JADRAN PISMO d - Daily Local News on Board

<strong>JADRAN</strong> <strong>PISMO</strong> d.o.o
FILIPINO/TAGALOG
KARAPATANG MAGPALATHALA © 2008 – Ang maiigsing balitang nalalathala sa Jadran pismo ay mula
sa mga nakalap na ulat sa radyo, telebisyon at dyaryo sa Pilipinas. Sa pamamagitan nito, hinihimok ng
ahensya na ibahagi ang siping ito sa mga kababayang nagnanais na makibalita. Maliban lamang sa
mga impormasyong libre, ang mga bagay na may direktang kopirayt ang Jadran pismo d.o.o, Rijeka ay
hindi maaaring sipiin, gamitin, kopyahin o paramihin sa kahit anong paraan ng walang lisensya o
pahintulot mula sa tagapaglathala, o ipamigay, o ipadala sa mga indibidwal
o mga barkong hindi suskritor nito.
FOREX
P47.095 sa US$1 (P46.95 kahapon)
MAGANDANG UMAGA PO!
Ang mga sumusunod na balita ay nailathala sa mga
pangunahing pahayagan sa Pilipinas ngayong araw,
HUWEBES, 11 SETYEMBRE 2008.
MGA ULO NG BALITA SA WIKANG INGLES
National <strong>News</strong>
• DOE to inspect PUVs using LPG
• Peso weakens; breaches P47: $1 mark
• Ship captain of Sulpico vessel laid to rest in Cebu
• NSA chief undergoes heart surgery
• Arroyo blames Puno on House coup
• Public consultation on Cha-cha continues
• DOJ chief orders in-depth probe on CA bribery case
• CHR says bullets killed civilians, not bombs
• Atienza cites negligence as cause of Maco landslide
OFW <strong>News</strong>
• 3 suspects in Pinoy rape case face court in UAE
• DFA to open 6 more offices in regions
• Church OK with plan to set age cap on maids working abroad
• Despite of falling ceilings, NAIA-3 safe
Regional
• Promotion of lady firefighter blocked
• Barangay councilor killed in Sorsogon
• Gov’t troops, NPAs in chance encounter in Davao del Norte
• Coins giveth away thief
• PNP seeks NGOs’ help in searching for MILF leaders
• Businessman kidnapped in Mindanao
• Bulacan councilor killed
• Batanes governor returns to office after failed assassination attempt
• Plainclothes soldiers to monitor public areas
Foreign <strong>News</strong>
• McCain reacts to ‘lipstick’ comment

• Indonesia suspends membership in OPEC
• 4 dead, 26 wounded in Iran earthquake
Sports
• Pacquiao signs up for fight vs Dela Hoya
• ‘Blockbuster’ tickets being sold for $30,000 each
• Hatton aggress to fight Pacman next year
• Eugene Torre keeps solo lead in GMA chess cup
Showbiz
• Kris Aquino apologizes to Charline
• Televiewers hate Angelica Panganiban
• Gwen Garci in daring sex scenes
Odds and Ends
• 1 cup water for this hi-tech washing machine
BUOD NG MGA BALITA
PAMBANSA
DOE iinspeksyunin ang mga pampublikong sasakyang gumagamit ng LPG
SISIMULAN na ng Department of Energy (DoE) ang pag-i-inspeksiyon sa mga
pampublikong sasakyan na gumagamit ng liquefied petroleum gas (LPG) upang tiyakin
ang kaligtasan ng mga ito alinsunod sa patakaran ng Department of Trade and Industry
(DTI). Ayon kay Energy Secretary Angelo Reyes, dumagsa na ang reklamo ng mga
mamanakay na nakaranas ng pagkahilo at sinumpong ng hika sanhi ng
pagkakalanghap ng singaw ng gas sa sinakyan nilang pampasaherong taxi na
gumagamit ng LPG. Inatasan na ni Reyes ang Presidential Task Force on the Security
on Energy Facilitites and Enforcement of Energy Loss and Standard na pangu-nahan
ang pag-iinspeksiyon sa lahat ng uri ng pampublikong sasakyan na gumagamit ng LPG.
Sinabi ni Reyes na hindi nila puwedeng ikompromiso ang kalusugan ng publikong
tumatangkilik o sumasakay sa mga pampasehrong sasakyan kaya’t kailangan nilang
apurahin na ang pag-iinspeksiyon ng mga ito upang matiyak kung dumaan sa tamang
proseso ang convertion ng mga sasakyan.
