WAIWAYE ADON TAFIYA - IslamHouse.com

١
WAIWAYE ADON TAFIYA
(Wannan sako ne zuwa ga shuwagabanni da masanan harkokin yau da kullum na
Turawan yamma, daga dakin taro na girmama hurumin Musulunci wanda a ka yi ka
Kasar Kuwait)
Wanda ya fassara zuwa harshen Hausa:
Abdurrahman Sani Yakubu Zaria
(Jami'ar Musulunci ta Madinah)

ﻢﻴﺣﺮﻟﺍ
٢
ﻦﲪﺮﻟﺍ
ﷲﺍ
ﻢﺴﺑ
GABATARWA
Muna farawa da sunan Allah, Ubangiji Daya, wanda babu
abin bauta bisa cancanta sai Shi, Shi ne Ubangijin dukkan
Annabawa: Ibrahima, da Musa, da Isa, da CikaMakonsu, Annabi
Muhammad, tsira da amincin Allah su tabbata a gare su daki
daya.
Wasu Malamai da masana harkokin yau da kullun cikin
Musulmi suka rubuta wannan sako, sun taru ne domin duba
hanyar da ta fi dacewa wurin alaka da Turawan yamma, da
kuma duba hanyar magance ta'addanci da suke yiwa Musulmi
da Musulunci, musamman ga shi kullun karuwa abin yake yi, ga
shi masu yin hakan wasu mutane ne, da kuma kungiyoyin
gwamnati da na addini da na 'yan jarida. Ga sako nan zuwa ga
masana harkokin yauda kullum da shuwagabannin addini da na
jama'a saboda wannan abu, muna fada musu cewa: A duk
lokacin da ta'addanci ya yi yawa a kan wata al'umma daga wasu
mutane to dolene ta fara ramuwar gayya, kuma ta ji dalinin da
ya sa hankan ke faruwa, duk da cewa abin da kowa yafi so shi
ne gaba da zalunci su tsaya.
Yau a duniya babu wata al'umma da take gamuwa da
zalunci da kuma mamayar Turawa kamar yadda al'ummar
Musulmi ke gamuwa da shi, kuma a duniyar yau babu wata
al'umma da take gamuwa da izgili da wulankanci game da
hurumominta da addininta, kamar yadda wannan al'umma take
gamuwa da shi, wannan al'umma baza ta karbi wannan al'amari
ba, musammam ita al'umma ce wadda take da sako daga sama,
kuma take da cigaba da tarihi mai asali, kuma ga mutanenta sun
fi daya bisa hudu (25 %) na mutanen duniya. Shi ya sa muka ga
ya wajaba mu jawo hankalin mutane da su waiwaya baya su
kalli abubuwan da suke faruwa, ko a samu a gyara kurakuran da
suke faruwa, daga nan sai tafiya ta yi kyau.

٣
YA ALAKARMU DA TURAWA TAKE YANZU?
Mun sani tun lokacin da musulmi suka fara gogayya da
turawa alakar da take tsakaninsu ta yi tsami, saboda dalilai masu
yawa, daga cikin dalilan: Lalle turawa ba su yin mu'amala da
Musulunci gaba da gaba, koda yaushe suna cikin fargaba da
tsoro, wannan shi ya sa su ka yi kokarin hada kawunansu don su
yaki Musulunci, duk da cewa akwai rashin jituwa kai a
tsakaninsu, daga nan sai Musulunci ya zama babban abokin
gabansu, duk da cewa da sun kasance a rarrabe suna yakar juna,
dukkanmu mun san cewa ba dai-dai ba ne yiwa kowane abu
kudin goro, kuma mun sani cewa a karnonin da suka shude
Amurkawa da sauran Turawan yamma sun yi kokarin rabuwa da
aiboban da ke cikin al'adunsu, wurin mu'amala da wasunsu, sai
dai kash! Yanzu sun manta da wannan al'amari, saboda haka
wannan wasika ba tana magana da musu kiyayya da musulunci
ne kawai ba, tana magana ne da duk wani bature, musamman
masu adalci a cikinsu, kuma mun sani ba duka Turawan suka
taru suka zama daya ba.
