az_ПРАВИЛА_ПРОВЕДЕНИЯ_И_УСЛОВИЯ_УЧАСТИЯ_В_АКЦИИ_B2S_18_08_2020_edited
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
«Back to School» stımullaşdırıcı Lotereyasının keçirilmə qaydaları və iştirak şərtləri.
1. Stimullaşdırıcı Lotereyanın adı: «Back to School» (bundan sonra – «Lotereya»).
Lotereya «SNICKERS®», «TWIX®», «BOUNTY®» ticarət markasına aid aşağıdakı şokolad batonları
ilə əlaqədar keçirilir:
• xalis çəkisi 50,5 qram olan qablaşdırmada SNICKERS®;
• xalis çəkisi 55 qram olan qablaşdırmada TWIX®;
• xalis çəkisi 55 qram olan qablaşdırmada BOUNTY®;
2. Lotereyanın təşkilatçısı "C141" (Si 141) Məhdud Məsuliyyətli Cəmiyyətidir (Yerləşdiyi ünvan: AZ1025
Bakı, Azərbaycan, Babək pr-ti, Ələddin Quliyev küç., 1131-ci məhəllə, Babək plaza, ofis B6-06).
3. Lotereyanın keçirildiyi ərazi - Azərbaycan Respublikasıdır;
4. Lotereyanın keçirildiyi ümumi müddət - 15 sentyabr 2020-ci il tarixindən 15 oktyabr 2020-ci il
tarixinədək (bundan sonra - "Lotereyanın keçirilmə müddəti" adlandırılır).
DİQQƏT: Lotereya ilə əhatə olunan «SNICKERS®», «TWIX®», «BOUNTY®» ticarət markalarına aid
batonların qablaşdırmalarının üzərində göstərilən müddətlərdən asılı olmayaraq 15 sentyabr 2020-ci il Bakı
vaxtı ilə saat 00.00-dan etibarən 15 oktyabr 2020-ci il Bakı vaxtı ilə saat 23.59-dək (bundan sonra -
"Lotereyada iştirak üçün ərizələrin qəbulu dövrü" adlandırılır) Lotereyanın iştirakçısı olmaq olar:
5. Lotereyada aşağıdakı şəxslər iştirak edə bilər:
5.1. Lotereyanın keçirildiyi müddətdə Azərbaycan Respublikası ərazisində yaşayan, hüquqi səlahiyyətli
Azərbaycan vətəndaşları:
5.2. Azərbaycan Respublikasının ərazisində doğulmuş, valideynləri Azərbaycan Respublikasının
vətəndaşları olan, aksiyanın keçiriləcəyi anadək 13 (on üç) yaşı tamam olmuş, həddi-büluğa
çatmamış uşaqlar valideynlərdən birinin icazəsi ilə (bundan sonra "İştirakçı").
5.3. Aşağıdakı şəxslər Lotereyada iştiraka buraxılmır: Lotereya Təşkilatçısının işçiləri, onların ailə üzvləri,
Lotereya Təşkilatçısının maraqlarını təmsil edən şəxslər, müəyyən edilmiş qaydada Lotereya
Təşkilatçısı ilə bağlı olduğu qəbul edilmiş şəxslər, üçüncü şəxslərin Lotereya Təşkilatçısı ilə mülkihüquqi
və digər münasibətləri olan və təşkilat və/və ya Lotereyanın keçirilməsi ilə bağlı olan işçiləri
və nümayəndələri, eləcə də onların ailə üzvləri, vətəndaşlığı olmayan şəxslər və Azərbaycan
Respublikasında yaşamaq icazəsi olmayan digər ölkə vətəndaşları.
5.4. Lotereyada iştirak etməklə Lotereya İştirakçısı bu Qaydalarla tanış olduğunu və onlarla razı
olduğunu, eləcə də onların bütün şərt və tələblərinə riayət etmək öhdəliklərini qəbul etdiyini təsdiq
edir.
5.5. Lotereyanın rəsmi qaydaları (bundan sonra – "Qaydalar" adlandırılır) www.backtoschool.az vebsaytında
(bundan sonra – "Sayt" adlandırılır) yerləşdirilir.