Piso patuloy na humihina
LUMAGPAS na sa P47 ang halaga ng piso laban sa dolyar sa palitan ngayong araw kung
saan pumalo ito sa pinakamababang antas sa loob ng isang taon o 12 buwan. Nagsara
ang palitan ngayong araw sa halagang P47.095 mababa ng .145 sentimos kumpara sa
halaga ng piso kahapon na P46.95. Ayon sa mga analyst, ito ay dahil pa rin sa
pangamba ng ilang investors sa patuloy na paghina ng ekonomiya ng Estados Unidos.
"The peso is lower, still reflecting risk aversion and a stronger US dollar," pahayag ng
chief strategist na si Jonathan Ravelas. Pabor ang mahinang piso sa ilang sektor tulad
ng mga exporters at mga pamilyang may kaanak na nagtratrabaho sa ibang bansa o
may mga kaanak na overseas Filipino workers (OFWs). Gayunman, masama naman ang
epekto ng mahinang piso sa ekonomiya dahil nagdadala ito ng pressure sa inflation
rate bunsod ng pagmahal ng cost of imports partikular na ng langis.
Kapitan ng barkong Princess of the Stars inilibing na
NAILIBING na kahapon si Florencio Marimon, kapitan ng sinawing palad na MV Princess
of the Stars. Inilibing siya sa bayan ng Pardo sa lalawigan ng Cebu. Ayon kina Mrs.
Rose Marimon at sa mga kamag anak nito, nag-aalala sila sa posibleng paglitaw ng
mga kaanak ng mga pasahero sa libingan ng kanyang asawa dahil sa tindi ng galit ng
mga ito sa kapitan ng naturang lumubog na barko. Dahil dito humingi nga police escort

si Mrs. Marimon sa Cebu City Police Office at pinagbigyan naman ito. Humigit kumulang
sa 100 ang nakipaglibing sa pamilya kasama ang opisyal ng Sulpicio Lines na si Ryan
Go. Hindi pa rin natatanggap ni Mrs Marimon na patay na ang kanyang asawa at
nananawagan din ito sa mga kaanak ng mga pasahero ng barko na huwag ng sisihin
ang kanyang asawa bagamat ito ay isang trahedya na walang may gustong mangyari.
NSA Adviser Gonzalez sumailalim sa operasyon sa puso
SUMAILALIM sa maselang operasyon sa puso kahapon si National Security Adviser
Norberto Gonzales at inaasahang makababalik na sa trabaho sa susunod na linggo,
ayon sa Malakanyang. Ayon kay Press Secretary Jesus Dureza, dumalo pa si Gonzales
sa pulong ng Gabinete noong Martes bago ito dinala St. Luke's Medical Center sa
Quezon City. Agad namang nilinaw ni Dureza na walang kinalaman sa naging
kalusugan ni Gonzales ang pagkakatalaga kay dating Ilocos Sur Gov. Luis “Chavit"
Singson bilang deputy national security adviser. May mga naghihinala na ang ginawang
paghirang ni Pangulong Gloria Macapagal Arroyo kay Singson ay pahiwatig na maaari
ng umalis ng Gabinete si Gonzales.
Kudeta sa Kamara isinisi ni Arroyo kay Puno
KUNG mayroon mang kudeta kay Speaker Prospero “Boy” Nograles sa Kamara, ito ay
maaaring pakana umano ni Interior Secretary Ronaldo Puno na chair ng Kabalikat ng
Malayang Pilipino (Kampi). Ganito ang sinabi ni Negros Occidental Rep. Ignacio Arroyo
sa media sa balitang banta umano sa liderato ni Nograles, presidente ng Lakas-
Christian Muslim Democrats (CMD). Gayunpaman, sinabi ni Arroyo na wala siyang nalalaman
sa anumang balita hinggil sa sinasabing kudeta nang magpulong nitong Lunes
ng gabi ang tinata-yang 40 kongresista ng Kampi at iba pa na kinabibila-ngan nina
Camarinens Sur Rep. Luis Villafuerte, Sorsogon Rep. Jose Solis at Antipolo City Rep.
Robbie Puno. Nang tawagan naman ng mga mamamahayag, nilinaw ni Arroyo, dumalo
sa konsiyerto ni George Benson noong Lunes ng gabi, na ang tinutukoy nito ay
“dinner” na posibleng pakana ni Puno at hindi kudeta katulad ng lumabas.
Magugunitang krusyal ang Kampi sa pagkakaluklok kay Nograles nang patalsikin si De
Venecia noong nakalipas na Pebrero.
Pampubikong konsultasyon sa Cha-cha patuloy
PATULOY pa rin ang gagawing konsultasyon ng Kamara sa publiko hinggil sa mainit na
usapin ng Charter change (Cha-cha) sa kabila ng palusot ng House Committee on
Constitutional Ammendments na walang sapat na pondo ang gobyerno para dito.
