JADRAN PISMO d - Daily Local News on Board

<strong>JADRAN</strong> <strong>PISMO</strong> d.o.o
FILIPINO/TAGALOG
KARAPATANG MAGPALATHALA © 2009 – Ang maiigsing balitang nalalathala sa Jadran pismo ay mula
sa mga nakalap na ulat sa radyo, telebisyon at dyaryo sa Pilipinas. Sa pamamagitan nito, hinihimok ng
ahensya na ibahagi ang siping ito sa mga kababayang nagnanais na makibalita. Maliban lamang sa mga
impormasyong libre, ang mga bagay na may direktang kopirayt ang Jadran pismo d.o.o, Rijeka ay hindi
maaaring sipiin, gamitin, kopyahin o paramihin sa kahit anong paraan ng walang lisensya o pahintulot
mula sa tagapaglathala, o ipamigay, o ipadala sa mga indibidwal
o mga barkong hindi suskritor nito.
FOREX
P48.06 sa US$1 (P47.71 kahapon)
MABUHAY ANG DEMOKRASYA!!!
Ang mga sumusunod na balita ay nailathala sa mga
pangunahing pahayagan sa Pilipinas ngayong araw,
MIYERKULES, 12 AGOSTO 2009
MGA ULO NG BALITA SA WIKANG INGLES
National <strong>News</strong>
• Senate continues prove vs Villar
• Villar loaned P3.5-B from BSP—Jamby
• NEDA employees surprised by Recto’s resignation
• Hospitals backs out from ‘holiday’ threat
• Mancao to appear in court tomorrow
• Prices of petroleum products up anew
• Comelec admits toothless against political infomercials
• Filipinos continue to flock to Cory’s grave
• DepEd turns down move to tax imported books
• DTI exec warns vs smuggling of defective LPG tanks
• NPC still no bet in 2010
OFW <strong>News</strong>
• Seamen with transit visas can’t work in UK
• Pinoy found dead in Dubai jail
• No more DSTs in remittances
Regional
• Binay asks for prayers
• 4 bogus ‘feng shui’ experts deported
• Trader who maltreated maid for 5 years charged
• Shabu tiangge raided
Foreign
• Michael Jackson secretly buried
• India, Japan rocked by quake
• Tongan transport minister resigns after ferry mishap
Sports
• Roach has nothing to worry about Cotto

• RP bows out to Iran
• Fil-Am football player making waves in US
Showbiz
• Rochelle Pangilinan denies sex video
• Willie on indefinite leave
• Lorna Tolentino slaps Gabby Concepcion
Odds and Ends
• Honor guards for Guinness?
Trivia Bits
• Cory’s house in Times Street to be demolished
BUOD NG MGA BALITA
PAMBANSA
Ethics complaint vs Villar muling dininig ng Senado
IPINAGPATULOY kaninang umaga ng Senate committee of the whole ang pagdinig sa
ethics complaint laban kay Senador Manuel Villar Jr. Present sa pagdinig sina Senate
President Juan Ponce Enrile, Senate Majority Leader Juan Miguel Zubiri, Senador Ma.
Ana Consuelo Madrigal, Panfilo Lacson, Gregorio Honasan II, Rodolfo Biazon, Francis
Escudero, at Manuel Roxas II. Inaasahang maghaharap ng bago at karagdagang
ebidensya laban kay Villar si Madrigal. Ito ay ukol sa umano’y pagkakasangkot ni Villar
sa C5 extension project. Pansamantalang natigil ang pagdinig ng komite noong Hunyo
nang magkasakit si Madrigal at mag-adjourn ang sesyon ng Kongreso. Inaakusahan si
Villar na inayos ang realignment ng C5 road para sa benepisyo ng mga kompanya na
pag-aari nito.
Villar humiram ng P3.5-B mula sa Bangko Sentral
ISANG “modus operandi” na umano’y nagpalago sa kita ng mga kompanyang pag-aari
ni Senador Manny Villar at misis nitong si Las Pińas Rep. Cynthia Villar ang nabunyag sa
pagpapatuloy ng pagdinig ng Senado sa umano’y maanomalyang pagtatayo ng C-5
road extension sa Parańaque City. Ibinunyag ni Sen. Jamby Madrigal sa Senate
committee of the whole kung paano raw ginamit ng mag-asawang Villar ang kanilang
mga kompanya para makakuha ng P3.5-bilyong utang sa Bangko Sentral ng Pilipinas.
Ani Madrigal, bumili ang Adelfa Properties at Link Holdings Inc., na pag-aari ng magasawa,
ng tatlong lupa na pag-aari nina Enrique Factor, Maria Rodriguez, at Iluminada
Rodriquez sa halagang P11 milyon, P11.3 milyon, at P18.7 milyon. Subalit pagkalipas
ng 10 araw, sinabi ni Madrigal na nasangla ang mga lupa sa Capitol Development Bank,
na pag-aari rin ng mag-asawa, sa halagang P100 milyon maliban sa ikatlong lupa na
nagkakahalaga lamang ng P81.5 milyon. Pagkalipas aniya ng dalawa at kalahating taon
ay nagdeklara ng bankruptcy ang bangko at kumuha ng emergency fund na
nagkakahalaga ng P3.5 bilyon mula sa Bangko Sentral gamit ang mga lupa bilang
collateral. Subalit ang mga lupang ito, dagdag pa ni Madrigal, ay ibinenta rin ng mga
korporasyon ni Villar sa gobyerno nang madaanan ang mga ito ng konstruksyon sa C-5
road extension project. “Nanganak ng nanganak ng pera para sa korporasyon ni Villar.
