JADRAN PISMO d - Daily Local News on Board

<strong>JADRAN</strong> <strong>PISMO</strong> d.o.o
FILIPINO/TAGALOG
KARAPATANG MAGPALATHALA © 2008 – Ang maiigsing balitang nalalathala sa Jadran pismo ay mula
sa mga nakalap na ulat sa radyo, telebisyon at dyaryo sa Pilipinas. Sa pamamagitan nito, hinihimok ng
ahensya na ibahagi ang siping ito sa mga kababayang nagnanais na makibalita. Maliban lamang sa mga
impormasyong libre, ang mga bagay na may direktang kopirayt ang Jadran pismo d.o.o, Rijeka ay hindi
maaaring sipiin, gamitin, kopyahin o paramihin sa kahit anong paraan ng walang lisensya o pahintulot
mula sa tagapaglathala, o ipamigay, o ipadala sa mga indibidwal
o mga barkong hindi suskritor nito.
FOREX
P47.26 sa US$1 (P47.40 Biyernes)
KUNG HEI FAT CHOI!
Ang mga sumusunod na balita ay nailathala sa mga
pangunahing pahayagan sa Pilipinas ngayong araw,
LUNES, 26 ENERO 2009.
MGA ULO NG BALITA SA WIKANG INGLES
National <strong>News</strong>
• Appointment of ex-military officials in gov’t criticized
• Nationalista Party 90% ready for presidential polls
• Administration eyeing Kabayan, Escudero for 2010
• Arroyo set to leave for Switzerland, Bahrain
• Vatican warns Catholic church of suspicious donations
• Pork still safe to consume—DOH
• NFA exec urges GMA to consider EO 366
• Miriam walks-out!
OFW <strong>News</strong>
• South Korea to help displaced OFWs
• Pinay in Saudi Arabia arrested for theft
• DOLE warns Malacanang of implications on Iraq ban
Regional
• Tsinoys celebrate Chinese Lunar New Year
• Israeli passenger arrested for ‘bomb’ joke
• US, New Zealand laud Boracay, Aklan PNP
• School continues in Zamboanga City despite kidnap cases
• Motorists can now be ticketed via camera
• 5 prosecutors in Cebu receive bribe from syndicate
• DILG vows to intensify campaign vs red tape
• NPA to release 3 cops in custody
• 3 killed, 2 wounded in Batangas massacre
• Bataan-bound passengers held up
• Galoc oil field in Palawan to resume operations
Foreign <strong>News</strong>
• Iceland minister resigns

• 10 dead in Turkey avalanche
• Tamil camp seized by gov’t troops
Sports
• Pacquiao blames Golden Boy Promotions for delay
• Lakers kneel before Spurs
• Texters enter finals
Showbiz
• Jennelyn to file charges vs reporters who took pictures of son
• Kristine, Diether expect annulment soon
• Angel Locsin recovering from dengue
• Angel is safe
Odds and Ends
• The penguin who is afraid of water
Pinoy Trivia
• Highest paid job in the Philippines
BUOD NG MGA BALITA
PAMBANSA
Pagtatalaga ng dating opisyal militar sa gabinete pinuna
PINUNA ni Senador Mar Roxas si Pangulong Gloria Macapagal-Arroyo sa patuloy na
pagtatalaga ng mga dating opisyal ng militar sa mga sibilyang posisyon sa gobyerno.
Ayon sa mambabatas, kinokompromiso ni Arroyo ang sibilyang karakter ng gobyerno
sa pagtatalaga ng mga dating militar sa mga sibilyang ahensya. Hindi umano maaalis
na pagdududahan ang motibo ni Arroyo sa pagtatalaga ng mga dating militar sa
gobyerno dahil ganito umano ang sitwasyon noon sa pamahalaan ni dating Pangulong
Ferdinand Marcos. Kamakailan ay lumutang ang pangalan ni dating Maj. Gen. Jovito
Palparan na posible umanong italaga ng Malacanang sa Dangerous Drug Board. Ililipat
naman sa Presidential Management Staff si dating Armed Forces chief of staff Gen.
Hermogenes Esperon Jr., habang si dating National Police chief Gen. Avelino Razon ay
ilalagay bilang presidential adviser on the peace process. Pinag-aaralan naman kung sa
Land Transportation Office o sa Land Transportation and Franchising Regulatory Board
si dating National Police chief Arturo Lomibao. Ilan pa sa mga dating militar na
nakaupo sa Gabinte ni Arroyo ay sina Executive Secretary Eduardo Ermita at Land
Transportation and Communication Sec. Leandro Mendoza.
