JADRAN PISMO d - Daily Local News on Board

<strong>JADRAN</strong> <strong>PISMO</strong> d.o.o
FILIPINO/TAGALOG
KARAPATANG MAGPALATHALA © 2009 – Ang maiigsing balitang nalalathala sa Jadran pismo ay mula
sa mga nakalap na ulat sa radyo, telebisyon at dyaryo sa Pilipinas. Sa pamamagitan nito, hinihimok ng
ahensya na ibahagi ang siping ito sa mga kababayang nagnanais na makibalita. Maliban lamang sa mga
impormasyong libre, ang mga bagay na may direktang kopirayt ang Jadran pismo d.o.o, Rijeka ay hindi
maaaring sipiin, gamitin, kopyahin o paramihin sa kahit anong paraan ng walang lisensya o pahintulot
mula sa tagapaglathala, o ipamigay, o ipadala sa mga indibidwal
o mga barkong hindi suskritor nito.
ANG BUONG SAMBAYANANG PILIPINO AY NAGLULUKSA
SA PAGPANAW NG TUNAY NA MINAMAHAL NA
SIMBOLO NG DEMOKRASYA, CORAZON C. AQUINO…
Ang mga sumusunod na balita ay nailathala sa mga
pangunahing pahayagan sa Pilipinas ngayong araw,
MARTES, 04 AGOSTO 2009.
FOREX
P47.84 sa US$1 (P48.06 kahapon)
MGA ULO NG BALITA SA WIKANG INGLES
National <strong>News</strong>
• Bongbong, Imee pay respects to Cory
• Catholic Church made an exemption for Cory
• Aquinos civil to Arroyo family
• January 25 as ‘Cory Day’
• Aquinos welcome Marcoses
• PNP covers up GMA’s security snafu on Cory
• 7,000 supporters come to see her everyday
• PDEA bothered by drug report on Michael Jackson
• House still considering to push through with Chacha
OFW <strong>News</strong>
• OFWs worldwide pay tribute to former president
• Chief mate killed in LPG accident
• Pinay nurse wins $250,000 lottery
Regional
• PLM facilities opened to public
• 14 trapped in ferris-wheel
• NBI serves another subpoena to Dr. Vicki Belo
• Grenade claims teenager
• Whistleblower shot dead
• Robbers take P4-M from mall
• 5 drug pushers arrested
Foreign
• 14 th APEC Women Leaders Network Meeting launched
• Bill Clinton visits Pyongyang
• Clashes in Sudan claims 185 casualties

Sports
• Pacquiao-Cotto fight close to being cancelled
• Phelps go for 5 golds in world championships
• Alora fails to get gold medal
Showbiz
• Kris says sorry…
• Filipino show their love to Tita Cory
• Boy Abunda in charge of Cory’s necrological service
• Ruffa-Lloydie yarn dies down
Odds and Ends
• Infant ‘boiled’ by father
Trivia Bits
• 1 million signatures for Cory
BUOD NG MGA BALITA
PAMBANSA
Magkapatid na Imee at Bongbong Marcos nagpunta sa burol ni Cory
NAMATAAN sa libu-libong taong nakiramay sa burol ni dating pangulong Corazon
Aquino sa Manila Cathedral ang dalawang miyembro ng pamilya Marcos. Personal na
ipinaabot ni Ilocos Norte Rep. Ferdinand “Bongbong” Marcos Jr. at kapatid nitong si
dating congresswoman Imee Marcos ang kanilang pakikiramay sa pamilya Aquino
ngayong hapon. Nakaitim na damit si Imee habang naka-gray naman na polo si
Bongbong nang magtungo sa burol ng dating pangulo. Ang pamilya Marcos, partikular
na si yumaong dating pangulong Ferdinand Marcos ang kalaban sa pulitika ng mister ni
Aquino na si dating senador Benigno “Ninoy” Aquino Jr. Nang mapatalsik sa
pamamagitan ng People Power Revolution si Marcos noong 1986 ay sumunod na
naging pangulo ng bansa si Aquino. Samantala, sa hiwalay na ulat sa ANC ay namataan
na rin sa burol sa Manila Cathedral si dating pangulong Fidel Ramos. Si Ramos ang
humalili sa puwesto ni Aquino nang matapos ang termino nito.
Batas ng simbahan nabali para kay Cory
BINALI ng ilang taong-simbahan ang sariling batas ng mga ito para sa yumaong dating
pangulong Corazon Aquino. Tradisyunal nang ginagamit ang Manila Cathedral para sa
burol ng mga namayapang archbishops ng Maynila subalit sa pagkakataong ito ay
pinayagang maiburol doon si Aquino. Bukod dito, ang pari rin na nag-misa para kay
Aquino ay nakasuot ng yellow stole sa halip na kulay green na bilang pagsunod sa
ordinary season sa Catholic Church. Ayon kay Fr. Genardo Diwa, ulo ng Manila
Archdiocese’s Ministry on Liturgical Affairs, nabali nga nila ang ilang batas ng simbahan
nang payagang maiburol sa Cathedral si Aquino. “Wakes should really be held in parish
churches only. So we broke all the rules here," ani Diwa. Ani Lingayen-Dagupan
Archbishop Oscar Cruz, ang pagbibigay ng exemption sa kaso ni Aquino ay ang
kontribusyon nito, at ni dating Manila Archbishop Jaime Cardinal Sin, sa history ng
bansa. “Kasi si Mrs. Aquino at Cardinal Sin ay pinagsasama sapagka’t silang dalawa
talaga ang may kaugnayan sa ating kasaysayan. Yan ang pinakaunang dahilan kung

akit pinayagan si Cory Aquino na doon sa Cathedral iburol. Kung buhay ang Kardinal
tiyak papayag yun," ani Cruz.
