Wayyaaneen Naannoo Oromiyaa fi Maqaa Oromiyaa ... - Qeerroo

Wayyaaneen Naannoo Oromiyaa fi Maqaa Oromiyaa jedhu
Balleessuuf Deemti.
Keessa Beekaa Irrraa,
1
Wayyaaneen har’as ta’u kaleessa, Ummatootaaf dhaabbattee hin beektu.
Wayyaaneen gammoojjii Daddabiit keessatti dhalatte, gonkumaa
Sagantaa mataa ishee qabaattee hin beektu. Qabaachuus hin
dandeessu. Namoonni hedduun wayyaaneen waan hundaa Biyya isheetti
kuufattee foxxoqixi jedhanii yaadan. Isaanis biyya ittiin dorsiisan. Garuu
kana irratti gawwamu hin qabnu. Gonkumaa wayyaaneen Biyya
ijaarrattee baatii jettenii hin yaadinaa .
Kan isaan yaadanii turan, Tigiraayin giddu galeessa Industirii fi madda
jireenyaa taasifatanii , Naannolee biroo bakka Omisha isaanii itti
harcaafatan taasisu ture. Keessattu Ummatoonni bara eeggatanii yoo
nutti ka’an, amma qabannu qabannee waliin dorgomna jedhanii
Qabeenyaa biyyaa saamanii Tigiraayin ijaaran. Garuu galagalchii ta’ee,
waan yaadan sun ta’uu dide. Industiriin isaan yaadan sun hundumtu,
humna ibsaa, Bishaan, tajaajila barbaachisu guutu waan dadhabaniif
karaatti hafeera.
Humni ibsaa Takazee Tigiraayi dandamachiisuuf ijaarame, boruu
Biyyoota olla Tigiraayitti dhihaataniif tajaajila jedhan, hanga har’atti
Bishaan ga’aa hin argatiin jira. Sababaa kanaan warshaan sibiilaa fi
masfin Injinariingi, akkasumas Masooboon naafate jira. Kana amma
tokko dandamachiisuuf, humna Aduu irraa argachuuf, Dolaara
biliyoonaan lakkaa’amu Faransaayif kafalanii solaarii Biyyatti keesatti
hin argamnee fi humna ibsaa qilleensa irraa argamun amma tokko
socha’aa jiran.
Kun ragaa akka salphaatti irraa hubannee , yaada Tigiraayi ni foxxoqxii
nurraa hanqisa. Kana caalaa wanni nu amansiisu ammo Hiwaatoonni
yeroo ammaa Qabeenyaan qaban eessa jira ? kan jedhudha.
Kubbaaniyoonni isaanii gurguddaan eessatti dhaabbatan yoo jenne ,
Namni boruu cituu barbaadu qabeenyaa Biyya Namaa irratti hin kufatu
nu jechisiisee shakkii keenya sana fashalsa. Kana malees, Ilmaan
Tigiraayi , Tigiraayin gadhiisanii Finfinnee qofa qubatan kumoota 100n
akka lakkaa’aman, kanneen hundi, manni jireenyaa rakkoo tokko malee
qophaa’uufii yennaa hubannu shakkii keenya san butucha.

2
Inni guddaa fi yaaddoo guddaa shiraan guutame nu irratti
hojjatamaa jiru yennaa hubannu , Hiwootoonni Tigiraayin adda
baafachuu miti, Biyya Oromiyaa Tigiraayin taasisuuf waan nu
irratti hojjatan nu hubachiisa. Shirri kunis sagantaa isaanii miti.
Kan eenyuti jettu ta’a. kana har’a hin kaasu . gaafa guyyaan isaa ga’e
dubbanna. Garuu har’a Ummata Oromoo irratti maaltu hojjatamaa jira ?
mata duree barreeffama kanaa maalifan filadhe kan jedhutti haa ce’u.
yaa Oromoo yeroo kun dhala oromoo Biyya keessaas ta’u alaaf dansaa
akka hin taane hubadhaa .dubbiin akkasii…..