Muling hinimok ngayon ni House Speaker Prospero Nograles ang mga kapwa
mambabatas na magsariling inisiyatiba sa paglunsad ng pampublikong konsultasyon
sa panukalang pag-amyenda ng Saligang Batas para malaman kung ano talaga ang
nais ng taumbayan sa usapin. Aminado din naman si Nograles na magastos ang
naunang plano ng komite na pinamumunuan ni La Union Representative Victor Ortega
na magsagawa ng nationwide consultation sa pinagdedebatehang usapin. "We asked
each member of the House to dialogue with their people and render a report to be
submitted to the chairmen of the concerned committees. This will be cheaper
compared to conducting public hearings that tackle only one particular issue," ayon kay
Nograles. Maliban sa usapin ng Cha-cha, hinimok din ng liderato ng Kamara ang mga
kongresista na konsultahin na rin ang bawat nasasakupang distrito sa isyu ng
Comprehensive Agrarian Reform Program extension at Reproductive Health bill. "To
me, there are three major issues that must be subjected to a nationwide consultation -
the proposed changes to our fundamental law, the issue of extending or revising the
Comprehensive Agrarian Reform Program or CARP, and the now hot issue of enacting a
law on reproductive health," dagdag ng opisyal.
Malalimang imbestigasyon sa suhulan sa CA iniutos ni Sec. Gonzalez

INATASAN ni Justice Sec. Raul Gonzalez ang National Bureau of Investigation (NBI) na
magsagawa ng malalimang imbestigasyon sa umano'y suhulan sa Court of Appeals
(CA). Ang pahayag ay ipinalabas ng kalihim isang araw matapos magpalabas ng
desisyon ang Supreme Court sa isyu ng suhulan sa CA at i-refer sa DOJ ang kaso ni
Francis de Borja, ang negosyante na umano'y nagtangkang manuhol kay CA Associate
Justice Jose Sabio. Ayon kay Gonzalez, si Sabio ang dapat na maging complainant ng
kaso dahil hindi maaaring maging complainant ang Korte Suprema sa isang kaso.
Sinabi pa ng kalihim na ang nakikita nilang pinakamabuting gawin ay ipasa ito sa NBI
upang ito ang magsagawa ng imbestigasyon at makipag-ugnayan kay Sabio. Kapag
lumabas sa imbestigasyon ng NBI na nagkaroon talaga ng bribery attempt at iba pang
paglabag sa batas ay saka pa lang ito maaaring maihain sa DOJ at maisailalim sa
preliminary investigation.
CHR sinabing bala at hindi bomba mula sa eroplano ang pumatay sa sibilyan
BALA mula sa baril at hindi bomba mula sa eroplano ang pumatay sa anim na sibilyan
na nadamay sa bakbakan sa pagitan ng militar at Moro Islamic Liberation Front (MILF)
sa Datu Piang sa lalawigan ng Maguindanao, ito ang nihayag ng imbestigador ng
Commission on Human Right (CHR). Ayon kay Jun Acosta, imbestigador ng CHR, sinabi
nitong tuloy-tuloy ang ginagawang imbestigasyon ng CHR as sa pagkasawi ng anim na
mga biktima kabilang ang isang buntis at menor de edad. Una na ring iginiit ng
pamunuan ng Philippine Air Force (PAF) na walang paglabag sa rules of engagement
ang kanilang isinagawang air assault laban sa mga lawless elements ng MILF sa Datu
Piang. Ayon kay PAF chief Lt. Gen. Pedrito Cadungog, hindi paglabag sa rules of
engagement ang kanilang aerial assault dahil gumanti lamang umano ang kanilang
mga piloto sa pamamaril ng mga rebelde.
Trahedya ng landslide sa Maco isinisi ng DENR sa mga residente
SINISI ni Environment Secretary Lito Atienza ang mamamayan ng Maco, Compostela
Valley sa trahedyang inabot ng mga ito matapos ang sunud-sunod na landslide sa
lugar. Ayon kay Atienza, paulit-ulit nilang binalaan ang mga residente ng Barangay
Mainit at Masara na lisanin na nila ang kanilang lugar dahil sa madalas na gumuho ang
lupa doon subalit hindi sila sinunod ng mga ito. “Nung isang taon ang sabi namin sa
kanila, di ligtas yung lugar na yun sapagkat prone at susceptible sa maaaring maging
landslide, sa kasawiang palad hindi po naman sinunod yung ating binigay na advisory,
inulit natin itong taong ito, pinagsabihan namin sial uli na kayo’y lumikas diyan.” saad
ng Kalihim. Binuweltahan naman ni Atienza si Senadora Jamby Madrigal sa hamon nito
sa kanya na magbitiw sa puwesto dahil sa kabiguang mapahinto ang mga iligal na
pagmimina sa Compostela Valley.
