
5 мегабайттан асатын интернеті бар компьютерден<br />
жауап беріледі. Үшінші кезеңде<br />
кандидаттар эссе жазып, ойын жетік әрі<br />
жүйелі жеткізу қабілетін көрсетеді. Сонымен<br />
қатар, 5 минут ішінде онлайн арқылы жоба<br />
қорғайды. Ол идеясы алдағы уақытта белгілі<br />
бір аудан-қаланың, еліміздің қандай бір<br />
мәселесін оңалтуға бағытталуы тиіс. Онлайнплатформа<br />
толық цифрландырылған.<br />
Сондықтан, нақты кандидаттың өзі<br />
екенін тексеруге мүмкіндік бар көрінеді.<br />
Осы кезеңдерден сүрінбеген жас азамат<br />
төртінші кезеңде эксперттік комиссияның<br />
алдына барады. Комиссия әрбірімен сөйлесіп,<br />
іріктеп, ары қарай Президент әкімшілігі<br />
жанындағы кадрлық резерв жөніндегі Ұлттық<br />
комиссияға жолдайды. Міне, осында жоғары<br />
балл алғандарды Президенттік жастар<br />
кадрлық резервіне қабылдау турасында<br />
шешім қабылданады.<br />
Ал ҚР Мемлекеттік қызмет істері агенттігінің<br />
облыс бойынша департаментінің<br />
басшысы Тоқтамыс Жұмағұлов Президенттің<br />
Жолдауындағы өз саласына қатысты негізгі<br />
тұстарға тоқталды. Яғни, келесі <strong>жыл</strong>дан бастап<br />
бес <strong>жыл</strong> ішінде мемлекеттік қызметшілер<br />
мен ұлттық компаниялар қызметкерлерінің<br />
25 пайызға қысқаратынын сөз етті. Бұл<br />
бағытта жұмыстар жүргізілуде. Айтуынша,<br />
облысымызда бүгінде 3 мыңнан астам азамат<br />
жергілікті атқарушы қызметте еңбек етеді.<br />
Бұл салада <strong>10</strong> пайыз жұмыс орны бос тұр.<br />
Тіпті, кейбірінде одан да жоғары. Мәселен,<br />
Успенде мемлекеттік қызметшілер орнының<br />
28 пайызы, Шарбақтыда 18 пайызы бос<br />
көрінеді. Қысқарту кезінде бос орындарға<br />
мән беріледі, деді Т.Жұмағұлов. Сондай-ақ,<br />
үнемделген қаржы қызметшілердің еңбегін өсіріп,<br />
ынталандыруға, мекемелердің материалдықтехникалық<br />
базасын жақсартуға жұмсалатынын<br />
айтты. Жергілікті атқарушы органдардың<br />
жұмысын халық бағалайтын жүйе қолға<br />
алынатыны белгілі. Бұл ретте, спикер пилоттық<br />
жоба ретінде бірнеше өңір таңдалып, содан<br />
кейін нәтижелі болса, жаппай енгізілетінін<br />
атап өтті. Сыбайлас жемқорлық қылмыс<br />
жасалған мекеменің бірінші басшысының<br />
жауапкершілігі заңнамалық негізде бекітілетінін<br />
де тілге тиек етті.