Wayyaaneen gaafa OPDO ijaarte, warra qooqa Oromoo beekan , garuu
halgaa ta’aniin maaliif keessatti heddummeessan ? kana malees
kanneen Oromoo ta’an yoo galchanis, maalif wallaalaa itti
heddummeessan ? beekaa keenyawoo kan tabjaa’e maaliif filatan ? warra
of gaafachuu eegalan maaliif keessaa ari’an ? gaaffii kana caalu illee
kaasu dandeenya. Gaaffiileen kun garuu deebi mata duree har’aa nu
dhugeessan.
Ilmaan Oromoo yeroo OPDOn hundooftuu keessa turan, har’a
tokkon isaanii hin jiran. Kan keessatti hafe, Taayyee
T/Hayimaanoot, Minaasee W/Giyoorgis, Warqinaa Gabayyoo ,
Dammallaash W/Mikaa’eel, Daanyaachoo , Muktaar , kkf tu har’a
jira. Angoo jiru hundaas qabatanii jiran . warra kaan dhiifnee
kanneen akka Warqinaa Gabayyoo annaan dachee Oromoon kan
guddate garuu warra Kaabaa ta’uu ragaalen mul’ataa jiran.
Wayyaaneen maqaa sabootaan dhufuun warra alaa irraa deeggarsa
argachuuf ta’un ifadha. Wayyaanoonni Angoon kun harkaa baanaan
waan hundi akka dhumaatuuf waan beekaniif, jalqabaa kaasanii waan
isaaniif ta’u hundaa gaggeeffachaa asi ga’an. Kaleessa harka qullaa
dhufaa odoo jiranii akkaataa itti ango kana of harka turfatan yaadaa
turan. Har’a ammo qabeenyaan hundumtu isaan harka waan jiruuf ,
Angoo gadhiisuu jechuun of ajjeesutti akka fudhatan beekamaadha.
Kanaaf mirgoota sabootaa sharafanii ofii dhaaluun itti fuftee jirti. Ilmaan
Tigiraayi qooqa sabootaa barsiisanii , keessattu Yunivarsitii maqalee
keessatti dippaartimantii Afaan Oromoo banatanii Ijoollee Tigiree
Oromiyaa borii bulchuuf deeman ummachuu isaanii wayita hubannu,
hangam duubatti harkifamaa akka jirru nu argisiisa.
Wayyaanoonni har’a , sirna Fedaraalizimii jiru gara Ahaadaawwitti
deebisuuf karaa eegalte walakkaan geesse jirti. Maqaa Investimantiin

3
lafa kan gurguru Fedaraala ta’eera. Kana jechuun maal jechuu akka ta’e
namaaf gala. Humni poolisaa fi Tikaa Naannoolee hundi Fedaraala jala
galanii jiran .Waajjiraaleen hundi ajaja Fedaraalaan bulu ega eegalanii
bubbulanii jiran. Oromiyaa fi Tigiraayi irraa kan hafe, Naannooleen
hundi Afaan Amaaraan hojii gaggeessan. Carraan kun Oromiyaa
keessatti ega eegalamee har’a bubbuleera.
Bara 2004 miseensoonni OPDO saboota keessaa ta’uu ni dabalata
gaafa jedhamu, maal jechuu akka ta’ee bara sana ibsinee nama
nu dhaga’u dhabne. Wayyaaneen sabboonummaan sabootaa
dabalaa jiraa, kun ammo Biyyattiif hin tolu jettee, waan hundaa
tu’achaa jiraachuu yennaa dubbannus , nama nu dhaga’u hin
arganne. Har’a garuu waan hundi ifatti mul’achuu eegaleera.
Oromiyaa keesstti Afaan oromoo waraqaa irratti ega hafee bubbulee jira.
Oromiyaa keessatti Afaan Oromoo fardeessun dhiphummaatti
ilaalamutti aane kan dhufe, waajjiraaleen gara sanatti dhiibamudha.
Tiyaatiroota fi Diraamaalee akksumas Sirboota Afaan Amaaraa
Oromiyaatti gadi lakkisuun, Ummata qalbii hatuu ega eegalanii turanii
jiru. Waajjiraaleen hundi ijoollee halagaan ega qabsiifamanii bubbulanii
jiru. Har’a BUUFATII TELEVIZHINII FI RAADIYOON Oromiyaa ilmaan
saba biroon guutamee , Afaan oromoo rakkoo seenee jira. Inumaayyuu
TV Oromiyaa isuma jedhuyyuu dhabamsiisuuf hojjatamaa jiraachuu
argaa jirra.