BALITANG OFW/KWENTONG MARINO
Nang-rape ng Pinay humarap sa korte
HUMARAP na sa korte ang tatlong lalaki na sangkot sa pag-rape ng Filipina maid sa
United Arab Emirates (UAE). Sa report ng Gulf <strong>News</strong>, humarap sa Fujairah Criminal
Court ang mga suspek na kinilala lang sa pangalang K.A.R., 21; A.A.J, 19, na
sinampahan ng kasong rape, physical assault, at illegal entry. Ang ikatlong suspek ay
ang 17-anyos na si K.M.J., kung saan sinabi nitong girlfriend niya ang biktima. Siya ay
kinasuhan ng pakikisangkot sa rape matapos nitong ituro sa mga suspek kung saan
ang kuwarto ng biktima. Naganap umano ang panggagahasa noong February 8, kung
saan si K.A.R. lang ang matagumpay na nakapang-rape sa Pinay. Nang magsisigaw ang
biktima ay nataranta at tumakbo papalayo sa lugar si A.A.J. Ang mismong employer ng
Pinay ang nagsumbong sa pulisya hanggang masakote ang mga suspek.
DFA magbubukas ng 6 na karagdagang opisina sa mga rehiyon

KARAGDAGANG anim na regional consular offices ng Department of Foreign Affairs ang
ipinag-utos ngayon ni Pangulong Arroyo na buksan sa mga lalawigan. Batay ito sa
ipinalabas ng Executive Order 748 na layong mapalapit consular services sa mga
mamamayan. Kabilang sa pagtatayuan ng mga bagong DFA offices ang Bacolod City,
Butuan City, Puerto Princesa, Baguio City, General Santos City at Cotabato City.
Kaugnay nito, inatasan ng Pangulo ang Secretary of Foreign Affairs na bumuo ng mga
guidelines para sa pagpapatupad sa direktiba. “The DFA Regional Consular Offices
shall be manned by Home Office-based personnel and locally hired employees from the
Region. It shall be headed by a ranking Officer of the Department,” bahagi ng section 1
ng EO.
Simbahan okey na gawin 30 ang edad kasambahay na mag-a-abroad
PINABURAN ng Episcopal Commission on Migrants and Itinerants of the Catholic Bishops
Conference of the Philippines (ECMI-CBCP) ang mungkahing itaas ang takdang edad
para mga Pinoy na kasambahay na magtatrabaho sa ibang bansa. Ayon kay Fr. Edwin
Corros, executive secretary ng CBCP-ECMI, ang naturang kumisyon ay “in favor" sa
pagpataw ng takdang edad na 30-taong gulang sa mga household service workers
(HSW) upang maiwasang ang pagmamaltrato at pag-aabuso sa mga ito. “We are
supporting the higher age... The woman or person (is already) emotionally matured at
that age," ani Corros.
NAIA-3 ligtas
TINIYAK kahapon ni Alfonso Cusi, general manager ng Manila International Airport
Authority [MIAA], sa mga pasahero na walang dapat na ikabahala ang publiko sa
kalagayan ng bagong bukas na NAIA Terminal 3 pagdating sa aspeto ng kaligtasan.
Ang pagtitiyak ay ginawa ni Cusi kasabay ng paglilinaw na walang kisameng bumagsak
sa naturang airport at sa halip ay kumalas lamang ang isang gypsum board sa arrival
carousel area. Ang naturang board na may sukat na 7x1 metro at ginagamit na
architectural cover para sa beam, ay lumuwag lamang kung kaya’t ito ay nawala sa
puwesto. Sinabi ni Cusi na maging sila ay nag-akala nung una na may bumagsak ngang
kisame subalit sa kanilang pagsisiyasat ay napag-alaman nilang ang tanging apektado
ay ang architectural covering na gypsum lamang, na gawa naman sa magaan na
materyales at hindi makakasakit kaninuman.
REHIYON
Promosyon ng babaing bumbero hinarang
KINONDENA ng mga rank and file employees ng Bureau of Fire Protection (BFP) ang
pagpipilit umano ng isang opisyal ng Department of the Interior and <strong>Local</strong> Government
(DILG) na ma-ipromote sa ranggong fire inspector ang isang Fire Officer (FO) 1 na
babae sa kabila ng pagiging hindi kuwalipikado nito sa posisyon. Sa pahayag ng mga
bumbero na ayaw ipabanggit ang kanilang mga pangalan, ipinag-utos ng naturang
opisyal ng DILG sa BFP na bigyan ng “special promotion” ang FO1 na babae para sa
ranggong fire inspector na hindi umano dadaan sa normal promotion procedures. Nais
ng naturang opisyal na huwag nang padaanin sa qualifying exams at interview ang FO1
na babae katulad ng pinagdadaanan ng mga bumbero na aplikante para sa promosyon
ng fire inspector. Giit ng mga bumbero, wala umanong basic training course ang FO1
na babae na isang kuwalipikasyon para sa promosyon ng fire inspector. Sinabi pa ng
mga ito na unfair sa kanila ang umano’y “special treatment” na binibigay ng
nabanggit na DILG official sa FO1 na babae.