6. Lotereyanın iştirakçısı olmaq və hədiyyə qazanmaq imkanını əldə etmək üçün aşağıdakı
hərəkətləri etmək lazımdır:
6.1. 2020-cu ilin 15 sentyabr tarixindən 15 oktyabr tarixinədək dövr ərzində (bundan sonra -
"Lotereyanın keçirilmə dövrü" adlandırılır):
«BRAVO» şəbəkəsinin ticarət nöqtələrindən birində, Aksiya məhsulunu, yəni SNICKERS, TWIX və
ya BOUNTY batonlarından iki ədədini əldə etmək, Aksiya məhsulunun alışını ticarət nöqtəsində
əldə edilmiş kassa çeki ilə təsdiq etmək. Kassa çekinin üzərində bu Qaydaları 1-ci bəndində Aksiya
məhsulunun məhsul pozisiyası qeyd edilməlidir. Kassa çekini saxlamaq lazımdır;
ad/soyad və mobil telefonu qeyd etməklə www.backtoschool.az, saytında qısa qeydiyyatdan
keçmək;
uğurlu qeydiyyatdan sonra ziyarətçi lotereyanın İştirakçısı hesab edilərək avtomatik olaraq
həftəlik prizlərin uduşunda iştirak etmək imkanını alır;
Çeki aşağıdakı üsullardan birindən istifadə etməklə yükləmək olar:
çekin fotosunu www.backtoschool.az saytında yükləmək;
və ya çekin fotosunu WhatsApp vasitəsilə +994508959921 nömrəsinə göndərmək;
Malın alışını təsdiq edən kassa çekinin fotosunu göstərilmiş üsullardan birindən istifadə etməklə
yüklədikdən sona, çekə fərdi nömrə verilir, və iştirakçı həftəlik hədiyyələrin və lotereyanın hər
həftəsinin sonunda əsas hədiyyənin uduşunda iştirak edir.
6.2. Çekin üzərindəki bütün məlumatlar aydın oxunmalıdır. Çekin şəkli dəqiq və aydın oxuna bilməlidir.
Faylın növü: JPEG, JPG, ölçüsü 10 Mb-dan çox olmamalı, rezolyusiyası 200 (iki yüz) dpi-dən az
olmamalıdır. Fotoşəkil olmayan təsvirlərə yol verilmir (skrinşotlar, basmalar, rəsmlər, kompüter
qrafikası, fotomontaj). Çekin fotoşəkli üst və alt kənarları da daxil olmaqla tam çəkilməlidir, çekin
şəkli tam şaquli istiqamətli olmalıdır, çekin fotoşəklini düz bucaq altında çəkmək lazımdır.
6.3. Çeklər yükləndikdən sonra 48 saat ərzində onların Lotereya şərtlərinə uyğunluğu yoxlanılır
(moderasiyadan keçir). Təşkilatçı/Sifarişçi şəklin oxunmadığını (xüsusilə, üzərində kiçik zədələr
olarsa, şəkil aydın olmazsa), saxta olduğunu hesab etdiyi istənilən zaman yüklənmiş çeki İştirakçı
üçün hesaba almaya bilər.
6.4. Eyni çekin şəkli Lotereyanın keçirildiyi bütün müddət ərzində sayta yalnız bir dəfə yüklənə bilər. Eyni
İştirakçı tələblərə cavab verən çekləri qeyri-məhdud sayda yükləyə bilər.
6.5. Bir kassa çeki ilə bu Qaydaların 1-ci bəndində göstərilmiş ikidən çox mal satın alınmışdırsa, həmin
çek əsasında yalnız iki maldan Lotereyada iştirak üçün istifadə etmək olar. Yüklənilmiş əmtəə
çeklərini uduşlu olduğu təqdirdə Lotereya Təşkilatçısına təqdim etmək üçün mütləq saxlamaq
lazımdır.
7. Hədiyyə fondunun tərkibi və miqdarı
7.1. Lotereyanın hədiyyə fondu Lotereya Təşkilatçısının pul vəsaitinin və əmlakının hesabına
formalaşdırılır, aşağıdakı hədiyyələrdən ibarətdir:
7.1.1. Həftəlik hədiyyələr:
«SNICKERS®», «TWIX®», «BOUNTY®» şouboksu - həftədə 6 ədəd; şou-boksların ümumi sayı–
30 ədəd. (hər növdən 10 ədəd).
Texnika mağazasında alış-veriş etmək üçün 30 AZN nominalında sertifikat -həftədə 4 əd.,
sertifikatların ümumi sayı - 20 ədəd.