TV Oromiyaa keessa wiirtu WAALATAA galchuun , suuta suuta Ummata
Oromoo Afaan Amaaraa akk fudhatuuf diraamaa ummata hawwatan
karaa sana akka tamsa’uuf shirri hojjatamuu eegaleera. Ijoollee gaaffii
kaasan illee keessaa ega ari’anii yeroo fudhateera. Tekinishiyaanoonni
keessa jiran hundi, warri har’a Afaan Oromoon Oduu dubbisan odoo hin
hafnee saboota fagoo fi Tigiraayin guutamee, Afaan Oromoo akka gadi
deemee Ummati jibbu taasifamaa jira.
Afaan Oromoo akka hin guddanneef , aadaan OROMOO akka hin
guddanneef, sabbonummaan Oromoo akka hin dagaagneef, shirri
wayyaaneen akka raawwachiisaatti gaggeessitu haalaan
gaggeeffamaa jira. Wayyaanee Ihaadeeg, wal ga’ii isaa
Hawaasaatti gaggeeffate irratti , sirna Ahaadaawwitti akka
deeman , kunis sabboonummaa Ummatootaa keessattu kan
Ummata Oromoo dabalaa jiraachuu ifatti himanii

4
jiran.sabboonummaan dabalu jechuun Biyyaaf yaaddeesaa ta’utti
lallabaniiru. Humnoonni alaas waan kana ni fudhatan.
Wayyaanoonni dhaloota borii illee karaa irraa maqisuuf , waan aadaa
isaanii odoo hin taane, waan alaa akka fardeessan, sirbootaa fi aadaa
warra alaan akka mo’aniif , sagantaalee TVn waan ijoolleef dhihaatu
irraa hubachuun ni ga’a. aadaa ummatootaa ega dhabsisanii
bubbulaniiru. Caasaan kominikeeshiinii Obbo Brakatiin dirirfamee
Naannoolee hundaa keessa jiru, Naannooleen ajaja itti kennuu hin
danda’an . sududaan Obbo Barakattu ajaja. Caasaan kanneen fakkaatan
hedduudha. Caasaan Ahaadaawwii walakkaan xumuramee jira.
Caalaatti ifa taasisuuf , Humni waraanaa duraanu Fedaraala
harka jira. Humni poolisa Naannolee kan Fedaraalaa jala jira .
Humni Tikaa Naannoolee harkaa maqaa Ashabbaarii adamsuu
jedhuun harkaa ba’eera . Lafti heektaara kuma 10 ol
fedaraalaatu Investarootaaf gurgura. Albuudaa fi Qabeenyaa
Umamaa hundaa Fedaraalatu kennaa jira. Kubbaaniyoota hundaa
Fedaraalaatu Bulcha. Waajjiraaleen Naannoolee irra jireessi
Afaan Amaaran hojjatu. Kun ammo oromiyaa keessatti hidda
yaafatee jira. TV ITOOPHIYAA KEESSAA Afaan Oromoo ari’anii , TV
OROMIYAA keessa AFAAN amaaraa heddumiinaan akka seenu
taasifamaa jira. Dhuma irratti TV Oromiyaa chaanaalii
xixiqqaatti galchanii, kan Oromiyaa ITOOPHIYAATTI geeddaruf
hojjatama jira. Maarree Ahaadaawwiin isa kana miti ? kun ammo
kan dhugoomu caasaa addaa Obbo Barakatiin durfamuun ta’uu
hubachuu barbaachisa.
Sirna sabboonummaa Ummatootaa Ukkaamsuuf gadi dhaabbatuuf
deemu irra jireessa , gama sirbaan hojjatamaa jira. Ummatoonni hundi
Ol-aantuummaa Afaan Amaaraa akka fudhatuuf , Industirii Muuziqaa
tu’atnii kanneen hojjataa jiran gaaf tokko eenyummaan isaani
saaxilamun hin haftu. Jarri kun sirboonni sabootaa akka ol hin kaaneef,
hin gurguramnee fi carraa hojjatamu akka hin arganneef, saboonni
mana muuziqaa akka hin qabaanne gochuu eegalee shiroonni hojjataa
jiran kana kan jedhamu miti.
