Create successful ePaper yourself
Turn your PDF publications into a flip-book with our unique Google optimized e-Paper software.
Therese Bam
“Ek besef die
kosbaarste goed
wat ‘n mens het is
tyd, vriendskappe
en familie!”
EK GLO VAS IN DIE RITME VAN DIE LEWE
Therese Bam het werklik geen bekendstelling nodig nie. Sy is reeds vir
die afgelope 17 jaar in die vemaaklikheidsbedryf as aktrise, aanbieder en
stemkunstenaar.
Therese het in duisende Suid Afrikaners se harte gekruip as Katryn Bekker
in “Song vir Katryn”, Riette Durandt in “7de Laan” en mense warm onder
die kraag gehad as Astrid in “Villa Rosa”. Maar dit is haar rol as Cherise
van Tonder in “Home Affairs” op SABC 1 wat haar ‘n Golden Horn en
Saftatoekenning vir beste ondersteunende aktrise besorg het.
Therese het onlangs ook ‘n draai in die sepie “Suidooster” gemaak. Sy
vertolk die rol van Glenda – ‘n effense opportunis. Sy weet hoe om op
mense se gevoelens te speel vir finansiële gewin.
Benewens haar nuwe rol in “Suidooster”, is Therese ‘n aanbieder van die
gewilde TV-program Kwêla.
Vir die afgelope 5 jaar was sy voltyds werksaam as inhoudsvervaardiger
en veldaanbieder by kykNET se Kwêla waar sy die land deurkruis het. As
aanbieder het sy gesels met presidente, skoonheidskoninginne en
gewone Suid- Afrikaners, oor hul lewens en wat hulle so uniek maak.
Van die onderhoude wat die grootste indruk op Therese
gemaak het was gewone mense wat ten spyte van trauma
aanhou veg, hul omstandighede aanvaar en boonop ander
mense help. “Daardie mense wat jou laat skaam kry
omdat jy enigsins oor jou eie lewe kla. Dis mense wat jou
baie nederig maak maar ook dankbaar maak vir wat jy het.
Hul stories gee jou perspektief”.
“Ek het geleer om my mening te oorweeg – om anders na
mense te kyk en nie so maklik te kritiseer of menings te
vorm, voor ek nie die storie ken nie. Ek het geleer om
myself uit te daag om anders na dinge te kyk, dat jy
mense eers ‘n kans moet gun”.
- MOTTO -
“Ek is konstant bewus daarvan dat die lewe kort
is. Alles wat jy doen in die lewe is ‘n keuse. Dit is
belangrik dat jy kies wat goed is vir jou”.
Op ‘n persoonlike noot…..
As sy nie voor die kameras
is nie, is sy lief daarvoor om
in Houtbaai te draf, joga te
beoefen en nou en dan perd
te ry.
Om by die huis te wees en
die deur toe te maak
(sonder grimering of fancy
hare), lekker te lees of die
kombuis in te vaar met 'n
resep vir kos of gebak en 'n
glas wyn, is vir haar
kosbare tye.
PERFEKTE KEUSE VIR MOTIVERINGSPREKER of SEREMONIEMEESTER
As motiveringspreker deel Therese Bam haar persoonlike pad van uitdagings, groei en selfaanvaarding, in ‘n
eerlike praatjie. Waar begin n mens as jy op 43 van vooraf ‘n loopbaan moet loods? As jy skielik besef jy is wees,
en jou grootste begeerte om sélf ‘n ouer te word, nie realiseer nie? Hoe maak ’n byna middeljarige vrou vrede met
‘n onsekere wêreld wat skielik op sy kop gekeer is? Therese se beste raad: “Dit is goed om uit te kyk vir jouself, en
eerlik te wees daaroor dat jy ‘n keuse het. JY mag kies wat jou gelukkig maak en vir jou werk. En om nie so hard
op jouself te wees nie…… as ma’s, as dogters, as vrouens, en as vriendinne”.
Therese se reise as onderhoudvoerder reg oor die land en buite sy grense maak van
haar ‘n uiters ervare seremoniemeester. Sy is vlot in Afrikaans en Engels en beslis die
regte keuse om van jou funksie ‘n groot sukses te maak!!
BESPREKINGS & NAVRAE: Artist Warehouse CC
Tel: 0860 278 478
Sel: 083 300 5447 (Nelius Ferreira)
Epos: info@artistwarehouse.co.za
Web: www.artistwarehouse.co.za