Pamilya ni Cory sibil kay Arroyo
NILINAW ng pamilya ni dating Pangulong Corazon Aquino na magiging sibil sila kapag
dumalaw sa burol nito si Pangulong Gloria Macapagal-Arroyo. “Muli, naiisip ko ang
itinuro sa amin ng aming mga magulang. Ang pagiging sibil. “Na kung siya po ay
dadalo dito ay bibigyan natin ng paggalang,” wika ng anak ni Aquino na si Senador
Benigno “Noynoy” Aquino. Tiniyak ng senador na hindi nila paiiralin ang anumang
personal na galit kung mayroon man. Ipinaglaban umano ng kanilang pamilya ang
demokrasya at sa ilalim ng ganitong sistema ay may kalayaan ang lahat na gawin
anuman ang kanilang nais hangga’t hindi lumalabag sa batas. Bagama’t iginagalang
nila ang pagdalaw ng pangulong Arroyo. Kaplastikan na anya kung sabihin na
ikinagagalak nila ang pagtungo nito sa burol. Siniguro ng Malacańang na pupunta sa
burol si Pangulong Arroyo pagdating nito sa Maynila mula sa Estados Unidos sa
Miyerkules ng madaling araw. Sinabi ni Deputy Presidential Spokesman Anthony Golez
na, pagdating ni Pangulong Arroyo ay agad na bibisita ito sa burol ni Aquino sa Manila
Cathedral upang magbigay ng huling respeto sa yumaong lider ng bansa.
Enero 25, Cory Day
ISINUSULONG sa Senado ang Joint Resolution No. 28 na inihain ni Senator Mar Roxas na
naglalayong gawing “Cory Aquino Day” ang Enero 25, birthday ni dating Pangulong
Corazon Aquino. Sa kanyang resolusyon, sinabi ni Roxas na marapat lamang bigyan ng
pagkilala taun-taon ang kadakilaan ni Aquino na nagbalik ng demokrasya sa bansa at
nagtapos sa dictatorial rule ni Ferdinand Marcos. Dapat din aniyang magpatuloy ang
pagiging simbolo ni Aquino sa paglaban nito sa korapsiyon nang simulan ng kanyang
gobyerno ang paghabol sa ill-gotten wealth ng mga Marcoses. Ayon kay Roxas, ang
kaniyang resolusyon ay may kahalintulad ding resolusyon sa House of Representatives
na ihahain naman ni Cavite Rep. Joseph Emilio Abaya.
Marcoses welcome sa burol ni Aquino
TILA ito na ang simula ng pagkakasundo ng dalawang prominenteng pamilya matapos
na ihayag ni Senador Benigno “Noynoy” Aquino III na welcome ang pamilya Marcos
sa burol ng kanilang ina na si dating pangulong Corazon Aquino. Ayon kay Senador
Aquino, rerespetuhin nila ang pamilya Marcos kung nais ng mga itong magbigay ng
huling respeto sa kanyang ina. Idiniin ni Sen. Aquino na ang lahat naman ng mga nais
na dumamay sa kanila ay welcome ngunit dapat lamang itong gawing sinsero.
Kamakailan ay tinanggap ng pamilya Aquino ang panalangin ng pamilya Marcos sa
pangunguna ni dating Unang Ginang Imelda Marcos habang nakaratay sa ospital si
Gng. Aquino at nakikipaglaban sa sakit na colon cancer.
PNP pinagtakpan na may kinalaman si GMA sa pullout ng security ni Cory
NILINAW ng isang pulis na walang kinalaman si Pangulong Gloria Arroyo sa umano’y
pullout ng security aides ni yumaong dating pangulong Corazon Aquino. "Wala pong
alam si Pangulog Gloria rito, (President Arroyo had nothing to do with this)," ani Chief
Superintendent Lina Sarmiento, hepe ng Police Security Protection Group. Idinagdag pa
nito na ang pullout ng dalawang security aides ni Aquino ay isa lamang administrative
procedure. Hindi niya aniya inakala na maiiba ang pagtingin dito ng pamilya Aquino. "I
truly apologize to the Aquino family. It was just an administrative procedure that was
misunderstood," ani Sarmiento. Nilinaw din nito na ang unit na pinaglipatan ng
dalawang security aides ay nasa ilalim pa rin ng PSPG at hindi aalisin ang mga ito sa
security team ng dating pangulo. "They were transferred from the Presidential
Protection Unit to the Protection and Escort Unit, which has a mandate to provide
security to VIPs," paliwanag pa ni Sarmiento.

Mga nakikiramay sa burol ni Cory umaabot ng 7,000 bawat araw
SA kabila ng panaka-nakang pag-ulan sa Metro Manila ay dagsa pa rin ang mga
nakikiramay sa burol ni dating pangulong Corazon Aquino sa Manila Cathedral sa
Intramuros. Tinatayang 7,000 supporters ng yumaong dating pangulo ay patuloy sa
pagpunta sa burol nito sa Cathedral ngayong araw. "Mga 7,000 yan, iba pa dun sa
7,000 kahapon, pero come and go sila (They are about 7,000, that's a 7,000 from
yesterday, but they come and go," ani Manila Police District director Chief
Superintendent Rodolfo Magtibay. Nagsimula ang public viewing sa Manila Cathedral
kahapon matapos dalhin doon ang labi ni Aquino mula sa simbahan ng La Salle
Greenhills sa Mandaluyong City. Itinigil kaninang alas-4 ng madaling-araw ang public
viewing subalit ipinagpatuloy ito pagsapit ng alas-7 ng umaga. Ani Magtibay, dahil sa
dami ng nakikiramay ay umabot na ang pila para sa public viewing hanggang sa San
Agustin Church na nasa Intramuros din. "Lagpas-lagpasan na yung linya (The lines are
way past the Manila Cathedral)," anito.