MISALAN TA'ADDANCI DA CIN MUTUNCI DA
SUKEWA MUSULMI DA MUSULUNCI.
Lalle muna jan kunnen shuwagabanni Turawan yamma
game da abubuwan da suke ta faruwa, muna kallo a cikin kasa
da shekaru uku an keta huruminmu ba sau daya ba, fara daga
ALKUR'ANI MAI GIRMA, ta yadda suke buka su watsa wasu
litattafai wadan da a zatonsu makwafin Alkur'ani ne, a cikinsu
akwai izgili ga Annabimu da addininmu da akidarmu da
halayenmu da tarihinmu. Bayan haka sai suka kara da cin
mutunci Annabinmu (S.A.W) suna kamanta shi da kamannu
marasa kyau, suna zana hotonsa zane na wulakanci da izgili.
Jaridar kasar "Denmark" ta fara hakan, sai sauran kasashen suka
koya daga wurin ta, wasu wa sa albarka suka yi a cikin aikin.
Daga nan sai ciwon ya kara girmama yayin da "Papa Roma" ya
fito fili ya soki Alku'ani da Manzon Allah (S.W.A) suka irin na
rashin kunya.
Kuma ba mun manta da abin da sojojin Amurka suke yi ba
ne a kurkukun "Abu Guraib" na kasar Iraki, da kuma kurkukun
"Gointanamo" na kasar "cuba" ta inda suke wulakanta Musulmi

٤
da Littafinsu (Alkur'ani). A gefe daya kuma koma yana ganin
abin da ke faruwa a manyan garuruwan Turai na cin zalun
musulmi mazauna wadannan garuruwa. Kuma ba zamu iya
manta abin da ke faruwa Iraki da Afganistan ba, wanda Amurka
ta mamaye, kullum ana kai wa masallatai hari, hakanan kurun,
ko da hujjar wai ana neman masu rike da makamai, wani lokaci
a kashe duk wanda yake cikin masallacin.
Kuma akwai maganganu na kiyayya da shuwagabannisu
suke yawan furtawa, ko abin da marubutansu suke rubutawa, ko
abubuwan da suke watsawa a gidajen Talabijin da radio ko
jaridunsu da mujallu, wadanda suke kamanta Musulmi da
nakasu da ta'addanci.
Lalle shirun da manyaku suke yi a kan wadannan abubuwa
yana bamu tsoro! Mun rasa ina zama sa ku? Wannan shine
'yancin dan adam din? Ko dai rashin 'yanci? Shin kuna
wulakanta Annabawan Allah da suna 'yancin ra'ayi?
SUNA WULAKANTA MANZON ALLAH (S.A.W)!
Duk da cewa akwai al'ummomin da suka yaki Musulmi,
amma duk da haka ba a same su da gadon kiyayya ga Annabin
Musulmi ba, kamar yadda a ka samu kasashe da coci-coci na
turai suna yi masa ba, hakika kiristocin Turai, sun kafa gaba da
Musulmi da Annabinsu gaba na tarihi, har abin ya kai haddin
tunawa juna idan an hadu a coci a lokacin bukukuwan addini.
Wannan abu ya cancanta mutsaya mu duba sababinsa da hanyar
magance shi.
Wai menene ya sa wasu muatane a Turai suke kokarin sai
mun manta da manyanmu kuma abin koyinmu? Lalle ne duk
wanda ya rayuwa ba shi da na gaba, to, tababbe ne shi! Kuma
duk al'ummar da ta manta da tarihinta, to, kamar gini ne babu
asasi, (wadan nan su ne dalilanmu) to, saboda haka ne kuke
walakanta Annabinmu? Lalle mun sani cewa abin da lalatattu a
Turai suke so shi ne mutane su manta tarihinsu, musamman
musulmi, babban misali a kan haka shi ne abin da ke faruwa
yanzu na yiwa Annabawa izgili. To ya kamata su sani cewa
munanan daram dakam wurin tare wa Annabinmu, da ma sauran
Annabawa baki daya, wannan abin ba zai samu karbuwa a wurin

٥
mu ba, wai da sunan 'yancin bayyana ra'ayi, ba zai taba yiwuwa
ba, Musulmi su yarda da dattin tunanin Turawa ba, kamar yadda
suma basu yarda da namu 'yancin dan adam din.
