JADRAN PISMO d - Daily Local News on Board

FILIPINO/TAGALOG
KARAPATANG MAGPALATHALA © 2010 – Ang maiigsing balitang nalalathala rito ay mula sa mga
nakalap na ulat sa radyo, telebisyon at dyaryo sa Pilipinas. Sa pamamagitan nito, hinihimok ng ahensya
na ibahagi ang siping ito sa mga kababayang nagnanais na makibalita. Maliban lamang sa mga
impormasyong libre, ang mga bagay na may direktang kopirayt ay hindi maaaring sipiin, gamitin,
kopyahin o paramihin sa kahit anong paraan ng walang lisensya o pahintulot
mula sa tagapaglathala, o ipamigay, o ipadala sa mga indibidwal
o mga barkong hindi suskritor nito.
FOREX
P43.95 sa US$1 (P43.70 Lunes)
MGA ULO NG BALITA
MAGANDANG UMAGA, PILIPINAS!!!
Ang mga sumusunod na balita ay nailathala sa mga
pangunahing pahayagan sa Pilipinas ngayong araw,
MIYERKULES, 17 NOBYEMBRE 2010
National <strong>News</strong>
� GMA tinulungan ang mga Ampatuan
� Bomb scare sa US embassy, pinatutukan ni P-Noy
� Media, nasisi sa bumagsak na trust rating ni Noy
� House minority sa DoT: Palitan ang slogan, Pacman gawing endorser
� Gordon, dismayado sa bagong tourism slogan
� Kontribusyon sa Pag-IBIG apektado
OFW <strong>News</strong>
� Tigil-padala ng OFWs
� 6K OFWs wanted sa SoKor!
� 50 OFW na minaltrato sa Lebanon, dumating na sa bansa
Regional
� Dayuhang crew ng barko na-resue sa karagatan ng Pangasinan
� Paglutang ni Hayden Kho sa limelight, binatikos sa Senado
� 2 beses na hearing, 'di naaprubahan - DoJ
� Shipyard sa Cebu, pinagbabayad ng SC dahil sa nasunog na Superferry 3
� Daan-daang piniratang kopya ng Pacquaio-Margarito fight, nakumpiska
� Mister, tsinap-chop ni misis sa North Cotabato; nilagyan pa ng condiments
� Panukala para sa dagdag benepisyo ng mga brgy officials
Foreign
� Engagement ni Prince William, pinagpiyestahan
� Pinakamataas na military honor, iginawad ni Obama sa Afghan war hero
� 1 pang Qantas flight, ligtas na nakalapag matapos tamaan ng kidlat
� Australian spiderman, titira ng 3 linggo sa shop na may 400 arachnids
Sports
� 'Pacquiao, best boxer in the world pa rin' -- Ring Magazine
� Pinoy swimmers, lalaban para sa gold medal sa Asian Games
� Filipino cue masters, pasok na sa quarterfinals sa Asian Games
� Mabilis na paggaling ni Pacman, ikinagulat ng attending physician

Showbiz
� Kris, nasabon daw ng mga kapatid sa paglabas ng isyu kina P-Noy at Liz
� Aling Dionisia: 'Payag ako lumaban muli si Manny kung si Mayweather na'
� James Yap, 'di makakasama ang kanyang mag-ina sa Christmas
� 'Pagiging PH Arts amb. ni Boy Abunda, hindi official appointment'
Odds and Ends
� Naka-bikining babae nakaka-distract sa beach volleyball sa Asian Games
� Rare pink diamond, nagtala ng record matapos ma-auction ng $46-M
Trivia Bits
� Kate Middleton, 'most searched name' sa internet ngayon
BUOD NG MGA BALITA
PAMBANSA
GMA tinulungan ang mga Ampatuan
NANINIWALA ang Malacańang na dapat hintayin na lamang ang resulta ng mga ginagawang
imbestigasyon sa Maguindanao massacre. Reaksyon ito ng Palasyo matapos akusahan ng Human
Rights Watch (HRW) ang Arroyo administration na nakatulong sa pamilya Ampatuan. Sinabi ngayon
ni Communications Sec. Ricky Carandang, hayaang tapusin muna ng DoJ ang ginawang dagdag na
imbestigasyon at sa gagawing pagsisiyasat ng Truth Commission. Ayon kay Carandang, posibleng
may basehan ang report ng HRW pero maaaring "indirect" ang kasalanan ng Arroyo administration
kasunod ng mga polisyang ipinatupad. "I think so. Maybe not directly but the policy that were
undertaken by the last administration could have contributed to that whole situation," ani Carandang.
Bomb scare sa US embassy, pinatutukan ni P­Noy
PINAIIMBESTIGAHAN na ng Pangulong Benigno "Noynoy" Aquino III sa PNP at NBI ang umano'y
naiwang fragments ng granada sa harapan ng US Embassy. Sinabi ngayon ng Pangulo, dapat itong
tutukan hindi lamang dahil embahada ng Estados Unidos ang target kungdi dahil sadyang
nakaperhuwisyo ang ganitong pangyayari. Ayon sa Pangulo, dapat mapag­aralan kung paano matrace
ang mga pinanggagalingan ng mga bomb scare at maaresto ang mga tinatawag na prank
callers. Gagawin umano ng gobyerno ang lahat para matigil na ang ganitong kalokohan. "Mahirap
mag­speculate. I still have to get the investigation report. But the... ano 'yon, kahit 'yong fake hand
grenades kasi we were reviewing... there seems to be so many incidents (garbled). It is however
considered consumable. Sana may paraan para ma­trace: sino ba inisyuhan nito? Paano ba napunta
doon? Tututukan 'yan ng ating kapulisan saka ng NBI para ma­determine not because of the US
Embassy but because, in things like these and to include na rin 'yong mga call sa bomb threats, 'yung
mga crooks na tumatawag... I'm having that studied to determine how do we arrest all of these
perpetrators," ani Aquino. Kasabay nito, iginiit ng Pangulo na mahirap mag­speculate na ang bomb
threat ay pananamantala sa mga inilabas na travel advisories.
