Mokaedi wa Tirelo Kereke ya Baapostolo ba basha

3 Seetebosigo
Mowa metsi, le madi
6/7 Seetebosigo
Tumelo: motswedi wa lorato
10 Seetebosigo
Thata e e tswang mo ineng
la ga Keresete
13/14 Seetebosigo
Go agelela
17 Seetebosigo
Bonolo kwa ntle ga bogale
Kereke ya
Baapostolo
ba basha
Mokaedi wa
Tirelo
20/21 Seetebosigo
Nnang lesedi!
24 Seetebosigo
Go santse go na le nako
ya go ikwatlhaya
27/28 Seetebosigo
Botlalo jwa Modimo ka
Mowa o o Boitshepo
Tirelo ya basha
O nne sekao
Kgwedi ya baruti
Seetebosigo 2012
6

3 Seetebosigo 2012 Tshipi
Pentekoste – Modimo o o boraro
Mowa, metsi le
madi
Yo ke ene yo o tsileng ka metsi
le madi, e bong Jesu Keresete; e
seng ka metsi a le osi, mme le ka
madi. Mowa ke one o o supang,
ka Mowa ke one boammaaruri.
Gonne go bararo ba ba supang,
e bong Mowa le metsi, le madi;
mme boo bararo ba supela
gongwe.
1 Johane 5: 6–8
Molaetsa
Mowa, metsi le madi di supa
ka disakaramente le ka boraro
jwa Modimo.
Tlhaloso ka botlalo
Go keteka Pentekoste jaanong
go balelwa mo go tse di
fitileng. Petere one a tshwara
thero ya ntlha ya Pentekoste
mo Jerusalema. Ka a tletse
Mowa o o Boitshepo, a naya
tshupo e e nonofileng ka ga
Keresete, yo o neng a bapolwa,
mme a swa, a tsoga, le go
tlhatlogela kwa legodimong.
Jesu Keresete o ne a dira
magareng ga batho jaaka
Motho wa boammaaruri le
Modimo wa boammaaruri.
Palo ya rona ya Baebele e
nopola mogopolo oo. E
gatelela boammaaruri jwa go
nna motho ga Modimo. Go
bonala dilo tse pedi tse di
tswang mo palo ya rona ya
Baebele:
■ boraro jwa Modimo;
■ disakaramente tse tlharo:
Kolobetso e e Boitshepo,
2
Kanelo ka Mowa o o
Boitshepo, le Selalelo se
se Boitshepo.
Tshupo ya Mowa
Modimo, Mowa o o Boitshepo,
o sa le o simolotse go dira mo
popong (cf. Genesise 1: 2).
Morago, Johane o supa gore
“Modimo ke Mowa” (Johane
4: 24) mme Jesu Keresete o
kaya Mowa o o Boitshepo
jaaka mothusi yo o solofeditsweng
le mogomotsi, yo o
itshenotseng ka Pentekoste ka
thero ya Moapostolo Petere
(cf. Johane 14: 16–17, 26).
Gape Mowa o o Boitshepo ke
neo e e beilweng mo pelong
tsa rona ka kanelo ya Mowa o
Boitshepo. Ka ntlha ya gone
moo, nonofo ya Mowa o o
Boitshepo e agile mo go rona
(cf. 1 Bakorinthe 3: 16). Neo e
e supa gore
■ go tla gape ga Morena le
Mmoloki wa rona go tlaa
akofa (cf. Johane 14: 3).
■ re tshwanetse go direla
Morena ka dineo le
botswerere jwa rona
jotlhe
(cf. Baroma 12: 11).
■ re ka rata mongwe ka
rona jaaka re ithata (cf.
Mathaio 22: 39).
■ re ka baya boikanyo jwa
rona jotlhe mo Moreneng
kwa ntle ga go letla matshelo
a rona a dikologa
fela mo dilong tsa lefatshefe
jaaka molemi wa
mohumi
(cf. Luke 12: 16–21).

Modimo o o boraro
Tshupo ya metsi
Metsi a supa ka ga Modimo,
Rara. Ka nako ya kolobetso ya
gagwe, lentswe la Modimo le
boletse fa Jesu a le Morwa
Modimo fa pele ga batho botlhe
(cf. Mareko 1: 11).
Kolobetso e e Boitshepo e
simolodisa botsalano jwa rona
le Modimo. Ka yone dibe tsa
tlholego di a tlosiwa. Kolobetso
e e Boitshepo e re gakolola
gore
■ re tshwanetse go bolela
loso le tsogo ya ga Jesu
(cf. Baroma 6: 4).
■ tila boleo ka fa re ka kgonang
ka teng, ka ga bo
dumalane le go tshelela
Modimo.
Tshupo ya madi
Madi a supa ka ga Modimo,
Morwa. Morwa Modimo o nnele
motho, a boga le go swa jaaka
motho, mme a lere setlhabelo se se
re bulelelang tsela ya thekololo.
Boikwatlhao jwa rona le
boitshwarelo jwa dibe, mmogo
jalo le go ja Selalelo se se
Boitshepo ka tshwanelo, go
simolodisa bokopano le
Morwa. Ka go dira jalo re amogela
dinonofo tse re di
tlhokang gore re tswelele ka go
fenya boleo le go golela mo
tlholegong ya ga Jesu.
Tumalano ya bongwe
Rara, Morwa, le Mowa—mmogo
jalo le disakaramente tse tharo—
baa dumalana go nna mongwe
(bona palo ya Baebele).
Baa supalana. Phuthololo e nngwe
ya Baebele ya re: “Ba ikaeletse selo
se le sengwe fela.” Maikaelelo a
Modimo o o boraro le disakaramente
ke thekololo ya rona le
bokopano jwa ka metlha yotlhe le
Modimo.
Tshoboko
■ Mowa, metsi, le madi di supa ka ga
Modimo Mowa, Modimo Rara le
Modimo Morwa.
■ Maikaelelo a Modimo o o boraro le
disakaramente ke thekololo ya
rona.
Boleng jwa thuto
Palo e ya Baebele e tsewa e le
nngwe ya bosupi jo bo botlhokwa
thata mo Kgolaganong
Entsha jwa go dumela mo
Modimong o o boraro. Johane
o a gatelela—fela jaaka mo go
Johane 1: 1–3—boammaaruri
jwa go nna motho ga Morwa
Modimo. Hano metsi, madi, le
Mowa ga di a tshwanela go
bonwa fela ka tiriso ya tsone e
e botlhokwa ya disakaramente,
mme gape e le tse di
kayang boraro jwa Modimo.
Mowa—ka mafoko a mangwe
Mowa o o Boitshepo ke motho
le neo—metsi, le madi di
sobokiwa mo borarong jo
Mowa o o Boitshepo o dira
jaaka moruti mo pelo ya yo o
dumelang. O boloka efangele
le go ranola tlhaloso ya yone.
3