PDEA nabahala sa report na bawal na gamot ang kumitil kay MJ
NAGPAHAYAG ng pagkabahala ang pamunuan ng Philippine Drug Enforcement Agency
(PDEA) sa kumpirmas-yon ng American law enforcement counterpart nito na sa
ipinagbabawal na gamot nasawi ang pop icon na si Michael Jackson. Sinabi ni PDEA
director general Dionisio Santiago na kung totoong sa gamot na Diprivan nasawi si
Jackson ay magsilbing babala na rin umano ito sa lahat na nais gumamit ng
kahalintulad na gamot tulad ng sedatives at antidepressant drugs. Ayon kay Santiago,
ang babala nito ay matapos na salakayin ng mga operatiba ng LAPD ang tahanan ng
attending physician ni Jackson na si Dr. Conrad Murray. Base umano sa ulat, matagal na
panahon ang isinasagawang imbestigasyon sa pagkamatay ng 50-anyos na pop idol
makaraang mabatid na sumasailalim ito sa pagkonsumo ng mga painkillers, sedatives
at antidepressants. Iginiit pa ni Santiago na ang paggamit ng gamot na hindi ibinigay o
nireseta ng sinumang doktor ay may malaking katanungan kung ito ay makakatulong o
makasasama. “This unfortunate development serves as an eye-opener to the public
about the dangers of indiscriminately prescribing, using and abusing dange-rous drugs
and other similar substances like sedatives and antidepressant drugs,” ayon pa kay
Santiago. Sa Pilipinas ay mahigpit umano na ipinatutupad ang pagkakaroon ng reseta
mula sa doktor kung ang nasabing gamot ay may malakas na epekto sa katawan ng
sinumang ga-gamit nito. Sakop ng batas sa ilalim ng Sections 18 at 19, Article II ng RA
9165 ang “Unnecessary Prescription and Unlawful Prescription of Dangerous Drugs. “
Pagbasura sa Charter change titingnan sa House
SINABI ni Speaker Prospero Nograles na ang mga miyembro ng House of
Representatives ang magpapasya kung ano ang gagawin nila sa Resolution 1109 na
pinagtibay nila para sa pagbubuo ng Constituent Assembly na magsususog sa
Konstitusyon. Ginawa ni Nograles ang pahayag bilang tugon sa panawagan ni Makati
Congressmen Teddy Locsin na ibasura ang naturang resolusyon bilang respeto kay
dating Pangulong Corazon Aquino na masugid na tumututol sa pagsususog sa
Konstitusyon noong nabubuhay pa ito. Sinabi ni Nograles na ang mga kongresistang
lumagda sa resolusyon ang magpapasya sa naturang usapin at hindi ang liderato.
Gayunman, ikinokonsidera nila ang panawagan ni Locsin. Sinabi ni Nograles na isang
multi-party caucus ang isasagawa nila para tingnan ang dapat gawin.

BALITANG OFW/KWENTONG MARINO
OFWs worldwide nag-alay ng misa para kay Cory
NAGHANDOG ng memorial mass ang mga Filipinos sa Kuwait para sa namayapang si
dating Pangulong Cory Aquino.?Idinaos ang misa sa Filipino Workers Resource Center
sa Kuwait sa pangangasiwa ni Rev. Fr. Ben Barrameda na dinaluhan ng mga opisyal ng
embahada, Pinoy community kabilang ang mga naabusong OFWs na kinakalinga sa
FWRC.?Sa pamamagitan ni Philippine Ambassador Ricardo Endaya ipinaabot nito ang
pasasalamat sa ginawang tulong ng dating Pangulong Aquino sa OFWs noong sakupin
ng Iraq ang Kuwait noong 1990.?“In-invade ni Saddam Hussein ang Kuwait August 2
[1990] at lingid sa kaalaman ng karamihan, gumastos si Cory ng sarili niyang pera at
hindi siya nagbigay ng anumang announcement ni isang beses,” ani Endaya.?Maliban
sa nabanggit, marami pang magagandang bagay ang nagawa si Cory sa mga OFWs na
hindi na nalathala dahil ayaw niyang binibigyan ng publicity ang kanyang mga
ginagawa.?Samantala, naka-half-mast ang bandila sa embahada ng Pilipinas sa Kuwait
habang nababalutan ng dilaw na ribbons, bulaklak, backdrop at maging ang basement
ng embahada bilang pagpupugay at pagbibigay respeto sa namayapang dating
Pangulo ng bansa.?Nakidalamhati rin ang mga Filipino sa Qatar, Saudi Arabia, United
Arab Emirates, Hawaii, Japan at sa iba pang panig ng mundo, kaugnay ng pagpanaw ng
tinaguriang Ina ng Demokrasya.