Nakakagulat, paano nila ginawa ito (It earned money for Villar’s corporations. It’s

shocking how they did it),” saad pa ni Madrigal. Tinawag din ito ng senadora na
“grandfather” ng Legacy scam.
Mga kasamahan ni Recto nagulat sa pagbibitiw nito sa puwesto
BAGAMAT kanila nang inaasahang, nagulat pa rin ang mga kasamahan ni outgoing
National Economic Development Authority chief Ralph Recto sa biglaan nitong pag-alis
sa ahensya. Sinabi ni NEDA Deputy Director General Augusto Santos, na itinalaga ni
Executive Secretary Eduardo Ermita bilang kapalit ni Recto, na plano niyang
ipagpatuloy ang mga “repormang” sinimulan ng kanyang predecessor. Ayon sa
Malacańang, magiging epektibo ang pagbibitiw ni Recto sa Agosto 16. Pinaplano raw
nitong bumalik sa Senado sa pamamagitan ng pagtakbo sa 2010 elections. “Nagulat
kami dito sa NEDA dahil ang pagkakaalam namin end of November pa ang deadline
para sa pag-file ng candidacy para sa 2010 elections. Although narinig namin na may
mga plano siya para sa susunod na halalan di namin akalaing ganito kaaga ang pagreresign
niya. Siguro naghahanda na siya," ani Santos. Isinantabi rin ni Santos ang mga
alegasyon na nagbitiw si NEDA dahil hindi nito makasundo si Energy Secretary Angelo
Reyes ukol sa mataas na presyo ng langis. “Wala kaming alam kung ano talaga ang
dahilan. Ang sabi niya nag-iisip pa siya noon kung tatakbo nga siya sa halalan. Basta
nagulat nalang kami na ganito kaaga,” saad pa ng opisyal.
Welga ng mga ospital inatras
KINANSELA na ng ilang pribadong ospital ang plano nilang welga laban sa Cheaper
Medicine Act na sisimulang ipatupad ngayong buwang ito. Sinabi kahapon ng head
executive assistant ng Department of Health na si Dr. Robert So na nakumbinsi ng mga
opisyal ng DOH ang pamunuan ng mga ospital na huwag ituloy ang planong hospital
holiday sa Agosto 15 na kasabay ng panimulang pagpapatupad sa naturang batas.
Gayunman, sinabi ni So na sa pakikipagpulong nila sa mga miyembro ng Private
Hospital Associations of the Philippines, walang garantiya na ihihinto ang welga dahil
mga kinatawan lang nila ang dumalo sa pulong. Ayon kay So, ipinaliwanag nila sa mga
pribadong ospital na ang mga manufacturer ang sasalo sa mas mababang presyo ng
mga gamot at hindi mismong ang mga pagamutan kaya hindi sila dapat na mag-alala.
Umaangal ang mga ospital sa takdang pagbawas nang 50 porsiyento sa presyo ng
gamot na itinatakda sa Cheaper Medicine Act dahil malulugi sila sa mga gamot na
nauna nilang nabili sa mas mahal na halaga.
Mancao, muling haharap bukas sa korte
MULING haharap sa korte bukas si dating Police Colonel Cezar Mancao para magbigay
ng testimonya sa kanyang kahilingan na matanggal bilang akusado Dacer-Corbito case.
Didinggin din sa hukuman ang kahilingan nitong mailagay siya sa witness protection
program ng Justice Department. Sinabi ni NBI Anti-Terrorism Division Chief Atty. Ric
Diaz, plantsado na ang security measures ni Mancao sa kanyang pagharap sa Manila
Regional Trial Court Br. 18 bukas. Una nang hiniling ng kampo ni Mancao na humarap
sa korte para isiwalat ang kanyang mga nalalaman sa kasong pagpatay kina PR Man
Salvador Dacer at driver nitong si Emannuel Corbito.
Presyo ng petrolyo muling umariba
MULI na namang humataw pataas kahapon ang presyo ng produktong petrolyo sa P2
pagtaas sa bawat-litro ng gasolina, habang P1.50 naman sa bawat-litro ng diesel at
kerosene. Kahapon ng umaga nang simulang pangunahan ng “big 3” o Caltex, Petron
at Shell ang nasabing panibagong pagtaas sa presyo ng produktong petrolyo. Agad
namang sinundan ito ng mga small players sa kahalintulad din na pagtaas sa presyo ng
kanilang gasolina, diesel at kerosene. Bunga nito, pumalag na naman ang mga
militanteng grupo sa nasabing panibagong oil price increase.

COMELEC walang magagawa sa infomercial ng cabinet members
AMINADO ang COMELEC na wala silang magagawa sa infomercials ng mga opisyal ng
gabinete. Sinabi ni COMELEC Spokesman James Jimenez na kapag naghain na ng kanikanilang
certificate of candidacy ang cabinet members saka lamang sila maaaaring
manghimasok dito. Partikular aniyang magagawa nila ang pagpapatigil sa infomercials
ng mga ito. Ginawa ni Jimenez ang pahayag matapos na imbitahan ng senado ang mga
miyembro ng gabinete na hinihinalang gumagamit ng pondo ng kanilang ahensya para
sa kanilang television ads.