NP ni Villar handa na
INIHAYAG ng tagapagsalita ng Nacionalista Party (NP) na pinamumunuan ni dating
Senate President Manny Villar na 90 porsyentong handa na ang partido sa
pampanguluhang halalan sa 2010. Ayon kay dating Cavite Rep. Gilbert Remulla,
tagapagsalita ng NP, si Villar na ang napiling standard bearer ng partido bagaman wala
pang napipiling magiging bise presidente nito. “Wala pang VP naghahanap pa. Pero we
will field a full slate up to last councilor," ayon sa dating kongresista nitong Sabado.
Bukod kay Remulla, kabilang umano sa mga pinagpipilian sa 12-man senatorial slate
ng NP ay sina Sen Pia Cayetano, Bukidnon Rep. Teofisto “TG" Guingona, Iloilo vice
governor Rolex Suplico, dating Sen. Agapito “Butch" Aquino, Paranaque Rep. Eduardo
Zialcita, at San Juan Rep. Ronaldo Zamora. “May mga madadagdag (senatorial list)
dahil may mga negosasyon mula sa ibang grupo. Baka may makasama sa progressive
group," ayon kay Remulla.

Kabayan, Chiz target ng administrasyon sa 2010?
POSIBLENG hindi na hayagang mag-endoso ng presidential candidate ang Malacańang
kung saan target nito sina Vice President Noli de Castro at Senador Francis “Chiz”
Escudero bilang umano’y “secret candidates” ng administrasyon, ayon sa mapagkakatiwalaang
sources. Sinabi ng isa sa source na “no choice” ang administrasyon
kundi ang “mag-reward” ng tinaguriang “tried and tested” political machineries nito
alinman kina De Castro o Escudero o kaya’y paghahatian ng dalawa. “Let us admit that
an endorsement by this very unpopular government would be an extra baggage to a
presidential candidate. Hindi ba’t iwas nang iwas si Noli? But you know, it is hard to
resist administration’s political help lalo’t palihim naman,” anang source. Inihayag
naman ng isa pang source na: “The initial game plan is to make a secret
endorsement. ’Yun bang palihim ang tulong. Pero siyempre, wala pang final.”
Nagkakaisa ang sources na magsisilbing susi sa sinasabing secret endorsement ng
Malacańang ang pagtiyak na pamamahala at hindi pagbengga ang prayoridad ng
mananalo.
Arroyo nakatakdang umalis patungong Switzerland at Bahrain
MULING tutulak patungo sa ibayong dagat si Pangulong Arroyo. Ayon sa ulat, ilan sa
mga nakatakdang bisitahin ng Pangulo ay ang Switzerland at Bahrain, kung saan
dadalo siya ng world economic forum. Hihimukin din umano ng Punong Ehekutibo ang
mga pinuno ng nabanggit na mga bansa na mamuhunan sa Pilipinas o kaya naman ay
kumuha ng mga manggagawang Filipino para sa iba't-ibang larangan ng trabaho.
Umaasa ang Pangulo na magiging mabunga ang naturang byahe upang maka-agapay
sa kalagayang pang-ekonomiya ngayon ng ating bansa.
Simbahan pinag-iiingat ng Vatican sa mga kahina-hinalang donasyon
PINAG-IINGAT ni Cardinal Paul Cordes, isang Vatican official, ang Simbahang Katoliko
mula sa pagtanggap ng mga donasyon mula sa ilang indibidwal na may hindi
magandang layunin o motibo sa kanyang ginagawang pagtulong. Sa kanyang
pagdalaw at pagbibigay ng lecture sa mga obispo ng Catholic Bishops’ Conference of
the Philippines (CBCP), sinabi ni Cordes na dapat tanggihan ng mga Obispo o mga Pari
ang anumang donasyon sa Simbahan kung alam nilang mayroong hindi magandang
motibo ang nagbibigay nito. Marami kasi aniya ang tumutulong sa Simbahan at
nagpapanggap na mabuti nang dahil lamang sa mayroon silang kailangan. Ang tunay
na pagtulong aniya ay ang pagkakaloob nito ng walang hinihinging kapalit. Hinikayat
din ng nasabing Vatican official ang mga Catholic bishops sa bansa at mga Churchbased
charitable organizations na iwasan ang pagtanggap ng tulong nang walang
tunay na ispiritu ng charity mula sa nagkakaloob nito.