Barangay kagawad sa Sorsogon patay sa pananambang

WALA ng buhay nang makarating sa ospital ang isang barangay kagawad makaraang
pagbabarilin ito ng hindi pa nakikilalang mga armadong kalalakihan sa lalawigan ng
Sorsogon. Kinilala ang biktima na si Noli Haspila y Garcia, 39 anyos at Konsehal ng Bgy.
Tinampo, bayan ng Irosin. Dakong alas-8:30 ng gabi habang naghahapunan ang
biktima ng barilin ng dalawang beses ang biktima sa kanyang katawan. Pulitika ang isa
sa mga sinisilip na motibo ng mga otoridad sa nangyaring pamamaril sa naturang
opisyal.
Pwersang gobyerno at NPA nagsagupa sa Davao del Norte
NAGSAGUPA muli ang tropa ng militar at mga miyembro ng New People’s (NPA) sa Sitio
Mirato, barangay Dagohoy, Talaingod sa Davao del Norte. Ayon kay Eastern Mindanao
Command spokesman Major Armand Rico nasa 15 miyembro ng NPA Guerilla Front 35
ang nakasagupa ng tropa ng 60 Infantry Batallion dakong alas sais kaninang umaga.
Walang nasaktan sa panig ng pamahalaan, ngunit ayon kay Rico pinaniniwalaan nilang
may mga casualty sa panig ng mga rebelede. Sasamsam sa pinangyarihan ng
sagupaan ang mga dokumento at personal na kagamitan ng mga rebeldeng kumunista.
Kasunod nito ay nag-deploy na rin ang military ng mga K-9 units, habang tinutugis ang
mga tumakas na NPA.
Tirador ng koleksyon sa simbahan nabisto sa kalansing ng barya
NABUKO ang pangungupit sa collection box ng simbahan ng 29-anyos na binata
matapos na kumalansing ang baryang sinusungkit nito kamakalawa ng gabi sa Pasay
City. Umaabot na sa P580 ang nasungkit na salapi ni Ramil Realo, ng 98 Saint Claire St.,
Maricaban, sa collection box, na nasa ikalawang palapag ng Simbahan ng Parokya ng
San Juan Nepomuceno sa P. Santos St., Maliba, nang mahuli siya ng kagawad ng
barangay na si Adriano Viscarra, 36, na noon ay nananalangin sa naturang simbahan.
Sa pagmamadaling makatakas, binasag ni Realo ang pintuang salamin at nagtago pa
sa kisame, kung saan siya tuluyang nadakip ng mga nagrespondeng pulis
Gobyerno humingi ng tulong sa mga NGO sa pagtugis sa tiwaling MILF
HUMINGI ng tulong ang Philippine National Police (PNP) sa mga non governmental
organizations (NGOs) sa pagtugis kina MILF kumander Umbra Kato, Bravo at Pangalian.
Ayon kay Directorate for Community Relations Police Director Leopoldo Bataoil,
makikipag-ugnayan sila sa lahat ng NGOs sa Mindanao simula ngayong araw na ito
upang makatuwang sa monitoring at information gathering laban sa mga kumander ng
MILF na nanguna sa pagsalakay sa ilang lalawigan. Sinabi ni Bataoil na pangungunahan
ni Police Community Relations Group Director Chief Supt. Sukarno Ikbala ang pakikipagugnayan
sa mga NGO at sa mga komunidad sa Mindanao dahil kabisado na nito ang
kultura sa rehiyon. Tiniyak ni Bataoil na malaking tulong sa pagpapadali ng kanilang
trabaho sa pagtugis sa tatlong kumander ang dinobleng reward para sa mga ito.
Negosyanteng mestiso dinukot ng armadong grupo sa Mindanao
HINDI pa matukoy ng mga otoridad kung kidnap for ransom o alitan sa negosyo ang
dahilan ng pagkakadukot sa isang resort owner sa lalawigan ng Shariff Kabunsuan.
Dinukot ang Filipino-Hispanic na negosyanteng si Jesus Boyet Martinez 2 linggo
matapos tangkaing dukutin ng mga hinihinalang Moro Islamic Liberation Front ang
isang doktor sa parehong lugar. Ayon sa mga awtoridad, dinukot si Martinez sa pag-aari
nitong resort sa Brgy. Kusiong. Natagpuan namang abandonado ang get away vehicle
ng mga kidnappers. Nagpakalat na si Cotabato City Police Director Senior
Superintendent Willie Dangane ng mga tauhan sa mga pangunahing lansangan sa
Shariff Kabunsuan.