Chief mate, patay sa LPG loading station accident
NASAWI ang isang chief mate ng isang barko habang nasugatan ang dalawang seaman
nito makaraang mabagok ang ulo matapos tumalsik ang takip ng blind flange habang
nagkakarga ng liquefied petroleum gas (LPG) sa loob ng S-3 Pier ng Petron Bataan
Refinery (PBR) sa Barangay Lamao, Limay.?Kinilala ni Chief Insp. Joel Tampis, hepe ng
Limay MPS, ang biktimang isinugod sa St. Joseph Hospital sa Balanga City subalit
nasawi rin sanhi ng matinding head injury na si Edilberto Beltran, 57, chief mate ng M/T
Aleah Louise na pag-aari ng Shogun Shipping Co., Inc. at taga-Catbalogan City, Samar.
Sugatan naman ang seamen na sina Renato Gaa at Leo Dulcero.?Sa panayam ng
Abante kay PO2 Melchor Asebias, alas-8:30 ng gabi noong Hulyo 30, abalang
tinatanggal nina Gaa at Lucero ang takip ng blind flange at hindi pa ganap na naaalis
ang lahat ng turnilyo nito nang biglang tumalsik ang nasabing takip sa paa ng nasabing
chief mate.?Sa lakas ng pressure, ‘nagwala’ ang rubber hose at tinamaan ang tatlong
biktima kung saan napuruhan si Beltran na tumalsik at tumama ang ulo sa pipeline ng
PBR.
Pinay nurse nanalo ng US$250,000 sa lottery
ISANG registered nurse na Pinay na nagtatrabaho sa Middle River, Baltimore, Maryland
ang iniulat na nanalo sa lottery ng US$250,000.?Kinilala ang masuwerteng Pinay nurse
sa pangalang Marialou Anobas na bago napunta sa Maryland, USA ay nagtrabaho muna
sa Saudi Arabia at Kuwait.?Isang numero na lamang umano ay masusungkit na sana ng
Pinay nurse ang US$60 million jackpot.?Gayunpaman, labis pa rin ang pasasalamat ng
55-anyos na Pinay nurse na nagtatrabaho sa John Hopkins Bayview Medical Center sa
suwerteng dumapo sa kanya dahil marami na siyang mapaggagamitan sa
napanalunang pera kabilang na ang pagpapaaral sa kolehiyo ng kanyang anak.?Gusto
rin umano ng Pinay nurse na makarating sa DisneyWorld ng kanyang 10-anyos na anak
at 84-anyos na ina na kapwa nasa Pilipinas.?Sa kabila ng suwerteng dumating sa
kanya, nangako ang Pinay nurse na magpapatuloy sa pagtatrabaho at pagtataya sa
loterya.
REHIYON

PLM ipinagamit ang pasilidad para sa supporters ni Cory
SINUSPINDE ng pamunuan ng Pamantasan ng Lungsod ng Maynila ang klase ng mga
estudyante ngayong araw para ipagamit ang kanilang pasilidad sa libu-libong taong
nagpupunta sa burol ni dating pangulong Corazon Aquino sa Manila Cathedral. "Due to
the number of people attending the wake of President Cory at the Manila Cathedral, as
a public service measure, PLM will open its clinic to the public for emergency cases and
the use of its restroom and canteen facilities," ani PLM president Adel Tamano. "We
have suspended classes to allow our students to pay their respects to the late
president," dagdag pa nito. Nilinaw din ni Tamano na libre ang paggamit sa clinic at
restrooms ng PLM.
14 na-trap sa ferris wheel
NAMAYANI ang halos kalahating oras na sindak sa may 14-katao, kabilang ang tatlong
bata nang ma-trap sa tumigil na ferris wheel na kanilang sinakyan sa isang mall
kamakalawa ng hapon sa Muntinlupa City. Kinailangan pa ang serbisyo ng pinagsanib
na puwersa ng Bureau of Fire Protection at Muntinlupa City Disaster Coordinating
Council Rescue Team bago tuluyang nailigtas sa tiyak na kapahamakan ang mga sakay
ng ferris wheel ride sa loob ng Pixie Forest sa ikatlong palapag ng Festival Mall sa
Filinvest, Alabang. Sa report ni PO3 Richard Bagoyo ng Criminal Investigation Unit ng
Muntinlupa police, nangyari ang insidente dakong 4 p.m. habang nakasakay sa
naturang joy ride sina Caryl Esther Blancia, 17, mga kapatid at pinsang sina Caila Mae,
11, Jeanette, Marivic at Zhairah May, 6, Marla at Maxine Medrano, Marissa at Rebecca
Azores, Jose Herrera, 37, mga anak na sina Jessamae, 12, at Jennelle, 8, at magkapatid
na Remiel 11 at RJ Alquileta 8 taong gulang. Masaya pa umano ang mga sakay ng ferris
wheel nang biglang kumalas ang isang suportang bakal na naging sanhi ng pagtigil ng
naturang joy ride.
Dr. Vicki Belo, 1 pa sinubpoena ng NBI
INAASAHAN ang paglutang sa National Bureau of Investigation (NBI) ng beauty doctor
na si Dr. Vicki Belo at isa pang hindi pinangalanang opisyal ng Belo Medical Group
(BMG) sa susunod na mga araw upang magbigay-linaw sa diumano’y depektibong butt
implant sa isang negosyante. Sinabi ni Ross Bautista, executive officer ng Office of the
Deputy Director for Intelligence Services (DDIS), ibinase nila ang pagpapatawag kay
Belo sa reklamo ni Josefina Norcio, 40, na mismong si Belo pa ang consultant habang
isinasailalim siya sa naturang elective surgery at bago ang operasyon ay ito rin umano
ang nag-assess sa kanya kung maari siya sa butt enhancement, subalit hindi umano
inabisuhan sa mga side effects na posibleng matamo. Tutukuyin sa imbestigasyon kay
Belo at isang tauhan niya kung may pagkukulang sa kanilang panig sa pagpapaliwanag
dahil sa claim naman ng BMG sa kanilang website advertisement ay permanent filler
ang hydrogel. Halos ikinamatay na umano ni Norcio ang dinaranas na impeksiyon
kaugnay sa butt implants na isinagawa noong 2003 at 2005, kaya serye ng
pagtatanggal ng nana sa naimpeksiyong puwet, ayon sa reklamo. Una nang
nagpaliwanag sa kanyang sinumpaang salaysay sa NBI si Dr. Francis Decangchon Jr.,
na umaming siya ang nagsagawa ng ‘retoch’ sa puwet ni Norcio nang magreklamo
dahil sa hindi pantay na laki ng puwet. Iginiit ni Decangchon na ang kanyang ginawa sa
biktima ay hindi naman isang major operation at ang una umanong humawak sa
operasyon ay isang Dr. Ronaldo Cayetano ng BMG.