Karneng baboy ligtas pa ring kainin--DoH
TINIYAK ng Department of Agriculture at Department of Health na ligtas pa ring kainin
ang kar-neng baboy matapos na magpositibo sa kinatatakutang Ebola Reston virus ang
isang empleyado ng hog farm na natuklasan ng international health experts. Sinabi ni
DA Secretary Arthur Yap, patuloy na nag-uugnayan ang joint team mula sa World
Health Organization (WHO), Food and Agriculture Organization (FAO) at World Animal
Health Organization na nagsagawa ng epidemiological study sa Reston virus upang
magpatupad ng mga hakbangin at matukoy ang sanhi ng nasabing virus na nailipat sa
tao. Ayon kay Yap, patuloy pa rin na naka-quarantine ang swine farm sa Bulacan at isa
pa sa Pangasinan, kung saan nadiskubre ang virus noong nakaraang taon at
nakumpleto na rin ang lahat ng laboratory results sa Research Institute for Tropical
Medicine (RITM) at Atlanta-based Centers Disease Control (CDC). Bilang bahagi ng
precautionary measure, lalawakan ang pagsusuri sa mga baboy at isasama ang 4,000
blood samples mula sa mga alagang baboy sa buong bansa na kinolekta ng Bureau of

Animal Industry (BAI) para sa pagsusuri sa foot-and-mouth disease (FMD) at
nakatakdang dalhin ang samples sa RITM. Isusumite din ng BAI para sa testing samples
mula sa mga pig farms sa anumang bahagi ng bansa kung saan may ulat na kahinahinalang
pagkamatay ng mga alagang baboy.
Kawani ng NFA nanawagan kay Arroyo na irekonsidera ang EO 366
HABANG abala ang pamahalaan sa paghahanap ng paraan upang lumikha ng trabaho,
nangangamba naman ang ilang kawani ng gobyerno sa National Food Authority (NFA)
na mapabilang sila sa lumulobong listahan ng unemployed. Ang pangamba ng mga
kawani ng NFA ay bunga umano ng ipinalabas na notice of redundant/abolished
position na nakasaad sa Executive Order 366 o Government's Rationalization Plan na
naglalayong mapababa ang gastusin sa operasyon ng gobyerno. Ayon kay Eduardo
Camua, opisyal ng NFA Employees Association, 800 sa kanilang mga kasamahan ang
posibleng mapasama sa maramihang sibakan sa gobyerno sa taong ito. Natatawa na
lamang umano si Camua kapag naiisip ang pagsisikap ng gobyerno na makalikha ng
trabaho dahil sa kinakaharap na global economic meltdown, ngunit hindi nito mabigyan
ng katiyakan ang trabaho ng mga nasa gobyerno. Sinabi ni Camua na sa susunod na
buwan ay 78 empleyado ng NFA ang masisibak sa Gitnang Luzon at 32 mula sa
Bulacan. May mga empleyado rin umanong apektado ang malapit na sa kanilang
retirement age. Bagaman ang iba ay handa ng magretiro, hindi naman umano
maganda ang alok na retirement package ng pamahalaan at 'di kayang bumuhay ng
pamilya lalo sa mga mababa ang posisyon.
Sen. Santiago, nag-walk
GALIT na nagwalk out si Senator Miriam Defensor Santiago sa imbestigasyon ng
Senado higgil sa suhulan ng mga construction firms na ibinunyag ng World Bank. Ayon
kay Senator Santiago siya ay magbibitiw sa pwesto matapos na alisin sa kanyang
responsabilidad ng kanyang mga kapwa Senado ang pag-iimbestiga sa naturang
suhulan ng apat na construction firms. Nabatid na biglang inilipat ni Senator Francis
Pangilinan sa finance committee ang pag-iimbestiga sa naturang suhulan ng walang
pasabi kay Santiago.
BALITANG OFW/KWENTONG MARINO
Mga OFW na nawalan ng trabaho bibigyang ayuda ng South Korea
TUTULONG ang South Korean government sa mga OFW na nakabase sa kanilang bansa
na apektado ng global financial crisis at gagawing prayoridad ang mga ito para sa
kanilang mga bagong job openings. Ayon kay Labor Secretary Marianito Roque ang
impormasyon ay ibinigay ni Philippine Labor Attaché to Seoul, Atty. Delmer R. Cruz,
kung saan tiniyak ng Ministry of Labor ng Korea na tutulungan ang mga apektadong
OFWs at gagawin umanong prayoridad para sa mga bagong trabaho sa ilalim ng
kanilang Employment Permit System (EPS). Sa ilalim ng EPS, umabot na sa 20,961
OFWs ang nai-deploy sa Korea mula 2004 hanggang December 31, 2008. Sa ngayon 74
OFWs pa lamang ang nakukumpirma ng DOLE na nawalan ng trabaho sa nasabing
bansa dahil sa krisis. Karamihan aniya sa mga apektadong manggagawa doon ay mula
sa mga electronics at export sectors, na nagsu-supply ng mga produkto gaya ng
semiconductors, LC at car accessories sa US at Europe.