6/7 Seetebosigo 2012 Gare ga beke
Tumelo:
motswedi wa
lorato
Gonne mo go Keresete Jesu bogwera
ga bo thuse sepe, le fa e le
bokgola, fa e se tumelo fela e e
dirang ka lorato.
Bagalatia 5: 6
Molaetsa
Tumelo le ditiro tsa lorato di
bongwe.
Tlhaloso ka botlalo
Bogwera jaaka sesupo sa
kwa ntle
Bogwera e ne e le sesupo sa kgolagano
e kgologolo. Moapostolo
Paulo o tlhalosa sentle gore dikao
tsa rona tsa kwa ntle ga di sa tlhole
di thusa sepe mo kgolaganong
entsha.
Gotsweng mo go se re ka wetsa
gore ga go a lekana mo go rona go
kolobediwa le go kanelwa ka
Mowa o o Boitshepo gore re tle re
ye go itsholewa ka letsatsi la
Morena. Bogolo, gape go tlhokega
tumelo e e siameng le mokgwa wa
go tshela ka lorato. Tse ke
ditshwantsho tse di supang gore re
ba phuthego ya monyadwi.
Tumelo le lorato
Tumelo le lorato di dira
mmogo. Tumelo e e senang
ditiro tse di tshwanelang—tse
di tlhotlhelediwang ke go rata
Modimo le mongwe ka rona—
e sule. Lorato lo lo senang
tumelo lo bonwa gantsi-ntsi,
4
jaaka mo makgotleng a mefuta
e le mantsi a lorato. Ruri mo go
siami thata, mme ka tebo ya
semodimo bobedi bo
tshwanetse go dira mmogo:
tumelo le lorato. Tse di
tshwanetse go tshwaragana
di ka se ka ke di kgaogane.
Tumelo e re nonotsha go
dira ditiro tsa lorato
Gape re ka bona tshwaragano
magareng ga tumelo le lorato
ka tsela e e ntseng jaana:
tumelo ke motswedi wa nonofo
e e re nonotshang—le go re
tlhotlheletsa—go dira ditiro tsa
lorato.
Dikai tse di latelang di supa ka
ga tumelo e re tlhotlheletsang
ka teng mo ditirong.
■ Ba ba dumelang mo go
Keresete le setlhabelo sa
gagwe ba tlaa amega
moteng le go rata
Modimo. Mo go tlaa
bonala ka keletso ya go
dira setlhabelo le go direla
Morena.
■ Ba ba dumelang mo go
tleng gape ga Keresete
ba tlaa tlhologelelwa tiralo
e le go dira gotlhe mo ba
ka go kgonang go
ipaakanyetsa yone.
■ Ba ba dumelang gore ba
amogetse neo ya Mowa o
o Boitshepo—le gore, ka
one, lorato lwa Modimo lo
thelegetse mo pelong tsa
bone—ba tlaa direla ba
bangwe ka lorato. Go
tloga foo ka nako tsotlhe
ba tlaa dira maiteko a go
letlana.

Tumelo: motswedi wa lorato
■ Ba ba bonang taolo ya
thomo ya ga Jesu mo
bodireding jwa
Boapostolo gape ba tlaa
itshokela go itsise ba
bangwe ka yone.
Mo le gone ke sesupo sa
lorato lo lo tlhaga.
Go tsweng mo mafokong a go
bonala sentle gore tumelo le
lorato di tshwaraganye jaang.
Ke mekgwa ya botshelo jwa
kereke ya ga Keresete mme
motswedi wa tsone ke Mowa
o o Boitshepo. Gongwe le
gongwe kwa go nang le tumelo
e e boteng ya boammaaruri,
go tlaa bo gape gona jalo le
mokgwa wa botshelo wa
lorato.
Go tswa mo tirelong ya Moapostolo yo
Mogolo
Tshoboko
■ Go kolobediwa le go kanelwa ka
Mowa o Boitshepo ga go a lekana
go ya go itsholelwa ka letsatsi la
Morena.
■ Se se leng botlhokwa ke tumelo, eo
mo go yone go tswang ditiro tsa
lorato.
■ Ditiro tse di dirwang ka lorato mo
Modimong le mongwe ka rona di
kaya ba e leng ba phuthego ya
monyadwi.
Boleng jwa thuto
Mo go Bagalatia 5 Keresete—yo e
leng efangele—o tshwantshiwa le
Molao wa ga Moshe. Mo go
Keresete, potso e e reng a mongwe
o rupile kgotsa jang ga e botlhokwa.
Selo sengwe se se leng
botlhokwa fela ke tumelo, bogolo
jang tumelo e e re gogelang kwa
go direng ditiro tsa lorato.
Dintlha
5

