Birba_#8_ValBadia

2 INFORMAZIUNS
Novités
SOLAR
ORBITER
Le Solar Orbiter é n satelit
che jora scialdi dlungia le
Sorëdl y al registrëia por
le pröm iade dac sön sü
pols. Al á na larghëza de
18 metri y pësa 1800 chili.
Tratan la misciun abinel adöm
informaziuns y imajes che i
scienziá adorará por capí dami le Sorëdl y
mioré les previjiuns metereologiches dl univers.
Al é gnü mené sö dal Kennedy Space Centre
a Cape Canaveral tla Florida ai 10 de forá 2020
y al s’anüza dla forza de gravité dla Tera y de
Venus por davagné velozité y ti rové pormez
al Sorëdl. Le veicul spazial ne funzionëia nia
zënza eletrizité. Por generé eletrizité che al
adora, ál da entrames les perts tofles solares.
Canche le satelit röia dlungia le Sorëdl,
mësseres ester posizionades ceches por
che ares ne se scialdes nia sö de massa.
LE POPUL MENÉ DALES ËRES
Desman, tl desert dl Sahara, vir le popul di
tuareg. I tuareg á mantigní süa manira de vire
por secui jon fora por le desert y fajon na vita
da nomag. Impó é iadô süa vita tradizionala, na
sozieté progressista te chëra che les ëres é les
patrones di pastorëc de camei y de bisces y
dles ciases. Tla sozieté di tuareg ne porta nia
les ëres le slaier tradizional, mo i ëi.