Pinay inaresto sa pagnanakaw sa Saudi Arabia

INARESTO ng mga awtoridad sa Jeddah, Saudi Arabia ang isang Pinay domestic helper
matapos na akusahang nagnakaw ng salapi at alahas ng kanyang amo na
nagkakahalaga ng SR180,000 o P2.275 milyon. Sa ulat ng Online news site Arab <strong>News</strong>
na nakarating kahapon sa tanggapan ng Department of Foreign Affairs (DFA), tumakas
umano patungo sa Jeddah ang hindi pinangalanang Pinay matapos na tangayin ang
mga cash at alahas ng kanyang amo. Gayunman, natunton din ito ng mga awtoridad at
inaresto. Inamin naman umano ng Pinay na tinangay niya ang mga cash at alahas ng
kanyang employer habang nasa isang okasyon ang mga ito. Pansamantala umanong
nanuluyan sa isang kaibigan sa Jeddah ang Pinay sa pag-asang hindi ito matutunton ng
mga awtoridad ngunit nadakip pa rin ito.
Huwag magpadalos-dalos sa pagtanggal ng ban sa OFW sa Iraq
PINAYUHAN ng Department of Labor and Employment (DOLE) ang palasyo na huwag
magpadalos-dalos sa plano nitong tanggalin ang pagbabawal sa mga OFW na tumungo
ng Iraq. Ayon kay Labor Secretary Marianito Roque, hindi ganoon kadali ang pagtanggal
sa pagbabawal dahil maraming mga bagay and dapat isa-alangalang sa naturang
hakbang. Pangunahin dito ang seguridad ng mga OFW. "It depends sa security
assessment ng DFA (Department of Foreign Affairs). Kung sa tingin nila medyo okay na
at safe na magpadala tayo ng manggagagawa papasok ang DOLE para i-negotiate ang
terms and conditions of employment, para sa ganoon protektado ang pagtrabaho ng
manggagawa doon," ani Roque. Nitong araw ng Linggo, ibinunyag ni Presidential
Management Staff chief Cerge Remonde na may pusibilidad na bawiin na ng gubyerno
ang pagbabawal sa mga OFW na pumunta ng Iraq bunsod na gumagandang
sitwasyong pangseguridad sa naturang bansa. Pag-gigiit ni Remonde, nararapat
lamang na bawiin na ng gubyerno ang ban upang masamantala ang pangangailanang
ng Iraq para sa mga dayuhang trabahador.
REHIYON
Pagsalubong ng Bagong Taon ng mga Tsino sa Pilipinas naging makulay
MASAYA at makulay ang naging pagsalubong ng Chinese New Year sa Binondo Maynila
ngayong ika-26 ng Enero. Kasabay ito ng pagsibol ng bagong buwan (new moon) at
tinaguriang year of the 'Earth Ox' batay sa kalendaryong Tsino. Ayon kay Manila Police
District (MPD) head Chief Supt. Roberto Rosales, nagtalaga sila ng dose-dosenang pulis
sa nabanggit na lugar matapos magtipon ang nasa 10,000 katao para saksihan ang
iba't-ibang programa. Kabilang na dito ang makulay na dragon dance at fireworks
display. Marami naman ang nagsamantala sa okasyon, partikular na ang nagtitinda ng
mga matatamis at malalagkit na kakanin, pampa-swerte umanong crystals at mga
bilugang prutas.
Israeli na pasahero inaresto matapos magbiro na may dalang bomba
HUMANTONG sa Lapu-Lapu City Jail ang isang Israeli matapoos nitong maaresto dahil
sa pagbibirong mayroon siyang dalang bomba sa loob ng Mactan Cebu International
Airport (MCIAA) sa Lapu-Lapu City kahapon. Dahil dito nabulabog ang Police Civil
Aviation Security (PCAS) sa naturang airport at agad hinuli si Eliav Goali, 23-anyos na
isang turista. Ngunit wala namang nakita ang pulisya ng halughugin ang mga gamit
nito Nang tanungin ang naturang dayuhan, sinabi nito na biniro lamang niya ang mga
security personnel sa inspection area sa naturang airport. Galing pang Dumaguete City
si Goali at patungo na sana ng Maynila ng mangyari ang pagbibiro nito sa airport
security. Inihanda na ng pulisya ang kaukulang kaso laban sa naturang Israeli dahil sa
paglabag nito sa Presidential Decree 1727 o bomb jokes. Patuloy pa rin ngayon ang
PCAS sa pagberipika sa tunay na identity at background sa naturang dayuhan.
US at New Zealand pinarangalan ang Boracay at Aklan PNP

BINIGYANG parangal ng gobyerno ng Estados Unidos at New Zealand ang Kalibo Police
Station at Boracay Special Tourist Protection Office (BSTPO) dahil sa pagsasagawa at
pagsumikap nito na makompleto ang model police station development program-tier
two para sa mga police officer. Ito ang inihayag ni Aklan Police Director Senior Supt.