10 Seetebosigo 2012 Tshipi
Kereke ya Keresete – Thata e e tswang mo ineng la ga
Keresete
Thata e e
tswang mo
ineng la ga
Keresete
Ke ka go dumela mo ineng la
gagwe, leina la gagwe le thatafaditse
monna yo, yo lo mmonang lo
mo itseng. Ee, tumelo e e tlang ka
ene e mo neile boitekanelo jo bo
fedileng jo, fa pele ga lona lotlhe.
Ditiro 3: 16
Molaetsa
A re bueng leina la Morena ka
mokgwa o o siameng.
Tlhaloso ka botlalo
Palo ya rona ya Baebele e bua
ka leina la ga Jesu Keresete.
Gona le thata e e haphegileng
e e tsamaalana le leina le. Ba
ba rapelang leina le ba tlaa utlwiwa.
Ke gone ka moo le rona
re rapelang ka leina la ga Jesu
Keresete. Ditiralo tse go tserweng
palo ya rona ya Baebele
di supa ka thata e e
tsamaalana le leina le.
Petere le Johane ba ne ba ya
tempeleng teng ba rakana le
monna wa segole a kopa
madi. Baapostolo ba ne ba
sena madi. Mo boemong jwa
one ba mo naya thuso e sele:
Petere one raya monna gore a
emelele “mo ineng la ga Jesu
Keresete wa Nasaretha” (temana
ya 6). Monna yo a fola
mme a ba sala morago a tsena
nabo mo tempeleng. Teng foo
“banna ba Iseraele”—Bajuta
ba ba ineetseng—bane ba
6
lebeletse tlhaloso ya phodiso
e. Moapostolo Petere a bolela
gore phodiso e e dirilwe ka
thata ya Morena, bogolo jang
ka thata ya ga Jesu Keresete
(cf. temana ya 12 et seq.).
Go bua leina la Morena
Leina la ga Keresete ga le
tshwane le maina a mangwe!
Bogolo leina le le tshotse thata
ya semodimo. Ke gone ka
moo, a re le bueng ka tshiamo.
Mo go raya go bolela thata e e
leng mo go lone mmogo jalo le
poloko e e neiwang ka lone:
■ Tirelo nngwe le nngwe e
simologa ka leina la
Morena, “gonne kwa ba
le babedi kgotsa ba le
bararo ba phuthegileng
gone, ka leina lame, foo
nna ke gone mo gare ga
bone” (Mathaio 18: 20).
Re ipolela bokopano jwa
rona mo tirelong ka leina
la Modimo o o boraro
mme se re se tsaya e le
koloi ya poloko e e
neilweng ke Modimo.
■ Dibe tsa rona di a
itshwarelwa ka leina la
Jesu Keresete. Re ipolela
loso lwa Jesu le tsogo, le
go bua tshegofatso e re e
neilweng ka tshwanelo ya
Keresete ka boitumelo.
■ “Fa lo ntopa sengwe fela
ka leina la me, sone ke
tlaa se dira” (Johane 14:
14). Mekokotlelo ya rona
mo thapelong e se ka ya
itebaganya fela le dilo tsa
lefatshe mme bogolo e
kaiwe segolo bogolo ke
mogopolo wa Keresete:

Thata e e tswang mo ineneg la ga Keresete
mekokotlelo ya rona e
tshwanetse go gatelela
bokopano jwa rona le
Morena fa a tla gape.
■ “Le fa e le mang yo o tlaa
tsholang mongwe wa bana
ba ba ntseng jaana, ka leina
la me, o tshola nna; le gone
le fa e le mang yo o tsholang
nna, ga tshole nna, o tshola
ene yo o nthomileng”
(Mareko 9: 37). Ba ba buang
leina la Morena gape ba ka
lemoga tiro ya Modimo ka
bobotlana, bana ba ba
tlhokang thuso le go tshola
Morena ka mokgwa o
ntseng jalo.
■ “Mme Mogomotsi, e bong
Mowa o o Boitshepo, yo
Rara o tlaa mo romang ka
leina la me, ene o tlaa lo ruta
dilo tsotlhe, o tlaa lo gakolola
tsotlhe tse ke di buileng le
lona” (Johane 14: 26). Re
ipolela tiro ya Mowa o o
Boitshepo mo teng ga rona
le mo kereke ya Keresete.
■ “Ke a go itse kwa o agileng
teng, e bong kwa setulo sa
ga Satane sa bogosi se leng
teng. Mme o ntse o ngaparetse
leina la me, wa se ka
wa itatola tumelo ya me”
(Tshenolo
2: 13). Lokwalo lo lo
kwaletsweng phuthego ya
kwa Peregamo lo
tshwanetse gore gape lo
kaele jalo mafoko le ditiro tsa
rona: re tlaa tshwara ka thata
leina la Keresete—le gone
tota mo metlheng ya
diteko—go fitlhela a tla gape!
Tshoboko
Leina la Keresete le tshotse thata ya
semodimo. Ke gone, a re le bueng ka
tshiamo nako tsotlhe, ebong ka go
ipolela gore, ka leina la Keresete
■ re ka itemogela bokopano mo
tirelong.
■ re amogela boitshwarelo jwa dibe.
■ merapelo ya rona e dikologa mo go
tleng gape ga Keresete.
■ re lemoga tiro ya Modimo le mo
dilong tse di potlana tota le mo
baneng ba ba tlhokang thuso.
■ re lemogile tiro ya Mowa o o
Boitshepo.
■ re tshwara thata leina la Keresete le
kwa ntle ga diteko le dithaelo.
Boleng jwa thuto
“Leina” ke boitlhomo jwa tumelo.
Mo gape ke segakolodi sa
tlotlomalo e e reng “Jesu ke
Morena” kgotsa “Jesu ke
Messia”.
Dintlha
7

13/14 Seetebosigo 2012 Gare ga beke
Go agelela
A go se tswe puo epe e e bodisang
mo melomong ya lona, fa e
se e e molemo fela go agelela ka
fa go tlhokafalang ka teng, gore e
tle e neye ba ba utlwang lesego.
Baefeso 4: 29
Molaetsa
A re tlhokomeleng gore
mafoko a rona a agelela mo
phuthegong le mo go mongwe
ka rona!
Tlhaloso ka botlalo
Re phuthegela mo tirelong ka
tsholofelo ya gore re tlaa
amogela se se molemo ka ga
go agelela mo go tlhokegang.
Lefoko la thero le lone le
dirafatsa seo. Fa le tshegediwa
ka tumelo le ka pelo e e
tlhologelelwang le ntsha
thobo moteng ga rona eo
Morwa Modimo a buileng ka
yone mo setshwantshong sa
tshimo.
Thobo e e akaretsa seabe sa
rona ka lefoko le ditiro go
agelela—go atlega —ga
mongwe ka rona. Puo nngwe
le nngwe e e buiwang ka lorato
e thusa mongwe ka rona le go
dira go agelela phuthego, ka
mafoko a mangwe go gola ga
yone le boitekanelo.
Go tila bosula
Maitemogelo a a tswang mo
botshelong jwa malatsi otlhe a
re supegetsa gore go tshela
jalo ga go motlhofo.
Jakobe o kaya sentle gore go
8
ka nna thata jang—ka ntlha ya
boleo go laola puo ya rona ka
mokgwa o o itumedisang
Modimo (cf. Jakobe 3: 5–10).
Go ya ka tlhagiso ya
Moapostolo PauIo, a re kganeleng
“puo epe e e bodisang”
go tswa mo melomong ya
rona. Ka mafoko a mangwe, a
re tileng bopelo-e-thata jotlhe—ruri
le mafoko otlhe a
tshenyo le a a utlwisang botlhoko.
Dipuo tse di ntseng jalo di
bodisa
■ kagiso ya rona le Modimo
ka gonne di leofile mme
di re kgaoganya le
Modimo.
■ kagiso ya rona le mongwe
ka rona ka gonne di
utlwisa botlhoko mme di
re gogela mo di kgotlhang
le dikganetsanyo.
■ kagiso ya rona ka gonne
molao wa peo le thobo le
one o a dira teng fa (cf.
Bagalatia 6: 7).
Ke gone e leng karolo ya tumelo
ya rona go tlhomamisa gore
ka gale go tswa dilo tse di
molemo fela mo go rona. Mo
go ama puo le mafoko a a
kwadilweng, le tlhaeletsanyo
nngwe le nngwe. Re
tshwanetse go rapela malatsi
otlhe go bona thata ya go
dirafatsa se.
Go dira se se molemo
“Motho yo o molemo o ntsha
se se molemo mo lohumong lo