Media, nasisi sa bumagsak na trust rating ni Noy
HINDI umano kasalanan ng Communications Group ng gobyerno ang bumagsak na trust rating ng
Pangulong Benigno "Noynoy" Aquino III. Sinabi ngayon ni Communications Sec. Sonny Coloma, hindi
naman nagkukulang ang kanilang grupo sa pagbibigay ng mga tamang impormasyon. Ayon kay
Coloma, ang mga negatibong balita na lumalabas sa mass media ay maling interpretasyon lamang
sa kanilang mensahe. Kaya ang panawagan umano ng Pangulong Aquino ay pagtuunan ng pansin
ang mga bagay na magsusulong sa kalagayan ng bansa. Pero nirerespeto umano ng Palasyo ang
mga tinatanggap na batikos dahil bahagi ito ng buhay na demokrasya. "Kadalasan po, merong

pagkakataon na merong interpretasyon na ginagawa ng mass media hindi naayon sa mensahe na
inilalabas ng ating pamahalaan," ani Coloma.
House minority sa DoT: Palitan ang slogan, Pacman gawing endorser
HINIMOK ngayon ng mga mambabatas ang Department of Tourism (DoT) na huwag nang ipilit ang
bagong slogan na "Pilipinas kay Ganda," dahil sa mga negatibong reaksyon ng mismong mga nasa
tourism industry. Sa panayam kay House Minority Leader Edcel Lagman sinabi nitong maraming
magagawang alternatibo ang pamahalaan para palakasin ang industriya ng turismo, lalo na ngayong
paksa ng buong mundo ang pinakahuling tagumpay ni Sarangani Rep. Manny Pacquiao sa kaniyang
laban kay Antonio Margarito. Ayon kay Lagman, magandang maging endorser ng turismo si Pacquiao
dahil kilala ito kahit saang panig ng mundo. Maging si Zambales Rep. Mitos Magsaysay ay sumangayon
sa panukala ni Lagman, lalo't marami ang naniniwala na nasa "Pacquiao era" ang boxing
ngayon. Sa panig naman ni Quezon Rep. Danilo Suarez, mas mabuti umanong Ingles ang slogan
upang hindi na kailanganin pa ang translator na magpapaliwanag sa mga turista.
Gordon, dismayado sa bagong tourism slogan
NANGHIHINAYANG at dismayado si dating senador at tourism secretary Richard Gordon sa pagpalit
ng slogan na "Wow! Philippines" na ngayon ay tinatawag na "Pilipinas kay Ganda" ng Department of
Tourism (DoT) bilang pang­akit sa mga turista o mga dayuhan na nais bumisita sa bansa. Paliwanag
ni Gordon, ilang taon ng ginagamit ang "Wow! Philippines" na tumatak na ang pangalan ng bansa
saan mang sulok ng mundo.
Naniwala ang dating opisyal na mahihirapan ang Pilipinas sakaling tuluyang palitan ang dating slogan
na siyang nakasanayan na ng marami. Aniya, sakaling gagamitin ng bansa ang mga katagang
"Pilipinas kay Ganda," maaaring magdulot ito ng kalituhan sa mga turista na mahirap maintindihan
dahil gamit umano sa wikang Filipino ang mga salita na ginamit. Muli namang nagpaliwanag si
Tourism Sec. Alberto Lim na marami naman aniyang sang­ayon sa paggamit ng slogan na "Pilipinas
kay Ganda" na kanilang inilunsad kabilang dito ang maraming airline companies. Sinabi nito na ang
pagpapalit ng slogan ay magdedepende sa magiging resulta ng kanilang test. Pero may ilang nasa
tourism industry ang hindi naman sang­ayon sa bagong promosyon ng DoT.
Kontribusyon sa Pag­IBIG apektado
NAGBABALA ang isang kongresista na maapektuhan ang koleksyon ng Pag­IBIG Fund sa mga
miyembro nito dahil pangambang napupunta lamang umano sa wala ang ikinakaltas sa suweldo ng
mga ito. Ito ang iginiit ni Citizens Battle Against Corruption (CIBAC) partylist Rep. Sherwin Tugna
kaugnay ng kontrobersyal na umano’y maanomlayang housing loans na ipinagkaloob ng Home
Development Mutual Fund (Pag­IBIG Fund) sa Globe Asiatique Realty Holdings Corp. “Employees
who get a monthly salary of 10 to 20 thousand get salary deductions for Pag­IBIG contribution as
mandated by law and find a hard time qualifying for a Pag­Ibig housing loan because the screening is
very stringent. And then they will find out that their money was used in fraud? There will be a public
distrust because of this anomaly that the Pag­IBIG members, as well as their employers, would rather
not pay their Pag­IBIG contribution because it is wasted anyway,” diin pa ni Tugna. Umaabot na sa
7.5M ang miyembro ng Pag­IBIG Fund na karamihan ay mga empleyado ng pamahalaan at ng
regular income earners na pawang nangangarap umanong magkaroon ng sariling tahanan sa tulong
na pamahalaan. Sinabi ni Tugna na malabong mabawi pa ng pamahalaan ang P6.6B halaga ng
pekeng housing loans na ipinagkaloob ng Pag­IBIG Fund sa Globe Asiatique Realty Holdings Corp.