Clarence Guinto. Ang mga miembro ng kapulisan sa naturang mga PNP station ay
dumaan sa crime scene investigation, community policing, media relations at instructor
development noong nagdaang dalawang taon. Nag-donate din ang US Department of
Justice - International Criminal Investigative Training Assistance Program ng specialized
equipments at investigation kits sa naturang mga PNP stations. Pinondohan din anya
ang naturang trainings ng US Department of State International Narcotics and Law
Enforcement Bureau. Samantala, mismong si Guinto ang tumanggap ng certificates
mula kay US Ambassador to the Philippines Kristie Kenney at New Zealand Ambassador
Andrew Matheson.
Klase sa liblib na pook sa Zamboanga City tuloy sa kabila ng pambibihag
TINIYAK ng Department of Education (DepEd) na tuloy pa rin ang klase sa mga
malalayong pook sa Zamboanga City bagamat takot na ang mga guro na magtungo
doon dahil sa pinakahuling insidente ng kidnapping. Sa kabila ng pagkakadukot sa
tatlong guro habang patungo ang mga ito sa kanilang paaralan ay sinabi ng DepEd na
hindi maaaring isakripisyo ang pag-aaral ng mga estudyante. Ayon sa DepEd, bagamat
nahaharap sila sa krisis ay hindi maaaring matigil ang pag-aaral ng mga bata. Napagalaman
na natatakot ang mga guro na magtungo sa liblib at island barangays sa
Zamboanga sa pangamba na sila ang maging sunod na biktima ng kidnapping
Mga motorista maaari nang matikitan sa pamamagitan ng kamera
BINALAAN ng Metropolitan Manila Development Authority ang lahat ng mga motorista
na mahilig lumabag sa batas-trapiko dahil pagaganahin na ang “No Contact Policy” ng
ahensiya na inaprubahan kamakailan lamang ng Metro Manila Council. Ayon kay MMDA
chairman Bayani Fernando, sa ilalim ng patakarang ito ay hindi na kinakailangan pang
komprontahin nang personal ng mga traffic enforcers ang mga traffic violators. Sa
pamamagitan ng mga kuha sa CCTV camera na nakalagay sa mga pangunahing
lansangan sa Kalakhang Maynila, iisyuhan na lamang aniya ng official violation receipt
ng lokal na pamahalaan at traffic violation receipt naman ng ahensiya ang sinumang
mga tsuper na lumabag sa trapiko. Ayon pa kay Fernando, gagamitin bilang ebidensiya
ng ahensiya sa pag-isyu ng ticket ang mga maire-record ng mga CCTV camera laban sa
mga mahuhuling motorista.
5 tagalitis sa Cebu umano'y tumanggap ng suhol mula sa sindikato
HINDI bababa sa limang prosecutors sa Cebu ang tumanggap umano ng suhol galing sa
mga drug traffickers upang ibasura ang mga kasong may kaugnayan sa illegal drugs.
Ito ang ibinunyag ni Cebu City South District Cong. Antonio Cuenco matapos na
mapublicized ang bintang ng PDEA na tumanggap ng suhol na P50,000 milyong ang
mga DOJ state prosecutors kaya't nabasura ang kaso ng "Alabang Boys." Ayon kay
Cuenco, matagal na niyang natanggap ang report na may prosecturos sa Cebu ang
tumanggap rin ng suhol kaya lang hindi nito madala sa korte ang naturang mga
alegasyon dahil wala naman itong pinanghahawakang ebidensiya laban sa mga ito.
Aminado rin si Cuenco na mahirap na pagtibayin ang naturang mga alegasyon dahil
walang gustong magbigay ng kanilang salaysay dahil na rin sa takot.
Kampanya laban sa red tape paiigtingin
PAIIGTINGIN pa ng Department of the Interior and <strong>Local</strong> Government (DILG) ang
pagpapatupad ng anti-red tape project ngayong taon at pagtutuunang pansin nito ang

pag-monitor sa mga local government units (LGUs) sa pagbuo ng "citizens' charter" na
magsisilbing gabay ng mga mamamayan upang makakuha ng mga serbisyo mula sa
pamahalaan. Ayon kay DILG Secretary Ronald Puno isa ang Comprehensive and Unified
Response to Eliminate Red Tape (CURE) project sa mga inisyatibo na pagtutuunang
pansin ng ahensya ng sa ganun ay kaagad na maipa-abot sa mga mamamayang
Pilipino ang mga pangunahing serbisyo mula sa pamahalaan partikular na sa
community level.