Go agelela
lo molemo lwa pelo ya
gagwe… Gonne go bua ga
molomo wa gagwe go tle go
tswe mo go se se tletseng mo
pelong” (Luke 6: 45). Fa re
gopola mafoko a a Morena re
naya Mowa o o Boitshepo
bodulo mo pelong tsa rona le
go letla gore re tladiwe ka
mogopolo wa ga Keresete. Ke
gone puo ya rona e tlaa agelelang
mongwe ka rona le
phuthego ka gonne
■ re bolela dipako tsa ga
Keresete (cf. 1 Petere 2: 9) le
go dira karolo ya rona go
thusa bangwe ka rona gore
ba itse tsela e e yang mo
phuthegong le poloko.
■ mo makoeng a rona re
thusana ka botlhale jotlhe
le ka Mowa wa lorato (cf.
Bakolosa 3: 16).
■ re a thatafatsana le go
gomotsana ka go bua ka
go tla gape ga Keresete
le go nna le tsholofelo ya
boitekanelo jwa rona jo
bo tlogang bo bonala le
bofelo (cf. 1
Bathesalonika 4: 16–18).
Ba ba buang le go dira ka
mokgwa o ntseng jalo ruri ba
tlaa tlisa lesego mo tikologong
ya bone. A re direng mo go
nna tiro ya rona. Le rona e tlaa
re tlisetsa puelo ya
bosakhutleng.
Tshoboko
■ Mo tirelong re amogela nonofo ya
go dira tiro ya go agelela mongwe
ka rona ka mafoko le ditiro.
■ Ke karolo ya ntwa e e molemo ya
tumelo go elatlhoko mafoko a rona
ka ntlha ya go tila kgotlhang.
■ Fa re tladitswe ka Mowa o o
Boitshepo wa Modimo le tlholego
ya Keresete, se re se buang se tlaa
nna lesego mo go rona le mo go
ba ba leng mo tikologong ya rona.
Boleng jwa thuto
Go tshela jaaka Mokeresete le
go agelela phuthego re tlhoka
mokgwa wa botshelo o o
tswang mo efangeleng. Mo go
Baefeso 4: 25–31 re fitlhela
kgakololo e e tsamaalanang le
seo.
Dintlha
9

17 Seetebosigo 2012 Tshipi
Kereke ya ga Keresete – Go bona go tshwanegela
Bonolo kwa
ntle ga bogale
Bagaetsho ba ba rategang, a
motho mongwe le mongwe a nne
bonako go utlwa, le bonya go
bua, le bonya go tlala bogale;
gonne bogale jwa motho ga bo
dire tshiamo ya Modimo. Ke gone
ka re, latlhang bomaswe jotlhe, le
go penologa ga boikepo, mme lo
amogele ka bonolo lefoko le le
tlhomilweng, le le nonofileng go
boloka mewa ya lona.
Jakobe 1: 19–21
Molaetsa
Go dira ka botlhale go re dira
boitekanelo.
Tlhaloso ka botlalo
Jaaka Baapostolo ba pele ba
dirileng ka teng, le Baapostolo
ba Morena gompieno ba
rapelela gore kereke ya ga
Keresete e tshele ka
boitekanelo mo Moreneng wa
yone le go mo kgatlha mo
dilong tsotlhe (cf. Bakolose 1:
9–10). Ka ntlha ya gone moo,
go botlhokwa go fenya dilo
tsotlhe tse di sa kgatlheng
Modimo.
Re ka tsaya ditlhagiso tse dikgolo
di le dintsi mo go Jakobe
tse di ka re thusang go tshelela
Morena ka tshwanelo—fa re ka
di dirisa. Mo gape go akaretsa
topo e e reng re se ka ra nna
bogale mo go ba bangwe ka
gonne boitsholo jo bo ntseng
jalo ga bo a siama mo matlhong
a Modimo.
10
Mo go Bagalatia, bogale jwa
motho bo balelwa magareng
ga ditiro tsa nama. Le fa go
ntse jalo, Morena o batla go
fitlhela maungo a Mowa mo go
ba e leng ba gagwe (cf.
Bagalatia 5: 19–23).
Re kanetswe ka Mowa o o
Boitshepo—Mowa wa nonofo,
wa lorato, le wa mogopolo o o
tlhomameng (cf. 2 Timotheo
1: 7). Ka one re amogetse
motswedi wa nonofo o o
dirang gore re dire ka botlhale
le lorato mo ditiralong tse di
metlhaletlhale. A re nneng
■ bonako go utlwa. Go
botlhokwa go dirisana le
moagisanyi wa rona ka
dinako tsotlhe, go nna le
nako ya go reetsa, le go
mo utlwela botlhoko ka
boammaaruri mo
matshwenyeng a gagwe.
■ bonya go bua. Pele ga re
bua polelo epe, a re
gopoleng seo mafoko a
rona a tlaa se dirafatsang.
Mafoko a a buiwang o sa
akanye a tshwana jaaka
maje a re a konopileng: re
ka ikwatlhaela go konopa
lentswe, mme re ka se
bosetse morago tiralo ya
go nna jalo.
■ bonya go tlala bogale.
Re ka se ke re kganele
dilo go re kgopha ka nako
tsotlhe kgotsa le gone
tota go re tlatsa bogale.
Re baleofi mme ka nako
tsotlhe re ka se ke re latlhe
bogale. Le fa go ntse
jalo, rona baleofi re amogetse
tshegofatso ya
Modimo (cf. Baefeso