Mga Filipino tuloy pa rin ang pagbisita sa puntod ni Cory
ISANG linggo makaraang mailibing si dating pangulong Corazon Aquino ay patuloy pa
ring binibisita ng mga Filipino ang libingan nito. Dose-dosena pa rin ang patuloy na
bumibisita sa mausoleum ng pamilya Aquino sa Manila Memorial Park sa Parańaque
City. Ang ibang nagtutungo roon ay nag-aalay ng panalangin habang ang iba naman ay
nagsisindi ng kandidila at nag-iiwan ng bulaklak. Ayon sa security personnel ng
sementeryo, tinatayang 50 hanggang 100 tao kada araw ang bumibisita sa libingan ni
Aquino na katabi lamang ng asawa nitong si dating Sen. Benigno “Ninoy” Aquino Jr.
Dahil sa dami ng taong bumibisita sa puntod ni Aquino, nagtalaga ang Southern Police
District at Parańaque Police ng patrol units na magbabantay sa naturang lugar.
Magugunita na binawian ng buhay nitong Agosto 1 si Aquino matapos ang mahigit sa
isang taon na pakikipaglaban sa colon cancer.
Tax sa imported na libro pinalagan ng DepEd
TAHASANG nagpahayag ng pagtutol ang Department of Education (DepEd) sa planong
pagpapataw ng kaukulang buwis sa mga imported na libro. Ayon kay DepEd Secretary
Jesli Lapus, hindi makatarungan ang planong pagpapataw ng buwis sa mga libro na
pakikinabangan ng milyong mag-aaral sa buong bansa. “The recent move to tax
imported books runs counter to our efforts to promote a knowledge-based society since
it imposes an undue burden on our people’s resolve to acquire information and learn.
This, of course, is particularly disadvantageous to the marginalized sectors of our
society,” sabi ni Lapus. Sinabi pa ni Lapus na ang paglalagay umano ng tax sa mga
imported na libro ay isang malinaw na pagsikil sa karapatan ng isang mamamayang
Filipino na makakuha ng sapat na kaalaman dito (imported na libro). “The creation of a
knowledge-based society is on top of our education agenda. It is therefore vital for us
to ensure access to information for all Filipinos, young and old alike, so that our
people’s right to information is protected and they are empowered to participate in a
highly competitive global market,” dagdag pa ng kalihim. Ayon pa kay Lapus, ang
paglalagay umano ng tax sa mga imported na libro ay isang malinaw na paglabag sa
1950 Florence Agreement na nagsasabing “no customs duties should be levied on
books and other publications. As member of the UNESCO Executive Board, the highest
governing body of UNESCO, it is my firm belief that the Philippines must respect this
international agreement to which we are one of the signatories.”
DTI exec nagbabala vs smuggling ng defective LPG tanks
IBINUNYAG ng isang opisyal ng Department of Trade and Industry na maaaring ismuggle
sa bansa ang mga defective na liquefied petroleum gas sa ilalim ng
pagkukunwari na ito ay isa lamang scrap metal. Sinabi ni Trade Undersecretary
Zenaida Maglaya na base sa impormasyong natanggap ng kanyang opisina, posibleng
mga second-hand LPG tank ang mga nagkalat na depektibong LPG tanks sa bansa. "Sa
dami ng nagliliparan diyan, and I think some of them are coming in smuggled,
lumalabas na parang pumapasok as scrap pero actually mga secondhand cylinder.
Kailangan talaga palakasin ang batas nito at yung mga sanction at enforcement," ani
Maglaya. Ito ang babala ng opisyal makaraang aprubahan ng Kamara de
Representantes sa ikatlo at huling pagbasa ang panukalang i-regulate ang LPG

industry. Sa ilalim ng House Bill 5942, na kilala rin bilang LPG Act of 2009, nakapalood
dito ang pagkakaroon ng mas mahigpit na guidelines para sa "sale, requalification,
distribution andrepair of LPG cylinders."
NPC wala pang 2010 bet
WALA pang napipisil ang Nationalist People’s Coalition (NPC) na standard bearer nito
para sa 2010 presidential elections.?Ito ang nilinaw kahapon ni Valenzuela Rep. Rex
Gatchalian, spokesman ng NPC, bunsod ng balitang si Sen. Francis ‘Chiz’ Escudero na
ang presidential candidate ng lapian.?“The NPC as a party has yet to choose its
standard bearer in 2010,” ani Gatchalian kung saan inamin din nito na sina Sens.
Escudero at Loren Legarda na lang ang tanging pinagpipilian bilang standard bearer ng
NPC.?Ayon kay Gatchalian, kapwa nakakuha sina Escudero at Legarda ng mataas na
rating sa presidential surveys na isinagawa ng Pulse Asia at Social Weather Station
dahilan para ang mga ito ang maikonsiderang pambato ng partido sa 2010 polls.
BALITANG OFW/KWENTONG MARINO
Mga seaman na may transit visas bawal magtrabaho sa UK
INIHAYAG ng Philippine Overseas Employement Administration na bawal magtrabaho
sa United Kingdom ang Filipino seafarers na may temporary o transit visa. Ito ang
sinabi ni POEA chief Administrator Jennifer Manalili matapos ideklara ng Britain’s Border
Agency na pinagbabawalang magtrabaho sa UK, lalo na sa fishing industry, ang mga
non-European Union seafarer na holder ng transit visas. Ang UK transit visas ay
temporary visas para sa non-EU seafarers na kinabibilangan ng mga Filipino. Para
makapagtrabaho sa UK, sinabi ni Manalili na kailangan ang working visa. Layunin aniya
ng naturang paghihigpit na maprotektahan din ang mga dayuhang marino mula sa
mga mapagsamantalang tao.