Sa ginanap na pagdinig ng House committee on good government and public accountability, sinabi ni
Tugna na maglalaho ang nasabing halaga kaugnay ng umano’y pamemeke at pang­aabuso ng ilang
opisyales ng Pag­IBIG Fund.
BALITANG OFW/KWENTONG MARINO
Tigil­padala ng OFWs

ITITIGIL ng pinakamalaking grupo ng mga recruiter sa bansa ang pagpapadala ng mga overseas
Filipino workers (OFWs) sa ibang bansa bilang protesta sa implementasyon ng batas na nag­aatas sa
mga recruitment agency na karguhin o bayaran ang napakataas na insurance ng kanilang mga recruit
na Pinoy worker. Sa ipinalabas na pahayag ng Philippine Association of Service Exporters, Inc.
(PASEI) na mayroong 750 miyembrong ahensiya, ititigil nila ang pagpoproseso ng exit clearances sa
mga aplikante para sa pagtatrabaho sa ibang bansa sa Philippine Overseas Employment
Administration (POEA) hangga’t hindi ipinapatigil ng gobyerno ang anila’y hindi makatarungang
paniningil ng napakataas na insurance premium. Sa pagtataya ay nasa 2,500 Pinoy ang umaalis sa
bansa araw­araw para magtrabaho sa ibang bansa kung saan pinakarami ang patungo sa Saudi
Arabia, base sa record ng POEA. Ayon sa PASEI, hindi sila tutol na pangalagaan ang kapakanan at
bigyan ng proteksyon sa pamamagitan ng insurance ang mga OFW sa ilalim ng Overseas Workers
Welfare Administration (OWWA), pero ang pagdikta sa premium para sa nasabing proteksyon ng
tatlo umanong insurance company ay hindi katanggap­tanggap. “It actually amounts to forcing the
recruitment industry to work and to support the business of the insurance industry at the expense and
death of the overseas employment industry,” pahayag pa ng grupo. Base rin sa report sa Hong Kong
media, ilang residente ang nagsuspinde na rin sa pag­empleyo ng domestic helpers dahil sa
implementasyon ng compulsory insurance premium, habang ayon sa Society of Hong Kong­
Accredited Recruiters of the Philippines (SHARP) ay nagsabing naalarma na rin ang kanilang mga
miyembro sa nasabing polisiya. Ang suspensyon ng deployment ng mga Pinoy workers ay
nagbunsod sa pagpapatupad ng Republic Act No. 10022 o amyenda sa RA No. 8042 o ang Migrant
Workers and Overseas Filipinos Act of 1995 na nag­aatas sa mga recruitment agency na sagutin ang
insurance ng kanilang mga mari­recruit na empleyado. Ang tatlo umanong insurance company ay
may pare­parehong rate na US$72 sa isang taong insurance plan at US$144 naman para sa
dalawang taon insurance plan.
6K OFWs wanted sa SoKor!
KARAGDAGANG 6,000 trabaho sa pabrika ang naghihintay sa mga overseas Filipino workers
(OFWs) sa South Korea dahilan para umabot sa 10,000 Pinoy ang makikinabang sa trabahong
ibinigay ng nasabing bansa ngayong taon lamang. Nauna nang nagkaloob ang nasabing bansa ng
4,000 trabaho sa mga Pinoy. Bukod sa magandang balita sa mga naghahangad magtrabaho sa
South Korea, maikukonsiderang jackpot ang naghihintay na trabaho dahil sa ipaiiral na sistema sa
recruitment kung saan walang sisingiling placement fee. Ang kasunduan hinggil sa naghihintay na
mga trabaho ay bunsod ng pag­uusap ng dalawang bansa, ang Pilipinas at South Korea, kaya’t ang
mga gustong mag­apply para sa nasabing trabaho ay hindi kailangang dumaan sa anumang
ahensya, kundi direktang makikipag­ugnayan lamang sa DOLE. Para maengganyo ang maraming
Pinoy ay hinimok ng Philippine Overseas Employment Administration (POEA) ang mga OFW na
subukang magtrabaho sa nasabing bansa dahil maliban sa walang babayarang placement fee ay
masisiguro dito ang kapakanan at proteksyon ng mga manggagawa dahil gobyerno sa gobyerno ang
nag­usap hinggil sa naghihintay na mga trabaho sa pabrika na may katumbas na sahod na P30,000
hanggang P40,000 bawat buwan.
50 OFW na minaltrato sa Lebanon, dumating na sa bansa
UMAABOT sa 50 pang inabusong overseas Filipino workers (OFWs) ang nakauwi na sa bansa
kahapon buhat sa Lebanon. Dumating ang mga OFW sa Ninoy Aquino International Airport Terminal
1 lulan ng Qatar Airways flight. Sari­saring kalbaryo at bangungot ang naranasan ng mga nagbalikbansang
OFW matapos makalasap ng kalupitan mula sa kani­kanilang mga naging amo sa nasabing
bansa. Ilan din sa mga umuwi ay naging biktima naman ng mga illegal recruiter. Nitong Lunes,
Nobyembre 15 ng umaga ay naunang dumating ang 90 OFWs na sinundan kinahapunan ng
pagdating ng pangalawang batch na binubuo ng 23 manggagawang Pinoy na pawang galing sa sa
nabanggit na bansa. Personal na sinalubong nina Vice President Jejomar Binay at Foreign Affairs
Undersecretary Esteban Conejos Jr. ang mga umuwing OFW. Karamihan sa mahigit 100 OFW na
umuwi nitong Lunes ay runaway worker na pansamantalang kinanlong sa Filipino Workers Resource

Center (FWRC) at Caritas Migrant Center wards habang ang iba ay nakalaya sa piitan matapos
masangkot sa kaso at ilang part­timers na humiling na mapauwi na sa Pilipinas.