7.1.2. Əsas hədiyyə:
Lenovo Tab4 10 16GB LTE Black planşeti– həftədə 1 ədəd; əsas hədiyyələrin ümumi sayı – 5
ədəd.
8.1. 8. Hədiyyə fondunun uduşunun keçirilmə qaydası, eləcə də Lotereya qaliblərinin müəyyən
edilməsi qaydası və məlumatvermə üsulu:Həftəlik hədiyyələrin sahiblərinin müəyyən edilməsi
hər lotereya həftəsi (cəmi 5 həftə) bitdikdən bir gün sonra qeydiyyatdan keçmiş iştirakçılar
arasında keçirilir. Qalibin müəyyən edilməsi çap edilmiş kuponlar şəklində olan fərdi kodlar
arasında lotereyanın keçirilməsi ilə uduşlu səslərin təsadüfi müəyyən edilməsi yolu ilə keçirilir.
Qalibi müəyyən edərkən Lotereya Təşkilatçısı hər mükafat üçün bir əsas və bir ehtiyat qalibi
seçir.
Həftəlik hədiyyələrin oynanılması qrafiki:
22 sentyabr (15 sentyabrdan 20 sentyabra kimi qeydiyyatdan keçmiş kodlar iştirak edir);
29 sentyabr (21 sentyabrdan 27 sentyabra kimi qeydiyyatdan keçmiş kodlar iştirak edir);
06 oktyabr (28 sentyabrdan 04 oktyabra kimi qeydiyyatdan keçmiş kodlar iştirak edir);
13 oktyabr (05 oktyabrdan 11 oktyabra kimi qeydiyyatdan keçmiş kodlar iştirak edir);
19 oktyabr (12 oktyabrdan 15 oktyabra kimi qeydiyyatdan keçmiş kodlar iştirak edir).
8.2. Əsas hədiyyələrin sahiblərinin müəyyən edilməsi hər aksiya həftəsi bitdikdən bir gün sonra 2020-ci
ilin 22 sentyabr, 29 sentyabr, 06 oktyabr, 13 oktyabr, 19 oktyabr tarixlərində qeydiyyatdan keçmiş və
Lotereyanın şərtlərinə cavab verən əmtəə çekləri arasında keçirilir. Qalibin müəyyən edilməsi çap edilmiş
kuponlar şəklində olan fərdi kodlar arasında lotereyanın keçirilməsi ilə uduşlu çeklərin təsadüfi müəyyən
edilməsi yolu ilə keçirilir. Qalibi müəyyən edərkən Lotereya Təşkilatçısı bir əsas və iki ehtiyat qalibi seçir.
Əsas hədiyyələrin oynanılması qrafiki:
22 sentyabr (15 sentyabrdan 20 sentyabra kimi qeydiyyatdan keçmiş kodlar iştirak edir);
29 sentyabr (21 sentyabrdan 27 sentyabra kimi qeydiyyatdan keçmiş kodlar iştirak edir);
06 oktyabr (28 sentyabrdan 04 oktyabra kimi qeydiyyatdan keçmiş kodlar iştirak edir);
13 oktyabr (05 oktyabrdan 11 oktyabra kimi qeydiyyatdan keçmiş kodlar iştirak edir);
19 oktyabr (12 oktyabrdan 15 oktyabra kimi qeydiyyatdan keçmiş kodlar iştirak edir).
8.3. Hədiyyə sahiblərinin müəyyən edilməsindən sonra Lotereya Təşkilatçısı tərəfindən qalib olmuş
Lotereya İştirakçısnın uduşlu çeki qeydiyyatdan keçirmiş mobil telefon nömrəsinə telefon zəngi vasitəsilə
məlumatlandırılması həyata keçirilir. Lotereyanın Sifarişçisi qalibin müəyyən edildiyi andan etibarən 72
(yetmiş iki) saat ərzində qaliblə əlaqə saxlaya bilməzsə, qeyd edilmiş şəxs müvafiq hədiyyəni almaq
hüququndan məhrum edilir və Lotereyanın Sifarişçisi hədiyyənin təqdim edilməsi üçün ehtiyat qaliblə
əlaqə saxlayır. Lotereyanın Sifarşçisi yuxarıda qeyd edilmiş müddət ərzində ehtiyat qaliblə əlaqə saxlaya
bilməzsə, həmin qalib müvafiq hədiyyəni almaq hüququndan məhrum olur və Lotereyanın Sifarişçisi
həmin hədiyyədən öz mülahizəsinə görə istifadə edə bilər.
