contact tracing.
Biswal na tala ng mga ordinaryong bagay sa ordinaryong buhay.
Biswal na tala ng mga ordinaryong bagay sa ordinaryong buhay.
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Regina de Castro
2021
1078
(
at
isang simple, kumpidensyal na proseso na dekada nang
ginagamit ng mga kagawaran ng pampublikong kalusugan
para pabagalin ang pagkalat ng mga nakahahawang sakit
maiwasan ang mga pagsiklab.
contact tracing.
unang araw ng suspension,
tayuan pa rin mula Lawton hanggang Imus.
sayang ang puyat.
smaller and smaller circles,
labimpitong buwan na tayong tumatakas
mula sa awtoridad.
sampung taon na ‘kong hindi sumusulat.
Enero 23, 2019 -- 10:40 PM
Ano bang gusto mong makamit hindi ngayong taon kung hindi sa punto ng
buhay na kinatatayuan mo ngayon?
Gusto kong sumulat. Gusto kong tumuhog muli ng mga salitang paulit-ulit
na hahasain at patitibayin, bubuuin gamit ang aspalto at walang alinlangang
pagharap sa mundo ng boses na tumataginting laban sa katahimikan
ng gabi. Gusto kong maging responsable sa pagpihit ng manibela
patungo sa direksyong nilalayong datnan. Gusto kong bigyan—hindi, gusto
kong hugutin, mula sa pinakasimpleng mga salita ang walang limitasyong
kapangyarihan na makapagbago ng realidad.
Gusto kong gumuhit. Mga linyang baliko at tila kahig ng manok, minsan
walang katuturan at resulta ay hindi mabilang na pagpilas ng papel at
sayang, sayang, sayang, pero sa isang linyang baliko pa, sa isa pang
kahig ng manok na idinidiin sa blangkong espasyo; roon nahihimlay ang
mga baka sakali na makapaglikha ng obrang may pagkilos, may paglaban.
Gusto kong tumakbo. Sa ilang taong pag-upo, pagtayo, at paglakad, malalaki
man ang hakbang ay ramdam pa rin ang hanging umaalimpuyo at yelong
tumatagos sa kulong dumadaloy sa ilalim ng balat. Lagi na lamang akong
naghihintay. Walang kibong nag-aabang ng himala—matang nakabaon sa lupa
na kuntento na sa pagpulot ng pira-pirasong tsansa. Ano kayang pakiramdam
na hindi manginig ang tuhod sa puwersa ng paparating na bagyo?
Ano kayang nag-aantay sa kabilang dulo kung gagalaw at sasalubungin
ito?
Gusto kong tigilan ang pagtanggap na lamang ng pagkatalo.
Gusto kong umalma at humingang panibago.
Nais kong gawin ang aking ninanais,
At ibig kong sabihin, ibig kong manatili.
bawas punto.
(wala namang expiry date ang
ID picture—)
akala ko kung sino.
(—ang tinapay meron.)
dapat pala gardenia na lang ang
inalagaan ko.
limang pulgada pala
ang distansya
ng aking mga paa
mula sa dulo ng kama.
para akong bumalik sa pagkabata.
(pwede pa bang bumati ng happy new year
kung Agosto na?)
wala namang manananggal na bumibisita.
(bukas pa rin ang bintana.)
dito ako nabubuhay
dito ako hihimlay
may pagkakaiba.