Abbootiin aadaa odoo jiranii , Finfinnee ba’anii baadiyyaatti bu’anii
Durgoo kumootaan kaffaalamaafii warrii hojjatan, Ummatichaaf naato
tokkollee hin qaban. Akka duulaatti hajajamanii hojjachaa jiran.
Caasaan Obbo Barakatifaa shiroota kana hundaa akka raawwataniif ,

5
dirqama kan kennaniif dhiiga isaanii kan ta’aniif qofaadha. Sirbi isaan
shiraaf baasanii odoo hin gurguramne TV itoophiyaa irratti rakkoo tokko
malee dhihaata. Artiistii beekamaa jedhamee QOPHII ARHIIBU irratti
rakkoo tokko malee dhihaata. Silaas Gaazexessitoonni sabootaa
ari’amani, kanneen bakka qabatanii AFAAN isaaniifu keessummaa ta’een
kanneen hojjatn , deeggarsa addaa taasifamufiidha.
Haala kana gadi fageenyaan kan ifatti baasuuf yaallu fagoo hin ta’u .
garuu wanni saba keenya irratti hojjatama jiru heddu nama gaddisisa.
Sirna Ahaadaawwiin gaggeeffamu kun , harka dheeraa wayyaaneen
dhaabbilee mormitootaa keessatti illee seenaa jiraachuu yaadu qabdan.
Kanas bal’inaan itti deebina.
Gama biroon wayyaanef gaaffii Ummatootaa ukkaamsuuf, humnoota
alaa dantaan qabdee shira isheen hojjachaa irtu akka salphaati kan
ilaalamu miti. Humnoonni alaa kubbaaniyyaa fi industiriilee akka
qabaatan taasisuun, jireenya isaaniif wayyaanee jiraachiisuu akka
qabanitti, kana malees jarri kun dantaa isaaniif jedhanii miidhaa
Ummatootaatti akka callisaniif shirri hojjattu salphaa miti. Kanaafidha
warri alaa kun, ummati 192 guyyaa saafaa Asfaalti irratti yennaa
ajjeefamu kan callisaniif. Kanaaf falli jiru isaanin mataa isaanii falmanii
akka nama dhaga’an taasisu qofaadha .
MAAL NU WAYYAREE ?????????????
Ummati Oromoo adeemsa isaaf hedduu yaaddeessaa ta’e kana duraa
dhaabbachuuf qabsaa’uu qaba. Keessattu , Qeerroon Oromoo diina
raasaa jiru kana mormuu qaba. Keessattu TV oromiyaa keessatti waan
hojjatamaa jiru mormuu qaban . Waajjiraalee Oromiyaa keessattiwaan
hojjatamaa jiru mormuu qaban.dhiibaa Afaan Oromoo irratti taasifamaa
jiru mormuu qaban. Afaan Oromoo babal’isuu irra, Afaan Amaaraaf
yeroo bal’aa laatamu kana mormu qaban. Sagantaalee Ummata keenyaaf
faayidaa tokkolle hin laanne, dhaloota har’aa doomsaa jiru mormu
qaban. Diraamaalee Oromiyaa keessatti ta’e jedhamanii argisifamaa jiran
mormu qaban. Dhorkuu qaban. TV oromiyaa keessatti AFAAN OROMOO
waan beekuuf qofaa , ijoollee Oromoo kan ariisiu , OPDOn eenyu musaa
jedhamu shira wayyaanee kanaaf bu’aa ol aanaa buusaa jira.
Hojjattoonni shira waajjiraalee keessatti raawwatamaa jiran mormutu
irraa eegama. Kun ta’uu baannaan Gaaffiin OROMIYAA caalaattu
dhabamuuf deema yaa firaa. Kanaafan OROMIYAAN DIIGAMUUF
DEEMTI JEDHE.