Lalle muna kira da babban murya cewa, masu hankalin
Turai su tsaya su kalli wannan lamari da idon basira, kuma mun
sani a cikin su akwai masu kwadayin duk abin da zai gyara
tarihin su a wurin mutane, ba abin da wasun su suke yi na cin
mutunci mutane ba, musamman Annabawa.
TA'ADDANCI GA MASLLACIN KUDUS (Masallacin duk
annabawa)
Mamaye masallacin Kudus da yin ta'adda gare shi, lalle
yana daga cikin ta'addanci ga murumin musulmi, kuma hakan
yana faruwa da taimakon wasu gwamnatocin Turai ne, da kuma
goyon bayan wasu kungiyoyin addini a can, hakika hakkin
"veto" a majlisan dinkin duniya, ya zama hakkin Yahudawa, su
kadai yake karewa, kuma yake goyon bayan ta'addancin su, da
mamayar su ga "Palastine" da masallacin Kudus, wanda har
gobe baza mu taba barin musu shi ba! Kuma muna sake
tambayar masu hankali cikin Turawa, wai menene kuka yi wurin
magance zalucin da a ke yiwa Musulmi a "Palastine", da keta
huruminsu, da kuma hana musu hakkokinsu.
Abin a kwai tukka da warwara, kullum suna kiran
musulmi da su zo su yi "Democracy" (dimukradiyya) lokacin da
Falasdinawa suka zabi hukumar da suke so ta mulke su, sai ga
shi sun fito fili suna fada da hakan. Lalle shirun da manyansu
suke yi akan hakan, to abin kunya ne a goshin duk wanda yake
da'awar 'yanci da dimukradiyya a duk duniya. Saboda haka
muke kira gare su da su yi kokari wajen share wannan abin
kunyan da yake tare da su, wurin hada kai da masu adalci, kuma
masu kare hakkin dan adam na gaskiya, masu kokarin sai sun ga
an baiwa kowa hakkinsa.
IZGILI GA HIJABIN MACE MUSULMA.
'Yancin kai yana da goyon baya a dimukradiyyar Turai,
kamar yadda suke shela koda yaushe, saboda haka mace tana da
hakkin sanya abin da take so, idan dai bai sabawa al'adun
mutanen kwarai ba, sai dai abin mamaki shi ne, an sami wasu

٦
suna walakanta hijabi da mace mai hijabin, wanda wannan shi
ne ainihin tikka da warwara, kullum suna kokarin yada
dimukradiyya, amma wannan ya sabawa abin kira a kai, kuma
babu wata kungiyar kare hhakkin mata ta duniya da ta sa baki
warin abin da yake faruwa. Shin 'yancin fita tsirara shine 'yanci
kuma za a kare shi, amma 'yancin kamun kai da kunya ana
yakan shi?!
Ya kamata masu kokarin yada hakkin dan amdam na Turai
su yi kokarin tsarewa mutum asalinsa da al'adansa ne, ba yakan
su ba, ta ya suna kallo ana yakan Musulmi mazauna can. Wurin
zabar kayan da suke so? Ko sun manta da abin da suka gada
daga addinin su da al'adun su ne? har yanzu ana samun wasu
matan turawa masu kunya suna sa kayan mutunci, wanda yana
kama da hijabin Musulmi, kamar matan kauye, da matan da
suka rike addini. Shin idan su sun saki wadannan al'adu, sai ya
zama dole mu ma sai mun saki na mu? Hakika muna kyamar
yaki da ake yi da kamun kai, kuma wannan bai kamata a ce shi
ne sakamakon wayewa da cigaba ba, shin wai hijabi shi ne ya
zama alamar kama kai da a ke yaka a Tirai? Hakika dokokin da
ake kafawa saboda hakkin mace saboda tasa hijabin Musulunci,
to a mafi yawan kasashe Turai a na kafa su ne domin daga baya
a hanata sa hijabin; wai wannan duk saboda gaba da Musulunci
ne, kama yadda ya bayyana kwanannan? Ko saboda gaba
dakamun kai ne? ko saboda 'yan iskan gari su ji dadi? Ga
tambayoyi suna bukatar amsa daga wurin masu tunani a Turai,
kuma wajibi ne su bayyana tukka da warrar da take cikin
wannan lamari.