NPA ipinahayag na palalayain na ang 3 bihag na pulis
HANDA na umanong palayain ng mga rebeldeng New People's Army (NPA) ang tatlong
pulis na binihag sa lalawigan ng Rizal simula noong Enero 3, 2009. Samantalang isa
pang pulis – si PO3 Ricky Martin ng PNP-Bataan – ay nabihag umano ng NPA sa inilatag
na check point ng mga rebelde sa Brgy. Macabud sa Montalban, Rizal. Sa pahayag
nitong Sabado, sinabi ni Arman Guerrero, tagapagsalita ng NDFP-Rizal, nakatakda na
nilang palayain sina Police Inspector Rex T. Cuntapay, PO1 Albert Umali, PO1 Marvin M.
Agasen. “Taos-puso naming ipinapaabot ang magandang balita sa mga kapamilya nina
Police Inspector Rex T. Cuntapay, PO1 Alberto Umali, PO1 Marvin M. Agasen dahil
napatunayan sa paglilitis na wala silang kasalanan laban sa mamamayan at
rebolusyonaryong kilusan," ayon kay Guerrero.
3 patay, 2 sugatan sa masaker sa Batangas
TATLO katao ang patay habang dalawang iba pa ang sugatan sa nangyaring massacre
sa Brgy. Palasahingin sa bayan ng San Pascual sa lalawigan ng Batangas. Ayon kay
Batangas Police Director Senior Supt. Jesus Gatchalian, natagpuan ang bangkay ng
mga biktima sa kanilang tahanan. Kinilala nito ang mga nasawi na sina Uriel
Dimaunahan, Diego Dimaunahan at ang live-in partner nito na su Rona Malabanan. Sa
kabilang dako, ang mga sugatan naman na kasalukuyang ginagamot sa isang ospital
ay nakilalang sina Desiree Dimaunahan at Angelo Malabanan.
Mga pasahero ng bus hinoldap sa Bataan
ISANG provincial bus ang hinoldap ng 4 na armadong suspek sa Bataan. Pasado alas-7
kagabi nang magdeklara ng holdap ang mga supsek habang sakay ng Bataan Transit
sa bahagi ng boundary ng Bataan sa kahabaan ng Roman Highway. Nabatid na bukod
sa baril ay may bitbit din ang mga suspek na granada. Mabilis na bumaba ang suspek
bahagi ng public market sa Balanga City matapos makapanlimas.
Naudlot na oil production sa Galoc field sa Palawan magpapatuloy
MULING bubuksan ng Galoc Production Company ang kanilang operasyon sa Palawan.
Sisimulan ang oil exploration sa nasabing oil field sa kalagitnan ng susunod na buwan.
Noong Disyembre, pansamantalang sinuspinde ng oil production sa Galoc field dahil sa
isinagawang repair sa mga kagamitan para sa exploration.
BALITANG ABROAD
Ministro sa Iceland nagbitiw sa harap ng matinding kilos-protesta

NASA balag ng alanganin ngayon ang kinabukasan ng mga opisyal ng gubyerno sa
bansang Iceland kasunod ng isa na namang linggo na puno ng kilos protesta. Maliban
diyan, nagbitiw din sa pwesto ang commerce minister ng bansa na sinasabing epekto
ng nararanasang global financial crisis. Nagbitiw sa pwesto si Bjorgvin Sigurdsson kung
saan iginiit nito na bigo ang pamahalaan na ibalik ang kumpiyansa matapos ang
pagkakabuwag ng maraming nangungunang bangko sa bansa, currency at stock
market. Nagpulong na ang Senior government officials mula sa dalawang partido na
bumubuo sa Iceland coalition government para talakayin ang problema.
10 patay matapos mabaon sa niyebe sa Turkey
UMABOT sa 10 ang patay matapos na tamaan ng avalanche sa isang ski resort sa
bansang Turkey. May pitong buhay na nahugot ang mga rescuers mula sa mga
nadaganan ng yelo sa sa Zigana-ayon, Enver Salihoglu, dalawa sa mga biktima ang
nasa hospital pa rin dahil sa malubhang kalagayan. Ang nasabing mga grupo ay
mountain hikers umano na balak sanang umuwi ngunit inabutan ng avalanche.
Aminado ang mga rescuers na nahihirapan sila sa kanilang rescue operation dahil sa
sobrang lamig na nararanasan sa nabanggit na lugar. Bago ang naturang insidente,
patay din ang tatlong iba pa matapos na madaganan din ng malaking tibag ng yelo.
Malaking kuta ng mga rebeldeng Tamil nakubkob na ng gobyerno
NAKUBKOB ng mga Sri Lankan soldiers ang isang kampo ng mga Liberation Tigers of
Tamil Eelam matapos isagawa ng mga otoridad ang surpresang pag-salakay. Ayon kay
Lt. Gen. Sarath Fonseka, tinawid ng tropa ang lagoon at pinasok ang bayan ng
Mullaittivu kung saan nakaengkwentro ng mga ito ang mga rebeldeng Tamil Tigers.