Bata patay sa granada sa Butuan City

ISANG 14-anyos na lalaki ang nasawi nang sumabog ang isang granada sa Butuan City
kahapon ng umaga. Matinding pinsala ang tinamo ng biktimang si Jonathan Arcella
mula sa shrapnel ng granada na nagresulta sa maagang kamatayan nito. Ani Senior
Superintendent Nestor Fajura, operations chief ng Caraga Police, naganap ang
insidente sa isang abandonadang lote sa barangay Anticala na dating pag-aari ng Sky
Forest Incorporated, isang logging company sa Butuan City. Hindi aniya malinaw kung
inihagis ba ang granada o nahukay ito sa lupa ng bata. Malabo naman aniya na
extortion ang motibo sa insidente. “SFI has stopped operations as early as December
2008. The area is already abandoned,” ani Fajura.
Ginang na nagbulgar ng ‘tong collections’ sa Baclaran, itinumba
AWAY sa puwesto at ‘tong collection’ ang nasisilip na motibo ng pulisya sa
mapangahas na pamamaslang ng hinihinalang “hired killer” sa negosyanteng ginang
sa harap mismo ng kanyang asawa sa mataong lugar ng Baclaran kamakalawa ng
hapon sa Parańaque City. Dalawang tama ng bala ng kalibre .45 baril ang kaagad
tumama sa dibdib ng biktimang si Rosalie Chua, 42 ng 1178 Unida St., Airport Road,
Bgy. Baclaran na naging sanhi ng kanyang kamatayan habang isinusugod sa San Juan
De Dios Hospital. Agad namang nakabunot din ng kanyang baril ang asawa ng ginang
na si Vincent Chua at pinaputukan ang suspect sa ulo na naging sanhi rin ng kanyang
agarang kamatayan. Nakilala ang suspect sa pamamagitan ng nakuhang identification
card sa kanya ng pulisya na si Morse Patingao, umano’y miyembro ng Iranon Islamic
Revolutionary Command ng Moro National Liberation Front (MNLF) at tubong Sultan
Kudarat.
Mall nilooban, P4 milyon nalimas
UMAABOT sa P4 milyong halaga ng iba’t ibang uri ng alahas ang natangay ng robbery
gang makaraang pasukin ang isang jewelry shop sa loob ng mall kamakalawa ng
madaling-araw sa Tuguegarao City, Cagayan. Base sa police report, bandang alauna ng
madaling-araw nang pasukin ang Chin Chin Jewelries and Watches Shop sa Brickstone
Mall sa Brgy. Pengue-Ruyu. Napag-alamang dumaan ang mga kawatan sa ikatlong
palapag ng Cinema One kung saan dinisarmahan at iginapos ang security guard na si
Apolonio Sales. Sa pamamagitan ng bolt cutter ay napasok ang jewelry shop na pagaari
ni Filipina Meligrito kung saan ay tinangay ang mga alahas at relo na
nagkakahalaga ng P4,300,000.
5 tulak ng droga dakma
LIMANG sibilyan na sinasabing notoryus na tulak ng bawal na droga ang naaresto ng
pulisya sa magkakahiwalay na buy-bust operation kamakalawa sa lalawigan ng
Bulacan. Pormal na kinasuhan ang mga suspek na sina Lawrence “Bulo” Reyes, 32, ng
Brgy.Taal, Bocaue; Bienvenido Valdez, 44, ng Brgy. Libis Poblacion, Baliwag; Sheryl
Francisco, 23, ng Brgy.Talipayong, Baliwag; Rizel Calimlim, 32; at si Leonard Nipay, 25
kapwa residente ng Brgy. Bagong Silang, Caloocan City. Sa police report, nadakma si
Reyes sa Brgy.Wawa, Balagtas, Bulacan habang sina Valdez at Francisco ay naaresto sa
Brgy. Sullivan, Baliwag samantalang sina Calimlim at Nipay ay sa Brgy. Gaya-Gaya,
San Jose Del Monte City.
BALITANG ABROAD

14th APEC Women Leaders Network Meeting, idinaos
BINUKSAN ngayong araw sa Singapore ang ika-14 na APEC Women Leaders Network
Meeting (WLN). Dumalo sa pulong ang mahigit 600 babaeng lider mula sa 21 kasapi ng
Asia-Pacific Economic Cooperation (APEC). Sa kaniyang talumpati sa seremonya ng
pagbubukas, sinabi ni Lee Hsien Loong, Punong Ministro ng Singapore, na
nakakapagbigay ng malaking ambag ang mga babae para sa lipunan at ang pag-unlad
ng panahon ay nakapagbigay ng bagong pagkakataon at hamon para sa mga babae.