Konsehal patay sa pananambang

PATAY ang isang konsehal matapos pagbabarilin ng mga hindi pa nakikilalang suspect
sa loob ng kanyang sasakyan kamakalawa ng gabi sa Baliuag, Bulacan. Kinilala ang
biktima na si Fidel Nacion, 38, konsehal ng bayan ng San Rafael, sa naturang lalawigan.
Nabatid na dakong alas-11:40 ng gabi ay nasa loob ng kanyang nakaparadang
sasakyan sa Brgy. Tibag, Cagayan Valley Road, Baliuag si Nacion at hinihihtay ang
driver na inutusan niyang bumili ng pagkain. Mula sa karimlan ay biglang umanong
sumulpot ang mga suspect at pina-ulanan siya ng bala sa malapitan.
Gobernador ng Batanes babalik sa pwesto matapos ma-ospital
TINIYAK ni Batanes Governor Telesforo Castillejos na agad siyang babalik sa pagsisilbi
bilang gobernador matapos makalabas ng ospital. Ayon kay Castillejos, natutuwa siya
sa takbo ng imbestigasyon ng Criminal Investigation and Detection Group (CIDG) sa
kaso partikular na ang pagtutok nito sa anggulong pulitikal ang motibo sa nangyaring
pananambang. Una nang tinambangan ng hindi pa nakikilalang suspek ang nasabing
gobernador kasama ang driver nito habang bumabiyahe patungo sa paliparan.
Sundalong naka-sibilyan inatasang magbantay sa mga pampublikong lugar
UPANG mas mapalakas pa ang pagpapatupad ng seguridad sa bahagi ng Mindanao,
pinakalat na ngayon ng Sandatahang Lakas ng Pilipinas ang mga naka-plain clothes sa
sundalo upang magbantay sa mga mataong lugar. Sinabi ni Lt. Col. Julieto Ando, ang
civil military operations ng 6th Infantry Division ang mga naka-plain clothes na kawal
ay idineploy sa mga terminal ng sasakyan, simbahan, malls at public market lalo na sa
mga lalawigan ng Magiundanao, Shariffi Kabunsuan at North Cotabato. Layon ani Ando
ng pagpapakalat ng mga naka-plain clothes na sundalo ay upang mapigilan ang
maaaring muling paghahasik ng karahasan ng mga miyembro ng MILF na tinutugis ng
militar.
BALITANG ABROAD
McCain pumalag sa komentong ‘lipstic sa baboy’ ni Obama
NAGING malaking usapin sa White House presidential race ang lipstick issue na unang
lumabas sa acceptance speech ni Republican running mate Sarah Palin. Ito'y
makaraang sabihin ni Democrat presidential nominee Barack Obama na ang sinasabing
pagbabagong gagawin ng kalabang si John McCain sa Washington ay tila “paglalagay
ng lipstick sa isang baboy.” Tinutukoy nito ang pagbabago sa mga patakaran na
sinasabi ni McCain na katulad lamang din umano kay US President George W. Bush.
Paliwanag ni Obama na kahit lagyan ng lipstick ang isang baboy ay baboy pa rin ang
tawag dito. "You can put lipstick on a pig," pahayag ni Obama na ikinatawa ng mga
manonood. Ang naturang pahayag ay konektado sa acceptance speech ni Palin sa
Republican National Convention noong nakaraang linggo. Matatandaang una ng sinabi
ni Palin na tanging lipstick lamang ang pagkakaiba nila ng pit bull bilang isang hockey
mom. "It's still a pig. You can wrap an old fish in a piece of paper called change. It's still
going to stink after eight years," dagdag ni Obama. Tinawag naman ng kampo ni
McCain na insulto at kawalan ng galang ang mga sinabi ni Obama. Pero depensa
naman Obama campaign na hindi si Palin ang tinutukoy ni Obama.
Indonesia pormal nang tumiwalag sa OPEC

PORMAL nang tumiwalag bilang kasapi ng Organization of Petroleum Exporting
Countries (OPEC) ang bansang Indonesia. Ito ang inihayag ngayon ng nasabing oil
cartel matapos ang kanilang pulong sa Vienna, Austria. "The conference regretfully
accepted the wish of Indonesia to suspend its full membership in the organization and
recorded its hope the country would be in a position to rejoin the organization in the
not too distant future," batay sa pahayag ng OPEC. Ang Indonesia ang isa sa maliliit na
miembro ng OPEC. Una nitong inihayag noong Mayo ang nasabing plano. Paro tiniyak
naman ni Energy and Mineral Resources Minister Purnomo Yusgiantoro na babalik sila
sa OPEC kapag tumaas na muli ang kanilang produksyon.