REHIYON
Dayuhang crew ng barko na­resue sa karagatan ng Pangasinan
NA­RESCUE ng Philippine Coast Guard sa bayan ng Sual, Pangasinan isang crew ng barko na
kinakailangang madala sa ospital matapos abutan ng emergency sa karagatan. Kinilala ang crew na
si Mr. Khin Maung Kyu, 45­anyos, isang Myanmar national. Ayon kay master chief petty officer
Conrado Cabrera ng Philippine Coast Guard, tumawag sa kanila ang operations manager ng
Shipping Smith Corporation upang hingan ng tulong oara sa naturang crew na lulan ng isang barko
dahil nakakaranas ng matinding sakit ng tiyan. Agad na nagtungo ang Sual rescue team gamit ang
tugboat at isinakay ang biktima sa ambulansya para dalhin sa pagamutan. Napag­alaman na galing
sa Singapore ang barko at patungong China. Sa ngayon, maayos na umano ang lagay ng pasyente
at inaaayos na ang kanyang papeles para makauwi sa kanyang bansa.
Paglutang ni Hayden Kho sa limelight, binatikos sa Senado
PINATUTSADAHAN naman ni Sen. Bong Revilla ang pagbabalik ni Dr. Hayden Kho sa limelight
matapos ang paglalabas at promosyon ng pabango na may pangalan niya. Sinabi ni Revilla na
mistulang balewala lang kay Kho ang kinasuungan nitong kontrobersyal na sex video scandal na
inimbestigahan ng Senado mahigit isang taon na ang nakalipas. Umaasa si Revilla na hindi
makalilimutan ng publiko ang masamang ginawa ni Hayden nang paglaruan ang puri at dangal ng
ilang babaeng biktima nito sa sex video, kabilang na sina sexy actress Katrina Halili at Maricar
Reyes. Tiwala si Revilla na makakamit din ng mga biktima ni Kho ang katarungan sa ginawa niyang
kalaswaan. Nadismaya si Revilla sa pahayag ni Kho nang ilunsad ang kanyang pabango na umanoy
tila itinuturing niyang laro ang reputasyon ng ibang tao at binalewala ang mga batas.
2 beses na hearing, 'di naaprubahan ­ DoJ
NILINAW ng Department of Justice (DoJ) prosecution panel na may hawak sa Maguindanao
massacre case na isang beses pa rin sa isang linggo idaraos ang pagdinig sa nasabing kaso. Ayon
kay Assistant Chief State Prosecutor Richard Anthony Fadullon, bagama't natalakay ang mungkahing
gawing dalawang beses sa isang linggo ang pagdinig sa idinaos na case conference kamakailan,
walang napagkakasunduan hinggil doon ang korte, kampo ng prosekusyon at ng depensa.
Inaasahang mananatili umanong isang beses sa isang linggo ang pagdinig sa kaso at iyon ay tuwing
Miyerkules hanggang sa pagtatapos ng Nobyembre. Nabanggit din umano sa pagpupulong na tila
mahihirapan ang mga staff ni Judge Jocelyn Solis­Reyes ng Quezon City Regional Trial Court Branch
221 kung gagawing dalawang beses sa isang linggo ang pagdinig dahil hindi nila basta matatapos
ang pagta­transcribe ng mga stenographic notes. Sa kabila nito, kinumpirma ni Fadullon na
napagkasunduan sa pagpupulong na dalawang testigo na ang isasalang sa bawat pagdinig para
makatulong sa pagpapabilis ng proseso ng paglilitis. Nauna rito, ikinatuwa pa ng mga kaanak ng
biktima ng massacre ang dalawang beses sana na hearing kada linggo.
Shipyard sa Cebu, pinagbabayad ng SC dahil sa nasunog na Superferry 3
IBINASURA ng Korte Suprema ang pangalawang motion for reconsideration na isinampa ng Keppel
Cebu Shipyard Incorporated (KCSI) na humihiling na baligtarin ang naunang desisyon ng hukuman
na nag­uutos na bayaran nito ang M/V Superferry 3 ng halagang P329.7 milyon. Sa limang pahina ng
resolusyon, sinabi ng 2nd divison ng korte na nabigo ang KCSI na magbukas ng bagong issue na
magpapahintulot para baligtarin ang nauna nilang desisyon. Hindi rin pumayag ang kataas­taasang
hukuman na magdaos ng oral argument para maiakyat ang usapin sa Court en banc at ito ang
magdesisyon hinggil sa usapin. Nag­ugat ang kaso matapos pumasok sa ship repair agreement ang
pamunuan ng M/V Superferry 3 sa KCSI kung saan pumayag ito na i­renovate at i­reconstruct ang
naturang barko sa pamamagitan ng dry docking facilities ng mga ito. Nabatid na habang inaaayos

ang nasabing ferryboat, nasunog ang bahagi ng nito na nagdulot ng pagkasira ng sasakyang
pandagat. Isinisisi naman sa kapabayaan ng KCSI ang nasabing sunog matapos mapag­alaman na
walang kaukulang safety permit ang mga empleyado nito na nagsagawa ng renovation.