Tumatagal nang 2 araw ang pulong at ang tema ng pulong na ito ay "sustenableng
pag-unlad ng kababaihan at APEC".
Bill Clinton, dumalaw sa Pyongyang
DUMATING sa Pyongyang ngayong araw si Bill Clinton, dating pangulo ng Estados
Unidos, para pasimulan ang kaniyang pagdalaw sa Hilagang Korea. Sinalubong sa
paliparan si Bill Clinton nina Yang Hyong-sop, pangalawang tagapangulo ng Pirmihang
Lupon ng Kataas-taasang Asemblyang Bayan, Kim Kye-Gwan, pangalawang ministrong
panlabas at Ri Gun, puno ng departamento sa suliraning Amerikano ng ministring
panlabas ng Hilagang Korea.
Sagupaan ng mga tribu sa timog Sudan, ikinamatay na ng 185 tao
SINABI kahapon ng lokal na opisyal ng Sudan na naganap kamakalawa ang sagupaan
sa pagitan ng dalawang tribu sa dakong timog ng bansa na ikinamatay na ng dikukulangin
sa 185 tao. Ayon sa nabanggit na opisyal, ang karamihan sa mga namatay
ay mga babae at bata at pinatay din ang 12 sundalo na nagsagawa ng misyong
panseguridad sa lokalidad. Nang araw ring iyon, nagpalabas ng pahayag si
pangkalahatang kalihim Ban Ki-moon ng UN bilang pakikiramay sa lokal na
pamahalaan sa timog Sudan at mga kamag-anakan ng mga nabiktima. Nanagawan
siya sa lokal na pamahalaan na iharap sa batas sa lalong madaling panahon ang mga
maykagagawan at pangalagaan ang mga sibilyan. Humiling din siya sa misyon ng UN
sa Sudan na magkaloob ng tulong sa mga apektadong mamamayan.
ISPORTS
Pacquiao-Cotto fight muntik nang 'di matuloy
MUNTIK nang ikansela ni Manny Pacquiao ang kanyang laban kay Miguel Cotto kung
hindi lang siniguro ni Bob Arum na itataya ng Puerto Rican ang kanyang WBO
welterweight title sa timbang na 145 lbs sa Nobyembre 14. Sinabi ng abogado ni
Pacquiao na si Franklin Gacal, na hinahanda na nila ang opisyal na pahayag na
magsasabing naghahanap na sila ng bagong kalaban kung hindi rin lang itataya ni
Cotto ang kanyang 147 title. Sa ilang ulat na lumabas, sinabi ni Cotto na itataya
lamang niya ang kanyang WBO title kung ang laban na magaganap ay sa 147 lbs, ang
limit sa welterweight, ayaw ng 28 anyos na kampeon na magbayad siya sa WBO ng
halagang $150,000 sanction fee. “Bob Arum told us not to believe everything that’s
being reported. Then he assured me that Cotto will put his WBO welterweight title on
the line -- at 145 pounds,” wika ni Gacal mula sa Gen. Santos City. “We have to take Mr.
Arum’s word on that,” sabi pa ni Gacal. Sinabi ng abogado ni Pacquiao na ang isyu sa
timbang ay naayos na, at ngayon pera naman ang isyu bagamat may kasunduan na sa
hatian ang dalawang kampo. Ayaw magbigay ni Gacal ng detalye at sinabi lamang na
65-35 sharing pabor kay Pacquiao sakaling may masamang senaryong maganap sa
Filipino pound-for-pound champion na ngayon ay pangunahing atraksiyon sa boxing.
Umaasa din si Gacal na mapipirmahan na ang fight contract nina Pacquiao at Cotto
para makapaghanda na ang dalawang boksingero sa maaring maganap sa ibabaw ng
ring. May mga ulat na nakatakdang magsimula na pagsasanay si Cotto ngayon sa
Puerto Rico habang nais naman ni Freddie Roach na makapagsimula na si Pacquiao

ago ang press tour sa ikalawang linggo ng Setyembre. “We were almost ready to
issue a statement that we’ll start looking for a new opponent because of all those talks
that Cotto wants Pacquiao to go up to 147 before he stakes his crown ,” ani Gacal. Wala
namang binanggit si Gacal kung sino ang boksingerong maaaring ipalit sakaling hindi
matuloy ang laban kay Cotto.
Phelps 5 golds sa world champ’ships
ROME --- Limang golds at isang silver ang ikinuwintas ni Michael Phelps pagkatapos ng
walong araw na paglusong sa Foro Italico.?Bagama’t matagal na natengga at nalagay
sa alanganin matapos makuhanan ng larawan na sumisinghot mula sa isang marijuana
pipe, makinang pa rin ang performance ni Phelps sa world championships.?Kinumpleto
niya ito kahapon nang giyahan ang US 400-meter medley relay team sa paghulma ng
43rd world record sa itinuturing na fastest meet sa kasaysayan.?Hindi niya napantayan
ang walong ginto na tinuhog sa Beijing Olympics, pero kitang-kita ang gigil sa kanyang
paglangoy kahit wala nang kailangang patunayan.?Lumusong sa butterfly leg,
tinulungan ni Phelps ang US na umalagwa mula sa Germany at Australia tungo sa 3
minutes, 27.28 win para sirain ang 3:29.34 ng Americans din noong nakaraang
Olympics sa isa pang relay team na sinalihan ni Phelps.?Anim na buwang nagpahinga si
Phelps pagkatapos ng Beijing, pinatawan ng tatlong buwang suspensyon sa
kumpetisyon nang lumabas ang pipe photo -- pero itinanghal pa ring outstanding male
swimmer ng championships. Si Federica Pellegrini ng Italy ang ginawaran ng female
award.?Sa meet na ito na huling makikita ang mga high-tech body suits na iba-ban
mula Jan. 1.