Pinoy patay sa Dubai jail
ISANG Pinoy na sinasabing convicted drug dealer sa Dubai, United ?Arab Emirates
(UAE) ang nasawi sa piitan nito dala umano ng iniindang sakit.?Nabatid na binawian ng
buhay ang Pinoy na nakilala sa pangalang Enrico, tinatayang nasa 30-anyos ang edad,
dakong alas-11:00 ng umaga nitong Linggo, Agosto 9, ng kasalukuyang taon, sa loob
ng selda nito sa Al Aweer Central Jail, ayon sa ulat ng Gulf <strong>News</strong>.?Dalawang taon na
umanong nakakulong si Enrico sa naturang bilangguan at binubuno ang parusang
habambuhay na pagkakabilanggo kaugnay sa kinasangkutang kaso na may kinalaman
sa pagsasalya umano ng ilegal na droga.?Ayon sa ilang inmates na nakasama ng Pinoy,
mahina na umano ang katawan ni Enrico nitong nakaraang linggo bunsod ng iniindang
sakit.?Kaugnay nito, ipinagbigay-alam na umano ng mga awtoridad sa Dubai sa
Philippines Consulate ang pagkamatay ng presong Pinoy.
Pagtanggal ng 'DST' sa remittance ikinukonsidera sa Senado
SERYOSONG ikinukonsidera ng isang komite sa Senado na alisin ang sinisingil na
documentary stamp tax (DST) sa ipinapadalang remittance ng mga overseas Filipino
workers (OFWs) kahit abutin ng P1 bilyon ang magiging lugi ng gobyerno. Sinabi ni Sen
Panfilo Lacson, pinuno ng Senate ways and means committee, na “resonable" ang
magiging lugi ng pamahalaan sa pag-alis ng DST kapalit ng maliit na tulong na
maibibigay sa kabayaihan ng mga OFW na tumutulong para mapanatiling nakaangat
ang ekonomiya ng bansa. “Yung sa OFW I think it’s reasonable. Maski minimal ang
amount involved, but then the committee is inclined to recommend to the floor the
abolition of DST on remittances," pahayag ni Lacson pagkatapos ng pagdinig tungkol sa
DST sa remittance ng mga OFW, personal loans sa mga pawnshops at sa insurance.
“(The) bottom line is, we recognize them as modern-day heroes, they should be given

that recognition in the proper way. 'Di lang puro rhetoric and lip service kundi bigyan
sila ng break," idinagdag niya. Ito rin umano ang tamang panahon para bigyan ng
kaunting kaluwagan ang mga OFW na itinuring mga bagong bayani ng bansa. “Kung
wala yung OFW remittances matagal nang bagsak ang Philippine economy, collapse na
tayo. So even if only for that, we should recognize them as real modern-day heroes,
saviors of the republic," ipinaliwanag ng mambabatas. Maliit umanong halaga kung
tutuusin ang P1 bilyong mawawala sa kita ng gobyerno bawat taon kumpara sa bilyonbilyong
dolyar na ipinapadala ng mga OFW sa remiitances bawat taon. Noong 2008,
umabot sa pinakamataas na $16 bilyon ang ipinadalang remittances ng mga OFW.
Inaasahang malalampasan ang naturang halaga ngayong 2009.
REHIYON
Binay humingi ng panalangin para sa bagong apo
HINILING ni Makati Mayor Jejomar Binay sa publiko na samahan ang kanilang pamilya
sa pagdarasal para sa sanggol na naiwan ng kanyang namayapang manugang na si
Kennely Anne. "Mayor Binay is asking for prayers for the 7-month-old baby of Councilor
[Jejomar] Junjun Binay... The baby is a girl," ani Joey Salgado, Makati City information
office chief. Sa kasalukuyan ay minomonitor aniya ang sanggol, na pre-mature na
naipanganak dahil sa maagang pagpanaw ng ina nito, sa Makati Medical Center. Ang
ina ng sanggol na si Kennely Anne ay namatay kahapon ng tanghali dahil sa
komplikasyon na dulot ng mahirap na pagbubuntis. Sa isang kalatas na inilabas ng
pamilya Binay, sinabi nito na mahigit sa isang buwan nang naka-confine sa ospital si
Kennely Anne dahil sa hirap sa pagbubuntis. Naiwan din ni Kennely Anne, na kilala rin
bilang “Ken-ken”, ang kanyang mga anak na sina Jejomarie Alexi, 6, Maria Isabel, 3, at
Jejomar III, 1.
4 pekeng 'Feng Shui' experts ipinatapon ng BI
TULUYAN nang pinutol ng Bureau of Immigration (BI) ang pamamayagpag ng apat na
dayuhang nagpapanggap na ‘feng shui’ experts dahil sa kawalan ng work visa sa
paghahanapbuhay bilang fortune tellers at feng shui experts. Nabatid na nag-isyu na
ng deportation order ang BI board of commissioners, na pinamunuan ni Immigration
Commissioner Marcelino Libanan, na nagbasura naman sa inihaing apela ng apat na
dayuhan noong Agosto 3, 2009. Kabilang sa ipinatatapon pabalik sa China sina Chen
Ruiying, Huang Tumei, In Meili at Wo Shaoyun. Noon pang Pebreo 11, 2009 nang i-turn
over ng Manila Police District sa BI ang mga babaeng feng shui experts. Na-dismiss na
ang mga kasong criminal na inihan laban sa kanila ng MPD at anumang oras ay maari
na silang ideport. Modus operandi ng mga pekeng manghuhula ang biktimahin ang
kapwa nila Chinese nationals at linlangin at tangayan ng pera at alahas.