Daan­daang piniratang kopya ng Pacquaio­Margarito fight, nakumpiska
NAKUMPISKA ng Optical Media Board (OMB) ang mahigit sa 500 sako na kopya ng pirated VCDs at
DVDs ng iba't­ibang mga pelikula. Ayon kay OMB Chairman Ronnie Ricketts, maraming mga piratang
kopya ang ibabagsak ngayong araw lalo na sa pinakahuling laban ni Manny "Pacman" Pacquiao at
Antonio Margarito. Isinagawa ng OMB ang pagsalakay sa Quiapo, Maynila. Kahapon pa aniya sila
nakatanggap ng impormasyon na maraming kopya ang ilalabas ngayong araw kung kaya't agad
silang nagsagawa ng operasyon. Maliban sa daan­daang sako ng DVD at VCD, nakumpiska rin ng
OMB ang dalawang burner na ginagamit sa pagkopya ng mga piratang pelikula kabilang ang
dalawang iba pang kusang isinuko lamang sa mga otoridad. Kaugnay nito, umapela si Rickets sa
publiko na tangkilikin na lamang ang mga orihinal na DVDs at VCDs.
Mister, tsinap­chop ni misis sa North Cotabato; nilagyan pa ng condiments
KARUMALDUMAL ang sinapit na kamatayan ng isang mister matapos itong tsinap­chop ng kanyang
misis at nilagyan pa ng condiments sa Brgy. Anonang, Midsayap, North Cotabato. Kinilala ang
biktima na si Toto Utay habang ang suspek naman ay si Rosela dela Serna Utay. Sinabi ng pulisya,
pang­apat na asawa na ni Rosela ang biktima. Sa nakuhang impormasyon, nagtataka umano ang
mga opisyal ng barangay kung bakit bigla na lamang naglaho ang biktima at lagi pang nakasara ang
bahay ng mag­asawa na pinalibutan pa ng mga bakod na gawa sa kawayan. Nang puntahan umano
ng mga ito ang bahay ng mag­asawang Utay, tumambad sa kanila ang putol­putol ng katawan ni Toto
na nasa mababaw na hukay lamang. Mistulang marinated na ang bangkay ng biktima nang
matagpuan dahil nilagyan ito ng suka, toyo at betsin. Sa ngayon ay patuloy ang imbestigasyon ng
mga otoridad hinggil sa krimen at tinutugis na rin ang tumakas na suspek.
Panukala para sa dagdag benepisyo ng mga brgy officials
GUSTONG gawing pensiyonado ng isang senador ang lahat ng opisyal ng barangay kabilang ang
tanod kapalit ng kanilang paglilingkod sa komunidad. Inihain ni Sen. Manny Villar ang Senate Bill No.
2578 upang bigyan naman ng P1,000 allowance kada buwan ang lahat ng tanod na nagsisilbing
bantay sa komunidad kahit dis­oras ng gabi. Sa isa pang inihaing Senate Bill No. 1323, sinabi ni Sen.
Manny Villar na lilikha ang panukala ng isang retirement fund para lamang sa mga naging opisyal ng
barangay at tanod bilang pagkilala sa papel nito sa paghahatid ng pangunahing serbisyo sa bawat
barangay. Layunin ng panukala na bigyan ng habang buhay na buwanang pensyon ang mga opisyal
ng barangay na hindi bababa sa kanilang buwanang honorarium habang sila ay nasa serbisyo pa.
Sakop ng naturang benepisyo ang mga barangay officials na nakapagsilbi na sa tatlong sunod­sunod
na termino. Layon naman ng Senate Bill No. 2578 na bigyan ng P1,000 buwanang allowance ang
mga barangay tanod.
BALITANG ABROAD
Engagement ni Prince William, pinagpiyestahan
LONDON, England ­ Halos hindi na madaanan ang kalsada sa harap ng St. James Palace sa
pagbaha ng international media kasunod ng announcement ng royal engagement nina Prince William
at Kate Middleton. Punong­puno ang Palasyo ng mga reporters na may dala pang satellite habang
tinututukan ang galaw ng bagong engaged couple. Napag­alaman na kagabi ay inanunsyo nina
William at Middleton, kapwa 28­anyos, ang kanilang engagement at balak na pagpapakasal sa 2011.
Pinagpiyestahan ito ng buong mundo at tinatayang ang royal wedding nina Prince William at Kate
Middleton sa susunod na taon ang magiging most­watched event para sa 2011. Ito ay dahil umano sa
ibinigay na atensyon ng media kung saan bumaha ang mga reporters sa Buckingham Palace sa
London. Nasira raw ang schedule ng malalaking networks sa buong mundo dahil kaagad nag­

dispatch ng correspondent sa London para tutukan ang announcement ng royal engagement.
Nagpaplano umano ang malalaking networks na magsagawa ng feature mamayang gabi ukol sa
engagement. Ang mga pangunahing pahayagan sa iba't­ibang bansa ay banner headline ang
engagement ng Prinsipe. Bukod sa Buckingham Palace, may nakatutok na ring camera sa bahay ng
mga magulang ni Middleton, kay Prince Harry at sa lahat na miyembro ng Royal family. Maging ang
internet ay binaha ng searches ukol sa future princess at sa kaniyang engagement ring.