Go bona go tshwanegela
2: 3–5). A ke mabaka a a
lekanyeng go ka lebagana
le moagisanyi wa rona ka
go letlana go nna le
bogale.
Jaanong kgothatso e e mo palong
ya rona ya Baebele ke go tshola
lefoko—kgotsa kgakololo—ya
Morena ka bopelonomi. Re kgona
go bona ditaolo tse di botlhokwa
go tsweng mo tiralo ya Naamane
molaodi wa ntwa ya Basiria (cf. 2
Dikgosi 5: 9–14). Morago ga go
swabisiwa ke gore dikeletso tsa
gagwe ga di a dirafadiwa.
Moperofeti o ne a sa tla go tla go
mo thusa ene ka sebele, mme one
a romela fela morongwa wa
gagwe. Mme molaetsa o monna
yo o neng a mo tsholetse one one
o lebega o sa amogelesegi mo go
Naamane. Mme ga dirala gore a
retologe a tsamaya a le bogale. O
ka bo a sa bona thuso fa batho ba
a neng a na nabo ba sa mo fetola
maikutlo gore a latele kgakololo e a
e neilweng.
Le gompieno barongwa ba
Morena ba re direla ka masisi otlhe.
Le gompieno gape efangele ke
dinyana mo go ba le bantsi (cf.
1 Bakorinthe 1: 18, 27). Le go tla
gape ga Keresete go ka buiwa fela
ka tsela e e ntseng jalo. Ba ba
tenegelang efangele ya ga
Keresete kgotsa barongwa ba
gagwe le go retologa go tsamaya
ba ka se ke ba kgone go bona
thuso ya Modimo.
A re amogeleng lefoko la
Morena le le bolelwang ke
barongwa ba gagwe ka gonne
le “nonofetse go boloka mewa
ya [rona]”. Ka mokgwa o o
ntseng jalo re tlaa nonofela go
amogela Morena ka tsela e e
tshwanetseng fa a tla.
Tshoboko
■ Gore re tshele botshelo jo bo
tshwanegelang mo Moreneng go
botlhokwa gore re fenye dilo tse di
sa kgatleng Modimo.
■ Go rulaganya sentle mafoko le ditiro
tsa rona go kgatlha Modimo.
■ A re amogeleng lefoko la Modimo
le le bolelwang ke barongwa ba
gagwe gompieno. Le na le nonofo
ya go boloka mewa ya rona.
Boleng jwa thuto
Jakobe o balolotse palo ya
dikgothatso tsa motho mongwe
le mongwe tsa go tshela
botshelo jwa Sekeresete.
Setlhogo hano ke boitekanelo.
Dintlha
11

20/21 Seetebosigo 2012 Gare ga beke
Nnang lesedi!
Gonne lo kile lwa ne lo le lefifi,
mme jaanong lo lesedi mo
Moreneng. Sepelang jaaka bana
ba lesedi.
Baefeso 5: 8
Molaetsa
Re amogetsi lesedi ka neo ya
Mowa o Boitshepo mme re ka
nna lesedi mo lefifing la motlha
wa rona.
Tlhaloso ka botlalo
Baefeso e bua ka phetogo e
kgolo e e nneleng teng ka
bokopano jwa rona le Jesu
Keresete le neo ya Mowa o o
Boitshepo. Phetogo e e ama
motho ka kakaretso, tlholego
ya gagwe le mokgwa wa go
tshela. Fa go neng gona le lefifi
pele—ka mafoko a mangwe
fa gone go sena poloko mo go
Keresete—jaanong go tlhaloganya
le kitso tse re di bonang
ka sekao sa Keresete le Mowa
o o Boitshepo di tlatsa botshelo
jwa rona ka lesedi.
Go tladiwa ka lesedi
Gona le pharologanyo ya gore
a motho o itse ka go nna teng
ga lesedi le go nna le lesedi
moteng ga gagwe. Gore re
nne “lesedi mo Moreneng”, re
tshwanetse go bo re tladitswe
ka poloko mo go Keresete. Ke
gone re ka tshelang jaaka
“bana ba lesedi”. Ka sekai, se
se supiwa ke ka go bo
■ re kgona go bona lesedila
tumelo bo botshelong
12
jwa rona malatsi otlhe.
Ka mafoko a rona le
ditiro, mo tirisanyong ya
rona le batho ba bangwe—baagisanyi,
badiri
ka rona, kgotsa ba re
itsanyeng le bone—lesedi
le la tumelo le tshwannetse
go lemogiwa. A re
tsheleng tumelo ya rona!
■ ga re latlhegelwe ke boitsholo
jwa rona fa re
dirana le mathata kgotsa
seemo se se boifisang. E
rile barutwa ba le bantsi
ba tsamaya ba tlogela
Morena, Petere one a
kgona go bona se se leng
botlhokwa thata mo
leseding la kitso ya
gagwe: “Morena, ana re
ka ya kwa go mang?
Wena o na le mafoko a
botshelo jo bo sa khutleng”
(Johane 6: 68).
Bana ba lesedi ba nna le
Morena ka nako tsotlhe.
■ re itshokela go dira dilo
tse di molemo ka gonne
Morena o dirile dilo tse di
molemo mo go rona. E
rile mokgethisi Sakaio a
ntshiwa mo lefifing la botshelo
jwa gagwe jwa pele
ka go rakana ga gagwe le
Morena, o ne a ikutlwa fa
a tshwanetse go dira
ditiro tse di molemo. O ne
a batla go naya bahumanegi
sephato sa dithoto
tsa gagwe (cf. Luke
19: 8). Bana ba lesedi ba
rotloesega go dira ditiro
tse di molemo gongwe le
gongwe fa go kgonegang
teng.