Negosyante na 5-taon nagmaltrato ng kasambahay kakasuhan
ITUTULOY ng 18-anyos na kasambahay na sampahan ng kaukulang kaso ang among
negosyante dahil sa umano’y pagmamaltrato sa kanya ng limang taon. Una ng sinagip
ng Commission on Human Rights (CHR), Department of Social Welfare and
Development (DSWD) at Quezon City Police ang biktimang si Mary Jane Sollano dahil
matagal na itong minamaltrato at ikinukulong ng kanyang among si Mariano
Tanenglian. Isusulong pa rin ng pamilya Sollano ang kaso sa kabila ng pagpapapirma
ng waiver ni Tanenglian para mapalaya ito. Inakala ng mga magulang ng biktima na
patay na ito at natunton lang ng makatakas ang kasamahang maid at naireport ang
pagmamalupit ng suspek. Bunsod nito’y sumisigaw ng katarungan ang mga kaanak ni
Sollano dahil sa trauma na dinanas ng biktima mula sa pang-aabusong pisikal at
emosyonal ng dalawang anak at asawa ni Tanenglian na si Aleta. Sa reklamo ng
biktima, bukod sa kayod kalabaw siya ay hindi pa pinakakain sa oras at di

pinapayagang lumabas ng bahay o tumawag sa kanyang mga kaaanak sa telepono.
Magugunita na sinabi ni Atty. Melanie Trinidad, na hiningan ng tulong ng pamilya ng
dalaga, na posibleng maharap sa kasong child abuse at maltreatment ang pamilya
Tanenglian dahil 13-anyos pa lang ang biktima ng maging kasambahay ito.
Shabu tiangge raid: 1 dedo, 27 tiklo
ISANG lalaki na sinasabing notoryus drug pusher ang iniulat na namatay samantalang
27 iba pa ang naaresto ng pulisya sa shabu tiangge raid sa bayan ng Bińan, Laguna
kahapon ng umaga. Kinilala ni P/Chief Supt. Perfecto Palad, Region 4-A ang namatay na
si Jojo Pinedo na sinasabing nalunod matapos magtangkang takasan ang mga pulis
kung saan tumalon sa Laguna de Bay. Sa bisa ng search warrant na ipinalabas ni Judge
Ceasar Mangrobang ng Cavite Regional Trial Court, sinalakay ng pinagsanib na
elemento ng Laguna Police Provincial Office, Bińan PNP, Philippine Drug Enforcement
Agency, Maritime Group at ang Criminal Investigation and Detection Group (CIDG) ang
Barangay Malaban bandang alas-8 ng umaga Nabatid na ang Brgy. Malaban ay isang
coastal barangay sa gilid ng Laguna de Bay na ginagawang pugad ng mga drug adik at
drug pusher kung saan mahirap marating ng mga awtoridad.
BALITANG ABROAD
Libing ni Michael Jackson inilihim
NAILIBING na sa Forest Lawn Cemetery sa Hollywood Hills sa Los Angeles ang labi ng
King of Pop na si Michael Jackson. Ito ang iniulat kahapon ng <strong>Daily</strong> Mirror na nagsabing
pinakalihim-lihim ng pamilya ni Jackson ang kanyang libing at ang kinaroroonan ng
kanyang puntod. Hindi sinabi sa ulat na ipinoste rin sa website ng Metro ang eksaktong
araw ng libing ng singer na yumao noong Hunyo 25. Tahimik lang at napakapribado ng
libing na tanging mga miyembro ng pamilya ni Jackson ang dumalo. Ito ang unang
pagkakataon na nakumpirmang nailibing na si Jackson pagkaraan ng mahigit isang
buwan mula nang bawian siya ng buhay. Walang tagahanga na nakadalo sa libing dahil
hindi nga ito ipinapaalam ng pamilya ng singer sa publiko. Nangangamba ang pamilya
na pagkaguluhan ang puntod ni Jackson kaya inililihim ang lokasyon nito na maging
ang mga tauhan ng sementeryo ay hindi nakakaalam. Tanging ang pangasiwaan ng
sementeryo at ang pamilya ang nakakabatid. Pinalipas ng pamilya ang ilang linggo
bago nila inilibing si Jackson. Naibalik na sa kanyang ulo ang kanyang utak na naunang
inalis para suriin ng mga awtoridad.
India, Japan niyanig ng lindol
PORT BLAIR, India --- Niyanig ng 7.6 magnitude na lindol ang malayong isla ng Andanan
kahapon na nagbunsod upang mag-panic ang mga tao at lumisan sa kanilang mga
tahanan sa takot na salantahin ng tsunami.?Ipinalabas agad ang Indian Ocean tsunami
alert sa India, Myanmmar, Indonesia, Thailand at Bangladesh bago ito kinansela ng
Pacific Tsunami Warning Center ng US National Weather Service.?Naganap ang lindol
bandang ala-1:55 ng madaling-araw sa layong 260 kilometro ng north ng Port Blair at
may lalim na 30 kilometro.?Ayon sa emergency service control center sa Port Blair, ang
pangunahing bayan sa Andaman Islands, wala namang naiulat na namatay o nasira
dulot ng lindol maliban sa ilang pagbitak ng gusali sa northern islands. “We are
gathering information from all the islands but up to now there are no reports of loss of
life or damage to property,” sabi pa ng isang opisyal dito.?Samantala, niyugyog din ng
magnitude 6.6 na lindol ang Tokyo, Japan kahapon na naramdaman din sa ilang kalapit
na lugar.?Pansamantalang itinigil ang biyahe ng local trains kasabay ng paginspeksyon
sa dalawang nuclear reactors sa lugar.