"Our troops fought their way through a 40 km (25 mile) thick jungle track," sinabi ni
Fonseka. Matagal na umano nilang inaasam ang nasabing tagumpay kung saan 12
taon ang kanilang hinintay para makuha ang bayan ng Mullaittivu. "This is the long
awaited victory and I am happy to say that our heroic forces today captured the
Mullaittivu town after 12 years," sinabi ng Sri Lanka Army chief. Sa ngayon ay hindi pa
naglalabas ng komento ang Tamil Tigers hinggil sa insidente kung saan nakubkob ang
kanilang strategic garrison.
ISPORTS
Pagkaantala sa pagpirma sa kontrata isinisi ni Pacquiao sa Golden Boy
SINISI ni WBC lightweight Champion Manny Pacquiao ang kampo ng Golden Boy
Promotions (GBP) kung bakit naantala ang pagpirma nito ng kontrata sa laban nila kay
IBO light welterweight champion Ricky Hatton. Ayon kay Pacquiao, masyado umano
siyang binastos ni Richard Schaefer, ang CEO ng Golden Boy Promotions at pilit na
ibinababa ang nagawang resulta ng kanyang mga laban. Sinabi pa ni Pacman, naging
personal daw ang galit ni Schaefer sa kanya dahil sa paniniwalang lahat ng magagaling
na Mexican boxers ay natalo na nito, maging ang may-ari ng Golden Boy Promotions na
si Oscar De La Hoya. Ngunit sa kabila nito, nais pa rin ng pambansang kamao na
tapusin ang hidwaan nito sa kampo ng GBP dahil hindi umano maganda ang idudulot
nito sa kanyang karera. Kaugnay nito, sa unang araw ng Marso ay sisimulan na ni
Pacman ang ensayo para paghandaan ang paboritong boksingero ng Briton na si Ricky
Hatton.
Lakers taob sa Spurs
NAGMISTULANG hindi naging patas ang sinasabing laban ng Los Angeles Lakers sa
tinaguriang best team sa western conference matapos itong talunin ang San Antonio
Spurs. Bumuslo ng 22 points ang reigning NBA MVP na si Kobe Bryant at ang Espanyol
na si Pau Gasol ay nagdagdag naman ng 16 point at 5 rebounds para talunin ang Spurs

99-85. Ang nasabing panalo ng Lakers ay ang kanilang pang-apat na sunod makaraan
ang ilang sunod na pagkatalo kamakailan. Sa panig naman ng Spurs, pinangunahan ni
Tony Parker sa kanyang 19 points at 6 assists at Tim Duncan, 15 points.
Texters sa finals
NAKOPO ng Talk ‘N Text ang unang finals berth makarang maungusan ang San Miguel
Beer sa overtime, 116-115, sa KFC-PBA Philippine Cup semifinals kagabi sa Cuneta
Astrodome. Sa pagputol ng four-game winning run ng Beermen sa ‘do or die’ playoff
games na tumapos sa kanilang hangaring maging unang wildcard survivor na
nakapasok sa championship round, nanaig ang Tropang Texters sa best-of-seven
series, 4-2. Nagbuhos si Mac Cardona ng game-high 34 points, habang nag-ambag si
veteran guard Jimmy Alapag ng 27 puntos para sa Talk ‘N Text, na huling pumasok sa
finals noong 2006-07 Fiesta Conference. Ang tagumpay ay katuparan ng pangako ni
coach Chot Reyes, na itinalaga bilang Tropang Texters mentor eksaktong isang taon na
ang nakalilipas. “By some sheer twist of providence, exactly one year today, we are in
the finals,” sabi ni Reyes. Nakamit ang ika-pitong finals appearance sa liga, hangad ng
Talk ‘N Text na masundan ang tagumpay sa 2003 All-Filipino Cup, ang kaisa-isang
korona ng koponan sa liga. Naitala ng Tropang Texters ang 17-point lead, 77-60, sa
7:10 ng third period mula sa apat na three-point shot ni Alapag nang ihulog ng Beemen
ang 20-7 bomba na inihulma nina Danny Seigle, Marc Pingris, Jay Washington at Jonas
Villanueva upang makalapit sa 80-84, may 52.9 segundo sa third canto.
SHOWBIZ
Jennelyn nagbantang kakasuhan ang maglathala ng larawan ng anak
TINIYAK ng aktres na si Jennylyn Mercado na magsasampa siya ng kaso laban sa
sinumang maglalabas ng larawan ng kanyang anak ng binyagan ito kahapon. Ayon sa
aktres, kahit hindi invited ay may mga photographers pa rin na pumunta sa binyag ng
kanyang baby na nais umano sana niyang gawing pribado at solemn. Tanging mga
kaibigan at pamilya lang umano ang imbitado ngunit nagulat siya ng mauna pa sa
simbahan ang mga photographers. May isa pa umanong hindi napigilan na kumuha ng
larawan ng kanyang anak. Dahil diyan kaya't nakiusap ito sa mga photographers na
huwag ng ikalat pa ang mga larawan para hindi na lumaki ang isyu at umabot sa korte.