YAKAR TUNANI.
Hakika manyansu da shuwagabannin addininsu sun fito fili
su tuhumci Musulunci da tuhunce-tuhumce da baban-daban a
kwanannan, kamar: "Lalle Mususlunci bai wasu ba sai da tilasci
da takobi" ko kuma "ba a amfani da hankali a cikinsa" ko kuma
"Lalle Musulunci addinin ci baya da ta'addanci ne" da sauran su,
wannan sako ba zai maida hankali warin karyata wadannan
tuhumce-tuhumcen ba, sai dai za mu yi bayani cewa lalle
wadannan tuhumce-tuhumcen ba su dacewa da yadda a ke

٧
muhawara a ilmance, sun yi kama ne da kokarin yakan tunani da
wasu kungiyoyi masu karfi a Amurka suke yi don kokarin
canzawa Musunci riga.
Mun yarda cewa Musulunci ya watsu ta hanyar jihadi "fi
sabilil lah", da hanyar Da'awa cikin kwanciyar hankali, kuma ko
wata daula tana bukatar karfi wurin kare tushenta da abubuwan
da ta mallaka. Dalilin haka abin da a ke kira yaki mai adalci
"just war" shi ne cocin Turai ya kafu a kai kua ya yarda da shi,
kuma da shi 'yan ba ruwan mu da addini na Turai suke yin abin
da suke so a duniya, to na saboda me za a tsangwami
Musulunci? Alhali kun sani kuma tarihi ya tabbatar cewa
"Indonesia" da "philipis" da "Malasia" da wasu daga kasashen
Afrika ba sojan da kafarsa ta taka wadannan kasashe, to ta yaya
wadannan miliyoyin mutane suka shiga Musulunci? Tambayar
da ya kamata mu yi a nan ita ce: me ya sa har yanzu Musulunci
yake watsuwa a duniyi? Musamman a turai? Su ma takobin ne?
Sam, tasirin da ya ke yi ne a zuciyar duk mau hankali.
Amma amfani da hankali a cikin Musulunci kuwa, shimfidar da
zamu yi anan ita ce: Hakika tarihi ya tabbatar da cewa Turawa
su ne ba suka watsar da hankali a bayansu, wasu kuma suke
wauta masa, wato imma a yi wannan, ko a aikata kishiyarsa, a
dai-dai wannan lokaci kuwa, Musuluci adalci yake yi game da
amfani da hankali, da amfani da shi warin yiwa dan adam
hidimar da ta kamata, wai me ne ya sa wasu shuwabannin addini
a turai suke sukan Musulunci ta bangaren hankali? Saboda kin
gaskiya ne da boye nakasun da yake tare da su? Ko domin su
taya 'yan baruwan mu da addi yaki da Musulunci?
Lalle muna kira ga shuwagabanin addininsu, da su yi
muraji'ar akidunsu musamman akidar Uluhiyya, a lokacin za su
san tikka da warwarar da take cikin akidarsu, wanda rashin
amfani da hankali ya jawo musu. Hatta boren da a ka yi musu
gaban da suke yi da hankali da ilimi ya jawo musu, kuma shi ya
sa kin addini ya mamaye kasashen su.
Amma abin da ya watsu a turai na tuhumar Musulmi da
Musulunci da abin da suka sawa suna ta'addanci, to, tuhuma ce
ta zalunci, bata da asasi a tarihi balle a sarari, al'ummar Musulmi
da a ka sani da rahama da kyautatawa. Lalle muna kiran turai da

٨
su yi kokari su bar abin da suka gada na gaba da Musulunci tun
lokacin da suka yaki Musulmi da sunan yakin salib (yakin
kiristanci) wannan shi ne asalin ta'addanci, kuma duk wanda
yake kiran mu 'yan ta'adda a yau, to shi ne babban dan ta'addan
da ya kashe kuma yake kashe moliyoyin 'yan adam, yakin
duniya na daya da na biyu Musulmi suna da hannu wurin tada
su?