Nnang lesedi!
■ re baka le go leboga
Modimo. E rile monna wa
segole yo o neng a kopa
dithuso fa kgorong ya
tempele a fodisiwa ke
Baapostolo, o ne a tsena
nabo mo tempeleng, a
tlolaka a baka Modimo
(cf. Ditiro 3: 1–8). Bana
ba lesedi ba baka seo
Modimo a se dirileng.
Mo lefififng motho o lebogela
thata le fa e ka nna lesedi le le
nnyenyane ka go fitisisa. A re
se direng phoso ya go baya
lesedi la rona ga tlase ga seelo
ka go fitlha se se tshelang
moteng ga rona ka ditlhong.
Re na le boikarabelo jo bo tletseng
jwa go tsamaya jaaka
bana ba lesedi mo lefififng la
motlha ono.
Re nonofetse go phatsimisa
lesedi la rona malatsi otlhe—e
seng fano fela, mme le gone
kwa bobipong tota—ke neo ya
Modimo!
Ke gone ka moo re
leteletsweng go tshola lesedi le
le haphegileng go ya mo lefatsheng
le le tshobilweng ke
Mowa o o Boitshepo: “Mowa
le monyadi ba re, ‘Tlaa!’”
(Tshenolo 22: 17). A re tsheleng
mo leseding la letsatsi le
le tlang: “Maranatha—Morena
wa rona o etla!”
Go tswa mo tirelong ya Moapostolo yo
Mogolo
Tshoboko
Ka bokopano jwa rona le Jesu Keresete
le ka neo ya Mowa o o Boitshepo go a
kgonega gore re tsamaye jaaka bana
ba lesedi. Mo go supiwa ke ka go bo re
■ ka bona lesedi la tumelo botshelo
jwa malatsi otlhe.
■ sa latlhegelwe ke kelelelo le gone
tota fa re dirana le mathata le
seemo se se boifisang.
■ itshokela go dira se se molemo ka
gonne Morena o re diretse dilo tse
di molemo.
■ baka le go leboga Modimo.
Boleng jwa thuto
Baefesia ba gakololwa tlholego
ya bone, ebong nako eo ba ne
ba sena Keresete mme ba nna
mo “lefifing”. Lokwalo lo lopa
boikarabelo jwa bone go tshela
go ya ka boemo jo bosha jo ba
bo neetsweng mo go
Keresete, ebong go tshela botshelo
“mo leseding”.
Dintlha
13

24 Seetebosigo 2012 Tshipi
Paakanyetso ya tirelo ya baswi
Go santse go
na le nako ya
go ikwatlhaya
Ke gone, metlha ya botlhoka kitso,
Modimo o ne wa e tlhokomologa,
mme gompieno o laola gore batho
ba ikwatlhaye ka ntlha tsotlhe.
Ditiro 17: 30
Molaetsa
Batho botlhe—mono le kwa
bobipong—ba kgothadiwa
gore ba ikwatlhaye.
Tlhaloso ka botlalo
Fa re ne re ka botsa batho
gompieno: “A lo batla tshegofatso
ya Modimo?” re ka amogela
diphetolo tse di farologanyeng
tse di neng di ka
senola gore bontsi ga ba na
kakanyo ya gore tota ba ka
reng ka potso eo.
Botlhoka kitso ka ga leano
la Modimo la poloko
Magareng ga masomosomo a
ba ba tshedileng mo lefatsheng
le, ke ba le mmalwa fela
ba ba nneleng le sebaka sa go
utlwa laletso ya go ikwatlhaya
le tetlano eo Baapostolo ba e
leretse lefatshe (cf. 2
Bakorinthe 5: 20). Fano
Moapostolo Paulo o bua ka
“metlha ya botlhokakitso” eo
mo go yone batho ba ne ba sa
itse sepe ka ga Modimo o o
tshedileng le ka setlhabelo sa
Keresete. Ka go bo poloko e
ka se ke e bonwe kwa ntle ga
Keresete, mewa e ne e tlaa bo
latlhegetse ruri, fa Modimo o
14
ne osa e direla sebaka sa gore
e ikwatlhaye mmogo jalo le go
e naya tshegofatso ya One.
Lebaka la gore a lebe go feta
metlha ya botlhoka kitso go
raya gore Jesu Keresete o
leretse setlhabelo sa gagwe
bao ba ba tshedileng mo metlheng
e e fetileng.
Palo e ya Baebele e dirisa
lefoko “ka ntlha tsotlhe” go
kaya gore neo e ga ya
lekanyediwa, mme bogolo e
gaisa nako le lobaka. Ke gone
fa Modimo o laela batho botlhe
gore ga ikwatlhaye le go batla
tshegofatso. Nako ga e ise e
fete mo go mongwe le mongwe.
Lobaka ga lo e se lo fete
thata
E rile Jesu a neela mowa mo
mokgorong, molaodi wa
mophato yo o neng a eme
gaufi le ene a lemoga gore:
“Ruri monna yo e ne e le
Morwa Modimo!” (Mareko 15:
39). Ka tebo ya setho mongwe
o ka bua a re temogo e e tsele
morago thata ga nako. Mme le
fa go ntse jalo o ne a santse a
na le nako. Baebele ga e bolele
sepe gape ka motlhala wa botshelo
jwa monna yo, le fa go
ntse jalo one a dumela ka go
lemoga Morwa Modimo, kitso
e ene ya nna thuso le poloko
ya gagwe.
Gongwe gona le mewa e le
mentsi e e leng gore fa e le
kwa bopipong ke gone e nna
le go tlhaloganya mo go
tseneletseng gore
■ tota go boammaaruri gore
Jesu ke Morwa Modimo!

Paakanyetso ya tirelo ya baswi
■ Jesu yo gape o swetse
dibe tsa me mo
mokgorong!
■ Ke batla go ikwatlhaya,
ke fetole botshelo jwa
me, le go batla tshegofatso
ya gagwe!
Fa re ne re ka tsaya gore ga
gona dipheto dipe tse di ka
nnang teng morago ga loso
lwa tlholego, ruri re ne re ka
wetsa gore nako e fetile. Le fa
go ntse jalo, Modimo ka lorato
la gagwe o dirile ditsela le
mekgwa tseo ka tsone ba ba
tshedileng mo botlhoka kitso
ka ga leano la Modimo la
poloko ba santse ba ka ikwatlhaya
le go amogela poloko mo
go Keresete.
Fa Modimo a laolela batho
botlhe ka ntlha tsotlhe gore ba
ikwatlhaye, mo go raya gore
tsela e e yang poloko e santse
butswe le mo go bone tota ba
ba e leng ba utlwa taletso ya
go ikwatlhaya mo botshelong
jwa bone mme ba itlhokomolosa
yone kgotsa e bile ba e
nyatsa, jaaka bangwe ba ba
neng ba utlwa thero ya ga
Moapostolo Paulo ba ne ba
dirile ka teng.
A merapelo ya rona e thuse
mewa e le mentsi gongwe le
gongwe gore e lemoge tsela e
le go amogela taletso ya go
dira boikwatlhao!
Go tswa mo tirelong ya Moapostolo yo
Mogolo
Tshoboko
■ Botshelo jwa selefatshe jwa batho
ba le bantsi ke “metlha ya botlhoka
kitso”
ka gonne ba ka tswa ba ne ba sa
kgone kgotsa ba sa rate go botsa
ka ga Modimo o o tshedileng le
tshegofatso ya One.
■ Go santse gona le nako ya go
ikwatlhaya mo bathong botlhe
gongwe le gongwe—e ka nna
mono kgotsa kwa bobipong.
Boleng jwa thuto
Kwa Athene, fa thabeng ya
Areopago foo teng lekgotlha
le legolo la molao le ne letle le
kopanele teng mo metlheng
ya bogologolo, Moapostolo
Paulo one a supa ka Modimo
wa boammaaruri o ba neng
ba o obamela ba sa o itsi
jaaka “ Modimo o o sa itsiweng”.
Batho ba ne ba kgaoganye fa
Paulo a simolola go ruta thuto
ya tsogo ya baswi: bangwe ba
mo sotla, mme ba bangwe ba
dumela.
Dintlha
15