Hindi umano niya palalampasin ang insidente dahil nais niyang magkaroon ng privacy
ang kanyang anak.
Kasal nina Kristine at Diether malapit nang mapawalang bisa
MISMONG ang aktres na si Kristine Hermosa na ang nagsabing malapit ng mapawalng
bisa ang kasal nila ng dating karelasyong si Diether Ocampo. Ayon kay Kristine,
patapos na ang kanilang annulment case kaya't malapit ng maayos ng tuluyan ang
relasyon nila ni Diether. Paliwanag nito na masaya siya ngayon na nakahanap na ng
kapalit niya si Diether. Sa pagtatapos umano ng kanilang kasal ay masasabi niyang
masaya sila pareho dahil makakapagsimula na silang muli.
Mga duktor kumpiyansang makakabawi si Angel Locsin sa sakit na dengue
TIWALA ang mga doktor ng aktres na si Angel Locsin na magiging mabilis ang recovery
nito matapos magkaroon ng sakit na dengue. Sa isang pahayag, sinabi ng manager ni
Angel na si Becky Aguila na sa ngayon ay mataas na ulit ang platelets ng aktres.
Matatandaang una ng sinabi ng kampo ni Angel na nangangailangan ito ng dugo at
naka-confine sa St. Luke's Medical Center. Ngunit ayon naman sa boyfriend nitong si

Luis Manzano, nangangailangan pa rin ng dasal si Angel. Wala naman umanong dapat
ipag-alala ang mga tagahanga, kaibigan at pamilya nito dahil maayos nilang
inaalagaan ang aktres.
Angel, maayos na ang lagay
SA awa ng Diyos, umigi na ang kalagayan ni Angel Locsin, na tinamaan ng dengue
nu’ng isang linggo. Kasalukuyan pa rin itong naka-confine sa St. Luke’s Medical Center,
pero ayon sa kanyang manager na si Becky Aguila, mas maayos na ang lagay nito kesa
nu’ng isang araw, kung saan bumaba ng 54,000 at nangailangan ng type B+ blood
donation. “Angel was officially diagnosed with dengue infection two days ago. As of 5
a.m., her platelet count has gone up to 58.000. Her doctor is optimistic that she’s on
her way to recovery. Angel would like to thank you all for your prayers,” ang kabuuan
ng text message na ipinadala ng manager ni Angel.
BALITANG A-KYUT
Penguin sa England, takot sa tubig
FEELING super-star at center of attraction ngayon ang isang Penguin sa Staffordshire
Zoo sa England sa kabila ng pagiging takot nito sa tubig! Ang 11 years old daw na
Penguin na si ‘Kentucky’ ay mas gustong nasa batuhan kaysa magtampisaw sa tubig,
kasama ang kanyang mga kabaro! Kasi naman daw kaya pala takot itong maligo sa
nagyeyelong tubig ay kakaunti lang ang balahibo nito ng ipinanganak. Hindi raw tulad
ng ibang Penguins na makapal ang balahibo, si Kentucky ay manipis at kaunti lamang
ang balahibong pang-protekta sa lamig. Ayon sa may-ari ng zoo nahirapan pa nga daw
silang paliguan si Kentucky, dahil sa pagiging lamigin nito. Kaya naman daw ngayon
ang naturang cute na Penguin ay walang ginawa kundi ang magpalakad-lakad na
lamang sa batuhan kung saan hindi siya lalamigin.
ALAM N’YO BA?
Trabaho na may pinakamalaking sahod
SA ulat ng National Statistical Coordination Board para sa 2006 Philippine Statistical
Yearbook, lumabas na ang nagpapalipad ng mga commercial airplane ang may
pinakamalaking sahod sa Pilipinas. Batay sa nasabing listahan, ang piloto ng mga
commercial airplane ay sumasahod kada buwan na aabot sa P100,000. Bukod sa piloto,
ang trabaho na may pinakamataas na sahod ay ang navigators at flight engineers.
Samantala, P4,700 sahod kada buwan ang itinuturing pinakamababang suweldo para
sa isang “regular" na manggagawa. Ang ganitong sahod ay nakukuha umano ng mga
nagtatrabaho sa minahan.
PAUNAWA
Ang mga impormasyon dito ay kinalap at iniayos ng Brent & Strauss Integrated
Communications, Inc. para sa Jadran pismo d.o.o. • Tel. +385 51 403 185 • Fax +385 51 403
189 • Email: news@jadranpismo.hr