Lalle masu tunani a Musulmi za su iya lura da canjin da ya faru
daga wasu masu gaba da Musulunci daga yaki da Musulmi zuwa
yaki da Musulunci, kuma daga kokarin canza Musulmi zuwa
kokarin canza Musulunci. Muna fada musu cewa lalle
Musulunci baya bukatar kwaskwarima kamar yadda suka yiwa
addinin su, Musulunci an san shi addini ne kammalalle kuma
har yanzu yana watsuwa ba tare da canza wani abu a cikinsa ba.
Hakika zumudi ya debi wasu shuwagabanni turai wurin neman
wasu kyara-kyare a Musulunci, addinin da ba su san kome a
cikinsa ba, kawai abin da suka sani game da shi, shi ne lalle shi
wani addini ne da ya sabawa kiristancinsu na zamani, wanda ya
cakuda da lebralancin turai domin ya zama wani sabon addini,
wanda dole ne duk wanda ya saba masa ya yi kokarin kyara
tafiyarsa don ta yi dai-dai da wannan sabon addinin.
Lalle mu mun sani cewa addininmu da babu wanda ya isa
ya ce zai iya canza wani abu a cikinsa, ya isa ya zama maganin
duk wata mushkilar da take damun turai, shi ya sa wasu suke
kikarin rabuwa da Musulunci rabuwa ta karshe, kuma zamar
Musulunci ba a canza kome a cikinsa ba ya na karyata abin da
wasu suke zato cewa sune karshen tarihi.
Lalle mu muna kin duk wani kokarin hana al'ummarmu
damar ta gina tunaninta yadda take so, a lokaci daya kuma muna
bayyana cewa lalle mun yarda da leka al'adun wasu da daukan
mai amfani a ciki, kuma muna bayyana cewa lalle tunanin
turawa wurin akidunsu da dokokinsu da al'adunsu ba karbabbe
ba ne a duniyance, kuma ba mai tsarki ba ne. kuma duk wani
kokarin sa shi ya zama haka, ba zai yi amfani ba. Lalle Musulmi
sun sani cewa yakin da turai suke yida Musulunci, da sunan
yakin tunani ba wani abu ba ne face tsoron cigaban Musulunci,
wanda zai hanasu mamaye ko'ina.

٩
Abin da kuke kira yakin tinani, abu ne da bamu yarda da
shi ba, kuma ba za mu bar kare mutuncin addininmu ba, saboda
mun lura cewa filin yakin tunani shi ne filin al'ummarmu, amma
yakinin da muke da shi ya sanya bamu tsoron wani abu zai iya
girgiza abin da muki yi imani da shi, kuma zamu iya bayyana ko
gyara abin da ya batawa turai tunaninsu a cikin akidunsu, da
suransu.
YA MUKE FAHIMTAR TA'ADANCIN DA SUKE YIWA
HURUMINMU?
Daga abin da shuwagabanninsu suke fadi, ko wasunsu
suke rubutawa zamu iya fahimtar cewa lalle yakin da suke yi da
Musuluncin ba aikin Mutun daya ba ne, ko kuma ramuwar
gayya saboda wani abu da a ka yi musu, wani shiri ne da a ka
zauna aka shirya domin a takura musulmi a duniya, kuma shi ne
ya fito fili a cikin maganar shugaban Amurka " J. W. Bush"
yayin da ya ce: "wannan yaki da yake yi yakin addinin ne"
wanda daga baya ake cewa yaki da ta'addanci, a Iraki da
Afganistan da wasu wuraren da dama. Kuma shi ne maganar
faraministan Italiya "sifo" ya yin da tuhunci Musulunci da
tuhuma ta zalunci, kuma ya dauki Musulunci wai addini ne na ci
baya, kuma ya manta aikin Musulunci a tarihi mai tsawo.