Pinakamataas na military honor, iginawad ni Obama sa Afghan war hero
WASHINGTON ­ Sa unang pagkakataon simula noong Vietnam war, iginawa ng Amerika ang
pinakamataas na parangal sa militar, sa isang Afghan war hero. Iginawad ni US President Barack
Obama ang Medal of Honor kay Staff Sergeant Salvatore Giunta. Kinilala ni Obama ang katapangan
ni Giunta na 22­anyos pa lang noong sinuong ang bala upang i­rescue ang dalawang kasamahan na
tinangay ng Taliban sa bakbakan noong Oktubre 25, 2005 sa Afghanistan. "I'm going to go off­script
here for a second and just say I really like this guy," ani Obama sa seremonya na ginanap sa White
House. Ayon sa Pangulo, ang Medal of Honor ay simbolo ng pasasalamat ng buong Amerika sa
nasabing sundalo. Dahil dito, kabilang na si Giunta sa 86 mga sundalo na ginawaran ng nasabing
medalya. Si Giunta ang kauna­unahang sundalo na ginawaran ng Medal of Honor na buhay pa,
simula noong Vietnam war. Halos lahat ng Medal of Honor ay iginawad sa mga recipients na
pumanaw na. Sa loob ng 147 taon, 3,400 Medal of Honor na umano ang iginawad ng Amerika.
1 pang Qantas flight, ligtas na nakalapag matapos tamaan ng kidlat
SYDNEY, Australia ­ Mistulang walang katapusan ang problema sa mga eroplano ng Qantas
Airways. Kung kaninang tanghali ay bumalik sa South Africa ang flight nito patungong Australia dahil
sa bird strike, isang eroplano pa ng Qantas ang nagkaproblema. Ang eroplano umano nitong Boeing
747 na ginagamit sa domestic flight ay nagkaroon ng kaunting sira matapos na tinamaan ng kidlat.
Subalit ligtas naman umano itong nakalapag ayon kay Qantas spokesman Tom Woodward. Napagalaman
na sa nakaraang dalawang linggo, sunod­sunod na nagkaaberya ang mga eroplano ng flag
carrier ng Australia. Na­grounded ang anim nitong A380 superjumbo jets dahil sa problema sa
makina dahilan upang ilang beses na nag­emergency landing ang mga Qantas flights.
Australian spiderman, titira ng 3 linggo sa shop na may 400 arachnids
MELBOURNE, Australia ­ Bagama't may agam­agam, kampante ang tinaguriang Australian
spiderman na hindi siya kakagatin ng naglalakihang mga arachnids para sa kaniyang kampanya sa
charity. Si Nick Le Souef ay titira ng tatlong linggo sa loob ng isang shop kasama ang 400 mga
malalaking gagamba. Layunin nitong makalikom ng $50,000 para sa charity na para sa kabataan. Sa
loob ng shop, kakain umano siya at matutulog kasama ang mga arachnids. "Redbacks are potentially
lethal but there hasn't been a death from a redback bite in a long time since anti­venom was
developed decades ago... (but) I know I am not going to get bitten," ani Souef. Nakagat na umano
siya ng ahas, natusok ng pagi at iba pang mapanganib na isda ngunit hindi pa nakagat ng gagamba.
Ngunit may pagkakaabalahan naman umano ang mga archnids habang sila ay magkasama dahil
bibigyan niya ito ng ipis at mga crickets na siyang pagkain ng mga higanteng gagamba. Matagal na
sana umano niyang balak simulan ang kaniyang plano subalit dahil sa pag­aaway ng mga gagamba,
hindi matuloy­tuloy. Napag­alaman na 30 taon na ang nakalipas, ginawa na ito ni Le Souef. Ngayon,
habang nasa loob umano ng shop kasama ang mga arachnids, aabalahin niya ang sarili sa
pagsusulat ng kaniyang aklat. Kapag kinagat umano siya ng gagamba, hindi siya mamamatay ngunit
tiyak umanong masasaktan siya.
ISPORTS
'Pacquiao, best boxer in the world pa rin' ­­ Ring Magazine

ILANG oras matapos na bugbugin ni WBC super welterweight champion Manny Pacquiao si Antonio
Margarito, naglabas ng latest boxing rankings ang tinaguriang bible of boxing na The Ring Magazine.
Sa inilabas na rankings ng Ring Magazine noong Nobyembre 14, nananatili pa ring best pound­forpound
boxer si Pacquiao. Pumapangalawa sa kaniya si Floyd Maywether Jr., pangatlo si Juan
Manuel Marquez, pang­apat ni Nonito Donaire Jr., pang­lima si Paul Williams. Nasa listahan pa rin si
Sergio Martinez na nasa ika­anim na puwesto; Pongsaklek Wonjongkam ng Thailand; Fernando
Montiel, 8th place si heavyweight champion Wladimir Klitschko at pang­10 si Timothy Bradley.
Pinoy swimmers, lalaban para sa gold medal sa Asian Games
LALABAN para sa gold medal ang grupo ng mga Pinoy swimmers mamayang gabi. Ito'y matapos na
na­qualify sa finals ng 4x100 meter sina Daniel Coakley, Jessie Khing Lacuna, Miguel Molina at
Charles William Walker. Tumapos din ang Filipino­American na sina Walker at si Jasmin Alkhaldi sa
pang­5 sa men's 100m backstroke at women's 50m freestyle. Ikatlong puwesto naman sa qualifying
round para sa men's 400 freestyle si Ryan Arabejo at pang­anim naman si Jessie Khing Lacuna.
Filipino cue masters, pasok na sa quarterfinals sa Asian Games
GUANGZHOU, China ­­ Pasok na sa quarterfinals ng Men's 9­Ball Pool Singles sina Filipino cue
masters Dennis Orcollo at Warren Kiamco sa nagpapatuloy na 16th Asian Games sa Guangzhou,
China. Tinalo ni Orcollo si Masaaki Tanaka ng Japan sa iskor na 9­4. Sunod na makakalaban ni
Orcollo si Phuc Long Nguyen ng Vietnam. Panalo rin ang isa pang Pinoy billiard master na si Warren
Kiamco sa kagaya ring event category. Tinambakan ni Kiamco sa iskor 9­3 si Chen man Lee ng Hong
Kong. Para sa quarterfinals, makakaharap ni Warren ang pambato ng China. Maganda rin ang laro
nina Johnny Arcilla at Ruben Gonzales, Jr. sa Round 1 ng tennis men's doubles event. Tinalo nina
Arcilla at Gonzales ang Saudi Arabia sa iskor na 6­1, 6­1. Para sa second round, makakaharap ng
dalawa ang India. Sa boksing, abanse na rin sa Round of 16 ang Pinoy boxer na si Wilfredo Lopez.