Tongan transport minister nagbitiw matapos ang ferry disaster

NUKU’ALOFA --- Nagbitiw ang Tongan’s transport minister na si Paul Karalus nitong
Martes, subalit nilinaw nito na hindi nito inaako ang responsibilidad sa naganap na ferry
disaster nitong nakalipas na linggo na pinaniniwalaang ikinasawi ng may 95 pasahero.?
Sinasabing ang Princess Ashika ay hindi na angkop para bumiyahe matapos itong
lumubog nitong nakaraang Miyerkules ng gabi sa northeast ng Nuku’alofa habang
patungo ito sa norte ng Nomuka islands.?Nang tanungin ng mga mamamahayag kung
nagbitiw ito kaugnay sa pagkakalubog ng ferry, iginiit ni Karalus na ang Princess Ashika
ay seaworthy.?Idinagdag nito na nagbitiw siya upang matiyak na ang gawain ng komisyon
sa pag-iimbestiga sa naturang disaster ay magiging maayos.?“The royal
commission responds to the privy council and as a cabinet minister I am a privy
councilor,” ani Karalus sa isang press conference.?Ang barko ay biglang lumubog at 54
survivors lamang ang nailigtas. Dalawang bangkay ang narekober at tinatayang 93
katao pa ang nawawala.
ISPORTS
Roach walang dapat ipangamba kay Cotto
NAKILALA sa world boxing scene si Miguel Angel Cotto na isang napakalakas na
welterweight fighter. Ngunit sa kanilang megafight ni Filipino boxing superstar Manny
Pacquiao, hindi nangangamba si American trainer Freddie Roach sa mga pakakawalang
suntok ng Puerto Rican. “Manny is not going to back out for anybody. Manny has a
really good chin because he has a big heart,” ani Roach sa panayam kahapon ng
Doughouseboxing.com. “Of course Cotto’s power is a major concern for me but I really
think that we will have no problems. I’m training Manny not to get hit.” Nakatakda ang
salpukan ng 30-anyos na si Pacquiao at ng 28-anyos na si Cotto sa Nobyembre 14 sa
MGM Grand Garden Arena sa Las Vegas, Nevada kung saan itataya ng huli ang
kanyang suot na World Boxing Organization (WBO) welterweight crown. Ibinabandera ni
Pacquiao, naghari na sa flyweight, super bantamweight, super featherweight,
lightweight at light welterweight divisions, ang 49-3-2 win-loss-draw ring record kasama
ang 37 KOs, habang may 34-1-0 win-loss-draw ring record kasama ang 27 KOs kumpara
sa 49-3-2 (37 KOs) card naman si Cotto. Kasalukuyan nang pinapanood ng 49anyos
na si Roach ang anim na laban ni Cotto, kabilang na ang kanyang panalo kay
Sugar Shane Mosley noong 2007. “I have already watched several hours of Cotto’s
fights. I have been concentrating on how well he did against Shane Mosley. How he
neutralized Shane’s speed. Yes, we will have a great game plan for Cotto,” sabi ni
Roach. Kaugnay naman sa kanilang gagawing training ni Pacquiao, ang bagong
International Boxing Organization (IBO) light welterweight titlist, sinabi ni Roach na
posible nila itong gawin sa Baguio City. “Because of immigration laws he must spend
five weeks training outside America. The laws say we can spend 183 days (yearly) in
America and that means the last three weeks of training will be here at the WildCard,”
ani Roach. “Right now the plans are to train in Baguio City in the Philippines at the
Olympic Training Center.” Nauna nang ikinunsidera ng kampo ni “Pacman” ang
pagsasanay sa Bahamas, Vancouver, Canada at Mexico.
RP yuko sa Iran pero pasok sa KO stage
YUMUKOD ang Powerade Team Pilipinas sa Iran sa ikatlong sunod na pagkakataon sa
kanilang tatlong beses na pagkikita ngunit sa tulong ng Japan, napormalisa ang
kanilang pagpasok sa knockout stage ng 25th FIBA Asia Championship sa Tianjin Gym
dito. Hindi kinaya ng Nationals ang size advantage ng Iranians dahil kay 7-foot-3 center

Hamed Ehadadi at 6-foot-8 forward Nikkhah Bahrami sa kanilang 78-88 loss matapos
ang krusyal na 77-70 panalo sa Chinese-Taipei noong Lunes ng gabi. Dahil sa panalo
ng Iranians, naghintay pa ang Nationals ng ilang oras para masiguro ang pagpasok sa
quarterfinal round -- salamat sa panalo ng Japan sa Kuwait, 71-58. Ngunit kailangan pa
ring talunin ng Powerade RP ang Kuwait sa pagsasara ng elimination round ngayon
para magtapos bilang third sa Group E at makaiwas sa bigating China sa quarterfinals.