"Adviser" Jamus ma ya fadi irin wannan magana, har yana
cewa: "baza a bar Musulunci ya firgita ciganban turai ba"
A nan tambaya zata zowa mutum cewa: shin mene suke
nufi da wannan cin mutunci da ba ya karewa? Idan domin
'yancin ra'ayi ne, to me ya sa ba bu hawa kan sauran addinai
kama addinin mutanen Indiya da Yahudawa da Budanci da
sauran su? Musulunci kawai a ke yaka, wannan sh ne ya ke
karyata abin da suke fada koda yaushe. Shin ko abin da ya faru
kwanannan shi ne dalilin wannan yaki? Lalle ba za mu yarda da
wannan maganar ba; saboda yakin da suke yi da Musulunci yana
nan tun kafin wannan abin da ya faru suka tuhumi wa su
Musulmi da ta'addanci.
Wasu masana lamuran yau da kullum daga Musulmi suna
ganin abin da ke faruwa yanzu na yaki da Musulunci da
ta'addanci a kan huruminsa dalilinsa shi ne: ganin turai

١٠
Musulunci ya fara maida karfinsa da ya rasa kuma ya fara
farkawa daga barcinsa, saboda ya cigaba da aikinsa na kyara dan
adam da jiyar da shi dadi. Kuma abokin rige-rige wurin cigaba
da tunani.
Lalle muna ba maganar kungiyar yafiya a addini na kasar
"Canada"mahimmanci yayin da su ka ce yawan Musulmi a
duniya a shekarar 2003 biliyon 1,226 19 % na mutanen duniya a
wancan lokacin, kuma suka tabbatar cewa addinin Musulunci
shi ne addinin da masu shigansa suke karuwa, a lokacin da
sauran addinan suke raguwa, kuma kungiyar ta kara da cewa
nan da shekara ta 2023 Musulunci shi zai zama addinin farko a
duniya, shin wannan magana ita ce ta sanya tsoron da ya ke
cikin zukatanku ya dawo? Muna tambaya?
Har ila yau muna ganin tikka da warwara game da sha'anin
turai, kullum suna maganar 'yanci da dimukradiyya amma a
lokaci daya suna hana Musulunci 'yancinsa a kasashensu,
saboda kar Musulmi su dauki addininsu abin bi a cikin harkokin
rayuwar yau da kullum. Kuma suna zuga wasu su cutar da su
har a cikin gudajensu, da kuma kokarin yin musu mulkin
mallaka.
Lalle mun lura cewa gaban da wasu shuwagabanni da
sauran mutanen turai suke yi da Musulunci ta gidajen sadarwa
suna ganinsa dai-dai ne, kuma bakin shuwagabanninsu da
gidajen sadarwarsu daya wurin gaba da Musulunci.
Kuma wannan yakin da gidajen sadarwan suke yi ya haifar
da wata matsala mai girma, ita ce hana wasu shiga addinin Allah
Madaukakin Sarki. Kuma masana addinin kiristanci a cikinsu
suna da hannu cikin wannan yaki, wurin boye hakikanin
Musulunci, da kuma aibanta shi, da kokarin kore mutane daga
gare shi, da kuma boye bisharar da a ka yi na zuwan Annabi
Muhammad (S.A.W) a cikin Attaura da Linjila.
Kuma akwai wani abu, shi ne yakan wasu rubuce-rubuce
da wasu masu adalci a cikinsu suke yi, idan sun yiwa Musulunci
adalci, sai ka ga a na kai musu farmaki da karfi, wanda zai ba ka
tabbas cewa akwai wasu jama'a a turai maslaharsu ita ce su
nunawa 'yan'uwansu aibun Musulunci da Musulmai.

١١
A KARSHE:
Lalle tattaunawa tsakanin al'ummomi yana da
mahimmanci, musamman idan za a yi shi akan ka'ida saboda a
samu zuwa hakika, kuma a samu tsayar da ta'addanci babu gaira
babu dalili, kuma muna tabbatar musu da cewa fahimtar juna zai
yiwu, idan za a lizimci adalci.