Tinalo ni Lopez sa 69 kilogram division ang pambato ng Bangladesh. Sunod na makakalaban nito
ang Pakistan.
Mabilis na paggaling ni Pacman, ikinagulat ng attending physician
LOS ANGELES, CALIFORNIA ­ Ikinagulat maging ng doctor ni WBC super welterweight champion
Manny Pacquiao ang mabilis na pag­recover nito. Sinabi ni Dr. Regina Bagsic, isang
gastroenterologist at attending physician ni Pacquiao, walang naging problema sa rib bone ni
Pacman na napuruhan sa round 6 ng kanilang laban ni dating world champion Antonio Margarito.
Nagkaroon lamang umano ng tinatawag na muscle trauma ang pound­for­pound king. Ayon pa kay
Dr. Bagsic, kailangan lamang umano ng mahaba­habang pahinga si Pacquiao para makabawi ang
kaniyang katawan. Matatandaang nakuha ng Pinoy champion ang kaniyang pang­walong world title
matapos na bugbugin si Antonio Margarito sa kanilang laban noong Linggo sa Dallas Cowboys
Stadium, Arlington, Dallas, Texas.
SHOWBIZ
Kris, nasabon daw ng mga kapatid sa paglabas ng isyu kina P­Noy at Liz
MULI na naman umanong nasabon ng kaniyang mga kapatid ang Presidential sister na si Kris
Aquino. Ang TV host/actress ang pinaghinalaan ng kaniyang mga kapatid na pinagmulan ng isyu ukol
sa pakikipag­date ng kaniyang kuya na si Pres. Noynoy Aquino sa stylist nitong si Liz Uy na inamin
na rin ng Pangulo. Una nang inamin ni Kris na pinagsasabihan siya ni Noynoy na manahimik ukol sa
lovelife ng Pangulo. Ngunit hindi pa rin nakapagpigil ang Presidential sister at sinabing botong­boto
ito kay Liz na maging sister­in­law at wish umano niya ang lasting happiness para kina Liz at
kaniyang Kuya Noynoy.
Aling Dionisia: 'Payag ako lumaban muli si Manny kung si Mayweather na'

BINIGYAN ngayon ng kondisyon ng kaniyang ina ang eight­division world champion na si Manny
Pacquiao bago ito payagang lumaban muli sa ring. Inihayag ni Mommy Dionesia na papayag lamang
siya na lumaban muli si Pacman kung si Floyd Mayweather Jr. na ang haharapin nito. Ayon kay
Ginang Dionesia, humihirit ang kaniyang anak na isang laban pa bago magretiro, ngunit payag lang
siya kung si Maywather Jr. ang kalaban. Napag­alaman na hinimatay kahapon ang ina ng pound­forpound
king habang nanonood sa ring side. Aniya, nasaktan siya at parang siya ang tinatamaan
habang sinusuntok ni Antonio Margarito si Pacquiao. Aakyat daw sana siya ng ring kahapon kung
hindi lang marami ang security na nakapaligid. Ngunit naawa rin umano siya kay Margarito matapos
na bugbog­sarado ito ni Pacman. Sa 6th round kung saan nakabawi si Margarito, dito umano
hinimatay si Aling Dionesia kung saan napadapa siya nang tinamaan ng suntok sa tagiliran ang Pinoy
ring icon.
James Yap, 'di makakasama ang kanyang mag­ina sa Christmas
NALULUNGKOT umano ang PBA star na si James Yap dahil hindi nito makakasama ang kanyang
mag­ina sa nalalapit na Araw ng Pasko. Ayon sa basketbolista, uuwi siya ng Escalante, Negros
Occidental kung kaya't hindi niya makakapiling ang asawang si Kris Aquino at anak nilang si baby
James. Samantala, ikinagulat ng PBA star ang ginawang kumpirmasyon ni Kris na may idini­date na
itong babae. "Kung sino yung napapabalita, siya na 'yon!" ani Kris sa isang panayam. Kasabay nito,
muling itinanggi ng PBA star ang pahayag ng presidential sister. Kung maaalala, na­link kay James
ang actress/model na si Isabel Oli.
'Pagiging PH Arts amb. ni Boy Abunda, hindi official appointment'
ANG King of Talk na si Boy Abunda ang itinalagang ambassador ng 2011 Philippine International Arts
Festival (PIAF) . Ayon sa National Commission for Culture and the Arts (NCCA), karapat­dapat si
Abunda na mag­promote ng kultura at sining sa lahat ng mga Pilipino sa buong mundo dahil
magaling ito pagdating sa pagpapakita ng kanyang mga ideya. "Mr. Abunda’s ability to clearly
communicate ideas makes him the perfect spokesperson to promote Philippine arts and culture to
Filipinos around the world," pahayag ng NCCA. Gaganapin ang PIAF sa February 2011, kasabay ng
National Arts Month kung kaya't inaasahan umanong dadaluhan ito ng libu­libong artists mula sa iba't
ibang bansa. Ngunit nilinaw ni Deputy presidential spokesperson Abigail Valte na ang ibinigay na
posisyon sa King of Talk ay hindi isang official appointment. Ayon kay Valte, hindi kabilang ang
pangalan ni Boy sa listahang ibinigay ng Office of the Executive Secretary. "It may be an informal
designation by the NCCA, similar to that of an ambassador of goodwill, to promote the arts," ani Valte
sa isang panayam.