Ang third-place finish sa Group E ay nangangahulugang makakalaban ng Philippines
ang Jordan o Lebanon sa quarters. “The loss had its upsides. This is a good pre-paration
for the crossover knockout stage. If we can avoid China, we’re likely to be up against
Lebanon or Jordan. Our experience versus Iran could go a long way for our probable
upset win in the quarters,” sabi ni coach Yeng Guiao. “If we win that, we’ll already be in
the Final Four. So to me that’s the biggest game and we have to be ready for that. The
best preparation for that is this game,” dagdag ni Guiao. Kontra sa Iranians, hindi
binigyan ni coach Matic Veselin ang mga Pinoy ng pagkakataon nang ibabad niya si
Ehadadi –- naglalaro para sa Memphis Grizzly sa NBA.
Fil-Am football player gumawa ng pangalan sa US
KAGAYA nina Miami Heat head coach Erik Spoelstra, world flyweight champion Nonito
“The Filipino Flash” Donaire, Jr. at professional wrestler Batista, ikinararangal rin ni
major football league player Steve Slaton ang pagiging Pinoy. Maliban kina Tedy
Bruschi at Roman Gabriel, gumagawa na rin ng pangalan si Slaton sa National Football
League (NFL) para sa koponan ng Houston Texans. “It’s just something that I’m very
proud of and something that is a great heritage,” ani Slaton sa panayam ng Associated
Press. “It’s a little unknown, but I appreciate it 100 percent.” Ang kanyang maternal
grandmother na si Rosalina Billingsley ay ipinanganak sa Pilipinas bago nagtungo sa
United States matapos makilala si William mula sa pagtitinda ng gulay noong World
War II. “My grandmother, she’s from Manila,” wika ni Slaton. “My grandfather met her
in World War II and I guess he fell in love at first sight and brought her over here.” Ang
ina ni Slaton na si Juanita Tiggett-Slaton ay kasalukuyan ring nasa US. Katulad ng 6foot-8
na si Batista, ang tunay na pangalan ay Dave Bautista, nagdadala rin si Slaton
ng tattoo na Philippine flag sa kaliwang bahagi ng kanyang dibdib. Naglista si Slaton ng
halos 4,000 yards average sa kanyang tatlong taon para sa West Virginia bago napili
ng Houston, Texans bilang No. 3 overall sa 2008 NFL Draft. Nagkaroon ng pagkakataon
si Slaton na makapaglaro nang magkaroon ng injury si Ahman Green. Pinamunuan ni
Slaton ang lahat ng NFL rookies mula sa kanyang 1,284 yards at naging kaunaunahang
1,000-yard rusher ng Houston sapul noong 2004.
SHOWBIZ
Rochelle nag-deny na may sex video

NAGULAT ang Daisy Siete Season 23 lead actress na si Sexbomb Rochelle Pangilinan
tungkol sa tsismis na may sex video scandal daw siya. Tinawanan lang nito ang
malisyosong tsika dahil hindi naman ito totoo. Kaya ayaw na niyang mag-react para
mamatay na lang nang kusa ang naturang isyu. Inamin din ni Rochelle na napo-pogian
siya kay Dr. Hayden Kho noong hindi pa pumuputok ang kontrobersiyal nitong sex video.
Kahit sino naman sa showbiz noon ay talagang sinasabi na guwapo ang ex ni Dra.
Vicki. ‘Yun nga lang hindi niya type si Hayden at hindi pa raw niya ito nami-meet nang
personal. Kaya pakiusap ni Rochelle ay tigilan ang isyu na may sex video siya. Happy si
Rochelle sa magandang rating ng “Cha Cha Muchacha” kaya kahit walang lovelife ay
inspired na inspired siyang magtrabaho.
Willie nag-file ng indefinite leave
HINDI suspendido ang Wowowee host na si Willie Revillame bagkus nag-file ito ng
indefinite leave nu’n pang Sabado, Agosto 8. Wala ding news blackout ang ABS-CBN
hinggil sa isyung kinasasangkutan ngayon ng TV host –- ang pagpapatanggal diumano
nito ng coverage sa paglilipat ng mga labi ni dating Presidente Cory Aquino sa Manila
Cathedral. Aware si Willie sa naging reaksiyon ng mga tao dahil may mga text brigade
na naglalabasan hinggil sa kaniyang sinabi na hindi nagustuhan ng mga manonood.
Humingi na ng apology si Willie sa pamilya Aquino. Ang mga lady co-host na sina
Mariel Rodriguez, Pokwang, Valerie Concepcion at RR Enriquez ang siya ngayong
nagtutulung-tulong para masaya ang mga manonood lalung-lalo na ang TFC na nasa
loob ng studio. Sa interview ni Mario Dumaual sa TV Patrol kay Mariel kung bakit wala si
Willie sa noontime show mula pa nu’ng Sabado, sinabi ng dalaga na nag-text ang TV
host at nagpapahinga. “Yes po, naka-leave siya (Willie)… indefinitely.” Ayon din sa
head ng ABS-CBN’s Corporate Communications na si Bong Osorio, sinabi nitong nagtext
sa kaniya si Willie at sinabing indefinite leave ang TV host mula pa nu’ng Sabado.
Hinikayat naman ng Movie and TV Review and Classification Board (MTRCB) ang
Kapisanan ng mga Brodkaster sa Pilipinas (KBP) na aksyunan ang naturang insidente.