Lalle cigaban turai a yau baya nuna cewa daga wurin su
abin yake, a a, cikaban al'ummomi suka tara a wuri daya (daga
ciki har akwai Musulmi) sai dai yanzu suna kokarin ninawa
dunuya a su kadai ke da shi, kuma suna hana Musulmi duk wani
abun da zai sa su su cigaba, sai su shagala da fadace-fadacen da
su suke kunna su. (su kuma sai su yi gaba)
Tuntuben da muke samu wurin cigaba da kere-kere saboba
wasu dalilai, ya sha bamban da abin da muke kai a da, kuma
wannan tuntuben ba ya nuna wai an barmu a baya, a wurin
cigaba da halaye masu kyau, mun mallaki abu mai yawa na daga
al'adu da halaye masu kyau, da mabubbugan shiriya da haske,
kuma ba zai yuwu mu yi wasa da su ba, ko mu bar kiran mutane
zuwa ga wannan hasken.
Muna kiran ku da ku sake waiwaya baya game da finkarfin
da kuke yiwa mutane cikin al'adunsu, kuma muna kara fadawa
manyansu, su lizimci adalci game da Musulunci da al'adunsa
masu girma, da kuma aikin da yakewa dan adam tun da har
yanzu.
Zai iya yiwuwa halin da muke samu kanmu a ciki yanzu
mawuyacin hali ne, amma tushen akidarmu da shari'armu da
halayenmu har yanzu masu kyau ne, kuma sun dace da duk wani
zamani ko wani wuri. Idan muna ganin turai sun cigaba a zahiri,
amma tushen cigaban na su ba shi da amfani ga dan adam kome
zawon zamani, muna kara fada muku cewa duk da cewa akwai
wasu aiboba a tare da mu a halin yanzun, amma duk da haka ba
zai sa mu kasa ganin mahimmanci al'dunmu da addininmu ga
dan adam, kuma muna kiranku da babban murya kuma manyan
turai, da ku masu yakin Musulunci a madadin sauran mutane,
muna son ku kiyaye wadannan abubuwa kamar haka:
NA DAYA: Ku bar zaluntar mu, da yi mana shishshigi a
lamurranmu, ko yi mana ta'addanci kan huruminmu, saboda

١٢
wadannan abubuwa zasu cutar da ku ta bangaren kasuwancinku
a kasashenmu, kuma hakan ba zai yiwu ba sai kun yiwa kanku
adalci.
NA BIYU: Muna kiran ku da ku taya mu fada da abin da 'yan
jarida suke bazawa na batunci a kanmu, ko taba Alkur'aninmu,
ko Manzonmu (S.A.W) amma idan sun cigaba da hakan, to
muna zamu dauki mataki akan abin.
NA UKU: Ku yi kokari wurin karantar sabubban da suka sa
tsamin alaka tsakaninmu, maimakon kokarin mamaye mu da
bangaren siyasa da kasuwanci da harkan soji, kuma ku tsaya ku
fahinci sakon da a ka aiko Annabi Muhammad (S.A.W) kuma
ku bude zukatanku ku fahinci Musuluncinmu cewa ya dace da
duk duniya, kuma ku fahinci hakikanin addininmu da al'adunmu
fafin ku yake mu, ko ku tare mutane wurin karban sa.
NA HUDU: Lalle shuwagabannin turai su yi kokin gyra aibobin
da suke cikin al'adunsu na yanzu kafin su ce zasu gyara na wasu:
hakika turai suna bukatar gyara da gaske, wannan ya fi da
wannan kokarin da suke yi wurin sai sun canza duniyar
Musulmi. Lalle ne idan ba hakan suka yi ba, to suna dab da su
fada wani rami mai zurfi wanda zasu kasa fitowa, idan dai sun
ce zasu cigaba da zaluci, saboda duk wadannan aibobin zasu
koma kansu ne su da masu taimaka musu su hallaka su. Lalle
muna kira zuwa ga shuwagabanninsu su yi kokin gyara halin da
kasashensu suke ciki, don su koma su bi hanyar Manzonnin
Allah, kuma su gimama su dukkan su, cira da amincin Allah su
tabbata a gare su, kuma su rinka taimako wadan da basu da laifi,
kuma su hana zalunci da cutarwa, aduk duniya ba a turai ba
kawai. Kuma muna sake kiran su da su gyra abin da ya shafi
aure da iyali da kamun kai, kafin su ce zasu gyra mu, kuma su
kare mutum daga ta'addancin kamfanoni da 'yan jari hujja, kuma
su girmama al'adun mutane kafin su kalli ribar da zasu ci, kuma
a yi kokari a dawo da kimar Malamai da karatu a duniya. Lalle
wannan abu ne da lokaci ya yi da a fara aikata shi, saboda rashin
addini yana kawo rushewar kome a duniya.
