Chalchihuicozcatl

57
Huentli in tecuani
Quizaquih atzicuinihticah,
tzicuinitemohua ompa
tepepetlan, tecorralmeh, tepanotin.
Tzicuinimixtimeh.
Tecuanxoxoqui - tlacololeroh.
Ocelochichiltic - tlacamihtontimecohtzin.
Tecuancoztic - tlacamihtontiyolcameh.
Ocelochichilcozti - tlacatzicuinimeh.
Ompa chinancomeh
xoxoquitlaquentia,
in tlacatequitotahtzin,
in tlacatzintli,
in cihuatzintli,
in conetzintli,
yeh huentlia yelomeh
on ocelomeh,
Pipiltzin inon yolcameh,
Tahtzin tlin tlapachoa
tomilmeh,
motzahtzi, momotelo,
ixconcuititzique nemiliztli,
chicahualiztli.
¡Oh, nonitzin!
ilhuicatecuani,
tlaltecuani,
tihuallahticah totochan,
yeh titahhuan – tecuani,
yeh titahhuan - nahhua,
nahhua - tahhua,
teotequitl cuacualtzin,
conelhuatl ye huehuehca.