8.4. Bir Lotereya İştirakçısı Lotereyanın bütün müddəti ərzində ən çoxu 1 (bir) ədəd həftəlik hədiyyə və
ən çoxu 1 (bir) ədəd əsas hədiyyə qazana bilər.
8.5. Lotereya qaliblərinin tam siyahısı 23 oktyabr 2020-ci il tarixindən (bundan sonra - "Lotereyanın
keçirilmə nəticələrinin dərc edilməsi tarixi" adlandırılır) gec olmayaraq www.backtoschool.az saytında
"Qaliblər" bölməsində yerləşdiriləcək.
9. Lotereya qaliblərinə hədiyyələrin verilmə qaydası və müddəti
9.1. Hədiyyənin oynanılmasından sonra 5 (beş) iş günü ərzində əlaqə məlumatını, daha dəqiq isə,
qalibin şəxsi məlumatlarını, eləcə də, şəxsiyyəti təsdiq edən sənədin nömrəsi, tam yaşayış
ünvanını, yaşını, əmtəə çekinin əslini və aksiyaya aid digər məlumatı dəqiqləşdirmək üçün
qaliblərə Lotereyanın qaynar xəttinin operatorları zəng edə bilərlər.
9.2. Həftəlik hədiyyənin alınması üçün Qalib uduş haqqında məlumatı aldığı andan etibarən ən
geci 10 (on) təqvim günü ərzində Lotereyanın Təşkilatçısına aşağıdakıları təqdim etməlidir: faktiki
yaşayış ünvanı və poçt indeksi.
9.3. Əsas hədiyyənin alınması üçün Qalib uduş haqqında məlumatı aldığı andan etibarən ən geci
10 (on) təqvim günü ərzində Lotereyanın Təşkilatçısına aşağıdakı sənədləri təqdim etməlidir:
1) şəxsiyyət vəsiqəsinin surəti, FIN-nin (fərdi eyniləşdirmə nömrəsinin) mütləq qeyd edilməsi
şərtilə;
2) faktiki yaşayış ünvanı və poçt indeksi.
9.4. Lotereyanın Sifarşçisi uduşun baş tutduğu tarixdən etibarən 5 (beş) iş günü
ərzində əlaqə məlumatlarının dəqiqləşdirilməsi üçün hədiyyəni alan şəxslə əlaqə
saxlaya bilməzsə, həmin qalib həmin hədiyyəni almaq hüququndan məhrum olur və
Lotereyanın Sifarişçisi həmin hədiyyədən öz mülahizəsinə görə istifadə edə bilər.
9.5. Lotereya qalibləri hədiyyələrin alınması üçün Qaydalarda nəzərdə tutulmuş şərtləri yerinə
yetirmədikdə və müddətlərə əməl etmədikdə ona müvafiq hədiyyənin verilməsində imtina
edilə və/və ya Lotereyanın qalibi müvafiq hədiyyənin alınması hüququndan məhrum edilə bilər.
9.6. Həddi-büluğa çatmamış qaliblər adından hədiyyənin alınması ilə bağlı hərəkətlər qanuni
nümayəndələr tərəfindən həyata keçirilir, onların səlahiyyətləri Lotereyanın Təşkilatçısı
tərəfindən lazımi qaydada təsdiq edilə bilər.
9.7. Hədiyyələr Lotereya iştirakçılarına yalnız bu Qaydalarda nəzərdə tutulmuş qaydada verilir.
Hədiyyələr pul ekvivalentində verilə bilməz. Lotereya iştirakçısı hədiyyəni almaqdan imtina
edərsə, Lotereya İştirakçısı bu Qaydaların tələblərini yerinə yetirməzsə və ya hədiyyəni
müəyyən edilmiş müddət və qaydada almazsa, Lotereya iştirakçısı hədiyyəni almaq hüququnu
itirir və Lotereya qalibinə düşən hədiyyə Lotereyanın Təşkilatçısında qalır.