27/28 Seetebosigo 2012 Gare ga beke
Botlalo jwa
Modimo ka
Mowa o o
Boitshepo
[Gore] lo bo lo nonofele go
tlhaloganya le baitshepi botlhe jo
e leng boatlhamo, boleele, le
bogodimo le boteng—le go itse
lorato lwa ga Keresete lo lo
fetang kitso; gore lo tladiwe go
ya go fitlha kwa botlalong jotlhe
jwa Modimo.
Baefeso 3: 18–19
Molaetsa
Re tshwanetse go tladiwa ka
bogolo jwa semodimo mo
Moweng oo Boitshepo.
Tlhaloso ka botlalo
Ke eng se se tletseng mo
pelong tsa rona?
Fa re leba mo motlheng wa
rona re lemoga gore batho ba
tladitswe ke dilo tse di metlhaletlhale.
Mo ditiralong di le
dintsi, dilo tse di lekanyeditswe
mo go tsa selefatshe. Batho
ba tladitswe ke dikeletso tsa
bone le mekgwa, gongwe e
bile le matshwenyego a bone
ka ga isago. Le fa go ntse jalo
rona re batla go tladiwa ke botlalo
jwa Modimo mo Moweng
o o Boitshepo. A re tladiweng
ka dineo tsa semodimo le
molemo. Fa Mowa o o
Boitshepo e le one o o dirang
moteng ga rona, le rona re ka
amogela botlalo jotlhe jwa
Modimo.
Dikai tsa Baebele tse di late-
16
lang di re supegetsa dilo tse di
tshwanetseng o tlatsa pelo tsa
rona:
■ Morena Jesu o ne a tletse
keletso ya go nna gaufi le
Rraagwe. Fa a le dingwaga
di le lesome le bobedi
o ne a raya batsadi ba
gagwe a re: “Lo ne lo sa
itse fa ke tshwanetse go
nna mo go tse e leng tsa
ga Rre?” (Luke 2: 49). Mo
e ne e le keletso ya pelo
ya gagwe. A re tladiweng
ke keletso ya go nna
gaufi le Modimo. Ka
ntlha ya gone moo, re
tsena ditirelo gangwe le
gape ka fa re ka kgonang
ka teng le go tshela botshelo
jo bo tlhoafetseng
jwa thapelo.
■ Mosamaria yo o Molemo
o ne a tletse lorato la
semodimo mmogo jalo le
go rata mongwe ka ene.
O ne a tlamela monna yo
o neng a tlhokile lesego
yo o neng a wetse mo
diatleng tsa magodu. Ba
bangwe ba ne ba mo feta
fela
(cf. Luke 10: 25–37).
A le rona re tladiwe ka go
rata bakaulengwe le bokgaitsadi
ba rona, go gaisa
moo, le mongwe le
mongwe yo o tlhokang
thuso ya rona.
■ Moapostolo Paulo le
Baapostolo ka ene ba ne
ba tletse bopelokgale
jwa tumelo. E rile ba

Botlalo jwa Modimo ka Mowa o o Boitshepo
ilediwa go anamisa efangele
ba fetola jaana: “Re
na le go utlwa Modimo
bogolo go batho” (Ditiro
5: 29). A le rona re supe
bopelokgale jwa tumelo jo
bo ntseng jalo.
■ Moapostolo Paulo o ne a
tletse tlhwaafalo ya tiro
ya Modimo (cf.
2 Bakorinthe 11: 2).
A le rona re tladiwe tlhotlheletso
ya go direla
Morena le go dirisa neo
tsa rona go mo direla.
Fa re tletse ka dilo tse, re tlaa
bo gape re tladitswe ka boitumelo
jwa legodimo.
Boitumelo jwa boammaaruri
bo bonala fa go dirafadiwa tse
di tlhokegang pele, ke gone
dipelo tsa rona di tlaa bo di
tletse Morena le tiro ya gagwe
ka botlalo.
Dira bodulo jwa botlalo jwa
Modimo!
Fa re ipotsa potso e e reng ke
eng se se tletseng mo pelong
tsa rona, re tshwanetse gore
gape re gopole tse di latelang:
pelo ya rona e tshwana jaaka
sejana se se nang le tekanyetso
e e rileng. Fa re tladitswe
thata ke dilo tsa lefatshe, go
tlaa bo go sa sala bodulo jo bo
lekaneng jwa botlalo jwa
Modimo. Ke gone ka moo re
tshwanetseng ra bona gore re
itshokela go sa tshwarega mo
dilong tsa lefatshe. A re direng
bodulo jwa botlalo jwa
Modimo!
Go tswa mo tirelong ya Moapostolo yo
Mogolo
Tshoboko
A re ipotseng gore: Ke enng se se tletseng
mo pelong tsa rona?
A re tladiweng ka
■ keletso ya go nna gaufi le Modimo.
■ lorato la semodimo mmogo jalo le
go rata mongwe ka rona.
■ bopelokgale jwa tumelo.
■ tlhoafalelo ya tiro ya Modimo.
Boleng jwa thuto
Mokwadi wa lokwalo lo lo lokwaletsweng
Baefesia o
rapelela phuthego mme, go
simolola mo go Baefeso 3:
14, o kaya se se leng mo
merapelong ya gagwe. Mo go
wela ka keletso ya gore
phuthego e tle mo go tlhaloganyeng
lorato la Keresete.
Mo go felela go nna maikaelelo
a haphegileng, ebong gore
re “tladiwe ka botlalo jwa
Modimo”.
Dintlha
17