BALITANG A­KYUT
Naka­bikining babae nakaka­distract sa beach volleyball sa Asian Games
GUANGZHOU, China ­ Inireklamo ng ilang volleyball teams sa nagpapatuloy na Asian Games sa
Guangzhou, China ang mga naka­bikining cheering squads na kinuha ng organizers. Napag­alaman
na nag­hire ang organizers ng apat na cheering squads na may tig­walong miyembro, para sa beach
volleyball. Ang mga babae ay nakasuot umano ng swimsuit at maliban sa pag­cheer, mag­i­entertain
din ang mga ito ng mga fans sa tuwing breaktime ng laro. Ngunit inihayag ni Adeeb Mahfoudh,
miyembro ng Yemen beach volleyball team, na apektado umano ang kanilang paglalaro dahil nadidistract
ang mga ito sa sexy at magagandang babae. Aniya, ito ang dahilan kung bakit sila natalo
sa Indonesia. Napakaganda aniya ng mga babae at dahil sa mga ito, tiyak na darami ang manonood
ng beach volleyball sa Asian Games.
Rare pink diamond, nagtala ng record matapos ma­auction ng $46­M
GENEVA, Switzerland ­ Naibenta na ang pinag­uusapang pink diamond, sa record­breaking na
halaga. Nabili umano ito ng kilalang gem dealer na si Laurence Graff, sa auction ng Sotheby's sa
Geneva sa halagang $46,158,674. Ang nasabing pink diamond ay nasa 25.78 carat. Ayon kay Graff,
sa buong buhay niya, ngayon pa lang siya nakakita ng ganoon kagandang diamond. Ang halaga nito

ay doble sa blue diamond na ini­auction noong 2008 na nabili rin ni Graff. Ayon sa Sotheby's, ito na
ang pinakamahal na presyo para sa isang diamond. "This is the highest price ever bid for a jewel at
auction," ani David Bennett, pinuno ng Sotheby's jewelry division. Apat umano ang nag­bid upang
bilhin ang naturang diamond.
ALAM MO BA…
Kate Middleton, 'most searched name' sa internet ngayon
LONDON, England ­ Ilang minuto pa lamang matapos i­anunsyo nina Prince William at Kate
Middleton ang kanilang engagement, pinutakti umano ng searchers ang internet. Sa dami ng gustong
malaman ang ukol sa future princess, pumalo sa "breakout" status ang mga internet, maging ang ukol
sa kaniyang engagement ring. Napag­alaman na ang engagement ring ni Middleton ay siya ring
engagement ring noon ni Princess Diana, isang sapphire na pinaliligiran ng diamond. Ang 28­anyos
na si Kate Middleton ay panganay na anak nina Michael at Carole. Ipinanganak si Kate sa
Bucklebery, England. Ang kaniyang pamilya ay mayamang negosyante kung saan nagmamay­ari ang
mga ito ng party supplies business. Nang magtapos sa University of St. Andrews kung saan sila
nagkakilala ni Prince William, nagtrabaho ito sa London bilang accessories buyer ng isang British
clothing chain. Interesado itong magbukas ng photography gallery ngunit ngayon ay nagtatrabaho ito
sa negosyo ng kanilang pamilya. Bagama't fiancee ng ikalawang tagapagmana ng trono sa Gran
Britanya, gusto umano ni Middleton na maging low profile lamang. Si Middleton ang kauna­unahang
commoner o ordinaryong tao na nagpakasal sa isang tagapagmana ng trono sa loob ng 350 taon.
Kung dati umano ay sumasakay pa ng bus, simula nang maging public ang kanilang relasyon, naging
habulin na ito ng paparazzi. Nasaktan umano siya nang maghiwalay sila noong 2007 ngunit naging
matatag. Habang nasa isang unibersidad, iisa abng apartment na tinutuluyan nina Kate at William
kasama ng ilang estudyante. Noong 2002, nagbayad ang Prinsipe ng 200 pounds upang makaupo sa
front row ng isang charity fashion show kung saan naging model si Middleton at dito umano
nagsimulang magkakilala ang dalawa. Sa ngayon wala pa umanong eksaktong petsa ng kasal at
kung sino ang gagawa ng wedding dress sa inaabangang royal wedding. Sinasabing ang
pagpapakasal ni Middleton kay Prince William ang maging daan upang kilalanin itong global fashion
icon.
PAALALA:
WALA PONG SIPI NG <strong>JADRAN</strong> SA NOBYEMBRE 29 (LUNES). IDINEKLARA
NI PANGULONG NOYNOY AQUINO ANG NOBYEMBRE 29 NA ISANG NON-
WORKING HOLIDAY BILANG PAG-AALALA SA KAPANGANAKAN NI GAT
ANDRES BONIFACIO. MAGBABALIK PO ANG <strong>JADRAN</strong> SA NOBYEMBRE 30.
PAUNAWA
Ang mga balita at impormasyon dito ay kinalap at iniayos ng Brent & Strauss
Integrated Communications, Inc. para sa layunin ng <strong>JADRAN</strong> <strong>PISMO</strong> d.o.o – Rijeka.
Kung nais na patuloy pang makatanggap ng suskrisyon, mangyaring mag-text o
tumawag sa: • Tel. +63 919 4172448 • Fax +385 51 403 189 • Email:
news@jadranpismo.hr