Alora bigo sa gold medal, yuko sa Chinese jin
NAGLAHO ang tsansa ni taekwondo jin Kirstie Elaine Alora para sa unang ginto ng
Pilipinas at maiwanan ang silver at bronze medal sa kanilang kampanya sa 1st Asian
Martial Arts Games kahapon sa Indoor Stadium Huamark dito. Nagkaroon ng tsansa si
Alora sa gold medal, ngunit yumuko kay Yeh Fung Chiang ng Taipei, 0-1 sa finals, isang
madamdaming kabiguan pagkatapos ng magkasunod na panalo sa women’s
middleweight class. “It was very devastating,” anang 19-year old na si Alora habang
inihahanda ng mga Filipino officials ang pagsabak nina Marlon Avenido at Karla Jane
Alava sa huling pagtatangkang makamit ang gold medal sa taekwondo. Ngunit hindi
naging madali ang daan patungo sa finals. Matapos gapiin ang Indonesian na si Seliana
Angelina, 5-0 sa quarterfinals, ang 2005 SEA Games gold medalist ay nakaharap ang
isa sa magaling na jins sa kontinente ngayon--ang 6’1 na si Ping Yang ng China, sa
semifinals.
SHOWBIZ
Kris, nag-sorry

NAKAKAIYAK ang sinabi ni Kris Aquino sa interview ni Jessica Soho patungkol sa inang si
President Cory Aquino. Sabi nito: “It would be sad sa Christmas at birthdays because
she’s always there.” Sabi naman ng Ate Ballsy niya, sana tulog lang ang ina para
nakikita pa rin nila. Humingi siya ng tawad sa ina sa mga nagawa niyang kasalanan at
ipina-liwanag kay Joshua na wala lang physically ang kanyang lola. Bukas, after the 9
a.m. Mass ang interment ni Pres. Cory sa Manila Memorial Park, katabi ng puntod ng
asawang si Ninoy Aquino.
Pagmamahal ng mga Pinoy kay Cory sobrang ipinagpapasalamat
BUMUHOS ang luha ni Kris Aquino sa special edition ng The Buzz on former Pres. Cory
Aquino’s death sa La Salle Greenhills mismo kung saan nagkaroon ng public viewing.
Ikinuwento ni Kris ng buong detalye ang lahat ng naging kaganapan sa last days ng
butihing ina niya mula nang ma-confine sa Makati Medical Center last June 23
hanggang sa tulu-yan itong bawian ng buhay noong madaling araw ng August 1. As
early as July 1 pala ay ipinagtapat na ng kanilang doktor na hindi na tatagal si Tita Cory
at hindi na ito aabot pa sa death anniversary ni Ninoy o sa Aug. 21. Noong July 8 ay
nag-breakdown na si Tita Cory at inamin na hindi na nito kaya ang sobrang sakit na
nararamdaman at gusto na nitong “umuwi.” Kumalat na kasi ang cancer sa iba’t ibang
parte ng katawan ng dating presidente. Noong July 21 lang nagkaroon ng lakas ng loob
na sabihin ni Kris sa kanyang mommy na she’s willing to let her go now. Ito rin ang
gabing ikinuwento ng mommy niya na hinahawakan na raw ni Ninoy ang mga kamay
niya at sinusundo na siya ng yumaong asawa. Laking pasasalamat at respeto ng
pamilya Aquino kay dating Pangulong Joseph Estrada na nag-request na makita ang
mommy nila ilang araw bago ito pumanaw. Talagang nag-effort daw ito na huwag
magpakita sa media para hindi mabigyanng kulay ang pagbisita nito. Lagi raw
nagpapadala si Erap ng pagkain sa Makati Med at panay rin ang pamisa nito para sa
mommy niya. Nagpapasalamat din si Kris sa Marcoses sa pagdarasal para sa mommy
niya. Nararamdaman daw niya ang sincerity ng mga ito. Dahil dito sa ipinahayag ni Kris
ay natuwa nang husto ang dating First Lady na si Madam Imelda Marcos at sana raw ay
maging tulay na ito para magkasundo na nang husto ang pamilya nila.
Boy, in charge sa necrological ni Tita Cory
SI Boy Abunda ay may mahalagang papel na ginagampanan sa memorial service ni
Tita Cory kaya abalang-abala rin siya. “I’m in charge of the necrological service sa
Manila Cathedral on Tuesday (tonight), 4-6 p.m. I’m organizing all the speakers, I’m
talking to them, at sa 20, tatatlo pa lang ang aking nakakausap. Hindi pa puwedeng idivulge
kung sinu-sino ang magsasalita kasi iniisa-isa ko rin ang magkakapatid dahil
lahat ng pangalan na ito ay dapat approved ng lima (mga anak ni Tita Cory),” pahayag
ni Kuya Boy. Sabihin pa, parang parte na rin talaga ng pamilya ang TV host na katukatulong
ng mga pinsan ni Kris sa pagsasaayos ng lahat ng kailangan. “Naghati-hati
kami ng mga trabaho ng mga pinsan ni Kris, may mga naka-assign din sa iba, ako, ang
nakatoka sa akin, ’yung necrological service kung saan ay magsasalita ang mga taong
malalapit kay Tita Cory, may mga performers, and Channel 2 is also helping us
organize it.” Sa aming panayam kay Kuya Boy ay naibahagi niya sa amin ang last hours
ni Tita Cory kung saan ay naroroon siya mismo sa Makati Medical Center .