4 patay, 26 sugatan sa lindol sa Iran
APAT ang unang napaulat na nasawi habang umaabot naman sa 26 ang sugatan, ng
yanigin ng 6.1 magnitude na lindol ang Southern Iran. Ayon sa US Geological Survey,
naitala ang epicenter ng lindol 53 km (33 miles) west-southwest ng Bandar Abbas,
malapit sa isang oil refinery. Inihayag ng Red Crescent official sa pamamagitan ng state
television na 15 sa mga nasugatan ay galing sa isla ng Qeshm, na malapit sa
episcenter ng lindol, dahilan ng pagkaputol ng supply ng koryente sa lugar. “It might
have damaged old parts of the place,” ang pahayag naman ng Interior Ministry ng Iran.
Tumagal ng mahigit 30 segundo ang naramdamang pagyanig na umabot hanggang sa
Dubai, UAE kung saan nagsipaglabasan ang mga tao sa daan dahil sa panic. Ngunit
wala namang naiulat na pinsala sa mga matataas na buildings sa Dubai.
ISPORTS
Pacquiao pumirma na kontrata sa laban kay Dela Hoya
OPISYAL nang lumagda WBC lightweight champion Manny Pacquiao kontrata para sa
laban nila ni Oscar De La Hoya ngayong Disyembre 6 sa MGM Grand sa Las Vegas,
Nevada. Ayon kay Atty. Jeng Gacal, legal adviser ni Pacquiao, ilang araw ding pinagaralan
ni Pacquiao ang kontrata, na ipinadala ni Top Rank president at promoter Bob
Arum, bago ito pinirmahan. Dagdag pa ni Gacal na masaya at kontento si Pacquiao sa
nakasaad sa kontrata. Sinasabing hindi bababa sa $10 million ang kikitain ni Pacquiao
sa "Dream Match" kay De La Hoya ngunit isa sa mga kondisyon na hiningi ni Pacquiao
ay ang isikreto ang kikitain nya.
Ticket sa laban ni Pacquiao at Dela Hoya ibinebenta ng hanggang $30,000
MULI na namang pinigil ang pagbebenta ng ticket para sa Oscar De La Hoya-Manny
Pacquiao showdown dahil sa pagsasamantala ng mga scalpers. Ayon kay Top Rank
president Bob Arum, bukod sa sold out na ang ticket dahil sa dami ng nagpareserba,
hindi maiwasan na magsamantala ang ilan. Ayon pa kay Arum, pina-iimbistigahan na
nila ang ilang web sites na nagbebenta ng sobrang mahal na ticket para sa nasabing
laban. Ibinunyag ni Arum na ang regular ringside ticket na nagkakahalaga ng $1,500 o
P67,000 ay ibinibenta na ngayon ng mga scalpers ng $30,000 o P1.2 million. Posibleng
sa huling linggo ng Setyembre bubuksan sa publiko ang bentahan ng ticket, ngunit
ayon pa kay Arum kakaunti na lamang ito dahil nakareserba na ang karamihan sa mga
celebrities na nauna ng nagbayad para dito.
Hatton payag makaharap si Pacman sa susunod na taon
INTERESADO na si WBO light welterweight champion Ricky Hatton na labanan si WBC
lightweight champion Manny Pacquiao sa susunod na taon. Ayon kay Ray Hatton, tatay
at trainer ni Ricky, wala silang nakikitang problema sa posibleng pagharap sa ring nina
Ricky at Manny at maaring mangyari ito sa Mayo o Hunyo sa susunod na taon. Ayon
naman kay Ricky, nais nya na sa England ganapin ang kanilang laban ni Pacquiao at
dapat ito ay sa isang open field upang magkasya ang aabot sa 100,000 katao na
siguradong dadagsa upang manood.
Eugene Torre napanatili ang solo lead para sa GMA Cup

NAPANATILI ni Grandmaster Eugene Torre ang solong liderato sa 3rd Pres. Gloria
Macapagal-Arroyo Cup. Ito ay matapos magwagi kontra top seed Grandmaster Murtas
Kazhgaleyev ng Kazakhstan sa loob ng 73 moves sa 5th round ng torneo. Ang 56anyos
na si Torre ay mayroon na ngayong pefect 5 points pagkatapos ng limang
rounds.
Makakalaban ni Torre ang pumapangalawang si Grandmaster Zhang Zhong ng
Singapore sa 6th round. Samantala, magkasalo naman sa 5th to 8th place sina GM
Mark Paragua, International Masters Julio Sadorra at John Paul Gomez matapos mauwi
sa tabla ang kanilang laro sa 5th round.