9.8. Lotereya İştirakçısı ilə qeydiyyat zamanı qeyd edilmiş mobil və/və ya stasionar nömrələrlə,
elektron poçt ünvanına elektron məktubun göndərilməsi vasitəsilə əlaqə saxlamaq imkanının
olmaması, eləcə də Lotereya İştirakçısının qeydiyyat zamanı qeyd etdiyi ünvanlarda olmaması
Lotereyanın Təşkilatçısını məsuliyyətdən azad edir.
10. Lotereyanın ümumi şərtləri.
10.1. Bu Qaydalarla www.backtoshool.az saytında tanış olmaq olar.
10.2. Lotereyada iştirak haqqında bütün məsələlərlə əlaqədar (012)210 25 55 Qaynar xətt nömrəsinə
müraciət etmək və ya www.backtoshool.az saytında əks-əlaqə xanasını doldurmaqla sual
vermək olar
10.3. Bir Lotereya İştirakçısı Lotereyada yalnız bir mobil telefon nömrəsindən istifadə etməklə iştirak
etmək hüququna malikdir. Bir Lotereya İştirakçısı tərəfindən Lotereyada iştirak üçün birdən çox mobil
telefon nömrəsindən istifadə halı aşkar edilərsə, həmin Lotereya iştirakçısı Lotereya çərçivəsində hərhansı
hədiyyəni almaq hüququndan məhrum olur. Qeydiyyat zamanı qeyd edilmiş bir neçə mobil
telefon nömrəsi sahibi olan Lotereya İştirakçısının müəyyən edilməsinin identifikatoru - bir neçə mobil
telefon nömrəsi ilə eyni yaşayış yeridir. Bu halda Lotereya Təşkilatçısı Lotereya İştirakçısını
Lotereyada iştirak imkanından məhrum etmək və həmin Lotereya İştirakçısının qazandığı hədiyyələri
qismən və ya tamamilə geri çağırmaq hüququna malikdir.
10.4. Lotereyada iştirak faktı təsdiq edir ki, Lotereyanın İştirakçıları razılaşırlar ki, onların adları, ata adları,
soyadları, fotoşəkillər, video, audio və onlar haqqında digər materiallardan Lotereyanın Təşkilatçısı
tərəfindən Lotereyanın keçirilməsi ilə bağlı bütün reklam və (və ya) informasiya materiallarında
Lotereya İştirakçılarına hər hansı ödənişin edilməməsi ilə istifadə edilə bilər. Lotereyanın qalibi bu
Lotereyanın keçirilməsi ilə bağlı kütləvi informasiya vasitələrində müsahibə verməyə və hazırlanmış
reklam materialları üçün çəkilişlərdə iştirak etməyə razılıq verir. Bu cür reklam materialları üzərində
bütün hüquqlar Lotereyanın Təşkilatçısına aiddir.
10.5. Lotereyanın İştirakçısı geri çağırma haqqında imzalanmış yazılı bildirişi aşağıdakı ünvana
göndərməklə və bildirişdə öz soyadı, adı, atasının adı, doğum tarixi və İştirakçının qeydiyyat məlumatları
ilə birlikdə Lotereyada iştirak üçün bildirdiyi ünvanı qeyd etməklə öz razılığını geri çağıra bilər: AZ1025
Bakı, Azərbaycan, Babək pr-ti, Ələddin Quliyev küç., 1131-ci məhəllər, Babək plaza, ofis В6-06).
10.6. Razılığın geri çağırılması haqqında bildirişi aldıqda Lotereyanın Təşkilatçısı və onun səlahiyyətli
şəxsləri həmin Lotereya İştirakçısının şəxsi məlumatlarının emalını dayandırır və şəxsi məlumatları geri
çağırmanın daxil olduğu tarixdən etibarən beş iş günündən çox olmayan müddətdə məhv edir.
10.7. Lotereya İştirakçısi tərəfindən geri çağırmadan sonra Lotereya İştirakçısının şəxsi məlumatlarının
məhv edilməsi nəticəsində Lotereyanın keçirilməsi ilə bağlı hərəkətlər icra edilmədikdə Lotereyanın
təşkilatçısı Lotereyanın keçirilməsi ilə bağlı hərəkətlərin icra edilməməsinə görə məsuliyyət daşımır.
10.8. Lotereya İştirakçılarının Lotereyanın gedişatı ərzində aldıqları hədiyyələrə görə vergilərin ödənilməsi
Azərbaycan Respublikasının qanunvericiliyinə uyğun olaraq həyata keçirilir.