Gabby, nakatikim ng sampal kay LT
BALIK-TRABAHO na muli si Lorna Tolentino. Magkasama sila ni Gabby Concepcion sa
bagong TV show ng Dos, ang Dahil May Isang Ikaw. Nakakaramdam na rin ng pagkainip
si LT, kaya’t nag-taping na sila ng naturang teleserye. Inaalat nga si Gabby, dahil ilang
salang pa lang sa taping nila, nakatikim na agad ng sampal kay LT. Babaero kasi, kaya
hayun, nahuli ni LT at nakatikim ng award na sampal. Malakas pa rin ang hatak ni
Gabby sa mga tagahanga. Sa Best Friends Forever nga, isang eksena lang na tinawag
siyang papa ni Ai Ai Delas Alas, umugong agad ang pagkabigla at tuwa ng mga
tagahanga. Masaya ang aktor, kahit paano, may bonding na sila ng anak na si KC
Concepcion na ‘di tulad noong araw na parang bawal silang magkita at mag-usap. Wish
nga ni Gabo, magkasama sila ni KC sa kahit anong project.
BALITANG A-KYUT
Honor guard na pulis isinali sa Guinness

ISASALI ng Philippine National Police sa Guinness Book of World Records ang honor
guard na si PO2 Danilo Malab Jr. na kabilang sa apat na presidential cortege sa libing ni
dating Pangulong Corazon ‘Cory‘ Aquino. Ayon kay PNP Spokesman Sr. Supt. Leonardo
Espina, isinumite na nila kahapon sa official website ng Guinness na nakabase sa
England ang ipinakitang katatagan at pagiging propesyunal ni Malab sa pagtupad ng
misyon. Sinabi ni Espina na posibleng manalo sa ibang kategorya si Malab dahil iba
naman ang ipinamalas ni Suresh Joachim ng India kung saan ay tumayo ito ng halos
walang katinag-tinag sa loob ng 21 oras at 30 minuto Gayunman, hindi naman matiyak
ng PNP spokesman kung nakakain si Joachim habang nakatayo at kung nasa loob ito ng
isang gusali ‘di tulad ng apat na honor guards na mahigit siyam na oras nakatayo sa
funeral march ni Cory mula Manila Cathedral sa Intramuros, Manila patungong Manila
Memorial Park sa Sucat, Parańaque City sa gitna ng pagbuhos ng ulan at init ng araw
habang umaandar ang truck ng walang kain at inom. Idinagdag pa ng opisyal na ang
ginawa ni PO2 Malab ay hindi biro sa ipinakitang matinding disiplina at sakripisyo na
hindi naman nito napaghandaan di tulad ni Suresh na nakapagsanay muna bago
sumabak sa pagsubok. Sa panig ng AFP, sinabi naman ni AFP-PIO Chief Lt. Col. Romeo
Brawner Jr. na hindi sa kanilang hanay dapat na magmula kung ilalahok rin sa
Guinness ang kanilang magigiting na honor guards na sina Army Private First Class
Antonio Cadiente, Airman Second Class Gener Laguindam at Navy Petry Officer 3
Edgardo Rodriguez.
ALAM N’YO BA?
Bahay ni Cory sa Times, gigibain!
KATATAPOS lamang ng pasiyam ni Tita Cory last Sunday kaya ikinuwento muna ni Kris
kung ano ang nangyari sa nasabing okasyon. Nagkaroon daw ng pamisa sa bahay ng
panganay na kapatid na si Ballsy at pagkatapos ay pumunta na sila sa Manila Memorial
Park. Lahat daw ng mga nagtrabaho sa arrangement ng pagyao ng ina ay kasama nila
at siyempre, present silang magkakapatid at kani-kanilang pamilya, gayundin ang
doktor ng ina na si Dr. Ayco. Sinabi ni Kris na lahat daw ng mga tumulong, kumanta at
nag-alay sa ina ay binilhan niya ng thank you gift na siya na ang nag-shoulder mula sa
kanyang sariling bulsa. Isa sa pinakaimpor-tanteng nalinaw ni Kris ay kung ano ang
mangyayari sa bahay nila sa Times St., West Triangle. Tinanong ng host na si Boy
Abunda kung totoo bang gigibain ba ito at magtatayo ng panibagong bahay. "Yes, ang
Times Street, gigibain namin. At ang hiningi lang ni Noy sa akin, dalawang kuwarto for
him and a meeting room. So, because alam mo naman ako, feeling ko, ako ang
magbabayad, so puwede ako magsabi, 'Josh needs a pool.' Sabi ko, ‘And Josh needs a
play room.’ He needs a tutorial room because ’yon ’yung special sa kanya. Diyan siya
nagtu-tutoring lahat.” Hiniling din daw niya na magkaroon ng open kitchen at
magkaroon ng sari-sariling kuwarto ang mga anak niya para naman minsan ay doon
matutulog ang mga ito at hindi makapag-uwi si Sen. Noynoy ng kung sinu-sino. Sinabi
rin ni Kris na nakapangalan na raw kay Sen. Noynoy ang bahay sa Times at habang
ginagawa raw ito ay doon muna titira ang kapatid sa isang condo unit na ipinahihiram
ng kaibigan.
PAUNAWA
Ang mga impormasyon dito ay kinalap at iniayos ng Brent & Strauss Integrated
Communications, Inc. para sa Jadran pismo d.o.o. • Tel. +385 51 403 185 • Fax +385 51 403

189 • Email: news@jadranpismo.hr