SHOWBIZ
Kris Aquino humingi ng paumanhin kay Charlene Gonzalez
HUMINGI ng paumanhin si Kris Aquino kay Charlene Gonzalez kaugnay ng isyung
pagpapasaring niya kay Charlene sa fashion show ni Randy Ortiz dahil isang kulay blue
at dark brown ang suot ng dating beauty queen sa halip na puti at itim na siya
umanong motiff ng okasyon. Ayon kay Kris, humingi na siya ng paumanhin sa asawa ni
Aga Muhlach dahil pagkakamali niya na biruin ang isang taong hindi naman niya kaclose.
Dagdag pa nito na una na siyang napagbintangan noon na siya ang dahilan kaya
nakansela ang show ni Charlene sa TV network na kanyang pinaglilingkuran.
Televiewers galit kay Angelica Panganiban
MAGMULA pa noong siya ang cute at chubby na child star, si Angelica Panganiban ay
nagpamalas ng galing sa pag-arte, lalo na sa drama. Noong child star pa siya,
napanood siya sa mga pelikula bilang anak nina Maricel Soriano at Vilma Santos.
Matapos ang ilang taon, napabilang rin siya sa hit afternoon youth shows gaya ng
Ang TV at G-mik. Ngayon, si Angelica ay si Scarlet Dela Rhea - Castillejos, the woman
everyone loves to hate sa teleseryeng Iisa Pa Lamang. Ang pagganap ni Angelica
sa papel na Scarlet ay umaani para sa kanya ng magandang feedback dahil ayon na
nga sa marami, very effective ang kanyang pag-arte.
Gwen Garci walang kiyeme sa sex scenes
UMAAPOY sa love scenes at umaatikabong halikan ang sinalangan ni dating Viva Hot
Babes Gwen Garci sa bago nitong pelikulang pinamagatang Room 213. Ang
gagampanan ni Gwen sa naturang pelikula ay isang asawa ng isang arkitekto na
dumadaan sa krisis sa buhay mag-asawa matapos ng 10 taong pagiging kasal.
Tampok sa pelikula ang pananamlay ng sex life ng mag-asawa. Kung ilang beses
ipinakita ni Gwen ang ganda ng hubog ng kanyang katawan at walang keber sa
kanyang love scenes.
BALITANG ‘A-KYUT’

Washing machine, 1-tasa lang ng tubig ang ilalagay
LONDON- Nakakita ka na ba ng washing machine na isang tasa lamang ng tubig ang
ilalagay ay maaari ka nang makapaglaba? Isang washing machine na kahit isang tasa
lamang ng tubig ang ilagay ay kaya nang maka-paglaba ang nakatakdang ibenta sa
mga ‘environmentally conscious’ Britons sa susunod na taon. Ang Xeros, na likha ng
University of Leeds para ikomersiyo ang nasa-bing teknolohiya ay nagpahayag
kamakailan na ang mga bagong washing machine ay gagamit lamang ng wala pang 2
porsiyento ng tubig at enerhiya ng isang conventional washing machine. Ang nasabing
washing machine ay gumagamit ng plastic chips para tanggalin ang dumi at mantsa sa
mga damit at iniiwan itong tuyo at binabawasan ang konsumo ng kuryente dahil hindi
na kailangang gumamit pa ng dryer matapos ang ‘washing cycle’. Ang kompanya na
kamakailan lamang ay nag-invest ng halos ng 500,000 pounds mula sa IP Group ay
nagpahayag pa na ang presyo ng nasabing mga bagong waching machine ay hindi
gaanong naiiba sa conventional na washing machine. Batay sa ulat, tumaas sa 23
porsiyento ang gumagamit ng washing machine sa paglalaba sa nagdaang 15-toan.
Ang bawat bahay ay gumagamit ng halot 21 litres ng tubig araw-araw sa paglalaba
lamang ng damit, 13 porsiyento ng arawang konsumo ng tubig sa bawat kabahayan
ayon sa Waterwise, isang non-government organization na nakatuon sa pagtitipid ng
tubig. Napag-alamang ang tipikal na washing machine ay gumagamit ng tinataya sa 35
kilo ng tubig sa bawat kilo ng damit dagdag pa sa kuryenteng kailangan para paikutin
nitin ang tubig at tuyuin ang mga damit. Tinataya sa mahigit dalawang milyong
washing machines ang naibebenta sa Britanya taun-taon na nagkakahalaga ng tinataya
sa 1 bilyong pounds ayon pa sa Xeros.
PAUNAWA
Ang mga impormasyon dito ay kinalap at iniayos ng Brent & Strauss Integrated
Communications, Inc. para sa Jadran pismo d.o.o. • Tel. +385 51 403 185 • Fax +385 51 403
189 • Email: news@jadranpismo.hr