Intrigang Ruffa-Lloydie, pinatay para sa promo ng In My Life
BIGLANG-BIGLA, nag stop ang ingay na kumakalat at naririnig about Ruffa Gutierrez at
John Lloyd Cruz. Well, malapit ng isalang ang In My Life na kinunan sa New York at
makaka-apekto ang romansang pinag-uusapan kapag isinalang ang promo para sa
comeback movie ni Gov. Vilma Santos. Sina John Lloyd at Luis Manzano kasi ang lovers
sa naturang movie at makagugulo sa mga manonood kapag patuloy na umingay ang
tsikang Lloydie at Ruffa, well walang kokontra. And besides useless ng pag-usapan

dahil tapos na ‘yung ginayang teleserye ng Betty La Fea, what for pa nga naman? Higit
na masuwerte ang mga artista noong araw, dahil sa mga sinehan sila napapanood at
hindi sa television lang. no wonder mas higit silang kilala ng mga tagahanga lalo na
pagdating sa pangalan. Kayat huwag mag-ilusyon ‘yung ibang young TV stars na higit
silang sikat kaysa mga nagbabalik artista sa kasalukuyan. Obserbasyon ito sa
kasalukuyang pagtrato ng mga baguhan sa ibang dating stars. Mabuti pa nga sila sa
mga sinehan napapanood hindi sa TV lang tulad ngayon.
BALITANG A-KYUT
Sanggol, ‘nilaga’ ni tatay
KALUNOS-LUNOS ang sinapit ng isang sampung buwang gulang na sanggol na babae
nang malapnos ang halos buong katawan nito matapos ihulog ng kanyang sariling ama
sa isang talyasing puno ng kumukulong tubig sa isang pagawaan ng noodles sa Taiwan
kamakailan. Nagsimula ang lahat nang magalit si Lin, ang ina ng bata, kay Huang na
kanyang kasintahan at ama ng bata, dahil umuwi itong lango sa alak galing sa isang
magdamagang inuman. Sa gitna ng kanilang argumento ay tinakot ni Lin si Huang na
ihuhulog ang karga-kargang sanggol sa kumukulong tubig. Galit na inagaw ni Huang
ang bata mula sa mga kamay ni Lin at walang sabi-sabing inihulog ito sa mainit tubig.
Agad namang naialis ng babae ang anak sa mainit na tubig ngunit huli na rin ang lahat
sapagkat 90 porsiyento na ng katawan ng sanggol ang nalapnos. Nagawa pang isugod
ang bata sa isang ospital ngunit makalipas ang tatlong araw ay binawian din ito ng
buhay dahil sa multiple organ failure. Ayon sa mga doktor, parang sinugatan ng
sampung libong kutsilyo at halos higit pa sa sampung beses na “labor pain” ang sakit
na naranasan ng kaawa-awang sanggol. Samantala, parang walang nangyari at
nagluluto pa ng noodles ang suspek na ama nang dumating ang mga pulis sa nasabing
noodle factory upang arestuhin ito. Ayon kay Huang, ang pangyayari ay pinagsisisihan
niya at hindi sinasadya.
ALAM N’YO BA?
1 milyong lagda kay Cory Aquino
DAHIL walang balak pumasok sa pulitika, kinailangan ng oposisyon na mangalap ng
isang milyong lagda sa mga Filipino upang kumbinsihin si dating Pangulong Corazon
Aquino na tanggapin ang alok na labanan sa itinakdang 1986 presidential snap
elections ang noo’y nakaupong lider na si Ferdinand Marcos. Inanunsyo ni Marcos
noong 1985 na magpapatawag siya ng snap elections sa susunod na taon bunga ng

mga protesta at ingay sa pulitika na nilikha ng asasinasyon kay dating Senador
Benigno “Ninoy" Aquino Jr., noong Agosto 21, 1983. Unang pinlano ng partido
oposisyon na United Nationalists Democratic Organizations (UNIDO) na si Salvador
Laurel ang itatapat kay Marcos sa ikinasang snap elections. Ngunit ilang lider ng
oposisyon ang hindi kumbinsido na kakayanin ni Laurel na talunin si Marcos. Dahil dito,
sinimulan ni Don Joaquin “Chino" Roces ang Cory Aquino for President Movement kung
saan nangalap sila ng isang milyong lagda at iprinisenta ito sa biyuda ni Ninoy para
hikayatin na maging standard bearer ng oposisyon kontra kay Marcos. Tinanggap ni
Gng Aquino ang hamon matapos magbigay daan si Laurel na naging running mate niya
sa halalal sa ilalim ng partido ng UNIDO.
SA MIYERKULES, AGOSTO 05, AY WALA PONG SIPI ANG <strong>JADRAN</strong> SA DAHILANG
IDINEKLARA NG MALACANANG BILANG PISTA OPISYAL ANG ARAW NA ITO
BILANG PAGBIBIGAY PUGAY SA NAMAYAPANG PANGULONG CORAZON AQUINO
NA ILILIBING NGAYONG DARATING NA MIYERKULES. BABALIK PO ANG <strong>JADRAN</strong> SA
HUWEBES, AGOSTO 06.
MARAMING SALAMAT PO.
PAUNAWA
Ang mga impormasyon dito ay kinalap at iniayos ng Brent & Strauss Integrated
Communications, Inc. para sa Jadran pismo d.o.o. • Tel. +385 51 403 185 • Fax +385 51 403
189 • Email: news@jadranpismo.hr