NA BIYAR: Wajibi ne turai su nemi afwa game da wulakancin
da suka yiwa Musulunci, haka kuma su nemi afwa game da duk
wani laifi da suka yiwa Musulmi lokacin mulkin mallaka da

١٣
kafin wannan lokacin da bayansa, kuma wajibi ne su san inda
zasu yi amfani da karfi a duniyar da al'adu sun sha bamban.
Amma sakonmu ga wanda ya dage sai ya yaki Musulunci
shi ne, lalle bai bar watsuwa ba saboda yakin da a ke yi ba shi
tun da, haka kuma ba zai bar yaduwa ba har sai Allah ya nade
kasarSa da wadan da suke kanta, kuma lalle wannan al'umma
zata iya dawowa da kaefinta bayan ta yi rauni, kamar yadda
kowa ya sani a tarihance
Mu kuma ba zamu takaita a kare huruninmu da addininmu
kawai ba, zamu mai da hankali wurin tunawa masu gaba da dan
adam asiri, kuma da sannu mutanen turai zasu gane cewa abin
da masu gaba da Musulunci suke yi cutar da turai yake yi fiye
da yadda yake cutar da Musulmi, kuma zai haranta musu fa'idan
tuwa da mutum biliyon daya da kwata, kuma suna da karfi
wurin yin ciniki a dunuya, kuma suma sun mallaki abubuwa
masu waya da ake takama da su a duniya. Kuma sun daurawa
kansu nauyin wanzar da adalci a duniya.
Lalle bude ido game da abin da turai ke da shi warin
cigaba baya nufin mutaru mu zama iri daya da su, mu bama son
bin turai rididi, ko waninsu, duk da haka bamu hana anfawa da
kere-kerensu ba, da amfanuwa da juna.
Lalle muna kira zuwa ga shuwagabannisu da su karanci
hakikanin Musulunci da Musulmi, dalilinmu a nan shi ne fadin
Allah Madaukakin Sarki, kuma da shi zamu rife wannan sako:
ﺎﺌﯿ ﺷ ﮫﺑ كﺮﺸﻧﻻو
ﷲا ﻻإ ﺪﺒﻌﻧ ﻻأ ﻢﻜﻨﯿﺑو ﺎﻨﻨﯿﺑ ءاﻮﺳ ﺔﻤﻠﻛ ﻰﻟإ اﻮﻟﺎﻌﺗ بﺎﺘﻜﻟا ﻞھأ ﺎﯾ ﻞﻗ"
لآ)"
نﻮﻤﻠﺴ ﻣ ﺎ ﻧﺄﺑ وﺪﮭ ﺷا اﻮ ﻟﻮﻘﻓ اﻮ ﻟﻮﺗ نﺈ ﻓ ﷲا نود ﻦ ﻣ ﺎﺑﺎﺑرأ ﺎﻀﻌﺑ ﺎﻨﻀﻌﺑ ﺬﺨﺘﯾ ﻻو
( ٦٤ ناﺮﻤﻋ
Ma'ana: Ya ku mazuwa littafi! Ku taho zuwa wata kalma wadda
zamu yi dai-dai da ku, kar mu bautawa kowa sai Allah, kuma ba
za mu hada shi da wani abu ba,
kuma sashinmu ba zai riki sashi iyayen gida ba Allah ba, to idan
suka bada baya, to ku fadi lalle mu mun shaida lalle mu
Musulmi ne. (Al Imran 64)