18
Seetebosigo 2012 Tirelo ya basha
Maduo a Mowa a a eletsegang – Go sepela le Morena
O nne sekao
Ope a se ka a nyatsa bokau jwa
gago, o nne sekao sa ba ba dumelang,
mo puong le mo mokgweng
wa go tshela, le mo loratong, mo
tumelong le mo boithsekong.
1 Timotheo 4: 12
Molaetsa
Re kgothadiwa go nna sekao
mo go botlhe. Re a itse gore
mo ke boikarabelo jo bogolo.
Tlhaloso ka botlalo
Fa re le sekao se se siameng
re ka nna le phetolo maikutlo e
kgolo bo bathong ba motlha
wa rona, ditsala, le baratiwa.
Ga gona dingwa tse di
lekanyeditsweng go nna sekao
se se ntseng jalo.
Re tshwanetse go nna
sekao
… mo puong
Re ka leba seo ka ditsela tse
tharo:
■ Re amogela jang lefoko la
Modimo? A re ka bua
gore ga re le amogele
jaaka le fokoko la motho
mme jaaka lefoko la
Modimo, jaaka Paulo a
kwaletse Bathesalonika
(cf.
1 Bathesalonika 2: 13).
■ Re buisana jang le ba
bangwe? A puo ya rona,
dipuisanyo tsa rona, le
tsela e re itebaganyang
ka yone le ba bangwe, e
tshwana le ya Keresete?
Fa re gateletswe kgotsa
re rumolwa a re santse
re le sekao mo puong?
■ Puo ya rona e raya go le
kae mo go ba bangwe?
Fa re na le sebaka sa go
paka tumelo ya rona a re
sekao sa boammaaruri
mo puong? A re ka tlhotlheletsa
ba bangwe gore
ba itemogele se le rona re
se itemogetseng (cf.
Baefeso 1: 13–14)?
… mo mokgweng wa go
tshela
Ka fa re itsholang le go tshela
ka teng le gone go botlhokwa
(cf. 1 Petere 1: 15). A re se ka
ra fetolwa maikutlo ke ditemalo
le boitsholo jo bo mo tikologong
ya rona jaaka go latlhelwa
ke tlotlo, go dumela mo
dithotong, le go iteba e le rona
fela. Fa e le gore matshelo a
rona a itebagantse le tlholego
ya Keresete, a tlaa nna le
seabe mo go ba ba leng mo
tikologong ra rona.
… mo loratong
Re amogetse lorato lo lo
gakgamatsang lo lo neng lwa
thelegela mo pelong tsa rona
ka Mowa o o Boitshepo.
Lorato ke lone lo lo tshwanetseng
go re bofa mmogo ka go
amogela ba bangwe mo
makoeng a bone, go
tshwenyega ka ba ba leng kwa
tlhoko le kwa ntle ga

Go sepela le Morena
bokopano jwa rona, le go
ikgapha mo magatweng.
A re nneng sekao le go dira
ka lorato lo lo kana ka lwa ga
Keresete ka go mo direla le
ba bangwe, le ka go nna tlhaga
mo tirong ya gagwe.
… mo moweng le tumelo
A re nne sekao ka tumelo e e
tlhomameng gore re amogetse
Mowa o o Boitshepo ka peo ya
diatla ya Moapostolo (Maikano
a bone a Tumelo). Bogolo jang
mo metlheng e thata a re
nneng gaufi le Modimo. A re
nneng sekai mo go ba bangwe
ka go tsena ditirelo ga rona le
go ikanya Modimo ga rona.
… bo boitshekong
Timotheo one a kgothadiwa
go dira ka boitsheko, ka
mafoko a mangwe go tila
boleo. A re direng boitlhomo jo
bo bonalang sentle fa go tla
mo boleong le go nna pelokgale
ka go bolelela ba bangwe
gore re ema kae.
Re kgothadiwa go nna sekao
go botlhe. Jo ke boikarabelo jo
bogolo jo bo neiwang le bone
basha tota.
Tshoboko
■ Sekao se se siameng se ka nna le
tiralo e kgolo mo go ba ba leng mo
tikologong ya rona.
■ Nna sekao ka puo, boitsholo,
lorato, mowa, tumelo le boitsheko.
Boleng jwa thuto
Paulo okgothatsa Timotheo
go nna motlhanka yo o siameng
le go dirafatsa ditiro tsa
gagwe ka boikanyego le go
nna sekao. Ga a tshwanela
go letla ope go mo nyenyefatsa
ka go bo a le monana.
Badiredi ba banana le bone
ba ka nna le tlotlomalo le
boitekanelo mo tumelong.
Dintlha
19

Dintlha

Dintlha

Dintlha

Seetebosigo 2012
1 Labotlha.
2 Matlha.
3 Tshipi
4 Mosupo.
5 Labobedi
6 Labora.
7 Labone
8 Labotlha.
9 Matlha.
10 Tshipi
11 Mosupo.
12 Labobe.
13 Labora.
14 Labone.
15 Labotlha.
16 Matlha.
17 Tshipi
18 Mosupo
19 Labobe.
20 Labora.
21 Labone.
22 Labotlha.
23 Matlha.
24 Tshipi
25 Mosupo.
26 Labobe.
27 Labora.
28 Labone.
29 Labotlha.
30 Matlha.
1 Johane 5: 6–8
Bagalatia 5: 6
Ditiro 3: 16
Baefe. 4: 29
Jakobe 1: 19–21
Baefe. 5: 8
Ditiro 17: 30
Baefe. 3: 18–19
1Tshipi
Phukwi 2012
Pesale. 24: 3–4
2Mosupo.
3Labobe.
4Labora.
1 Johane 3: 11
5Labone
6Labotlha.
7Matlha.
8Tshipi.
Pesalema 14: 2
9Mosupo.
10Labobe.
11Labora.
Bagalatia 1: 10
12Labone.
13Labotlha.
14Matlha.
15Tshipi
Juta 22–23
16Mosupo.
17Labobe.
18Labora.
2 Ditirafalo 16: 9
19Labone.
20Labotlha.
21Matlha.
22Tshipi
Tshenolo 1: 1–3
23Mosupo.
24Labobe.
25Labora.
1 Bathesa. 3: 9–10
26Labone
27Labotlha
28Matlha.
29Tshipio
1 Bakori. 15: 53–55
30Mosupo.
31Labobe.

Moanamisi: Wilhelm Leber,
Zurich/Switzerland
Verlag Friedrich Bischoff GmbH
Gutleutstrasse 298,
60327 Frankfurt a. M.
Mookamedi:
Jürgen Kramer
EMokanoki:
Reinhard Kiefer
E gatisitswe ke Kereke ya Kgaolo ya
Baapostolo ba Basha ya Borwa
Botlhaba jwa Aferika
Ga go karolo ya kgatiso e, e e ka
gatisiwang ntle ga teseletso ya
moanamisi wa yone..
ISSN1867-867X