Chalchihuicozcatl

31
Totahtzin Ahacatl Capoztic
¡Oh, Tohueyitahtzin,
Capoztic ahacatl!
tlin chanti
campa cecetl chanti,
nican nitimitznotza
ixcahci totlayocoliz,
tohuentli,
nican ixtlali moxochitzin,
mocopaltzin, mopopotzin,
mopiyotzin, motlahuitzin,
motlacualtzin, motamaltzin,
tixcahci maca ticualani,
nican tiquittazqueh
pan mochan,
techpalehuizqui pan tonemiliz,
totequitl,
totechpalehuiz,
ixcuaqui momoxtlin
tocepan ica moicniuh.
¡Yeh Hueyitahtzin
Chichiltiahacatl!
ixtechmaca moquiyahuitzin,
inic tlaoncah tlayoltzin,
yetzin, ayohtlitzin,
ixcahci tohuentli,
ixtitlacua totahtzin.